Year: 2026

ചിക്കാഗോ: നോർത്ത് അമേരിക്കയിലെ ഏറ്റവും വലിയ മലയാളി സംഘടന ആയ ചിക്കാഗോ മലയാളി അസോസിയേഷന്റെ ഈ വർഷത്തെ ഓണാഘോഷം ഓഗസ്റ്റ് 14, വെള്ളിയാഴ്ച വൈകിട്ട് 5.30ന് മോർട്ടൻ ഗ്രോവിലുള്ള സെന്റ് മേരീസ് ക്നാനായ കത്തോലിക്കാ പള്ളി ഓഡിറ്റോറിയത്തിൽ വിപുലമായ പരിപാടികളോടെ നടക്കും. കേരളത്തിന്റെ തനിമയും ഓണത്തിന്റെ ആഘോഷപ്പൊലിമയും ഒത്തുചേരുന്ന പരിപാടിയിൽ മെഗാ ചെണ്ടമേളം, മെഗാ തിരുവാതിര, വിവിധ നൃത്തനൃത്യങ്ങൾ, കലാപരിപാടികൾ എന്നിവ അരങ്ങേറും. ലോകപ്രശസ്ത മജീഷ്യൻ ഗോപിനാഥ് മുതുകാട് അവതരിപ്പിക്കുന്ന മാജിക്, മെലഡി, മിഷൻ എന്നിവ സമന്വയിപ്പിച്ച എം-ക്യൂബ് ഷോ ഇത്തവണത്തെ ഓണാഘോഷത്തിന്റെ പ്രധാന ആകർഷണമാകും. ഓഗസ്റ്റ് 14ന് വൈകിട്ട് 5.30ന് ഓണസദ്യയോടെയാണ് ആഘോഷങ്ങൾക്ക് തുടക്കമാകുന്നത്. തുടർന്ന് വർണാഭമായ ഓണഘോഷയാത്ര, മെഗാ ചെണ്ടമേളം, മെഗാ തിരുവാതിര, വിവിധ കലാപരിപാടികൾ,മുതുകാട് ഷോ എന്നിവ അരങ്ങേറും. മലയാളികളുടെ പാരമ്പര്യവും സംസ്കാരവും പുതുതലമുറയിലേക്ക് പകരുന്ന തരത്തിൽ കുടുംബസമേതം ആസ്വദിക്കാവുന്ന വൈവിധ്യമാർന്ന പരിപാടികളാണ്…

മുപ്പത്തിയാറു വർഷങ്ങൾക്കു ശേഷം ദേവൻ ആ കോളേജിന്റെ പടിവാതിൽ കടന്നപ്പോൾ, സമയം ഒരു നിമിഷത്തേക്ക് പിന്നോട്ടു നടന്നതുപോലെ തോന്നി. അവൻ അറുപതുകാരനായിരിയ്ക്കുന്നു. പക്ഷേ ആ ഒരു നിമിഷത്തിൽ അവന്റെ ഉള്ളിൽ നിന്ന് ഒരു ഇരുപത്തൊന്നുകാരൻ പുറത്തുവന്നു. കോളേജ് വേനലവധിക്കായി അടച്ചിരിയ്ക്കുകയാണ്. ഒരിക്കൽ പ്രഭാതം മുതൽ സന്ധ്യവരെ വിദ്യാർത്ഥികളുടെ ചിരിയുംകളികളും മുദ്രാവാക്യങ്ങളും കൊണ്ട് നിറഞ്ഞിരുന്ന ആ കുന്നിൻ മുകളിലെ ക്യാമ്പസ് ഇപ്പോൾ വിജനമായിരിയ്ക്കുന്നു. നീണ്ട വരാന്തകളിൽ കാറ്റ് മാത്രം സഞ്ചരിക്കുന്നു. അടഞ്ഞ ക്ലാസ് മുറികളുടെ ജനലുകളിൽ വേനൽവെയിൽ പതിഞ്ഞുകിടക്കുന്നു. കാമ്പസ്സ് സജീവമാകുവാൻ ഇനി കഷ്ടിച്ച് ഒരാഴ്ചയേ ഉള്ളൂ. കൊറിവരച്ചിരുന്ന ചുവരുകൾ ചായം തേച്ചു മിനുക്കിയിരിയ്ക്കുന്നു. കുന്നിൻ മുകളിലെ ആ കോളേജിന് എഴുപതോളം വർഷങ്ങളുടെ പഴക്കമുണ്ടായിരുന്നു. ഒരു സ്ഥാപനമെന്നതിലുപരി അത് ആ ഗ്രാമത്തിന്റെ ആത്മാഭിമാനമാണ് . തലമുറകളായി അവിടെ പഠിച്ചിറങ്ങിയവർ ലോകത്തിന്റെ പല കോണുകളിലേക്കും പോയിട്ടുണ്ടെങ്കിലും, അവരുടെ ഓർമ്മകളിൽ ആ…

കാരോൾട്ടൻ: ആഗസ്റ്റ് 7-ന് നിര്യാതയായ കേരള അസോസിയേഷൻ ഓഫ് ഡാലസിന്റെ മുൻ സെക്രട്ടറി ശ്രീ. ചാക്കോ ഇട്ടിയുടെ ധർമ്മപത്നി അന്നമ്മ ഇട്ടി (79)യുടെ പൊതുദർശനം ആഗസ്റ്റ് 11 (ചൊവ്വ) വൈകിട്ട് 6:00 മുതൽ 9:00 വരെ സെന്റ് തോമസ് ക്നാനായ പള്ളി, 727 Metker St, Irving, TX 75062 വെച്ചും, സംസ്കാര ശുശ്രൂഷ: ആഗസ്റ്റ് 12 (ബുധൻ രാവിലെ 9:00 മുതൽ ഉച്ചയ്ക്ക് 12:00 വരെ സെന്റ് തോമസ് ക്നാനായ പള്ളി, Irving, Texas വെച്ചും, സംസ്കാരം:ആഗസ്റ്റ് 12 (ബുധൻ) ഉച്ചയ്ക്ക് 12:30 ന് Rolling Oaks Memorial Center, 400 Freeport Pkwy, Coppell, TX 75019 വെച്ചും നടക്കും. ഡാലസിലെ സാമൂഹിക, സാംസ്കാരിക, ജീവകാരുണ്യ പ്രവർത്തനങ്ങളിൽ നിറസാന്നിധ്യമായിരുന്ന അന്നമ്മ ഇട്ടി, ടെക്സസ് ഇർവിങിലെ സെന്റ് തോമസ് ക്നാനായ യാക്കോബായ പള്ളിയുടെ സജീവ അംഗവുമായിരുന്നു.…

 യു.എസ് സെനറ്റിലേക്ക് മിഷിഗണ്‍ ഡെമോക്രാറ്റിക് പ്രൈമറി തിരഞ്ഞെടുപ്പില്‍ അബ്ദുല്‍ അല്‍ സഈദ് നേടിയ വിജയം അമേരിക്കയിലെ തീവ്ര വലതുപക്ഷ സയണിസ്റ്റ് വിഭാഗങ്ങള്‍ക്കിടയില്‍ വലിയ ആശങ്ക സൃഷ്ടിച്ചിരിക്കുന്നു. മുന്‍ പൊതുജനാരോഗ്യ ഉദ്യോഗസ്ഥനായ അബ്ദുല്‍ അല്‍ സഈദ്, മിഷിഗണിലെ ഡെമോക്രാറ്റിക് സെനറ്റ് പ്രൈമറിയില്‍ യു.എസ് പ്രതിനിധി ഹാലി സ്റ്റീവന്‍സിനെയാണ് പരാജയപ്പെടുത്തിയത്. ഏറെ ശ്രദ്ധേയമായ വിജയം, ഡെമോക്രാറ്റിക് പാര്‍ട്ടിയിലെ പുരോഗമന വിഭാഗത്തിന്റെ ശക്തമായ മുന്നേറ്റമായാണ് വിലയിരുത്തപ്പെടുന്നത്. ഏകദേശം 65 മില്യണ്‍ ഡോളറോളം പുറത്തുനിന്നുള്ള പ്രചാരണ ചെലവ് സ്റ്റീവന്‍സിനെ പിന്തുണയ്ക്കുന്നതിനായി ചെലവഴിച്ച സാഹചര്യത്തിലും അല്‍ സഈദ് വിജയിച്ചു. ഇസ്രാഈലിലേക്കുള്ള സൈനിക സഹായം അവസാനിപ്പിക്കുക, അമേരിക്കന്‍ രാഷ്ട്രീയത്തിലെ കോര്‍പ്പറേറ്റ് പണത്തിന്റെ സ്വാധീനം കുറയ്ക്കുക, കാമ്പയിന്‍ ഫിനാന്‍സ് പരിഷ്‌കരിക്കുക, സാധാരണക്കാരായ നികുതിദായകരുടെയും മധ്യവര്‍ഗത്തിന്റെയും ജീവിതച്ചെലവ് കുറയ്ക്കുക തുടങ്ങിയ വിഷയങ്ങളാണ് അല്‍ സഈദ് തന്റെ പ്രചാരണത്തില്‍ മുന്നോട്ടു വെച്ചത്. അമേരിക്കയുടെ വിദേശ നയം പുന:പരിശോധിക്കണമെന്നും അദ്ദേഹം ആവശ്യപ്പെടുന്നുണ്ട്.…

വാഷിംഗ്ടണ്‍: വിസ സംബന്ധിച്ച ട്രംപ് ഭരണകൂടത്തിന്റെ കർശനത ക്രമാനുഗതമായി വർദ്ധിച്ചുകൊണ്ടിരിക്കുകയാണ്. പ്രസിഡന്റ് ഡൊണാൾഡ് ട്രംപിന്റെ രണ്ടാം ടേമിൽ ഇതുവരെ 1.75 ലക്ഷത്തിലധികം വിദേശ വിസകൾ റദ്ദാക്കിയതായി യുഎസ് സ്റ്റേറ്റ് ഡിപ്പാർട്ട്‌മെന്റ് പറയുന്നു. വിസ വ്യവസ്ഥകൾ ലംഘിക്കുന്ന, ക്രിമിനൽ പ്രവർത്തനങ്ങളിൽ പങ്കെടുക്കുന്ന, അല്ലെങ്കിൽ യുഎസ് സുരക്ഷയ്ക്ക് ഭീഷണി ഉയർത്തുന്ന വിദേശ പൗരന്മാർക്കെതിരെയാണ് ഈ നടപടി സ്വീകരിച്ചിരിക്കുന്നതെന്ന് യുഎസ് സ്റ്റേറ്റ് ഡിപ്പാർട്ട്‌മെന്റ് പറയുന്നു. നിയമങ്ങൾ പാലിക്കുന്നവർക്ക് മാത്രമേ രാജ്യത്തേക്ക് പ്രവേശനം അനുവദിക്കൂ എന്നും ഭരണകൂടം പറയുന്നു. വിസ അസാധുവാക്കൽ എന്നാൽ ഒരു വിദേശ പൗരന് അമേരിക്കയിൽ തുടരാനോ പ്രവേശിക്കാനോ ഉള്ള അനുമതി റദ്ദാക്കലാണ്. പൗരത്വം അസാധുവാക്കലിൽ നിന്ന് ഇതിനെ വേർതിരിച്ചറിയേണ്ടത് പ്രധാനമാണ്. മുമ്പ് യുഎസ് പൗരന്മാരായി മാറിയ വ്യക്തികൾക്ക് മാത്രമേ പൗരത്വം അസാധുവാക്കൽ സംഭവിക്കൂ. സ്റ്റേറ്റ് ഡിപ്പാർട്ട്‌മെന്റിന്റെ കണക്കനുസരിച്ച്, ആക്രമണം, മദ്യപിച്ച് വാഹനമോടിക്കൽ, മോഷണം, മയക്കുമരുന്നുമായി ബന്ധപ്പെട്ട കുറ്റകൃത്യങ്ങൾ എന്നിവയുൾപ്പെടെയുള്ള…

പടിഞ്ഞാറൻ കൊളംബിയയിൽ 7.4 തീവ്രത രേഖപ്പെടുത്തിയ ശക്തമായ ഭൂകമ്പം നാശം വിതച്ചു, നിരവധി നഗരങ്ങളിൽ കെട്ടിടങ്ങൾ തകർന്നു, ആളുകൾ അവശിഷ്ടങ്ങൾക്കിടയിൽ കുടുങ്ങി, കുറഞ്ഞത് 77 മരണങ്ങളെങ്കിലും സ്ഥിരീകരിച്ചു. തെക്കേ അമേരിക്കൻ രാജ്യമായ കൊളംബിയയിൽ തിങ്കളാഴ്ച ശക്തമായ ഭൂകമ്പം അനുഭവപ്പെട്ടു. പടിഞ്ഞാറൻ മേഖലയിൽ ഉണ്ടായ 7.4 തീവ്രത രേഖപ്പെടുത്തിയ ഭൂചലനം നിരവധി നഗരങ്ങളിൽ അനുഭവപ്പെട്ടു. ഇതുവരെ 77 പേർ ദുരന്തത്തിൽ മരിച്ചതായാണ് അനൗദ്യോഗിക കണക്ക്. പെരേര, കാലി, മാനിസാലെസ്, ക്വിബ്ഡോ എന്നിവിടങ്ങളിലെ കെട്ടിടങ്ങൾക്ക് കേടുപാടുകൾ സംഭവിച്ചു. അവശിഷ്ടങ്ങൾക്കിടയിൽ കുടുങ്ങിക്കിടക്കുന്നവർക്കായി ദുരിതാശ്വാസ, രക്ഷാപ്രവർത്തകർ തിരച്ചിൽ നടത്തിക്കൊണ്ടിരിക്കുകയാണ്. തലസ്ഥാനമായ ബൊഗോട്ടയിൽ നിന്ന് ഏകദേശം 400 കിലോമീറ്റർ പടിഞ്ഞാറ് സാൻ ഹോസെ ഡെൽ പാൽമറിനടുത്താണ് ഭൂകമ്പത്തിന്റെ പ്രഭവകേന്ദ്രം. യുഎസ് ജിയോളജിക്കൽ സർവേയും കൊളംബിയയുടെ ജിയോളജിക്കൽ സർവീസും 7.4 തീവ്രത രേഖപ്പെടുത്തിയതായി കണക്കാക്കുന്നു. പെരേരയിൽ പതിനെട്ട് മരണങ്ങൾ റിപ്പോർട്ട് ചെയ്യപ്പെട്ടു, അതേസമയം മാനിസാലെസിലും മറ്റ്…

ഹൂസ്റ്റൺ : സെന്റ് മേരീസ് മലങ്കര ഓർത്തഡോക്സ് ഇടവകയുടെ ഈ വർഷത്തെ വലിയ പെരുന്നാൾ ആഗസ്റ്റ് 16ന് വിപുലമായ പരിപാടികളോടെ ആഘോഷിക്കും. പരിശുദ്ധ ദൈവമാതാവിന്റെ വാങ്ങിപ്പു പെരുന്നാളിനോടനുബന്ധിച്ചുള്ള പെരുന്നാൾ കൊടിയേറ്റ് ആഗസ്റ്റ് 9 ഞായറാഴ്ച വിശുദ്ധ കുർബാനയ്ക്കുശേഷം ഇടവക വികാരി റവ. ഫാ. രാജേഷ് കെ. ജോൺ നിർവഹിച്ചു. പെരുന്നാളിനോടനുബന്ധിച്ച് ആഗസ്റ്റ് 1 മുതൽ 13 വരെ എല്ലാ ദിവസവും വൈകുന്നേരം 7 മണിക്ക് സന്ധ്യാനമസ്കാരം, മധ്യസ്ഥ പ്രാർത്ഥന, തുടർന്ന് നേർച്ച എന്നിവ ഉണ്ടായിരിക്കും. ആഗസ്റ്റ് 14 വെള്ളിയാഴ്ച വൈകുന്നേരം 7 മണിക്ക് വിശുദ്ധ കുർബാനയോടെ പതിനഞ്ചുദിവസത്തെ നോമ്പിന്റെ സമാപനം (നോമ്പുവിടൽ) നടക്കും. തുടർന്ന് റവ. ഫാ. പി. കെ. വർഗീസ് ഭക്തിനിർഭരമായ വചനപ്രഘോഷണം നടത്തും. ആഗസ്റ്റ് 15 ശനിയാഴ്ച വൈകുന്നേരം 6 മണിക്ക് സന്ധ്യാനമസ്കാരവും തുടർന്ന് റവ. ഫാ. പി. കെ. വർഗീസിന്റെ വചനപ്രഘോഷണവും നടക്കും.…

ഹൂസ്റ്റൺ: ഹൂസ്റ്റൺ സെന്റ് മേരീസ് ക്നാനായ കത്തോലിക്കാ പള്ളിയുടെ പുതിയ സൺഡേ സ്കൂൾ കെട്ടിടത്തിന്റെ ഗ്രൗണ്ട് ബ്രേക്കിംഗ് കർമ്മം ഓഗസ്റ്റ് 9 ഞായറാഴ്ച രാവിലെ 8:45-ന് നടന്നു. ഇന്ത്യയിലെ മിയാവോ രൂപതാ മെത്രാൻ മാർ ജോർജ് പള്ളിപ്പറമ്പിൽ ചടങ്ങിൽ മുഖ്യാതിഥിയായിരുന്നു. അറ്റോർണി ഫിലോൺ ട്രാൻ, മുൻ സിറ്റി കൗൺസിൽ അംഗം ജെഫ്രി ബോണി, ഹണ്ടിംഗ്ടൺ ബാങ്ക് പ്രതിനിധി ആഷ് പുതുച്ചിറയിൽ, ഫോർസൈറ്റ് ഡെവലപ്പേഴ്സ് പ്രസിഡന്റ് അനീഷ് സൈമൺ എന്നിവരായിരുന്നു വിശിഷ്ടാതിഥികൾ. ഗ്രൗണ്ട് ബ്രേക്കിംഗ് കർമ്മത്തിന് മുന്നോടിയായി മാർ ജോർജ് പള്ളിപ്പറമ്പിൽ, വികാരി ഫാ. ഏബ്രഹാം മുത്തോലത്ത്, ഫാ. ജോഷി വലിയവീട്ടിൽ എന്നിവരുടെ കാർമ്മികത്വത്തിൽ വിശുദ്ധ കുർബാന അർപ്പിച്ചു. പ്രോജക്ട് കോർഡിനേറ്റർ ജാസിം ജേക്കബ് തയ്യിൽപുത്തൻപുരയിൽ അതിഥികളെ പരിചയപ്പെടുത്തുകയും ഏവർക്കും സ്വാഗതം ആശംസിക്കുകയും ചെയ്തു. പുതിയ കെട്ടിടത്തിന് “ഹൊറൈസൺ സെന്റർ“” എന്ന് നാമകരണം ചെയ്തതായി വികാരി ഫാ. എബ്രഹാം…

ഓക്ലഹോമ: ഭാര്യയും ചെറിയ മകളുമടക്കമുള്ളവരുടെ കൺമുന്നിൽ വച്ച് കടുവയുടെ ആക്രമണത്തിൽ മൃഗസംരക്ഷണ ജീവനക്കാരൻ ദാരുണമായി കൊല്ലപ്പെട്ടു. ‘ടൈഗർ കിംഗ്’ ജോ എക്സോട്ടിസുമായി ബന്ധമുള്ള റയാൻ ഈസ്ലി (37) ആണ് മരിച്ചത്. ഒക്ലഹോമയിലെ ഗ്രോളർ പൈൻസ് ടൈഗർ പ്രിസർവിൽ നടന്ന പ്രകടനത്തിനിടയിലാണ് സംഭവം. പരിശീലന കൂട്ടിൽ വെച്ച് കടുവ റയാനെ ആക്രമിക്കുകയും കടിച്ചുകീറുകയുമായിരുന്നു.  സംഭവസ്ഥലത്തുണ്ടായിരുന്ന സന്ദർശകരും റയാന്റെ ഭാര്യയും മകളും ഈ ദാരുണ സംഭവത്തിന് നേരിട്ടു സാക്ഷിയായി. കനത്ത പരിക്കുകളും അടിയേറ്റുള്ള ആഘാതങ്ങളുമാണ് മരണ കാരണമെന്ന് പിന്നീട് പരിശോധനയിൽ സ്ഥിരീകരിച്ചു. ഇത് വെറുമൊരു അപകകടമാണെന്നാണ് അധികൃതർ വ്യക്തമാക്കിയത്.

ഹൂസ്റ്റൺ/കോട്ടയം: ലോകസമാധാനം, മാനവികത, സാമൂഹിക ഐക്യം എന്നിവ മുൻനിർത്തി പ്രവർത്തിക്കുന്ന വേൾഡ് പീസ് മിഷൻ സംഘടിപ്പിക്കുന്ന അന്താരാഷ്ട്ര സമ്മേളനം അടുത്ത ജനുവരി 9-ന് കോട്ടയം നാഗമ്പടത്തെ സീസർ പാലസ് കോൺഫറൻസ് ഹാളിൽ നടക്കും. ഇന്ത്യയുൾപ്പെടെ വിവിധ രാജ്യങ്ങളിൽ നിന്നുള്ള സമാധാന പ്രവർത്തകരും സാമൂഹിക നേതാക്കളും വിദ്യാഭ്യാസ, ആരോഗ്യ, സാംസ്കാരിക, മാധ്യമ, മനുഷ്യാവകാശ മേഖലകളിലെ പ്രമുഖരും സമ്മേളനത്തിൽ പങ്കെടുക്കും. ഒരു ഹൃദയം, ഒരു ലോകം എന്ന സന്ദേശം ഉയർത്തിപ്പിടിച്ചാണ് സമ്മേളനം സംഘടിപ്പിക്കുന്നത്. ലോകത്ത് വർധിച്ചുവരുന്ന യുദ്ധങ്ങളും സംഘർഷങ്ങളും ദാരിദ്ര്യവും പരിസ്ഥിതി പ്രതിസന്ധികളും ലഹരിവ്യാപനവും സാമൂഹിക വിഭജനവും ഉൾപ്പെടെയുള്ള വിഷയങ്ങൾ സമ്മേളനത്തിൽ ചർച്ച ചെയ്യും. സമാധാന വിദ്യാഭ്യാസം, സ്ത്രീശാക്തീകരണം, യുവജന പങ്കാളിത്തം, ഭക്ഷ്യസുരക്ഷ, ആരോഗ്യസംരക്ഷണം, പരിസ്ഥിതി സംരക്ഷണം, കുടുംബമൂല്യങ്ങൾ, ആഗോള സഹകരണം തുടങ്ങിയ വിഷയങ്ങളിൽ പ്രത്യേക സെഷനുകളും സംവാദങ്ങളും നടക്കും. സമ്മേളനത്തോടനുബന്ധിച്ച് വിവിധ മേഖലകളിൽ ശ്രദ്ധേയമായ സേവനങ്ങൾ നടത്തിയ വ്യക്തികൾക്കും…