എടത്വ: കലിതുള്ളിയെത്തിയ കാലവർഷം കുട്ടനാടിനെ മുക്കിയെങ്കിലും മഴയ്ക്ക് ശമനം ഉണ്ടായതുമൂലം ജലനിരപ്പ് താഴ്ന്നു തുടങ്ങിയിട്ടുണ്ട്. ഒട്ടുമിക്ക പ്രദേശങ്ങളും വെള്ളത്തിൽ മുങ്ങിയിരുന്നു. നൂറുകണക്കിന് വീടുകളിലാണ് വെള്ളം കയറിയത്. മിക്ക പഞ്ചായത്തിലും ആരംഭിച്ച ദുരിതാശ്വസ ക്യാമ്പിൽ നിരവധി കുടുംബങ്ങളാണ് എത്തിയത്. നൂറു കണക്കിന് കുടുംബങ്ങൾ ബന്ധുവീടുകളിൽ അഭയം തേടി. മുട്ടാർ, തലവടി, എടത്വ, വീയപുരം, തകഴി പഞ്ചായത്തിലാണ് കാര്യമായ ദുരിതം നേരിടേണ്ടി വന്നത്. കാലവർഷം എത്തും മുൻപേ വീശിയടിച്ച ശക്തമായ കാറ്റിൽ അപ്പർ കുട്ടനാട്ടിൽ നൂറിലേറെ വീടുകൾ തകർന്നു. 25 ഓളം വീടുകൾ താമസയോഗ്യമല്ലാത്ത നിലയിലുമായി. കിണറുകളിൽ മലിനജലം ഉറവയായി ഇറങ്ങിയത് മൂലം രൂക്ഷമായ ശുദ്ധജല ക്ഷാമമാണ് ഈ പ്രദേശങ്ങളിൽ അനുഭവിക്കുന്നത്. പല വാർഡുകളിലും പൊതു ടാപ്പുകൾ ഇല്ല. തുടർച്ചയായി വൈദ്യുതി മുടങ്ങുന്നത് മൂലം ഏക ആശ്രയം മഴ വെള്ളം മാത്രമായിരുന്നു. ദുരിതാശ്വാസ ക്യാമ്പുകളിലും വീടുകളിലും ലയൺസ് ക്ലബ് ഓഫ്…
ദുരിതാശ്വാസ ക്യാമ്പുകളില്‍ ലയൺസ് ക്ലബ് ഓഫ് എടത്വ ടൗണിന്റെ നേത്യത്വത്തില്‍ ശുദ്ധജല വിതരണം നടത്തി
