Year: 2024

മിഷിഗൺ: ഡിട്രോയിറ്റ് മാർത്തോമ്മാ ഇടവകയുടെ 46-മത് ഇടവകദിനാഘോഷവും ഓശാന ഞായർ ശുശ്രൂഷകളും മാർച്ച് 24-ന് ഡിട്രോയിറ്റ് മാർത്തോമ്മാ പള്ളിയിൽ വെച്ച് നടത്തപ്പെടും. മലങ്കര മാർത്തോമ്മാ സുറിയാനി സഭയുടെ നോർത്ത് അമേരിക്കൻ ഭദ്രാസന അദ്ധ്യക്ഷൻ ഡോ. എബ്രഹാം മാർ പൗലോസ് എപ്പിസ്‌ക്കോപ്പാ ഡിട്രോയിറ്റ് മാർത്തോമ്മാ പള്ളിയിൽ ഓശാന ഞായാറാഴ്ച രാവിലെ 9:30-ന് വിശുദ്ധ കുർബ്ബാന അനുഷ്ഠിക്കും. തദവസരത്തിൽ സഭയുടെ പൂർണ്ണ അംഗത്വത്തിലേക്ക് പ്രവേശിക്കുന്നതിന്റെ ഭാഗമായി 13 കുട്ടികൾക്കു ഡോ. എബ്രഹാം മാർ പൗലോസ് ആദ്യകുർബ്ബാന നൽകും. അതേതുടർന്ന് ഡിട്രോയിറ്റ് മാർത്തോമ്മാ ഇടവകയുടെ 46-മത് ഇടവകദിനാഘോഷവും സ്വീകരണ സമ്മേളനവും നടക്കും. നോർത്ത് അമേരിക്കൻ ഭദ്രാസന അദ്ധ്യക്ഷനായി ചുമതലയേറ്റശേഷം ആദ്യമായി ഇടവക സന്ദർശനം നടത്തുന്ന ഡോ. എബ്രഹാം മാർ പൗലോസ് എപ്പിസ്‌ക്കോപ്പായിക്ക് ഡിട്രോയിറ്റ് മാർത്തോമ്മാ ഇടവകയുടെ ആദരവുകളും ആശംസകളും അർപ്പിക്കും. ഡിട്രോയിറ്റ് മാർത്തോമ്മാ ഇടവക വികാരി റവ. സന്തോഷ് വർഗ്ഗീസ്, വൈസ്…

ഷിക്കാഗോ(ഇല്ലിനോയ്):യുഎസ് സെനറ്റ് 53-46 വോട്ടുകൾക്ക് മാർച്ച് 12 ന് ഫെഡറൽ മജിസ്‌ട്രേറ്റ് ജഡ്ജി സുനിൽ ഹർജാനിയെ ചിക്കാഗോ ആസ്ഥാനമായുള്ള നോർത്തേൺ ഡിസ്ട്രിക്റ്റ് ഓഫ് ഇല്ലിനോയിയിലെ ഫെഡറൽ ഡിസ്ട്രിക്റ്റ് കോടതി ജഡ്ജിയായി സ്ഥിരീകരിച്ചു. ഇല്ലിനോയിസിലെ നോർത്തേൺ ഡിസ്ട്രിക്റ്റിൽ യുഎസ് ഡിസ്ട്രിക്റ്റ് ജഡ്ജിയായി സേവനമനുഷ്ഠിക്കുന്ന ആദ്യത്തെ ദക്ഷിണേഷ്യൻ അമേരിക്കക്കാരനാണ്   ഹർജാനി ഇല്ലിനോയിസ് ഈസ്റ്റേൺ ഡിവിഷനിലെ നോർത്തേൺ ഡിസ്ട്രിക്റ്റിൻ്റെ ജില്ലാ കോടതി ജഡ്ജിയായി സേവനമനുഷ്ഠിക്കാൻ ജഡ്ജി സുനിൽ ഹർജാനിയെ സെനറ്റ് സ്ഥിരീകരിച്ചതിൽ ഞങ്ങൾക്ക് സന്തോഷമുണ്ട്,” യു.എസ്. സെനറ്റർ ടാമി ഡക്ക്വർത്ത് (ഡി-ഐഎൽ) പ്രസ്താവിച്ചു. തൻ്റെ നാമനിർദ്ദേശത്തെ പിന്തുണച്ചതിന് ഹർജാനി, ഇല്ലിനോയിയിലെ ഇല്ലിനോയിസ് സെനറ്റർമാരായ ഡർബിൻ, ഡക്ക്വർത്ത്, സെനറ്റർമാരായ ജോൺ വാർണർ, വിർജീനിയയിലെ ടിം കെയ്ൻ എന്നിവരെ നോമിനേറ്റ് ചെയ്തതിന് പ്രസിഡൻ്റ് ജോ ബൈഡനെ നാഷണൽ ഏഷ്യൻ പസഫിക് അമേരിക്കൻ ബാർ അസോസിയേഷൻ എക്സിക്യൂട്ടീവ് ഡയറക്ടർ പ്രിയ പുരന്ദരെ പ്രസ്താവനയിൽ അറിയിച്ചു.…

ഫിലാഡൽഫിയ: ട്രൈസ്റ്റേറ്റ് ഏരിയയിലെ മലയാളികളുടെ മാമാങ്കമായ ടി കെ എഫ് ഓണ മഹോത്സവത്തിൻറ്റെ ടിക്കറ്റ് കിക്ക്‌ ഓഫ് ഏപ്രിൽ 14 ഞായറാഴ്ച 3 മണിക്ക് സിറോ മലബാർ ഓഡിറ്റോറിയത്തിൽ (608 Welsh Rd, Philadelphia, PA 19115) വച്ച് നടത്തപ്പെടും. ഗ്രെയ്റ്റർ ഫിലാഡൽഫിയ – ഡിലവർ വാലി ഏരിയയിലെ പ്രെമുഖ സാമൂഹിക സാംസ്‌കാരിക സാമുദായിക സംഘടനകളുടെ കൂട്ടായ്മയായ ട്രൈസ്റ്റേറ്റ് കേരളാ ഫോറത്തിൻറ്റെ ഓണാഘോഷ പരിപാടികൾക്ക് ഇതോടു കൂടി കൊടിയേറുമെന്നു ചെയർമാൻ അഭിലാഷ് ജോൺ അറിയിച്ചു. ഓണാഘോഷത്തോടനുബന്ധിച്ചു പ്രൊഫഷണൽ കലാ പ്രെതിഭകളെ അണി നിരത്തിക്കൊണ്ടു വൈവിദ്ധ്യമാർന്ന കലാപരിപാടികളുടെ ഒരു ഗംഭീര പ്രെകടനം ആസ്വാദകർക്കായി ഒരുക്കുമെന്ന് പ്രോഗ്രാം കോർഡിനേറ്റർ വിൻസെൻറ്റ് ഇമ്മാനുവേൽ പ്രസ്‌താവിച്ചു. അതോടൊപ്പം തന്നെ മത്സരങ്ങൾ, അവാർഡുകൾ, മെഗാ തിരുവാതിര, വിഭവ സമൃദ്ധമായ ഓണ സദ്യ എന്നിവയും പതിവ് പോലെ ഉണ്ടാവുമെന്ന് സെക്രട്ടറി ബിനു മാത്യു, ഓണാഘോഷ ചെയർമാൻ…

വാഷിംഗ്ടണ്‍: 2025 സാമ്പത്തിക വർഷത്തേക്കുള്ള എച്ച്-1ബി വിസയുടെ പ്രാരംഭ രജിസ്ട്രേഷൻ കാലാവധി മാർച്ച് 22ന് അവസാനിക്കുമെന്ന് യുഎസ് സിറ്റിസൺഷിപ്പ് ആൻഡ് ഇമിഗ്രേഷൻ സർവീസസ് (യുഎസ്‌സിഐഎസ്) അറിയിച്ചു. കുടിയേറ്റേതര വിസയായ എച്ച്-1ബി, സൈദ്ധാന്തികമോ സാങ്കേതിക വൈദഗ്ധ്യമോ ആവശ്യമുള്ള പ്രത്യേക തൊഴിലുകളിൽ വിദേശ തൊഴിലാളികളെ ജോലിക്കെടുക്കാൻ യുഎസ്എയിലെ കമ്പനികളെ അനുവദിക്കുന്നു. യുഎസ് ഫെഡറൽ ഏജൻസി പറയുന്നതനുസരിച്ച്, പ്രാരംഭ രജിസ്ട്രേഷൻ കാലയളവ് 12 pm ET ന് അവസാനിക്കുന്നു (രാത്രി 9.30 pm IST). വരാനിരിക്കുന്ന അപേക്ഷകരും നിയമ പ്രതിനിധികളും ഈ കാലയളവിൽ USCIS ഓൺലൈൻ അക്കൗണ്ട് ഉപയോഗിക്കണം. കൂടാതെ, തിരഞ്ഞെടുപ്പ് പ്രക്രിയയ്ക്കായി ഇലക്ട്രോണിക് രജിസ്ട്രേഷൻ നടത്തുകയും വേണം. ഓരോ ഗുണഭോക്താവിനും രജിസ്ട്രേഷൻ ഫീസ് നൽകണമെന്നും USCIS പറഞ്ഞു. എച്ച്-1ബി അപേക്ഷകൾക്കുള്ള നോൺ-ഇമിഗ്രൻ്റ് തൊഴിലാളികൾക്കുള്ള അപേക്ഷയായ ഫോം I-129, പ്രീമിയം പ്രോസസ്സിംഗ് സേവനത്തിൽ നിന്നുള്ള അഭ്യർത്ഥനയായ ഫോം I-907 എന്നിവ USCIS…

നിലമ്പൂരിൽ ബിന്ദു വൈലാശേരിയുടെ നേതൃത്വത്തിൽ 314 ദിവസമായി ആദിവാസികൾ നടത്തികൊണ്ടിരിക്കുന്ന ഭൂസമരം ജില്ല കലക്ടറുമായുള്ള ചർച്ചയെ തുടർന്ന് ‘അവസാനിപ്പിച്ചു. ഇന്ന് നിലമ്പൂർ മിനി സിവിൽ സ്റ്റേഷൻ ഉദ്ഘാടനത്തിന് എത്തിയ ജില്ലാ കലക്‌ടർ ആദിവാസി ഭൂസമര നേതാക്കളോട് ചർച്ച നടത്തി. സമരസമിതി നേതാക്കൾ ആവശ്യപ്പെട്ട പ്രകാരം 60 ആദിവാസി കുടുംബങ്ങൾക്ക് 50 സെന്റ് ഭൂമി നൽകാം എന്ന് കലക്ടർ ഉറപ്പ് കൊടുത്ത തോടുകൂടിയാണ് ഭൂ സമരം അവസാനിപ്പിച്ചത്. ചാലിയാർ പഞ്ചായത്തിൽ കണ്ണംകുണ്ടിൽ തന്നെ ആദ്യം പതിച്ചു നൽകാമെന്നും ബാക്കിയുള്ള കുടുംബങ്ങൾക്ക് തൊട്ടടുത്ത പ്രദേശമായ നെല്ലിപ്പൊയിലിലും നൽകും. 50 സെന്റ് വീതം പ്ലോട്ടുകൾ തിരിക്കുന്നതിന് സർവ്വെ നടപടികൾ വേഗത്തിലാക്കണമെന്നും സർവ്വെ നടപടികളിൽ സമരസമിതിയുടെ സാന്നിധ്യം ഉറപ്പു വരുത്തണമെന്നും സമരസമിതിയുടെ ആവശ്യവും അധിക്കൂർ അംഗീകരിച്ചു. 60 കുടുംബങ്ങളുടെ പേരുകൾ അപേക്ഷ സഹിതം ഐ.റ്റി.ഡി.പി. ഓഫീസർ മുമ്പാകെ സമരസമിതി കൈമാറും. ആദ്യഘട്ട ചർച്ച…

മലപ്പുറം: സി.എ.എ നിയമം നടപ്പിലാക്കുന്നത് ഇലക്ഷൻ തന്ത്രം മാത്രമല്ല അത് സംഘ്പരിവാറിൻ്റെ വംശഹത്യ പദ്ധതിയാണ് എന്ന് സോളിഡാരിറ്റി സംസ്ഥാന പ്രസിഡൻ്റ് സി.ടി സുഹൈബ് പറഞ്ഞു. സോളിഡാരിറ്റി മലപ്പുറം ജില്ലാ കമ്മിറ്റി സംഘടിപ്പിച്ച ഇൻതിഫാദ ഇഫ്താർ സംഗമം ഉദ്ഘാടനം ചെയ്തു കൊണ്ടാണ് അദ്ദേഹം ഇങ്ങനെ പറഞ്ഞത്. മുസ്‌ലിം യൂത്ത് ലീഗ് ജില്ലാ പ്രസിഡന്റ് ഷരീഫ് കുറ്റൂർ, ഐ എസ് എം ജില്ലാ പ്രസിഡൻ്റ് ഫൈസൽ ബാബു , സിനിമാ ആക്റ്റർ ഷംസുദ്ദീൻ, ഐ.എസ്.എം ജില്ലാ പ്രസിഡൻ്റ് ജൗഹർ കെ, ഇർഷാദ് പരാരി ( ഫിലിം മെക്കർ ) , ഫ്രറ്റേണിറ്റി ജില്ലാ പ്രസിഡൻ്റ് ജംഷീൽ അബൂബക്കർ , യാസിർ അറഫാത്ത് പി ( വിസ്ഡം യൂത്ത് ), മുഹമ്മദ് സാദിഖ് ( തെളിച്ചം മാസിക ) , ടി. വി ജലീൽ ( മെക്ക ) , ഷബീർ…

തെരഞ്ഞെടുപ്പ് കമ്മീഷൻ പ്രഖ്യാപിച്ച ലോക്സഭ തെരഞ്ഞെടുപ്പിൻ്റെ ഷെഡ്യൂളിൽ 19, 26 തിയതികൾ വെള്ളിയാഴ്ചയാണെന്നും ഈ ദിവസത്തിലെ തെരഞ്ഞെടുപ്പ് ഇസ്‌ലാം മത വിശ്വാസികൾക്ക് ഉണ്ടാക്കുന്ന പ്രയാസങ്ങൾ മുൻ നിർത്തി ഇലക്ഷൻ ദിവസത്തിൽ മാറ്റം വരുത്തണമെന്നും വെൽഫെയർ പാർട്ടി സംസ്ഥാന പ്രസിഡന്റ് റസാഖ് പാലേരി ആവശ്യപ്പെട്ടു. ഈ ദിവസം ഒഴിവാക്കി തെരഞ്ഞെടുപ്പ് നടത്താനുള്ള സാവകാശവും സമയവും ഉണ്ടെന്നിരിക്കെ തെരഞ്ഞെടുപ്പ് കമ്മീഷൻ തീരുമാനം പുനപരിശോധിക്കാൻ തയ്യാറാകണം. വെള്ളിയാഴ്ച ദിവസത്തെ ജുമുഅ നമസ്കാരം സമയബന്ധിതമായി നിർവഹിക്കേണ്ടതിനാൽ തെരഞ്ഞെടുപ്പുമായി ബന്ധപ്പെട്ട് വിവിധ ഉത്തരവാദിത്വങ്ങളും പ്രവർത്തനങ്ങളും നിർവഹിക്കുന്നവർക്കും വോട്ടർമാർക്കും ഇത് വലിയ അസൗകര്യങ്ങളുണ്ടാക്കും. പലർക്കും വോട്ട് ചെയ്യാൻ കഴിയാത്ത സാഹചര്യങ്ങൾ ഉണ്ടാകും. സംസ്ഥാന സർക്കാരും ജനപ്രതിനിധികളും ഈ വിഷയം തെരഞ്ഞെടുപ്പ് കമ്മീഷന്റെ ശ്രദ്ധയിൽ കൊണ്ട് വന്നു തിയതിയിൽ മാറ്റം വരുത്താൻ ശ്രമിക്കണമെന്ന് അദ്ദേഹം പറഞ്ഞു.

കോഴിക്കോട്: ജാമിഅഃ മര്‍കസ് കുല്ലിയ്യകളിലെ 2023-24 വര്‍ഷത്തെ വാർഷിക പരീക്ഷ ഫലം നാളെ(ചൊവ്വ) പ്രഖ്യാപിക്കും. രാവിലെ 11 ന് ഫൗണ്ടർ ചാൻസിലർ കാന്തപുരം എ പി അബൂബക്കർ മുസ്‌ലിയാർ മർകസ് ഔദ്യോഗിക യുട്യൂബ് ചാനലിലൂടെ ഫലപ്രഖ്യാപനം നടത്തും. ജാമിഅഃ മര്‍കസിന് കീഴില്‍ പ്രവര്‍ത്തിക്കുന്ന തഖസ്സുസ്സ് -ഫിഖ്ഹ്, കുല്ലിയ്യ ഉസ്വൂലുദ്ദീന്‍ -തഫ്‌സീര്‍, കുല്ലിയ്യ ഉസ്വൂലുദ്ദീന്‍- ഹദീസ്, കുല്ലിയ്യ ശരീഅഃ, കുല്ലിയ്യ ദിറാസഃ ഇസ്‌ലാമിയ്യ -ഇല്‍മുല്‍ ഇദാറഃ, കുല്ലിയ്യ ദിറാസഃ ഇസ്‌ലാമിയ്യ -ഇല്‍മുന്നഫ്‌സ്, കുല്ലിയ്യ ലുഗ അറബിയ്യഃ, സാനവിയ്യ ഉറുദു, സാനവിയ്യ എന്നീ വിഭാഗങ്ങളിൽ നടന്ന വാർഷിക പരീക്ഷയുടെ ഫലമാണ് നാളെ പ്രഖ്യാപിക്കുക. പ്രഖ്യാപന ചടങ്ങിൽ സി മുഹമ്മദ് ഫൈസി, ഡോ. ഹുസൈൻ സഖാഫി ചുള്ളിക്കോട്, പ്രൊഫ. കെ വി ഉമർ ഫാറൂഖ്, ഡോ. ഉമറുൽ ഫാറൂഖ് സഖാഫി കോട്ടുമല സംബന്ധിക്കും. പ്രഖ്യാപനത്തിന് ശേഷം ഉച്ചക്ക് 12 മണിയോടെ www.jamiamarkaz.in…