Year: 2026

ഇന്ത്യയുമായുള്ള സൈനിക സംഘർഷം അവസാനിപ്പിക്കുന്നതിൽ യുഎസ് പ്രസിഡന്റ് ഡൊണാൾഡ് ട്രംപിന്റെ സമയോചിതമായ ഇടപെടലിന് പാക്കിസ്താന്‍ എപ്പോഴും നന്ദിയുള്ളവരായിരിക്കുമെന്ന് പറഞ്ഞുകൊണ്ട് പാകിസ്ഥാൻ പ്രധാനമന്ത്രി ഷഹബാസ് ഷെരീഫ് വീണ്ടും അദ്ദേഹത്തെ പ്രശംസിച്ചു. അമേരിക്കൻ സ്വാതന്ത്ര്യത്തിന്റെ 250-ാം വാർഷികത്തോടനുബന്ധിച്ച് വ്യാഴാഴ്ച യുഎസ് എംബസിയിൽ നടന്ന സ്വീകരണത്തിൽ സംസാരിക്കവേ, പാക്കിസ്താനും യുഎസും തമ്മിലുള്ള ബന്ധത്തിന് ഏകദേശം എട്ട് പതിറ്റാണ്ട് പഴക്കമുണ്ടെന്നും, അത് സവിശേഷമാണെന്നും ഷഹബാസ് പറഞ്ഞു. കഴിഞ്ഞ വർഷം പഹൽഗാമിൽ നടന്ന ഭീകരാക്രമണത്തെത്തുടർന്ന് ഇരു രാജ്യങ്ങളും തമ്മിലുള്ള നാല് ദിവസത്തെ സൈനിക സംഘർഷത്തെക്കുറിച്ച് പരാമർശിക്കവേ, ട്രംപിന്റെ ഇടപെടൽ സ്ഥിതിഗതികൾ വഷളാകുന്നത് തടഞ്ഞുവെന്ന് അദ്ദേഹം പറഞ്ഞു. കഴിഞ്ഞ വർഷം 26 പേരുടെ മരണത്തിനിടയാക്കിയ പഹൽഗാം ആക്രമണത്തിന് ശേഷം ഇന്ത്യ ആക്രമണാത്മക നിലപാട് സ്വീകരിച്ചുവെന്ന് പാക്കിസ്താൻ പ്രധാനമന്ത്രി ഷഹബാസ് പറഞ്ഞു. അതേസമയം, പ്രസിഡന്റ് ട്രംപ് സമയബന്ധിതമായി നിർണായക നടപടി സ്വീകരിക്കുകയും, മെയ് 10 ന് ഇന്ത്യയും…

ഡാലസ് : ഹൃസ്വ സന്ദർശനത്തിനായി ഡാലസിൽ എത്തിച്ചേർന്ന മാർത്തോമ്മ സഭയുടെ ചെങ്ങന്നൂർ- മാവേലിക്കര ഭദ്രാസന അധ്യക്ഷൻ ഡോ. യുയാക്കിം മാർ കൂറിലോസ് സഫ്രഗൻ മെത്രാപ്പോലീത്തായ്ക്ക് ഡാലസ് ഡിഎഫ് ഡബ്ല്യു എയർ പോർട്ടിൽ ഊഷ്മള വരവേൽപ്പ് നൽകി. ഡാലസ് ഫാർമേഴ്‌സ് ബ്രാഞ്ച് മാർത്തോമ്മ ഇടവക വികാരി റവ. എബ്രഹാം വി. സാംസൺ, ഡാലസ് കരോൾട്ടൺ മാർത്തോമ്മ ഇടവക വികാരി റവ. ജസ്റ്റിൻ പാപ്പച്ചൻ, സെഹിയോൻ മാർത്തോമ്മ ഇടവക വികാരി റവ. റോബിൻ വർഗീസ്, ഭദ്രാസന കൗൺസിൽ അംഗം തോമസ് ഈശോ, പി.ടി മാത്യു, ഷാജി രാമപുരം, മനു പാറയിൽ എന്നിവർ എയർ പോർട്ടിൽ സ്വീകരിക്കുവാൻ എത്തിയിരുന്നു. സഫ്രഗൻ മെത്രാപ്പോലീത്താ ഡോ.മാർ കൂറിലോസ് നാളെ (ശനി) രാവിലെ 10 മണിക്ക് ഡാലസ് കരോൾട്ടൺ മാർത്തോമ്മ ഇടവകയിൽ ഗോൾഡൺ ജൂബിലിയുടെ ഭാഗമായി സീനിയർ സിറ്റിസൺസിനായി പ്രത്യേകം ക്രമീകരിക്കുന്ന വിശുദ്ധ കുർബ്ബാന ശുശ്രുഷക്കും,…

ഹാരിസ് കൗണ്ടി, ടെക്സസ്: ഇൻവുഡിലെ ആന്റോയിൻ ഡ്രൈവ് 8000 ബ്ലോക്കിലുള്ള, ഉപേക്ഷിക്കപ്പെട്ട ഒരു പിസ്സ ഹട്ട് കെട്ടിടത്തിന് പിന്നിലെ അനധികൃത മാലിന്യനിക്ഷേപ കേന്ദ്രം കഴിഞ്ഞ മൂന്ന്-നാല് മാസങ്ങളായി വൻതോതിൽ വളർന്നുകൊണ്ടിരിക്കുകയാണ്. പഴയ കട്ടിലുകൾ, മെത്തകൾ, അലമാരകൾ, ഒരു അക്വേറിയം എന്നിവ വരെ ഈ പ്രദേശത്ത് തള്ളിയിട്ടുണ്ട്. സമീപവാസികളും തൊഴിലാളികളും ഹാരിസ് കൗണ്ടി 311  എന്ന ഹെൽപ്‌ലൈൻ നമ്പറിൽ പലതവണ പരാതിപ്പെട്ടിട്ടും യാതൊരു നടപടിയും ഉണ്ടായിട്ടില്ലെന്ന് അവർ ആരോപിക്കുന്നു. ഇതിന് തൊട്ടടുത്ത് ജോലി ചെയ്യുന്ന കെന്നത്ത് റേ എന്ന വ്യക്തി ഇതിന് തെളിവായി ഇമെയിൽ രേഖകൾ പുറത്തുവിട്ടു. കഴിഞ്ഞ ഏപ്രിൽ മാസം മുതൽ പോലീസിനെയും ഹാരിസ് കൗണ്ടി അധികൃതരെയും താൻ പലതവണ ബന്ധപ്പെട്ടിരുന്നുവെന്നും, എന്നാൽ മാലിന്യം നീക്കം ചെയ്യാൻ ആരും തയ്യാറായില്ലെന്നും അദ്ദേഹം പറഞ്ഞു. തുടർന്ന്, നാട്ടുകാർ ഈ പ്രശ്നം ‘2 ഹെൽപ്സ് യൂ’ വാർത്താ വിഭാഗത്തിന്റെ ശ്രദ്ധയിൽപ്പെടുത്തി.…

തിരുവനന്തപുരം: നാലാഞ്ചിറയിൽ ഭാര്യയെ കഴുത്തറുത്ത് കൊലപ്പെടുത്തി ഒളിവില്‍ പോയ ഭര്‍ത്താവ് സുരേഷിനെ മരിച്ച നിലയിൽ കണ്ടെത്തി. നാല് കുട്ടികളുടെ മുന്നിൽ വെച്ചാണ് ഇയാൾ കുറ്റകൃത്യം ചെയ്തത്. തമിഴ്‌നാട്ടിലെ ചിദംബരത്ത് റെയിൽവേ ട്രാക്കിൽ നിന്നാണ് മൃതദേഹം കണ്ടെത്തിയത്. ഇന്നലെ രാവിലെയാണ് ഭാര്യയെ കൊലപ്പെടുത്തിയ ശേഷം സുരേഷ് കാറിൽ രക്ഷപ്പെട്ടത്. പോലീസ് നടത്തിയ അന്വേഷണത്തില്‍ ബാലരാമപുരം റെയിൽവേ സ്റ്റേഷനിൽ ഉപേക്ഷിക്കപ്പെട്ട നിലയിൽ കാർ കണ്ടെത്തി. പിന്നീട് ഇന്ന് രാവിലെയാണ് ചിദംബരത്ത് മൃതദേഹം കണ്ടെത്തിയ വിവരം അറിഞ്ഞത്. ആത്മഹത്യ ചെയ്തതായിരിക്കാമെന്ന് പോലീസ് കരുതുന്നു. നാലാഞ്ചിറ ഉദിയന്നൂർ ക്ഷേത്രത്തിന് സമീപം താമസിക്കുന്ന ഹസീന ബീവി (36) യാണ് ഇന്നലെ കൊല്ലപ്പെട്ടത്. ദാമ്പത്യ പ്രശ്‌നങ്ങളാണ് കൊലപാതകത്തിലേക്ക് നയിച്ചതെന്നാണ് പ്രാഥമിക റിപ്പോർട്ടുകൾ. നാല് മാസം മുമ്പ് ദമ്പതികൾ നാലാഞ്ചിറയിലെ ഒരു വാടക വീട്ടിലേക്ക് താമസം മാറിയിരുന്നു. ഇരുവരും തമ്മിൽ ചില പ്രശ്‌നങ്ങൾ ഉണ്ടായിരുന്നു, ഒരു ഘട്ടത്തിൽ…