Year: 2024

കോഴിക്കോട്: ആഗോള സമാധാനത്തിനായി ലോകമെങ്ങുമുള്ള മതപണ്ഡിതർ ഒന്നിച്ചു പ്രവർത്തിക്കണമെന്നും ഫലസ്തീൻ ഉൾപ്പെടെയുള്ള അന്താരാഷ്‌ട്ര മനുഷ്യാവകാശ പ്രശ്നങ്ങൾക്ക് ചർച്ചയിലൂടെ അതിവേഗം പരിഹാരം കാണണമെന്നും ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്‌ലിയാർ. ഈജിപ്ഷ്യൻ പ്രസിഡന്റ് അബ്ദുൽ ഫതാഹ് അൽ സീസിയുടെ നേതൃത്വത്തിൽ തലസ്ഥാനമായ കൈറോയിൽ നടന്ന അന്താരാഷ്ട്ര ഫത്‌വ സമ്മേളനത്തിൽ രാജ്യത്തെ പ്രതിനിധീകരിച്ചു പ്രബന്ധമവതരിപ്പിച്ച്‌ സംസാരിക്കുകയായിരുന്നു അദ്ദേഹം. വിവിധ രാജ്യങ്ങളിലെ ഫത്‌വാ കേന്ദ്രങ്ങളെ ഏകോപിപ്പിക്കുന്ന ജനറൽ സെക്രട്ടറിയേറ്റ് ഫോർ ഫത്‌വ അതോറിറ്റീസ് വേൾഡ് വൈഡ് സംഘടിപ്പിച്ച സമ്മേളനത്തിൽ 40 ലധികം രാഷ്ട്രങ്ങളെ പ്രതിനിധീകരിച്ച് പണ്ഡിതരും മുഫ്തിമാരും നയതന്ത്ര വിദഗ്ധരും പങ്കെടുത്തു. ‘അതിവേഗം വളരുന്ന ലോകത്ത് ധാർമിക അടിത്തറയുടെയും ഫത്‌വകളുടെയും പ്രസക്തി’ എന്ന വിഷയത്തിൽ സമ്മേളനത്തിന്റെ മൂന്നാം സെഷനിലാണ് കാന്തപുരം സംസാരിച്ചത്. മനുഷ്യർക്കിടയിലെ സമത്വവും സാഹോദര്യവും വർധിപ്പിക്കുന്നതിലും വിവിധ മതങ്ങൾക്കിടയിലെ മതാന്തര സംഭാഷണങ്ങൾക്കും തീവ്രവാദത്തെ ചെറുക്കുന്നതിലും ഫത്‌വകൾ…

സെന്റർ ഫോർ ഇൻഫർമേഷൻ ആന്‍ഡ് ഗൈഡന്‍സ് ഇന്ത്യ (സിജി) യുടെ, സെന്റർ ഫോർ ലേർണിംഗ് ഡിപ്പാർട്ടമെന്റ് നേതൃത്വത്തിൽ അസ്സസ്മെന്റ് പ്രോഗ്രാം സംഘടിപ്പിക്കുന്നു. 6 നും 12 നും ഇടയിൽ പ്രായമുള്ള കുട്ടികൾക്ക് വേണ്ടി 2024 ആഗസ്റ്റ് 10 ശനിയാഴ്ച്ച ചേവായൂർ സിജി ക്യാമ്പസ്സില്‍ വച്ചായിരിക്കും പരിപാടി. കുട്ടികളുടെ പഠനം, പെരുമാറ്റം, മാനസിക-വൈകാരിക, വികസന സവിശേഷതകൾ എന്നിവയെ കുറിച്ച് സമഗ്രമായ അറിവ് ലഭ്യമാക്കുക എന്നതാണ് ഈ പ്രോഗ്രാം കൊണ്ട് ലക്ഷ്യമാക്കുന്നത്. പരിചയ സമ്പന്നരായ ടീം നടത്തുന്ന പ്രത്യേക അസ്സെസ്സ്‌മെന്റിലൂടെ രക്ഷിതാക്കൾക്ക് അവരുടെ കുട്ടികളുടെ കഴിവുകൾ, വെല്ലുവിളികൾ, വളർച്ചക്കുള്ള സാധ്യതകൾ എന്നിവയെ കുറിച്ച് ധാരണയും മാർഗനിർദ്ദേശവും ലഭ്യമാക്കുകയും ചെയ്യുന്നു. പങ്കെടുക്കാൻ താൽപര്യപ്പെടുന്നവർ cigi.org/page/events എന്ന വെബ്‌സൈറ്റിൽ രജിസ്റ്റർ ചെയ്യേണ്ടതാണ്. കൂടുതൽ വിവരങ്ങള്‍ക്ക് : 8086663009

മഴക്കെടുതിയിൽ മരണപെട്ടവർക്കും പരിക്കേറ്റവർക്കും വേണ്ടി പ്രത്യേക പ്രാർഥന കോഴിക്കോട്: മർകസിലെ മാസാന്ത ആത്മീയ സദസ്സായ അഹ്ദലിയ്യ ആത്മീയ സംഗമവും മഴക്കെടുതിയിൽ മരണപെട്ടവർക്കും പരിക്കേറ്റവർക്കും വേണ്ടിയുള്ള പ്രത്യേക പ്രാർഥനയും നാളെ(ഓഗസ്റ്റ് 03 ശനി)നടക്കും. പൊതുജനങ്ങളുൾപ്പെടെ ആയിരത്തിലധികം പേർ സംബന്ധിക്കുന്ന ചടങ്ങ്‌ സയ്യിദ് അലി ബാഫഖി തങ്ങളുടെ പ്രാർഥനയോടെ വൈകുന്നേരം ഏഴിന് ആരംഭിക്കും. മർകസ് സാരഥി സുൽത്വാനുൽ ഉലമ കാന്തപുരം എ പി അബൂബക്കർ മുസ്‌ലിയാർ ഉദ്ഘാടനം ചെയ്യും. ഡയറക്ടർ ജനറൽ സി മുഹമ്മദ് ഫൈസി പ്രഭാഷണം നടത്തും. വി പി എം ഫൈസി വില്യാപ്പള്ളി അധ്യക്ഷത വഹിക്കും. ജാമിഅ മർകസ്, ഖുർആൻ അകാദമി, റൈഹാൻ വാലി തുടങ്ങിയ സ്ഥാപനങ്ങളിൽ പഠിക്കുന്ന മതവിദ്യാർഥികളും ഖുർആൻ പഠിതാക്കളും അനാഥരും പങ്കെടുക്കുന്ന മഹ്ളറത്തുൽ ബദ്‌രിയ്യക്ക് സയ്യിദ് ശിഹാബുദ്ദീൻ അഹ്ദൽ മുത്തനൂർ, സയ്യിദ് ശറഫുദ്ദീൻ ജമലുല്ലൈലി, സയ്യിദ് മുഹമ്മദ് തുറാബ് സഖാഫി നേതൃത്വം നൽകും.…

തെക്കൻ ലെബനനിലെ വ്യോമാക്രമണത്തിൽ നാല് സിറിയക്കാർ കൊല്ലപ്പെട്ടതിന് മറുപടിയായി ഇസ്രായേലി സൈറ്റുകൾ റോക്കറ്റ് ഉപയോഗിച്ച് ലക്ഷ്യമിട്ടതായി ലെബനൻ തീവ്രവാദ സംഘടന ഹിസ്ബുള്ള പ്രഖ്യാപിച്ചു. “ചമയെ ലക്ഷ്യമിട്ടുള്ള ആക്രമണത്തിനും നിരവധി സിവിലിയന്മാരുടെ രക്തസാക്ഷിത്വത്തിനും മറുപടിയായി, ഇസ്ലാമിക് റെസിസ്റ്റൻസ് പോരാളികൾ ഇന്ന് പടിഞ്ഞാറൻ ഗലീലിയിലെ ശത്രുസൈന്യത്തിൻ്റെ സൈറ്റുകളിലും മാറ്റ്‌സുവയിലെ സെറ്റിൽമെൻ്റിലും ഡസൻ കണക്കിന് കത്യുഷ റോക്കറ്റുകൾ ഉപയോഗിച്ച് ബോംബാക്രമണം നടത്തി,” പ്രസ്താവനയിൽ പറഞ്ഞു. ലെബനൻ ഭാഗത്ത് നിന്ന് രണ്ട് വ്യത്യസ്ത ബാച്ചുകളിലായി 70 ഉപരിതല റോക്കറ്റുകൾ ഇസ്രായേലിലേക്ക് വിക്ഷേപിക്കുന്നത് ലെബനൻ സൈന്യം നിരീക്ഷിച്ചുവെന്നും അവയിൽ ചിലത് ഇസ്രായേലി അയൺ ഡോം മിസൈൽ പ്രതിരോധ സംവിധാനം തടഞ്ഞതായും ലെബനൻ സൈനിക വൃത്തങ്ങൾ വാർത്താ ഏജൻസികളോട് പറഞ്ഞു. പടിഞ്ഞാറൻ ഗലീലിയിലേക്ക് റോക്കറ്റുകൾ വിക്ഷേപിച്ചതായും അവയിൽ 15 എണ്ണം തടഞ്ഞതായും ഇസ്രായേലിൻ്റെ പബ്ലിക് ബ്രോഡ്കാസ്റ്ററായ കെഎഎൻ റിപ്പോർട്ട് ചെയ്തു. അഞ്ച് പ്രൊജക്‌ടൈലുകൾ ലെബനനിൽ നിന്ന്…

ധാക്ക: ജമാഅത്തെ ഇസ്‌ലാമിയെയും അതിൻ്റെ വിദ്യാർത്ഥി സംഘടനയെയും മറ്റ് അനുബന്ധ സംഘടനകളെയും ബംഗ്ലാദേശ് വ്യാഴാഴ്ച നിരോധിച്ചു. കൂടാതെ, പാർട്ടിയെ “സായുധ, തീവ്രവാദ” സംഘടനയായി പ്രഖ്യാപിക്കുകയും ചെയ്തു. ആയിരക്കണക്കിന് ആളുകൾക്ക് പരിക്കേൽക്കുകയും 200-ലധികം പേർ കൊല്ലപ്പെടുകയും ചെയ്ത ആഴ്ചകളോളം അക്രമാസക്തമായ പ്രതിഷേധങ്ങൾക്ക് ശേഷമാണ് സര്‍ക്കാരിന്റെ ഈ നടപടി. തീവ്രവാദ വിരുദ്ധ ചട്ടം അനുസരിച്ചാണ് നിയന്ത്രണം നടപ്പിലാക്കിയതെന്ന് ബംഗ്ലാദേശ് ആഭ്യന്തര മന്ത്രാലയത്തിൻ്റെ അറിയിപ്പില്‍ പറയുന്നു. ജൂലൈ 15 മുതൽ രാജ്യവ്യാപകമായി 10,000-ത്തോളം പേർ അറസ്റ്റിലാവുകയും 211 പേരെങ്കിലും മരിക്കുകയും ചെയ്തു. 2014-ൽ തിരഞ്ഞെടുപ്പ് കമ്മീഷൻ ജമാഅത്തെ ഇസ്‌ലാമിയുടെ രജിസ്‌ട്രേഷൻ റദ്ദാക്കിയതിന് ശേഷം ദേശീയ തിരഞ്ഞെടുപ്പുകളിൽ പങ്കെടുക്കുന്നതിൽ നിന്ന് സംഘടനയെ വിലക്കിയിട്ടുണ്ട്. മതേതരത്വത്തോടുള്ള പാർട്ടിയുടെ എതിർപ്പിൽ നിന്ന് ഉടലെടുത്ത ഭരണഘടനാ വൈരുദ്ധ്യം ചൂണ്ടിക്കാട്ടി 2013-ൽ പാർട്ടിയെ സ്ഥാനാർത്ഥിത്വത്തിൽ നിന്ന് ഹൈക്കോടതി വിലക്കിയിരുന്നു. എന്നാല്‍, പ്രതിഷേധം, യോഗങ്ങൾ, പ്രസംഗങ്ങൾ എന്നിങ്ങനെയുള്ള രാഷ്ട്രീയ പ്രവർത്തനങ്ങൾ…

പത്തനംതിട്ട: സഹായം ചോദിച്ച് വീട്ടിലെത്തി ഒന്നര ലക്ഷം രൂപ തട്ടിയെടുത്ത് കടന്നു കളഞ്ഞ യുവതിയെ അറസ്റ്റു ചെയ്തു. തിരുവനന്തപുരം നെടുമങ്ങാട് പെരുമല പാറവിളാകത്ത് പുത്തന്‍വീട്ടിൽ ബിന്ദുവിനെയാണ് (36) പന്തളം പൊലീസ് അറസ്റ്റ് ചെയ്തത്. ഒന്നരമാസം മുമ്പ് പത്തനംതിട്ട മാന്തുകയിലെ ഒരു വീട്ടിൽ നിന്ന് പണം മോഷ്ടിച്ച് കടന്നു കളഞ്ഞതിനെത്തുടര്‍ന്ന് പോലീസ് കേസെടുത്തിരുന്നു. പോലീസ് അന്വേഷണത്തിൽ യുവതിയുടെ അമ്മയുടെ നൂറനാട് പാറ്റൂര്‍ തടത്തിൽ പറമ്പില്‍ വീട്ടിൽ നിന്ന് ബുധനാഴ്ച വൈകീട്ട് നാലിന് യുവതിയെ കസ്റ്റഡിയിലെടുത്തു. ജില്ലാ പൊലീസ് മേധാവിയുടെ നിർദേശപ്രകാരം തിരച്ചിൽ സംഘം മോഷ്ടാവിനായി തിരച്ചിൽ ഊർജിതമാക്കിയിരുന്നു. സ്റ്റേഷനിലെത്തിച്ച് വിശദമായി ചോദ്യം ചെയ്തപ്പോൾ യുവതി കുറ്റം സമ്മതിച്ചു. ഇതിന് പിന്നാലെയാണ് അറസ്റ്റ്. മകളുടെ പഠനത്തിനും ഭർത്താവിൻ്റെ ചികിൽസയ്ക്കുമാണെന്നാണ് മാന്തുകയിലേയും പരിസരങ്ങളിലെയും വീടുകളിലെത്തി കുട്ടികളുമായി യുവതി ധനസഹായം ആവശ്യപ്പെട്ടത്. അങ്ങനെയാണ് പോസ്റ്റ് ഓഫീസ് ആർഡി ഏജൻ്റായി ജോലി നോക്കുന്ന വീട്ടമ്മയേയും…