Year: 2026

കൂട്ടിലങ്ങാടി :ജമാഅത്തെ ഇസ്ലാമി മക്കരപ്പറമ്പ് ഏരിയ കമ്മിറ്റി സംഘടിപ്പിക്കുന്ന ഖുർആൻ സമ്മേളനം മാർച്ച് 1 ന് ഞായറാഴ്ച കൂട്ടിലങ്ങാടി കീരംകുണ്ട്  റെയിൻബോ ഓഡിറ്റോറിയത്തിൽ രാവിലെ 9.30 ന്  നടക്കും. ജമാഅത്തെ ഇസ്ലാമി കേരള അമീർ പി മുജീബ്റഹ്മാൻ ഉദ്ഘാടനം ചെയ്യും. ഡോ. അബ്ദുൽ നസീർ മലൈബാരി (റെക്ടർ, അസ്‌രി അക്കാഡമി, കാസർകോഡ്) മുഖ്യ പ്രഭാഷണം നടത്തും. വിവിധ തലങ്ങളിൽ നടത്തിയ ഖുർആൻ പരീക്ഷകളിലെ വിജയികൾക്ക് അവാർഡുകൾ നൽകും. ഖുർആൻ സ്പോട്ട് ക്വിസ്സ്, ടോക്ക് ഷോ തുടങ്ങിയ പരിപാടികളും ഉണ്ടാകും. ടോക് ഷോയിൽ എ.പി മുഹമ്മദ് അസ്ലം അന്താരാഷ്ട്ര ഹോളി ഖുർആൻ ഹിഫ്ള് മൽസര ജേതാവ് മുഹമ്മദ് സഹൽ അൽ നജ്മി, കേരള മദ്റസ എഡ്യൂക്കേഷൻ ബോർഡ് ഡയറക്ടർ സി.എച്ച് അനീസുദ്ധീൻ, ജമാഅത്തെ ഇസ്ലാമി മലപ്പുറം ഈസ്റ്റ് ജില്ല സെക്രട്ടറി കുഞ്ഞിമുഹമ്മദ് മുരിങ്ങേക്കൽ എന്നിവർ സംസാരിക്കും.

തിരുവനന്തപുരം: രേഖകളിലും നയപ്രഖ്യാപനങ്ങളിലുമൊതുങ്ങുന്ന ‘ഇസ് ഓഫ് ഡൂയിംഗ് ബിസിനസ്’ മതിയാകില്ല; അത് പ്രവർത്തനത്തിലൂടെ തെളിയിക്കേണ്ട സമയമാണിതെന്ന് കേരള ഗവർണർ രാജേന്ദ്ര വിശ്വനാഥ് ആർലേക്കർ വ്യക്തമാക്കി. തൈക്കാട് ലെമൺ ട്രീ ഹോട്ടലിൽ നടന്ന സി.ഐ.ഐ എമർജിംഗ് ട്രാവൻകൂർ സമിറ്റ് 2026ൽ സംസാരിക്കുകയായിരുന്നു അദ്ദേഹം. സർക്കാർ–വ്യവസായ രംഗങ്ങൾ കൈകോർത്താൽ മാത്രമേ സംസ്ഥാനത്തിന്റെ യഥാർത്ഥ വളർച്ച സാധ്യമാകൂവെന്ന് അദ്ദേഹം പറഞ്ഞു. 2047ലെ ‘വികസിത ഭാരത’ ലക്ഷ്യവുമായി ബന്ധിപ്പിച്ചുകൊണ്ട്, വികസിത ഭാരതത്തിലേക്കുള്ള യാത്ര വികസിത കേരളത്തിലൂടെയാണെന്ന് അദ്ദേഹം ചൂണ്ടിക്കാട്ടി. ഭരണസംവിധാനങ്ങൾക്ക് പരിമിതികളുണ്ടെങ്കിലും സ്വകാര്യ മേഖലയിലെ സജീവ പങ്കാളിത്തം വളർച്ചയ്ക്ക് നിർണായകമാണെന്നും “വികസിത കേരളം ഇല്ലാതെ വികസിത ഭാരതം സാധ്യമല്ല” എന്നും അദ്ദേഹം കൂട്ടിച്ചേർത്തു. കേരളത്തിന്റെ സ്വാഭാവിക ശക്തികളെ അടിസ്ഥാനമാക്കി മേഖലാ കേന്ദ്രീകൃത പരിശീലന സംവിധാനങ്ങൾ രൂപപ്പെടുത്തണമെന്ന് ഗവർണർ ആഹ്വാനം ചെയ്തു. തീരദേശം, മത്സ്യബന്ധനം, ടൂറിസം, തീരദേശ വ്യവസായങ്ങൾ, സാങ്കേതിക മേഖലകൾ എന്നിവയിൽ വൻ…

തിരുവനന്തപുരം: ശബരിമലയിൽ കൊടിമരം മോഷണം പോയ കേസിൽ നടന്മാരായ മോഹൻലാലിന്റെയും ദിലീപിന്റെയും മൊഴി വിജിലൻസ് രേഖപ്പെടുത്തി. കൊടിമരം പുനഃസ്ഥാപിക്കുന്നതിനായി രണ്ട് പവന്‍ സ്വർണം സംഭാവന ചെയ്തതായി മോഹൻലാല്‍ പറഞ്ഞു. തന്റെ സുഹൃത്തു വഴിയാണ് ശബരിമലയില്‍ സ്വർണ്ണം എത്തിച്ചതെന്നും മോഹൻലാൽ പറഞ്ഞു. തിരുവനന്തപുരത്തെ ഒരു ജ്വല്ലറിയിൽ നിന്ന് വാങ്ങിയ സ്വർണ്ണം ഒരു സുഹൃത്ത് വഴിയാണ് ശബരിമലയിലേക്ക് എത്തിച്ചത്. സുരേഷ് ഗോപി പറഞ്ഞതിന്റെ അടിസ്ഥാനത്തിലാണ് താൻ സംഭാവന നൽകിയതെന്നും മോഹന്‍ ലാല്‍ പറഞ്ഞു. നിലവിൽ മോഹൻലാലിന്റെ മൊഴിയുടെ വിശദാംശങ്ങൾ മാത്രമാണ് പുറത്തുവന്നിരിക്കുന്നത്. ശബരിമല കൊടിമരം പുനഃപ്രതിഷ്ഠിക്കുന്നതിനായി 27 പേർ സ്വർണം സംഭാവന ചെയ്തിട്ടുണ്ടെന്നാണ് വിജിലൻസിന്റെ പ്രാഥമിക കണ്ടെത്തൽ. എന്നാൽ, ഓരോരുത്തരും എത്ര സ്വർണം സംഭാവന ചെയ്തുവെന്ന് ഇതുവരെ വ്യക്തമായിട്ടില്ല. പൂർണ്ണമായി കണക്കെടുത്താൽ മാത്രമേ ഏതെങ്കിലും തരത്തിലുള്ള തട്ടിപ്പ് നടന്നിട്ടുണ്ടോ എന്ന് വ്യക്തമാകൂ എന്ന് വിജിലന്‍സ് പറയുന്നു. ശബരിമല കൊടിമരം മോഷണക്കേസിൽ…

തൃപ്പൂണിത്തുറ: നടൻ ടിനി ടോമിന്റെ മകന്‍ ആദം ഉള്‍പ്പടെ മൂന്നു പേര്‍ക്കെതിരെ കഞ്ചാവ് കൈവശം വെച്ചതിന് കേസെടുത്തു. വ്യാഴാഴ്ച രാത്രി ഹിൽ പാലസ് പോലീസാണ് ഇവരെ കസ്റ്റഡിയിലെടുത്തത്. ഇവരില്‍ നിന്ന് നാല് ഗ്രാം കഞ്ചാവും പിടിച്ചെടുത്തിട്ടുണ്ട്. വ്യാഴാഴ്ച രാത്രി 8:30 ഓടെയാണ് ഇരുമ്പനത്ത് നിന്നുള്ള ആദം, അമിത്, കാർത്തിക് എന്നിവരെ ഹിൽ പാലസ് പോലീസ് അറസ്റ്റ് ചെയ്തത്. രാത്രി പട്രോളിംഗ് നടത്തുന്നതിനിടെ സംശയാസ്പദമായ സാഹചര്യത്തിൽ മൂവരെയും കണ്ടതിനെ തുടർന്ന് പോലീസ് ചോദ്യം ചെയ്യുകയും ദേഹ പരിശോധന നടത്തുകയും ചെയ്തു. ഇവരിൽ ഒരാളുടെ പോക്കറ്റിൽ നിന്ന് ഒരു ചെറിയ പൊതി കഞ്ചാവ് കണ്ടെത്തി. മൂവരും 20 നും 21 നും ഇടയിൽ പ്രായമുള്ളവരാണ്. കസ്റ്റഡിയിലെടുത്ത ഇവരെ പിന്നീട് സ്റ്റേഷൻ ജാമ്യത്തിൽ വിട്ടയച്ചു.

55 പാക്കിസ്താൻ സൈനികരെ വധിച്ചതായി അഫ്ഗാൻ താലിബാൻ അവകാശപ്പെട്ടതിനെത്തുടർന്ന് പാക്കിസ്താൻ ഓപ്പറേഷൻ ഗസാബ്-ലിൽ-ഹഖ് ആരംഭിച്ചു. ഇരുവശത്തുനിന്നുമുള്ള അവകാശവാദങ്ങളും വ്യോമാക്രമണങ്ങളും കാരണം ഡ്യൂറണ്ട് രേഖയിലെ സംഘർഷം അപകടകരമായ നിലയിലെത്തി. പാക്കിസ്താനും അഫ്ഗാനിസ്ഥാനും തമ്മിലുള്ള സംഘർഷം രൂക്ഷമാകുന്നു. 55 പാക്കിസ്താൻ സൈനികരെ വധിച്ചതായി അഫ്ഗാൻ താലിബാൻ അവകാശപ്പെട്ടതിന് പിന്നാലെ, പ്രതികാരമായി പാക്കിസ്താൻ “ഓപ്പറേഷൻ ഗസാബ്-ലിൽ-ഹഖ്” ആരംഭിച്ചതായി പ്രഖ്യാപിച്ചു. ഇരു രാജ്യങ്ങളും തമ്മിലുള്ള ഈ വർദ്ധിച്ചുവരുന്ന സംഘർഷം മുഴുവൻ മേഖലയിലെയും സ്ഥിരതയെ ആശങ്കപ്പെടുത്തുകയാണ്. പാക്കിസ്താൻ സർക്കാർ നടത്തുന്ന ചാനൽ പി.ടി.വി ന്യൂസിന്റെ റിപ്പോർട്ട് പ്രകാരം, അഫ്ഗാനിസ്ഥാനിൽ നിന്നുള്ള “പ്രകോപനമില്ലാത്ത ആക്രമണങ്ങൾക്ക്” മറുപടിയായാണ് ഈ ഓപ്പറേഷൻ ആരംഭിച്ചത്. അടുത്തിടെയുണ്ടായ ഏറ്റുമുട്ടലുകളിൽ 133 പേർ കൊല്ലപ്പെടുകയും 200 ലധികം പേർക്ക് പരിക്കേൽക്കുകയും ചെയ്തതായി പാക്കിസ്താൻ ഇൻഫർമേഷൻ മന്ത്രി അത്തൗല്ല തരാർ പറഞ്ഞു. രാജ്യത്തെ സൈന്യം താലിബാൻ ആക്രമണങ്ങളെ ശക്തമായി ചെറുക്കുന്നുണ്ടെന്ന് പാക്കിസ്താൻ പ്രതിരോധ മന്ത്രി…

പത്തനംതിട്ട: സിപിഎം നടത്തുന്ന അക്രമങ്ങളെ ശക്തമായി എതിർക്കുമെന്ന് പ്രതിപക്ഷ നേതാവ് വി ഡി സതീശൻ പറഞ്ഞു. സിപിഎം വ്യാജ പ്രചാരണം നടത്തുകയാണെന്നും അക്രമത്തിനെതിരെ ജനങ്ങൾ തിരിച്ചടിക്കുമെന്നും അദ്ദേഹം പറഞ്ഞു. ഒരു കെ എസ് യു നേതാവിന്റെ വീടിന് നേരെ ബോംബെറിഞ്ഞ് ഭീകരത സൃഷ്ടിക്കുകയാണെന്നും, കേരളത്തിലുടനീളം സിപി‌എം അക്രമം നടത്തുകയാണെന്നും സതീശന്‍ പറഞ്ഞു. ആരോഗ്യ മന്ത്രി ആക്രമിക്കപ്പെട്ടു എന്ന വ്യാജേനയാണ് അവർ ഇതെല്ലാം ചെയ്യുന്നത്. ദൃശ്യങ്ങള്‍ പുറത്തുവന്നതോടെ മന്ത്രി ഒരു പരിഹാസപാത്രമായി മാറി. സിപിഎം നടത്തുന്ന അതിക്രമങ്ങൾക്കെതിരെ ജനങ്ങൾ തിരിച്ചടിക്കും. തീക്കൊള്ളി കൊണ്ട് തല ചൊറിയരുത്. വീണാ ജോര്‍ജിന്റെ കഴുത്തിന് പരിക്കു പറ്റിയെന്ന വ്യാജേന ആശുപത്രിയിൽ പ്രവേശിപ്പിക്കേണ്ട ആവശ്യമുണ്ടായിരുന്നില്ല. അവര്‍ പറയുന്നതും പറഞ്ഞതുമെല്ലാം പച്ചക്കള്ളമാണെന്ന് ജനം തിരിച്ചറിഞ്ഞതായി വി ഡി സതീശൻ പറഞ്ഞു. കരിങ്കൊടി പ്രതിഷേധത്തെ പിന്തുണച്ച പ്രതിപക്ഷ നേതാവ്, ആർക്കും പ്രതിഷേധിക്കാനുള്ള സ്വാതന്ത്ര്യമുണ്ടെന്നും പറഞ്ഞു. ചിന്ത ജെറോമിനെതിരെയും…

കോഴിക്കോട്: കണ്ണൂർ റെയിൽവേ സ്റ്റേഷനിൽ കെഎസ്‌യു പ്രവര്‍ത്തകര്‍ ആരോഗ്യമന്ത്രി വീണാ ജോർജിനെ ആക്രമിച്ചതിനെത്തുടര്‍ന്ന് ആശുപത്രിയിൽ ചികിത്സ തേടിയതുൾപ്പെടെയുള്ള വിവാദങ്ങൾ സർക്കാരിന് തിരിച്ചടിയായി എന്ന് വ്യക്തമാക്കി സംസ്ഥാന ഇന്റലിജൻസ് വകുപ്പ് റിപ്പോർട്ട് സമർപ്പിച്ചു. വീണാ ജോർജിനെ ആക്രമിച്ചതിന്റെ ദൃശ്യങ്ങൾ പൊതുജനങ്ങളിൽ എത്തിക്കുന്നതിൽ പരാജയപ്പെട്ടതും, സർക്കാർ ആശുപത്രിയിൽ മന്ത്രിക്ക് നൽകിയ പ്രത്യേക പരിഗണനയും, പ്രതിഷേധത്തിന്റെ മറവിൽ നടന്ന വ്യാപകമായ അക്രമവും ചൂണ്ടിക്കാട്ടിയാണ് ആഭ്യന്തര വകുപ്പിന് റിപ്പോർട്ട് സമർപ്പിച്ചത്. സർക്കാർ ആശുപത്രികൾക്കെതിരായ പൊതുജനവികാരം നിലനിൽക്കുന്ന സാഹചര്യത്തിൽ വീണാ ജോർജിന്റെ ആശുപത്രിവാസം പ്രതികൂലമായ പ്രത്യാഘാതങ്ങൾ സൃഷ്ടിച്ചിട്ടുണ്ട്. ചെറിയ പരിക്കിന് മന്ത്രിക്ക് സർക്കാർ ആശുപത്രിയിൽ പ്രത്യേക ചികിത്സ ലഭിച്ചുവെന്നത് ഉൾപ്പെടെയുള്ള പ്രചാരണങ്ങൾ തിരിച്ചടിയായേക്കാമെന്ന് റിപ്പോർട്ട് പറയുന്നു. ആശുപത്രികളിലെ പോരായ്മകൾ ഉയർത്തിക്കാട്ടി വീണ ജോർജിന്റെ ആശുപത്രിവാസത്തെ താരതമ്യം ചെയ്യുന്ന ഒരു പൊതുധാരണ സൃഷ്ടിക്കാൻ പ്രതിപക്ഷത്തിന് കഴിഞ്ഞു. മന്ത്രിയെ ആക്രമിച്ചു എന്നു പറയുമ്പോള്‍ തന്നെ അത് തെളിയിക്കാനുള്ള…