Month: September 2026

ഇന്തോനേഷ്യയിലെ സുന്ദ കടലിടുക്കിൽ സ്ഥിതി ചെയ്യുന്ന അനക് ക്രാകറ്റോവ അഗ്നിപർവ്വതം ഞായറാഴ്ച പുലർച്ചെ പെട്ടെന്ന് പൊട്ടിത്തെറിച്ചു, ഏകദേശം 30 സെക്കൻഡ് നീണ്ട പ്രവർത്തനത്തിന് ശേഷം ആകാശത്തേക്ക് ഒരു വലിയ ചാരം പരന്നു. ഞായറാഴ്ച രാവിലെ അനാക് ക്രാകാറ്റോവ അഗ്നിപർവ്വതം പെട്ടെന്ന് സജീവമായത് ഇന്തോനേഷ്യയെ നടുക്കി. സുന്ദ കടലിടുക്കിൽ നിന്ന് കട്ടിയുള്ള ചാരക്കൂമ്പാരം ഉയർന്ന് വിവിധ ദിശകളിലേക്ക് വ്യാപിച്ചു, ഇത് വ്യോമ ഗതാഗതത്തെക്കുറിച്ചുള്ള ആശങ്കകൾ ഉയർത്തി. ഇന്തോനേഷ്യയിലെ ജിയോളജിക്കൽ ഏജൻസിയുടെ കണക്കനുസരിച്ച്, ശനിയാഴ്ച മുതൽ അഗ്നിപർവ്വതത്തിൽ പ്രവർത്തനത്തിന്റെ ലക്ഷണങ്ങൾ കാണുന്നുണ്ടായിരുന്നു. ഞായറാഴ്ച പുലർച്ചെ 3:53 നാണ് പൊട്ടിത്തെറി ഉണ്ടായത്, ഏകദേശം 30 സെക്കൻഡ് നീണ്ടുനിന്നു. ആളപായമൊന്നും റിപ്പോർട്ട് ചെയ്തിട്ടില്ല. സജീവമായ ഗർത്തത്തിൽ നിന്ന് കുറഞ്ഞത് 3 കിലോമീറ്റർ അകലെ താമസിക്കാൻ സമീപത്തുള്ള താമസക്കാർക്കും വിനോദസഞ്ചാരികൾക്കും അധികൃതർ മുന്നറിയിപ്പ് നൽകിയിട്ടുണ്ട്. രണ്ട് വലിയ ചാരത്തൂണുകൾ തിരിച്ചറിഞ്ഞിട്ടുണ്ട്. ഒന്ന് ഏകദേശം 20,000…

ആലപ്പുഴ: പ്രശസ്ത ഛായാഗ്രാഹകനും പൂന്തുപ്പ് വാർഡിലെ തൈപ്പറമ്പ് ഹൗസിൽ താമസക്കാരനുമായ ടി.എൻ. കൃഷ്ണൻകുട്ടി അന്തരിച്ചു. 66 വയസ്സായിരുന്നു. 1960-ൽ കുഞ്ചാക്കോ സംവിധാനം ചെയ്ത് ഉദയ നിർമ്മിച്ച ‘ഉമ്മ’ എന്ന ചിത്രത്തിനാണ് അദ്ദേഹം ആദ്യമായി ക്യാമറ ചലിപ്പിച്ചത്. ഹരിഹരൻ സംവിധാനം ചെയ്ത ആദ്യ ചിത്രമായ ലേഡീസ് ഹോസ്റ്റൽ ഉൾപ്പെടെ 70-ലധികം ചിത്രങ്ങൾക്ക് അദ്ദേഹം ഛായാഗ്രാഹകനായി പ്രവർത്തിച്ചു. തിക്കുറിശ്ശി സുകുമാരൻ നായർ, എം.എം. നേശൻ, പി.ജെ. ആന്റണി, ശശി കുമാർ, എ.ബി. രാജ്, വേണി, കെ.പി. പിള്ള, കെ. നാരായണൻ എന്നിവരുടെ ചിത്രങ്ങൾക്ക് ക്യാമറ ചലിപ്പിച്ചു. ഭാര്യ ലളിതമ്മയും മക്കളായ ഹരികൃഷ്ണൻ, ജയകൃഷ്ണൻ, ജ്യോതികൃഷ്ണൻ എന്നിവരും അദ്ദേഹത്തോടൊപ്പമുണ്ട്. ഉച്ചയ്ക്ക് 2 മണിക്ക് വീട്ടുവളപ്പിൽ സംസ്കാരം നടത്തും.

വായനയുടെ ഇടനാഴിയിൽ അക്ഷരങ്ങൾ കൂട്ടിയിണക്കിയതാണ് ഞങ്ങളുടെ സൗഹൃദം ഇടയ്ക്കുള്ള സല്ലാപ സന്ദേശങ്ങളിലൂടെ അപരിചിതരുടെ ഇടത്താവളത്തിൽ നിന്നും ഞങ്ങൾ ഒരിക്കൽ പുറത്ത് കടന്നു കൂടുവിട്ട് സ്വതന്ത്രരായവരുടെ കൂട്ടത്തിൽ ഞങ്ങളും ചേർന്നു ഒരുമിച്ചുള്ള യാത്രയിൽ മരുഭൂമികൾ പ്രത്യക്ഷപ്പെട്ടപ്പോൾ അകലം കൂടുകയും ഒറ്റപെടുകയും ചെയ്തു നോക്കൂ..നമ്മുടെ അരികിലൂടെ ഒഴുകുന്ന ഈ പുഴ എത്രയോ കൂർത്തുമൂർത്ത പരുക്കൻ യാഥാർത്ഥ്യങ്ങളുടെ മുറിപ്പാടുകളും ഉടൽ നോവുമായ് ദുരിതദൂരം പിന്നിട്ടാണ് വരുന്നത് പ്രക്ഷുബ്ധതയുടെ കടൽമുഴക്കങ്ങളിൽ വീണൊടങ്ങുവാനാണു വിധിയെന്നറിഞ്ഞിട്ടും എത്ര സൗമ്യവും പ്രശാന്തവുമായിട്ടാണ് ആ പ്രയാണം … അത്ര സുഗമമല്ലാത്ത ജീവിത വീഥിയിൽ നാം തളരുമ്പോൾ ചുറ്റുമൊന്നു നോക്കൂ വേനൽ നുള്ളി വേദനിപ്പിച്ചാലും വസന്തം തൊട്ടുരുമ്മി ചിരിപ്പിച്ചാലും വർഷം വന്ന് തല്ലി തൊഴിച്ചാലും പച്ച ചിരിയുമായ് ആകാശം നോക്കി ആശ്ചര്യംകൊള്ളുന്ന ഭൂമിക നമ്മെ വിസ്മയിപ്പിക്കുന്നില്ലേ.. പിണക്കങ്ങളും ഇണക്കങ്ങളും കൊണ്ട് മാത്രം സജീവമാകില്ല നമ്മൾ സ്വപ്നം കാണും ജീവിതം ഓരോ…

ടോറോന്റോ: കാനഡയിലെ തൃശൂർ സ്വദേശികളുടെയും തൃശൂരിനെ സ്നേഹിക്കുന്ന സുഹൃത്തുക്കളുടെയും കൂട്ടായ്മയായ *‘തൃശൂർ ഗഡീസ് ഇൻ കാനഡ’*യുടെ രണ്ടാമത് സംഗമം ‘ഗഡീസ് പിക്നിക് 2026’ സെപ്റ്റംബർ 12 ശനിയാഴ്ച മിൽട്ടൺ സ്പോർട്സ് സെന്റർ കമ്മ്യൂണിറ്റി പാർക്കിൽ നടക്കും. ഉച്ചയ്ക്ക് 1 മുതൽ വൈകിട്ട് 6 വരെയാണ് പരിപാടികൾ. കാനഡയിലെ വിവിധ പ്രവിശ്യകളിൽ നിന്നും നഗരങ്ങളിൽ നിന്നുമായി നൂറു കണക്കിന് തൃശൂർ സ്വദേശികളും കുടുംബങ്ങളും സുഹൃത്തുക്കളും പങ്കെടുക്കും. പ്രവാസ ജീവിതത്തിന്റെ തിരക്കുകൾക്കിടയിൽ തൃശൂരിന്റെ സൗഹൃദവും കൂട്ടായ്മയും ആഘോഷിക്കാനും പഴയ ബന്ധങ്ങൾ പുതുക്കാനും പുതിയ സൗഹൃദങ്ങൾ സൃഷ്ടിക്കാനുമുള്ള വേദിയായിരിക്കും പിക്നിക്. ഗിന്നസ് വേൾഡ് റെക്കോർഡ് നേടിയ തരംഗം നയാഗ്രയുടെ നേതൃത്വത്തിലുള്ള ചെണ്ടമേളം, ആവേശകരമായ വടംവലി, ഫാമിലി ഗെയിംസ്, കുട്ടികൾക്കും മുതിർന്നവർക്കുമായുള്ള വിനോദ പരിപാടികൾ, വിവിധ രുചികളടങ്ങിയ സമൃദ്ധമായ ഭക്ഷണം എന്നിവ പിക്നിക്കിന്റെ പ്രധാന ആകർഷണങ്ങളായിരിക്കും. മത്സരങ്ങളിൽ വിജയിക്കുന്നവർക്ക് സമ്മാനങ്ങളും ഒരുക്കിയിട്ടുണ്ട്. വാട്ടർലൂവിലെ…

വാഷിംഗ്‌ടൺ: ലിറ്റററി അസോസിയേഷൻ ഓഫ് നോർത്ത് അമേരിക്ക (LANA)യുടെ പ്രാദേശിക കൺവൻഷൻ സെപ്റ്റംബർ 25 മുതൽ 27 വരെ വിർജീനിയയിലെ ലീഡ്സ്ബർഗിൽ നടക്കും. LANA യുടെ മുപ്പത് വർഷത്തെ ചരിത്രത്തിൽ ആദ്യമായാണ് അമേരിക്കൻ തലസ്ഥാന മേഖലയെ വേദിയാക്കി ഒരു കൺവൻഷൻ സംഘടിപ്പിക്കുന്നത്. നിലവിലെ LANA പ്രസിഡന്റ് സാമുവൽ യോഹന്നാന്റെയും സെക്രട്ടറി നിർമ്മല ജോസഫിന്റെയും നേതൃത്വത്തിലുള്ള കമ്മിറ്റി, കൺവൻഷന്റെ ചെയർമാനായി എഴുത്തുകാരനായ വേണുഗോപാലൻ കോക്കോടനെയും കൺവീനറായി ഷിനോ കുര്യനെയും നിയോഗിച്ചുകൊണ്ടുള്ള കൺവെൻഷൻ കമ്മിറ്റി ഇതിനകം തന്നെ ഊർജ്ജസ്വലമായി പ്രവർത്തനങ്ങൾ ആരംഭിച്ചിട്ടുണ്ട്. മലയാള സാഹിത്യത്തിലെ പ്രമുഖ എഴുത്തുകാരായ പോൾ സക്കറിയയും വി. ജെ. ജെയിംസും കൺവൻഷന്റെ വിശിഷ്ട മുഖ്യാതിഥികളായി പങ്കെടുക്കും. അവരുടെ സാന്നിധ്യവും വിവിധ സാഹിത്യസംവാദങ്ങളും കൺവൻഷന് കൂടുതൽ ശ്രദ്ധേയമായ മാനം നൽകുമെന്നാണ് സംഘാടകർ പ്രതീക്ഷിക്കുന്നത്. അമേരിക്കൻ ഐക്യനാടുകളും കാനഡയും ഉൾപ്പെടുന്ന വടക്കേ അമേരിക്കയിൽ താമസിക്കുന്ന മലയാളി എഴുത്തുകാരെ ഒരുമിപ്പിക്കുന്ന…