Author: ??? ?????????

ഡാളസ്: സംഗീത ലോകത്തെ അതിശയപ്പെടുത്തികൊണ്ടു ഒരു മലയാള ഗാനം നൂറ്റിയൊന്ന് ട്യൂണിൽ ശ്രുതി മധുരമായി ഈണപ്പെടുത്തി ലോക ചരിത്രത്തിൽ ഇന്നേ വരെ ആരും തന്നെ ചെയ്തിട്ടില്ലത്ത നേട്ടത്തിന് ജോളി സാമുവേൽ അർഹനായി അമ്മ എന്ന ഹൃദയ സ്പർശി ആയ മലയാളം സിംഗിൾ ലിറിക്/ഗാനമാണ് ഇദ്ദേഹം നൂറ്റിയൊന്ന് ട്യൂണിൽ തരപ്പെടുത്തി സംഗീത ലോകത്തിനു കാഴ്ച്ച വെച്ചത്. ഡോ. ബിശ്വറൂപ്റോയ് ചൗധരി ചീഫ് എഡിറ്റർ ആയുള്ള ഇന്ത്യ ബുക്ക് ഓഫ് റെക്കോർഡ് ജോളിയുടെ സംഗീതത്തിലുള്ള അപൂവ്വമായ ഈ നേട്ടം സ്ഥിതീകരിച്ചു കൊണ്ടുള്ള സർട്ടിഫിക്കറ്റ് 2026 മാർച്ച് 25 നു നൽകിയിട്ടുണ്ട്. ദുബൈയിൽ ഒരു സ്വകര്യ കമ്പനിൽ ഐ ടി എഞ്ചിനിയറായി ജോലി ചെയ്തു വരുന്ന ഈ ലോക ജേതാവ് തിരുവല്ല സ്വദേശിയും, തിരുവല്ല കാവുംഭാഗം എബനേസർ മാർത്തോമ്മ ഇടവക മെമ്പറും ആണ്. വാർത്ത: എബി മക്കപ്പുഴ  

ഒക്ലഹോമ:ഏപ്രിൽ 7 ചൊവ്വാഴ്ച രാത്രി പോൾസ് വാലി ഹൈസ്കൂളിലുണ്ടായ വെടിവെപ്പിൽ പ്രിൻസിപ്പാൾ കിർക്ക് മൂർ ഉൾപെടെ രണ്ട് പേർക്ക് പരിക്കേറ്റതായി പോലീസ് അറിയിച്ചു. വെടിയുതിർത്തത് ഈ സ്കൂളിലെ തന്നെ മുൻ വിദ്യാർത്ഥിയായ 20 വയസ്സുകാരൻ വിക്ടർ ഹോക്കിൻസാണ് എന്ന് പോലീസ് തിരിച്ചറിഞ്ഞു. സ്കൂൾ കെട്ടിടത്തിനുള്ളിൽ തോക്കുമായി എത്തിയ വിക്ടറിനെ പ്രിൻസിപ്പാളും മറ്റ് ജീവനക്കാരും ചേർന്ന് തടയാൻ ശ്രമിക്കുന്നതിനിടെയാണ് വെടിയേറ്റത്. കാലിന് വെടിയേറ്റ പ്രിൻസിപ്പാളിനെ ഉടൻ തന്നെ വിമാനമാർഗ്ഗം ആശുപത്രിയിലെത്തിച്ചു. അദ്ദേഹത്തിന്റെ പരിക്ക് ഗുരുതരമല്ല. വെടിവെപ്പിൽ വിദ്യാർത്ഥികൾക്ക് ആർക്കും പരിക്കേറ്റിട്ടില്ലെന്ന് അധികൃതർ അറിയിച്ചു. പ്രതിയെ പോലീസ് പിടികൂടി ഗാർവിൻ കൗണ്ടി ജയിലിലേക്ക് മാറ്റി. വധശ്രമം ഉൾപ്പെടെയുള്ള കുറ്റങ്ങളാണ് ഇയാൾക്കെതിരെ ചുമത്തിയിരിക്കുന്നത്. വിദ്യാർത്ഥികളെ സംരക്ഷിക്കാൻ ധീരമായി പ്രവർത്തിച്ച പ്രിൻസിപ്പാളിനെ ഒക്ലഹോമ ഗവർണർ അഭിനന്ദിച്ചു. മുൻകരുതൽ നടപടിയായി സ്കൂളിലെ ഇതര പരിപാടികൾ റദ്ദാക്കിയിട്ടുണ്ട്..

ഹൂസ്റ്റൺ: ഈസ്റ്റ് ഹൂസ്റ്റണിലെ ക്ലിന്റൺ പാർക്ക് മേഖലയിൽ ചൊവ്വാഴ്ച പുലർച്ചെ എഫ്.ബി.ഐയുടെ നേതൃത്വത്തിൽ വിവിധ സുരക്ഷാ ഏജൻസികൾ സംയുക്തമായി വൻ പരിശോധന നടത്തി. കോടതി ഉത്തരവിനെത്തുടർന്ന് നടത്തിയ ഈ ഓപ്പറേഷനിൽ നാലോളം വീടുകളിൽ ഉദ്യോഗസ്ഥർ റെയ്ഡ് ചെയ്യുകയും നിരവധി പേരെ കസ്റ്റഡിയിലെടുക്കുകയും ചെയ്തു. എഫ്.ബി.ഐക്ക് പുറമെ ഹൂസ്റ്റൺ പോലീസ്, യു.എസ് മാർഷൽസ്, ടെക്സസ് പബ്ലിക് സേഫ്റ്റി ഡിപ്പാർട്ട്‌മെന്റ് തുടങ്ങിയ ഏജൻസികൾ ഈ നീക്കത്തിൽ പങ്കെടുത്തു. മയക്കുമരുന്ന് ഇടപാടുകളുമായി ബന്ധപ്പെട്ട അന്വേഷണത്തിന്റെ ഭാഗമായാണ് ഈ റെയ്ഡ് നടന്നതെന്നാണ് സൂചന. സൂര്യോദയത്തിന് മുമ്പ് തന്നെ പ്രദേശം വളഞ്ഞ ഉദ്യോഗസ്ഥർ വീടുകളിൽ നിന്ന് ബോക്സുകളിൽ തെളിവുകൾ ശേഖരിക്കുന്നത് കണ്ടതായി നാട്ടുകാർ പറഞ്ഞു. ആറ് മാസം മുമ്പ് ഇതേ പ്രദേശത്ത് നടന്ന സമാനമായ റെയ്ഡിന്റെ തുടർച്ചയാണിതെന്ന് ചില താമസക്കാർ വിശ്വസിക്കുന്നു. എത്രപേർ അറസ്റ്റിലായെന്നോ ഇവർക്കെതിരെ ചുമത്തിയിട്ടുള്ള കുറ്റങ്ങൾ എന്താണെന്നോ ഉള്ള ഔദ്യോഗിക വിവരങ്ങൾ…

തിരുവനന്തപുരം: പ്രമുഖ എ ഐ, ടെക്നോളജി ട്രാൻസ്ഫർമേഷൻ സൊല്യൂഷൻസ് കമ്പനിയായ യു എസ് ടി, ഇന്റിക്രൗഡ് എൽ എൽ സി എന്ന കമ്പനിയെ ഏറ്റെടുത്തു. വർക്ക്ഡേ എന്ന കമ്പനിയുടെ പങ്കാളിയായ ഇന്റിക്രൗഡ്, അവരുടെ സൊല്യൂഷനുകൾക്കായുള്ള തന്ത്രപരമായ വിന്യാസങ്ങളിലും പ്രവർത്തന പിന്തുണയിലും വൈദഗ്ദ്ധ്യം നേടിയ സ്ഥാപനമാണ്. ഈ തന്ത്രപരമായ ഏറ്റെടുക്കലിലൂടെ ആഗോള ഉപഭോക്തൃ സ്ഥാപനങ്ങളുടെ വർക്ക്ഡേ മാനദണ്ഡങ്ങൾ പ്രകാരമുള്ള ആവശ്യങ്ങൾ നിറവേറ്റാനുള്ള യു എസ് ടി യുടെ ഉദ്യമങ്ങൾ മെച്ചപ്പെടുത്തുന്നതിനൊപ്പം ഓഫീസ് കാര്യ പ്രവർത്തനങ്ങൾ ശക്തിപ്പെടുത്തുന്നതിനും സഹായിക്കും. ഇന്റിക്രൗഡ് എന്ന കമ്പനിയുടെ ഏറ്റെടുക്കലിലൂടെ വർക്ക്ഡേ പ്ലാറ്റുഫോമുകൾ ഉപയോഗിച്ചുകൊണ്ടുള്ള നൂതനവും എ ഐ അടിസ്ഥാനപ്പെടുത്തിയുള്ളവയുമായ പ്രവർത്തനങ്ങൾ ശക്തിപ്പെടുത്താനും യു എസ് ടിക്കു കഴിയും. ഗ്ലോബൽ 2000-ലടങ്ങിയ ഉപഭോക്തൃ സ്ഥാപനങ്ങൾക്കായി ‘സാസ് പ്ലസ് പ്ലസ്’ മൂല്യ നിർദേശങ്ങൾ നൽകുന്നതിനും എന്റർപ്രൈസ് ആപ്ലിക്കേഷൻ സാദ്ധ്യതകൾ വികസിപ്പിക്കുന്നതിനുമായി യു എസ് ടി നടത്തുന്ന ശ്രമങ്ങളുടെ…

കൊച്ചി: സർക്കാരിനെതിരെ ഗുരുതര ആരോപണങ്ങളുമായി കോൺഗ്രസ് നേതാവ് മാത്യു കുഴൽനാടൻ എംഎൽഎ. 2018ലല്‍ കേരളത്തെ തകർത്ത പ്രളയം മനുഷ്യനിർമിതമാണെന്ന് മാത്യു കുഴൽനാടൻ ആരോപിച്ചു. കോടിക്കണക്കിന് രൂപയുടെ അഴിമതിയാണ് ഇതിനു പിന്നിലെന്നും മാത്യു കുഴൽനാടൻ പറഞ്ഞു. മണൽ ലോബിക്കുവേണ്ടി തോട്ടപ്പള്ളി സ്പിൽവേ തുറന്നിട്ടില്ലെന്നാണ് അദ്ദേഹത്തിന്റെ ആരോപണം. തോട്ടപ്പള്ളി സ്പിൽവേ തുറന്നത് മേരി മാതാ എന്ന കരാർ കമ്പനിക്കുവേണ്ടിയാണെന്ന് മന്ത്രി കെ കൃഷ്ണൻകുട്ടി ആരോപിക്കുന്ന ഓഡിയോ റെക്കോർഡിംഗ് മാത്യു കുഴൽനാടൻ പുറത്തുവിട്ടു. മാത്യു ടി തോമസിന് ഇതിൽ പങ്കുണ്ടെന്നതിന് തെളിവാണ് കെ കൃഷ്ണൻകുട്ടിയുടെ ഓഡിയോ റെക്കോർഡിംഗ് എന്നും മാത്യു കുഴൽനാടൻ ആരോപിച്ചു. ജലസേചന മന്ത്രിയുടെ പഴയ ഓഡിയോ സന്ദേശമാണിതെന്ന് അവകാശപ്പെട്ടാണ് മാത്യു കുഴൽനാടൻ ഓഡിയോ റെക്കോർഡിംഗ് പുറത്തുവിട്ടത്. ആലപ്പുഴ ജില്ലയിൽ വീടുകൾ നശിപ്പിക്കുകയും നൂറുകണക്കിന് കുടുംബങ്ങളെ മാറ്റിപ്പാർപ്പിക്കുകയും വലിയൊരു പാടശേഖരം നെൽവയൽ ഒലിച്ചുപോകുകയും ചെയ്ത ദുരന്തത്തിന് കാരണം “ഔദ്യോഗിക വീഴ്ചയും…