ബംഗളൂരു: രണ്ട് ദിവസത്തിനുള്ളിൽ തന്റെ അക്കൗണ്ടിൽ നിന്ന് ഏകദേശം 7 കോടി രൂപയുടെ ക്രയവിക്രയങ്ങള്‍ നടന്നതായി ബാങ്ക് ഉദ്യോഗസ്ഥർ അറിയിച്ചതിനെത്തുടർന്ന് നോർത്ത് ബെംഗളൂരുവിൽ നിന്നുള്ള എഞ്ചിനീയറിംഗ് വിദ്യാർത്ഥി വാസ്തവത്തില്‍ ഞെട്ടിപ്പോയി! കഴിഞ്ഞ നവംബറിൽ വിദ്യാർത്ഥിയുടെ സുഹൃത്തായ ആയുഷ് തന്റെ കർണാടക ഗ്രാമീൺ ബാങ്ക് അക്കൗണ്ട് താൽക്കാലികമായി ഉപയോഗിക്കാന്‍ ആവശ്യപ്പെട്ടതോടെയാണ് സംഭവം ആരംഭിച്ചതെന്ന് റിപ്പോർട്ടുണ്ട്. തന്റെ സ്വന്തം അക്കൗണ്ട് ബ്ലോക്ക് ചെയ്‌തെന്നും ഹ്രസ്വകാല ഇടപാടുകൾക്ക് സഹായം ആവശ്യമാണെന്നും ആയുഷ് പറഞ്ഞതായി വിദ്യാര്‍ത്ഥി പറയുന്നു. സുഹൃത്തിനെ വിശ്വസിച്ച് വിദ്യാർത്ഥി തന്റെ പാസ്ബുക്ക്, എടിഎം കാർഡ്, ഇന്റർനെറ്റ് ബാങ്കിംഗ് ക്രെഡൻഷ്യലുകൾ, ഇടപാട് അലേർട്ടുകളുമായി ലിങ്ക് ചെയ്ത എയർടെൽ സിം കാർഡ് എന്നിവ കൈമാറി. രേഖകൾ തപാൽ വഴിയാണ് അയച്ചതെന്നും പിന്നീട് വാട്ട്‌സ്ആപ്പിലെ സന്ദേശങ്ങൾ വഴി അവ ലഭിച്ചതായി ആയുഷ് സ്ഥിരീകരിക്കുകയും ചെയ്തു. മാസങ്ങൾക്ക് ശേഷം, അസാധാരണമാംവിധം വിദ്യാര്‍ത്ഥിയുടെ അക്കൗണ്ടില്‍ 7 കോടി…
സുഹൃത്തിനെ വിശ്വസിച്ച് സ്വന്തം ബാങ്ക് അക്കൗണ്ട് വിവരങ്ങള്‍ കൈമാറി; എഞ്ചിനീയറിംഗ് വിദ്യാർത്ഥിയുടെ അക്കൗണ്ട് ഉപയോഗിച്ച് 7 കോടി രൂപയുടെ സൈബർ തട്ടിപ്പ് നടത്തി
