Category: KERALA

കോഴിക്കോട്: മാങ്കാവ് എം. ഐ. യു. പി. സ്കൂളിൽ പച്ചക്കറി തോട്ട നിർമ്മാണോദ്ഘാടനം മർകസ് ഡയറക്ടർ ജനറൽ സി. മുഹമ്മദ് ഫൈസി നിർവഹിച്ചു. പരിമിതമായ സാഹചര്യത്തിലും സ്കൂൾ ഉച്ചഭക്ഷണ വിഭവങ്ങളിൽ സ്വയം പര്യാപ്തത കൈവരിക്കുന്നതിനായി വിദ്യാർത്ഥികളും അധ്യാപകരും കാണിക്കുന്ന താല്പര്യവും സന്നദ്ധതയും അദ്ദേഹം അഭിനന്ദിച്ചു. സ്കൂൾ മാനേജർ എൻ. സി. അബ്ദുൽ അസീസ് ഹാജിയുടെ അദ്ധ്യക്ഷതയിൽ ചേർന്ന യോഗത്തിൽ മർകസ് അസോസിയേറ്റ് ഡയറക്ടർ എജ്യുക്കേഷൻ ഉനൈസ് മുഹമ്മദ്, മർകസ് കോളേജ് ഓഫ് ആർട്സ് ആന്റ് സയൻസ് പ്രിൻസിപ്പൽ പ്രൊഫ. കെ. വി. ഉമറുൽ ഫാറൂഖ്, കോസ്റ്റൽ എജുക്കേഷൻ മിഷൻ ഡയറക്ടർ അബ്ദുല്ലത്തീഫ് സഖാഫി തുടങ്ങിയവർ സംസാരിച്ചു. കോഴിക്കോട് സബ്ജില്ലാ അറബിക് കലോത്സവം ഓവറോൾ ചാമ്പ്യന്മാരായ സ്കൂളിലെ കലാപ്രതിഭകൾക്കുള്ള ഉപഹാരങ്ങൾ മുഖ്യാതിഥി യു. ആർ. സി. സൗത്ത് ബി.പി.സി. പ്രവീൺകുമാർ സമ്മാനിച്ചു. വിദ്യാർത്ഥികൾ മൂല്യങ്ങൾ മുറുകെപ്പിടിക്കാനും രാഷ്ട്രബോധമുള്ള ഉത്തമ…

തിരുവനന്തപുരം: സംസ്ഥാന സ്കൂൾ കായികമേളയിലെ ജേതാക്കളെ അനുമോദിക്കുന്ന ചടങ്ങില്‍ വിദ്യാഭ്യാസ മന്ത്രി വി. ശിവൻകുട്ടി പങ്കെടുത്തില്ല. ഓവറോൾ ചാമ്പ്യന്മാരായ തിരുവനന്തപുരം ടീമിന് മണക്കാട് സ്കൂളിൽ നൽകിയ അനുമോദന ചടങ്ങിൽ നിന്നാണ് മന്ത്രി വിട്ടു നിന്നത്. പരിപാടിയിൽ മന്ത്രി പങ്കെടുക്കുമെന്നായിരുന്നു ഓഫീസിൽ നിന്ന് ആദ്യം അറിയിച്ചത്. മറ്റ് പരിപാടികൾ ഇതേ സമയം ഷെഡ്യൂൾ ചെയ്തിരുന്നതുമില്ല. എന്നാൽ അവസാന നിമിഷം പരിപാടിയിൽ പങ്കെടുക്കാതിരുന്നത്, മറ്റ് പരിപാടികളുടെ തിരക്കു മൂലമാണെന്നാണ് മന്ത്രിയുടെ ഓഫീസ് നൽകുന്ന വിശദീകരണം. കായികമേള പോയിൻ്റിനെ ചൊല്ലിയുള്ള തർക്കമാണ് വിട്ടുനിൽക്കലിന് പിന്നിൽ എന്നാണ് സൂചന. കായിക മേളയിലെ അത്ലറ്റിക് വിഭാഗത്തിൽ തിരുവനന്തപുരം ജി വി രാജ സ്കൂളിന് രണ്ടാം സ്ഥാനം നൽകിയത് വിവാദമായിരുന്നു. തിരുനാവായ നാവാ മുകുന്ദ സ്കൂളും കോതമംഗലം മാർ ബേസിൽ സ്കൂളും ഇതിനോടകം നിയമ നടപടികളും ആരംഭിച്ചു കഴിഞ്ഞിട്ടുണ്ട്. സ്കൂൾ കായികമേളയുടെ സമാനതകളില്ലാത്ത സംഘാടന മികവിന്റെ…

കണ്ണൂർ: പി വി അന്‍വര്‍ എംഎല്‍എക്കെതിരെ മുഖ്യമന്ത്രിയുടെ പൊളിറ്റിക്കല്‍ സെക്രട്ടറി പി ശശി ക്രിമിനല്‍ മാന നഷ്ടക്കേസ് ഫയല്‍ ചെയ്തു. തലശ്ശേരി, കണ്ണൂര്‍ ഫസ്റ്റ് ക്ലാസ് ജുഡീഷ്യല്‍ മജിസ്‌ട്രേറ്റ് കോടതികളിലാണ് ഹര്‍ജികള്‍ നല്‍കിയിട്ടുള്ളത്. വിവിധ സമയങ്ങളിലായി പി ശശിക്കെതിരെ അന്‍വര്‍ 16 ഗുരുതര ആരോപണങ്ങള്‍ ഉന്നയിച്ചിരുന്നു. ഈ ആരോപണങ്ങള്‍ പിന്‍വലിച്ച് മാപ്പ് പറയണമെന്ന് ആവശ്യപ്പെട്ട് ശശി അയച്ച വക്കീല്‍ നോട്ടീസിന് അന്‍വര്‍ മറുപടി നല്‍കിയിരുന്നില്ല. ഇതേ തുടര്‍ന്നാണ് അന്‍വറിനെതിരെ ശശി കോടതിയില്‍ ക്രിമിനല്‍ കേസ് ഫയല്‍ ചെയ്തത്. പി വി അന്‍വറിന് പിന്നില്‍ അധോലോക സംഘങ്ങളെന്ന് പി ശശി ആരോപിച്ചു. സര്‍ക്കാരിന്റെ നീക്കങ്ങളില്‍ ഇവര്‍ അസ്വസ്ഥരെന്നും മുഖ്യമന്ത്രിയെ ലക്ഷ്യമിട്ടാണ് തനിക്ക് നേരെയുള്ള അക്രമം എന്നും അദ്ദേഹം വ്യക്തമാക്കി. ഇടതുപക്ഷ ജനാധിപത്യ മുന്നണി ഭരണത്തില്‍ നേട്ടമുണ്ടാകാത്ത ഒരു കുടുംബവും കേരളത്തില്‍ ഇല്ലെന്നും പി ശശി പറഞ്ഞു. സര്‍ക്കാരിനുള്ള പിന്തുണ…

കണ്ണൂർ: നാടക സംഘം സഞ്ചരിച്ചിരുന്ന മിനി ബസ് മറിഞ്ഞ് മരണപ്പെട്ട രണ്ടു പേരുടെ കുടുംബങ്ങള്‍ക്ക് അടിയന്തര ധനസഹായമെന്ന നിലയില്‍ സാംസ്‌കാരിക ക്ഷേമനിധി ബോര്‍ഡ് 25000 രൂപ വീതം അനുവദിച്ചു. അപകടത്തിൽ മരിച്ച കായംകുളം മുതുകുളം സ്വദേശിനി അഞ്ജലി, കരുനാഗപ്പള്ളി തേവലക്കര സ്വദേശിനി ജെസി മോഹൻ എന്നിവരുടെ കുടുംബങ്ങൾക്കാണ് അടിയന്തര സഹായം നൽകുക. പരിക്കേറ്റ് ആശുപത്രിയില്‍ ചികിത്സയില്‍ കഴിയുന്നവരുടെ ചികിത്സാ ചെലവുകള്‍ സാംസ്‌കാരിക വകുപ്പ് ഏറ്റെടുക്കുമെന്നും അദ്ദേഹം പറഞ്ഞു. മരണപ്പെട്ട രണ്ടു പേരും നാടകത്തിലെ നായികമാരായിരുന്നു. അവരുടെ മരണം ഏറെ വേദനാജനകമാണെന്ന് മന്ത്രി തന്റെ അനുശോചനക്കുറിപ്പില്‍ പറഞ്ഞു. മരണപ്പെട്ടവരുടെ ഭൗതികശരീരം കൊണ്ടുപോകുവാനും ആശുപത്രിയില്‍ നിന്നും ഡിസ്ചാര്‍ജ് ചെയ്യപ്പെടുന്നവര്‍ക്കുമായുള്ള ആംബുലന്‍സ് സൗകര്യങ്ങള്‍ ഏര്‍പ്പെടുത്താന്‍ കേരള സംഗീത നാടക അക്കാദമിയോട് നിര്‍ദേശിച്ചിട്ടുണ്ടെന്നും മന്ത്രി അറിയിച്ചു. കൂടുതല്‍ സഹായങ്ങള്‍ നല്‍കുന്ന കാര്യം സര്‍ക്കാര്‍ പരിശോധിക്കുമെന്നും മന്ത്രി വ്യക്തമാക്കി. രാത്രിയില്‍ നാടകം കഴിഞ്ഞ് കടന്നപ്പള്ളിയിൽ…

കോഴിക്കോട്: ശൈഖ് അബുബക്കർ ഫൗണ്ടേഷൻ നടത്തുന്ന സ്കോളർ സ്പാർക് ടാലന്റ് ഹണ്ട് പരീക്ഷക്ക് അപേക്ഷ ക്ഷണിച്ചു. 2024 -25 അധ്യയന വർഷത്തിൽ എട്ടാം ക്ലാസ്സിൽ പഠിക്കുന്ന വിദ്യാർഥികൾക്കാണ് പരീക്ഷക്ക് അപേക്ഷിക്കാനാവുക. പരീക്ഷയുടെയും അഭിമുഖത്തിന്റെയും അടിസ്ഥാനത്തിൽ തെരഞ്ഞെടുക്കപ്പെടുന്ന വിദ്യാർഥികൾക്ക് പ്ലസ് ടു പഠനം വരെയും മികവ് പുലർത്തുന്നവർക്ക് പി ജി തലം വരെയും സ്കോളർഷിപ്പും മെന്റർഷിപ്പും നൽകും. 2024 നവംബർ 15 മുതൽ ശൈഖ് അബുബക്കർ ഫൗണ്ടേഷൻ വെബ്സൈറ്റ് വഴി അപേക്ഷിക്കാം. ഡിസംബർ അഞ്ചിനാണ് അപേക്ഷിക്കേണ്ട അവസാന തിയ്യതി. 2025 ജനുവരി 11 നാണ് പരീക്ഷ. കേരളത്തിലും ലക്ഷദ്വീപിലും ഇന്ത്യയിലെ തിരഞ്ഞെടുക്കപ്പെട്ട നഗരങ്ങളിലും പരീക്ഷ സെന്ററുകളുണ്ട്. അപേക്ഷിക്കുന്ന സമയത്തു തന്നെ പരീക്ഷ സെന്ററുകൾ തെരഞ്ഞെടുക്കാം. ഡിസംബർ 15 നു ശേഷം വെബ്‌സൈറ്റിൽ കയറി പരീക്ഷയിലെ സാന്നിധ്യം ഉറപ്പിക്കുകയും ഹാൾ ടിക്കറ്റ് ഡൗൺലോഡ് ചെയ്യുകയും വേണം. രണ്ടു മണിക്കൂർ നീളുന്ന…

ശബരിമല: മണ്ഡല- മകര വിളക്ക് തീർത്ഥാടനത്തിനായി ശബരിമല നട ഇന്ന് തുറന്നു. വൈകീട്ട് നാലു മണിയോടെയാണ് മണ്ഡല കാല പൂജകൾക്കായി ശബരിമല ക്ഷേത്ര നട തുറന്നത്. മേൽശാന്തി പി എൻ മഹേഷ് നട തുറന്ന് ദീപം തെളിയിച്ചു. ക്ഷേത്രം തന്ത്രി കണ്ഠര് രാജീവര് താഴമൺ മഠത്തിൽ പ്രത്യേക പരിശീലനം പൂർത്തിയാക്കി എത്തിയ നിയുക്ത മേൽശാന്തിമാരെ കൈപിടിച്ച് പതിനെട്ടാം പടി കയറ്റി സന്നിധാനത്തിലേക്ക് എത്തിച്ചു. ആദ്യം ശബരിമല മേൽശാന്തിയുടെയും പിന്നീട് മാളികപ്പുറമേൽശാന്തിയുടെയും അഭിഷേകം നടക്കും. പുതിയ മേൽശാന്തിയായിതെരഞ്ഞെടുക്കപ്പെട്ട അരുൺകുമാർ നമ്പൂതിരിയായിരിക്കും നാളെ പുലർച്ചെ 3 മണിക്ക് നട തുറക്കുക. ഡിസംബർ 26ന് മണ്ഡലപൂജ ദിവസം വരെയുള്ള എല്ലാദിവസവും ക്ഷേത്രത്തിൽ പ്രത്യേക പൂജകൾ ഉണ്ട്. ഈ വർഷത്തെ മകരവിളക്ക് ഡിസംബർ 30 നാണ്. മണ്ഡല പൂജകൾ അവസാനിച്ച് ഡിസംബർ 26 ന് രാത്രി 11 മണിക്ക് നട അടച്ച് മകരവിളക്ക്…

കണ്ണൂര്‍: കണ്ണൂർ ജില്ലയിലെ കേളകത്ത് മലയമ്പാടി റോഡിലെ കൊടും വളവിലേക്ക് നാടകസംഘം സഞ്ചരിച്ചിരുന്ന മിനിബസ് മറിഞ്ഞ് രണ്ട് പേർ മരിക്കുകയും 12 പേർക്ക് പരിക്കേൽക്കുകയും ചെയ്തു. ഇന്ന് (നവംബര്‍ 15 വെള്ളിയാഴ്ച) പുലർച്ചെയായിരുന്നു സംഭവം. ഗൂഗിൾ മാപ്പിന്‍റെ നിർദേശം അനുസരിച്ച് ഇടുങ്ങിയ വഴിയിലൂടെ യാത്ര ചെയ്‌തതാണ് അപകടകാരണമെന്ന് നാട്ടുകാര്‍ പറയുന്നു. മാപ്പിൽ കാണിച്ച എളുപ്പ വഴിയിലുടെയാണ് ബസ് കടന്നു പോയത്. മലയാംപടി എസ് വളവിലെത്തിയതും പെട്ടെന്ന് നിയന്ത്രണം വിട്ട ബസ് താഴ്‌ചയിലേക്ക് മറിഞ്ഞു. കായംകുളം മുതുകുളം സ്വദേശിനി അഞ്ജലി (32), തേവലക്കര സ്വദേശി ജെസി മോഹൻ എന്നിവരാണ് മരിച്ചത്. ഇരുവരും നാടക സംഘത്തിലെ പ്രധാന നടിമാരാണ്. കായംകുളം സ്വദേശികളായ ഉണ്ണി, ഉമേഷ്, സുരേഷ്, ഷിബു, എറണാകുളം സ്വദേശികളായ വിജയകുമാർ, ബിന്ദു, കല്ലുവാതുക്കൽ സ്വദേശി ചെല്ലപ്പൻ, കൊല്ലം സ്വദേശി ശ്യാം, അതിരുങ്കൽ സ്വദേശി സുഭാഷ് എന്നിവര്‍ക്കാണ് പരിക്കേറ്റത്. കായംകുളം…

കൊച്ചി: കൊടകര കള്ളപ്പണ കേസുമായി ബന്ധപ്പെട്ട അന്വേഷണ റിപ്പോര്‍ട്ട് അറിയിക്കണമെന്ന് നിര്‍ദ്ദേശിച്ച് ആദായനികുതി വകുപ്പിനും എൻഫോഴ്സ്മെന്റ് ഡയറക്ടറേറ്റിനും ഹൈക്കോടതി നോട്ടീസ് അയച്ചു. ജസ്റ്റിസ് ബെച്ചു കുര്യൻ തോമസ് ആണ് കേസുമായി ബന്ധപ്പെട്ട അന്വേഷണ പുരോഗതി മൂന്നാഴ്ചയ്ക്കകം അറിയിക്കാൻ നിർദ്ദേശിച്ചു കൊണ്ട് നോട്ടീസ് അയച്ചിരിക്കുന്നത്. കേസിൽ സംസ്ഥാന പോലീസ് മേധാവിയോടും കേന്ദ്ര തെരഞ്ഞെടുപ്പ് കമ്മീഷനോടും കോടതി വിശദീകരണം ആവശ്യപ്പെടുകയും ചെയ്തിട്ടുണ്ട്. അന്വേഷണവുമായി ബന്ധപ്പെട്ട് ഒരു നടപടിയും സ്വീകരിച്ചില്ലെന്നും വേഗത്തിൽ അന്വേഷണം പൂർത്തിയാക്കണമെന്നും ആവശ്യപ്പെട്ട് കൊടകര കവർച്ച കേസിലെ അൻപതാം സാക്ഷിയായ സന്തോഷാണ് ഹർജി സമർപ്പിച്ചത്. കൊടകരക്ക് അടുത്ത് ദേശീയപാതയിൽ ഒരു സംഘം കാറിൽ നിന്ന് പണം അപഹരിച്ചത് 2021 ഏപ്രിൽ മൂന്നിനാണ്. നിയമസഭാ തിരഞ്ഞെടുപ്പിന് ദിവസങ്ങൾ മാത്രം ശേഷിക്കെ നടന്ന സംഭവത്തിൽ ആദ്യഘട്ടത്തിൽ 25 ലക്ഷം രൂപ അപഹരിക്കപ്പെട്ടു എന്നാണ് പരാതി നൽകിയിരുന്നത് എങ്കിലും പിന്നീട് അത് 3.5…