Year: 2024

ടൊറൻ്റോ: പടിഞ്ഞാറൻ കനേഡിയൻ പ്രവിശ്യയായ ആൽബെർട്ടയിലെ വടക്കുകിഴക്കൻ ജാസ്‌പറിൽ ശനിയാഴ്ച കാട്ടുതീയെ നേരിടുന്നതിനിടെ മരം വീണ് 24 കാരനായ അഗ്നിശമന സേനാംഗം കൊല്ലപ്പെട്ടതായി പോലീസ് പ്രസ്താവനയിൽ അറിയിച്ചു. റോക്കി മൗണ്ടൻ ഹൗസ് ഫയർ ബേസിൽ നിന്നുള്ള കാൽഗറിയിലെ താമസക്കാരനാണ് മരിച്ചതെന്ന് പോലീസ് പറഞ്ഞു. ആൽബെർട്ട വൈൽഡ്‌ലാൻഡ് ഫയർ ജീവനക്കാരന് ഗുരുതരമായി പരിക്കേറ്റതായി അറിയിപ്പ് ലഭിച്ചിരുന്നു എന്ന് റോയൽ കനേഡിയൻ മൗണ്ടഡ് പോലീസ് പറഞ്ഞു. ജൂലൈ അവസാനത്തിൽ പ്രശസ്തമായ ആൽബർട്ട ടൂറിസ്റ്റ് നഗരത്തിലുണ്ടായ വന്‍ കാട്ടുതീയിൽ ജാസ്പറിൻ്റെ ഏതാണ്ട് മൂന്നിലൊന്ന് ഭാഗവും നശിച്ചു. ഞങ്ങളുടെ അഗാധമായ അനുശോചനം അദ്ദേഹത്തിൻ്റെ ഫയർ-ലൈൻ ക്രൂവിനും ജാസ്‌പറിൽ പ്രവർത്തിക്കുന്ന 700 പേരടങ്ങുന്ന ശക്തമായ ടീമിനും ആൽബർട്ട വൈൽഡ്‌ഫയർ കമ്മ്യൂണിറ്റിക്കും അറിയിക്കുന്നതായി ആൽബർട്ടയിലെ വനം, പാർക്ക് മന്ത്രി ടോഡ് ലോവൻ എക്‌സിലെ പോസ്റ്റിൽ പറഞ്ഞു.

ഉരുൾപൊട്ടി ഒഴുകിയ നീർച്ചാലിൽ നാം അകന്നുപോയോ…… നിർവികാരനായി നിസ്സഹായനായി നോക്കിനിൽക്കെ ….. ഒഴുകി ഒലിച്ചുപോയ ജീവിതങ്ങൾ…… കൂട്ടരും, കൂടും, കുടുക്കയും തുടച്ചു മാറ്റപ്പെട്ടപ്പോൾ ……. ഹൃദയം തകർന്നു നോവേറെയായി….. മരവിച്ച മനുഷ്യജന്മങ്ങളിൽ നിന്നും ഒരു തേങ്ങൽ…. ആരു പറയും ആരോട് പറയും ഞാൻ എന്റെ കഥകൾ … കഥനങ്ങൾ….. സ്വപ്നങ്ങൾ, സ്വപ്നങ്ങൾ മാത്രമായിരുന്നു… മരണങ്ങൾ മരണങ്ങൾ സത്യമായിരുന്നു…. ഇനിയെന്റെ സ്വപ്ന ചിറകിന് ആര് തരും വർണ്ണങ്ങൾ….

യൂസ്റ്റിസ്(ഫ്ലോറിഡ) :ലേക്ക് കൗണ്ടിയിലെ ഒരു  വീട്ടിൽ വെള്ളിയാഴ്ച  നടന്ന വെടിവെപ്പിൽ ഒരു ലേക്ക് കൗണ്ടി ഡെപ്യൂട്ടി മരിക്കുകയും , മറ്റ് രണ്ട് ഡെപ്യൂട്ടിമാർക്ക് പരിക്കേക്കുകയും ചെയ്തതായി ഫ്ലോറിഡ :ലേക്ക് കൗണ്ടി ലെഫ്റ്റനൻ്റ് ജോൺ ഹാരെൽ ശനിയാഴ്ച ഒരു വാർത്താ സമ്മേളനത്തിൽ അറിയിച്ചു ബ്രൂക്ക്‌സൈഡ് ഡ്രൈവിലെ ഒരു വീട്ടിൽ ലഹള നടക്കുന്നതായി വിവരം ലഭിച്ചതിനെ തുടർന്നാണ്   ഡെപ്യൂട്ടികൾ   എത്തിചേർന്നത്   അദ്ദേഹം പറഞ്ഞു.അവിടെയെത്തി വീട്ടിൽ പ്രവേശിക്കാൻ ശ്രമിച്ചതോടെ അകത്തുനിന്നും  നിരവധി  വെടിയുതിർത്തു.ആദ്യം വീട്ടിൽ പ്രവേശിച്ച ഡെപ്യൂട്ടി വെടിയേറ്റ് പരിക്കേറ്റ് മരിച്ചുവെന്ന് ഷെരീഫ് പറഞ്ഞു. ഒരു സോഷ്യൽ മീഡിയ പോസ്റ്റിൽ, ലേക് കൗണ്ടി ഷെരീഫ് ഓഫീസ് മരിച്ചത്  28 കാരനായ മാസ്റ്റർ ഡെപ്യൂട്ടി ഷെരീഫ് ബ്രാഡ്‌ലി മൈക്കൽ ലിങ്ക് എന്ന് തിരിച്ചറിഞ്ഞു. രണ്ടാമത്തെ ഡെപ്യൂട്ടി കക്ഷത്തിലും വയറ്റിലും വെടിയേറ്റ് ഗുരുതരാവസ്ഥയിലാണെന്ന് ഷെരീഫ് പറഞ്ഞു. ഡെപ്യൂട്ടി ഫസ്റ്റ് ക്ലാസ്…

കോഴിക്കോട്: മഴക്കെടുതിയും പുഴവെള്ളം കരകവിഞ്ഞതും മൂലം കേടുപാടുകൾ സംഭവിച്ച വാഹനങ്ങളും ഗൃഹോപകരണങ്ങളും സൗജന്യമായി സർവീസ് ചെയ്യാനുള്ള സൗകര്യമൊരുക്കി കാരന്തൂർ മർകസ് ഐ.ടി.ഐ. ഓഗസ്റ്റ് 5 മുതൽ ഓഗസ്റ്റ് ഏഴ് വരെ മൂന്നു ദിവസങ്ങളിലായാണ് ക്യാമ്പ് നടക്കുന്നത്. മോട്ടോറുകൾ, റഫ്രിഡ്ജറേറ്റർ, വാഷിംഗ് മെഷീൻ, ടി. വി, അയേൺ ബോക്‌സ് തുടങ്ങിയ വീട്ടുപകരണങ്ങളും വിവിധ വാഹനങ്ങളും സൗജന്യമായി റിപ്പയർ ചെയ്യാനുള്ള അവസരമാണ് ക്യാമ്പിൽ ഒരുക്കുന്നത്. കൂടുതൽ വിവരങ്ങൾക്കും സേവനം ഉപയോഗപ്പെടുത്തുന്നതിനും 9605504469, 9946045708, 9645039475 എന്നീ നമ്പറുകളിൽ ബന്ധപ്പെടാവുന്നതാണ്.  

തിരുവനന്തപുരം: കാലാവസ്ഥാ പ്രവചന മാതൃകകൾ കൂടുതൽ സമകാലികവും ലൊക്കേഷൻ-നിർദ്ദിഷ്‌ടവും കൃത്യവുമാക്കേണ്ടതിൻ്റെ ആവശ്യകത മുഖ്യമന്ത്രി പിണറായി വിജയന്‍ ഊന്നിപ്പറഞ്ഞു. ഇന്ത്യൻ കാലാവസ്ഥാ വകുപ്പും (ഐഎംഡി), സെൻട്രൽ വാട്ടർ കമ്മീഷനും (സിഡബ്ല്യുസി) ജിയോളജിക്കൽ സർവ്വേ ഓഫ് ഇന്ത്യയും (ജിഎസ്ഐ) കേരള സർക്കാരിന് കനത്ത മഴയ്ക്കുള്ള സാധ്യതയെക്കുറിച്ച് വേണ്ടത്ര മുന്നറിയിപ്പ് നൽകിയിരുന്നോ എന്ന ചോദ്യത്തിന്റെ പശ്ചാത്തലത്തിൽ മുഖ്യമന്ത്രിയുടെ അഭിപ്രായത്തിന് രാഷ്ട്രീയ പ്രാധാന്യമുണ്ട്. വയനാട്ടിലെ വിനാശകരമായ മണ്ണിടിച്ചിലും തുടര്‍ന്നു നടന്ന ദാരുണമായ സംഭവവും ഒഴിവാക്കാമായിരുന്നില്ലേ എന്ന ചോദ്യത്തിനും പ്രസക്തിയേറുന്നു. ആഗോള കാലാവസ്ഥാ വ്യതിയാനം കണക്കിലെടുത്ത്, ഒരു പ്രത്യേക പ്രദേശത്തെ ചുരുങ്ങിയ സമയത്തിനുള്ളിൽ വെള്ളപ്പൊക്കമുണ്ടാക്കുന്ന മേഘവിസ്ഫോടനങ്ങളും തീവ്രമായ മഴയും പ്രവചിക്കാൻ വെല്ലുവിളിയാണെന്ന് ഓഗസ്റ്റ് 3 ന് ഒരു വാർത്താ സമ്മേളനത്തിൽ അദ്ദേഹം സമ്മതിച്ചു. എന്നിരുന്നാലും, ആവർത്തിച്ചുള്ള പ്രകൃതി ദുരന്തങ്ങൾ രാജ്യത്തിൻ്റെ കാലാവസ്ഥാ പ്രവചന സംവിധാനങ്ങളെ നവീകരിക്കേണ്ടതിൻ്റെ ആവശ്യകതയെ അടിവരയിടുന്നു. ദുരന്തബാധിതരായ വയനാട്ടിലെ ജനങ്ങളെ സഹായിക്കുന്നതിൽ…

കൊച്ചി: ജൂലൈ 29 ന് വയനാട്ടിൽ അതിശക്തമായ മഴയ്ക്ക് സാധ്യതയുള്ളതായി മുന്നറിയിപ്പ് നൽകിയിരുന്നില്ലെങ്കിലും, രണ്ട് വൻതോതിലുള്ള ഉരുൾപൊട്ടൽ മേഖലയിൽ നാശം വിതയ്ക്കുന്നതിന് മുമ്പ് മേപ്പാടി പഞ്ചായത്ത് 150 ഓളം പേരെ സുരക്ഷിത സ്ഥാനത്തേക്ക് മാറ്റിയതായി തദ്ദേശ സ്വയംഭരണ വകുപ്പ് മന്ത്രി എം ബി രാജേഷ് പറഞ്ഞു. ഓഗസ്റ്റ് ഒന്നിന് വയനാട്ടിൽ മുഖ്യമന്ത്രി വിളിച്ചുചേർത്ത സർവകക്ഷി യോഗത്തിൽ പഞ്ചായത്ത് ഉദ്യോഗസ്ഥർ ഇവരുടെ സുരക്ഷ സ്ഥിരീകരിച്ചതായി രാജേഷ് പറഞ്ഞു. “എന്താണ് സംഭവിച്ചത്, ഇന്ത്യൻ കാലാവസ്ഥാ വകുപ്പും (ഐഎംഡി) ജിയോളജിക്കൽ സർവേ ഓഫ് ഇന്ത്യയും (ജിഎസ്ഐ) പുറപ്പെടുവിച്ച അലേർട്ടുകൾ ഒരിക്കലും ഇത്രയും വലിയ ദുരന്തം പ്രവചിച്ചില്ല. 115 മില്ലീമീറ്ററിനും 204 മില്ലീമീറ്ററിനും ഇടയിൽ മഴ പെയ്യുമെന്നായിരുന്നു ഐഎംഡി നൽകിയ മുന്നറിയിപ്പ്. ആദ്യം യെല്ലോ അലർട്ടും പിന്നീടുള്ള 24 മണിക്കൂറിനുള്ളിൽ ഓറഞ്ച് അലർട്ടുമായിരുന്നു. എന്നാൽ, ഐഎംഡി പ്രവചിച്ചതിലും 200% കൂടുതലാണ് ഞങ്ങൾക്ക് ലഭിച്ച…

ഉറ്റവരും ഉടയവരും നഷ്ടപ്പെട്ട് തീരാ വേദനയിൽ കഴിയുന്ന വയനാട്ടിലെ ദുരന്തബാധിതരെ സഹായിക്കുവാൻ ബീലീവേഴ്സ് ഈസ്റ്റേൺ ചർച്ച്. വയനാട്ടില്‍ പ്രകൃതി ദുരന്തം ഉണ്ടായതിന് ശേഷം മണിക്കൂറുകൾക്കുള്ളിൽ ബിലീവേഴ്സ് ചർച്ച് മെഡിക്കൽ കോളജ് ഹോസ്പിറ്റൽ വൈദ്യ സംഘത്തിന്റെ നേതൃത്വത്തില്‍ സേവനവും ജീവകാരുണ്യ പ്രവർത്തനങ്ങളും നടത്തി വരുന്നു.രക്ഷാ പ്രവർത്തനം നടത്തുന്നവർക്കും സർക്കാർ സംവിധാനങ്ങൾക്കും സാധ്യമായ എല്ലാ സഹായങ്ങളും അടിയന്തിരമായി ചെയ്യണമെന്ന് സഭയുടെ പരമാധ്യക്ഷൻ മോറാൻ മോർ ഡോ.സാമുവേൽ തെയോഫിലോസ് മെത്രാപ്പോലീത്താ ആഹ്വാനം ചെയ്തു. ബിഷപ്പ് മാത്യുസ് മാർ സിൽവാനിയോസ് എപ്പിസ്ക്കോപ്പയുടെ നിർദ്ദേശത്തെ തുടർന്ന് കേരളത്തിലെ എല്ലാ ഇടവകകളിലും ആഗസ്റ്റ് 4ന് വിശുദ്ധ കുർബാന മധ്യേ വയനാടിന് വേണ്ടിയുള്ള സമൂഹ പ്രാർത്ഥന നടക്കും.അതോടൊപ്പം അവരുടെ പുനരധിവാസത്തിനും മുൻപോട്ടുള്ള ജീവിതത്തിനും ആശ്വാസമാകുവാൻ പ്രത്യേക സ്തോത്രകാഴ്ച സമാഹരിക്കും.സമാഹരിക്കുന്ന തുക നേരിട്ട് മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന ചെയ്യാനാണ് തീരുമാനം. നിരണം സെന്റ് തോമസ് ബിലീവേഴ്സ് ഈസ്റ്റേൺ ചർച്ച്…

ദുരിതബാധിതർക്കുള്ള സഹായം ഔദാര്യമല്ല, ആശ്വാസവും സർക്കാരിന്റെയും സമൂഹത്തിന്റെയും ഉത്തരവാദിത്തവും ചേർത്ത് നിർത്തലുമാണ്. സമ്പന്നരോ ദരിദ്രരോ എന്ന വിവേചനം ഇല്ലാതെ, മതജാതി കക്ഷരാഷ്ട്രീയമോ വിശ്വാസമോ വിശ്വാസമില്ലായ്മയോ എന്ന വേർതിരിവുകൾ ഇല്ലാതെ ദുരന്തം എല്ലാവരെയും ബാധിക്കുന്നതും നിസ്സഹായത തീർക്കുന്നതുമാണ്. ദിവസങ്ങളായി നമ്മുടെ ജീവിതന്തരീക്ഷം ദുഃഖസാന്ദ്രമാണ്.. വയനാട് ദുരന്തം നമ്മുടെയെല്ലാം ഹൃദയം കീറിമുറിക്കുന്നുണ്ട്, മഴ സംഹാരതാണ്ഡവമാടിയ ഒരൊറ്റ രാത്രി കൊണ്ട് ഉരുൾപൊട്ടി പ്രളയം തീർത്ത് എല്ലാം തകിടം മറിഞ്ഞു. ഒരമ്മയുടെ കരഞ്ഞുകൊണ്ടുള്ള സംസാരം ദൃശ്യമാധ്യമങ്ങളിൽ കാണാനിടയായി കൊടും കാട്ടിൽ കാട്ടാനക്കൊപ്പം കഴിഞ്ഞ സമയം, പുലർച്ചെ ആരൊക്കെയോ രക്ഷക്കെത്തുന്നു! ദുരന്ത ഭൂമിയിൽ സ്വന്തം വീട്ടുകാരെയും അയൽക്കാരെയും തിരയുന്ന മനുഷ്യർ, തന്റെ അമ്മയെ തോളിൽ ഇട്ടു, പക്ഷെ മകളും സഹോദരിയും സഹോദരനും ഒക്കെ കണ്മുന്നിലൂടെ ഒഴുകിപോകുന്ന, നിലവിളിക്കാൻ പോലുമാവാത്ത അവസ്‌ഥ! തലേ ദിവസം വരെ സ്‌കൂളിൽ ഉണ്ടായിരുന്ന 18 വർഷമായി മുണ്ടക്കൈ പ്രദേശത്ത് കുട്ടികൾക്കും…

തിരുവനന്തപുരം: കെപിസിസി അദ്ധ്യക്ഷൻ കെ.സുധാകരൻ്റെ നിർദേശപ്രകാരം വയനാട് ഉരുൾപ്പൊട്ടലിൽ ദുരിതമനുഭവിക്കുന്നവരുടെ പുനരധിവാസ പദ്ധതികളിൽ ഒഐസിസി ഇൻകാസ് പ്രവർത്തകരും പങ്കാളികളാകും. വിവിധ പദ്ധതികൾ ആവിഷ്കരിക്കുന്നതിനോടൊപ്പം ഭവന നിർമ്മാണത്തിന് പ്രാധാന്യം നൽകും. ഒഐസിസി യുഎഇ, കുവൈറ്റ്, അൽഹാസ, യുഎസ്എ, ദുബായ്, ഖത്തർ, ഒമാൻ, ജർമനി, സൗദി, ബഹ്റൈൻ, കാനഡ, അയർലെൻഡ്, ഖത്തർ, ഇറ്റലി, ഓസ്ട്രേലിയ തുടങ്ങിയ കമ്മിറ്റികളുടെ നേതൃത്വത്തിൽ വിവിധ പദ്ധതികൾ ആവിഷ്ക്കരിച്ചു കഴിഞ്ഞു. സാമ്പത്തിക സഹായത്തിൻ്റെ ആദ്യ ഗഡു പല കമ്മിറ്റികളും പ്രഖ്യാപിച്ചിട്ടുമുണ്ട്. ഇൻകാസ് യുഎഇയുടെ നേതൃത്വത്തിൽ 10 വീടുകൾ നിർമിച്ചു നൽകും. അഞ്ച് ലക്ഷം രൂപ ആദ്യ ഗഡുവായി വിതരണം ചെയ്യും. ഒഐസിസി കുവൈറ്റ് അഞ്ച് ലക്ഷം, ഇൻകാസ് ഒമാൻ നാഷണൽ കമ്മിറ്റി ഏഴു ലക്ഷം, ഒഐസിസി അൽഹസാ, മക്കാ കമ്മിറ്റികൾ ഭവന പദ്ധതി എന്നിവയും പ്രഖ്യാപിച്ചു കഴിഞ്ഞു. നാട്ടിലുള്ള ഒഐസിസി പ്രവർത്തകർ കെപിസിസിയുമായും വയനാട് ഡിസിസിയുമായി…