Year: 2024

തിരുവനന്തപുരം, ആഗസ്റ്റ് 27, 2024: തിരുവനന്തപുരം തൈക്കാട് പ്രവർത്തിക്കുന്ന പ്രശസ്തമായ ഗവണ്മന്റ്റ് വിമൻ ആൻഡ് ചൈൽഡ് ആശുപത്രിക്ക് തങ്ങളുടെ കോർപ്പറേറ്റ് സോഷ്യൽ റെസ്‌പോൺസിബിലിറ്റി (സി എസ് ആർ) പരിപാടികളുടെ ഭാഗമായി ആവശ്യമായ ഉപകരണങ്ങൾ സംഭാവന ചെയ്ത് യു എസ് ടി. ആശുപത്രിയുടെ ദൈനംദിന ആവശ്യങ്ങൾക്കായി ഒരു ഐ എഫ് ബി 10-കിലോ വാഷിംഗ് മെഷീൻ, വാട്ടർ ഡിസ്പെൻസർ, നാല് സീറ്റുകളുള്ള രണ്ട് എയർപോർട്ട് കസേരകൾ, രണ്ട് കാങ്കരൂ കസേരകൾ എന്നിവ കമ്പനി ആശുപത്രിക്കു കൈമാറി. 1914-ൽ സ്ഥാപിതമായ, സർക്കാർ തലത്തിൽ പ്രവർത്തിക്കുന്ന തൈക്കാട് സ്ത്രീകളുടെയും കുട്ടികളുടെയും ആശുപത്രി കേരളത്തിലെ പ്രധാന ആശുപത്രികളിൽ ഒന്നാണ്. പ്രതിമാസം 350 പ്രസവങ്ങൾ എന്ന റെക്കോർഡുള്ള ഈ ആശുപത്രിയിൽ 428 രോഗികളെ കിടത്തിച്ചികിത്സയ്ക്കാനുള്ള സൗകര്യങ്ങളുണ്ട്. ആശുപത്രിയിൽ സംഘടിപ്പിച്ച ചടങ്ങിൽ വച്ച് യു എസ് ടി ഉദ്യോഗസ്ഥർ അവശ്യ ഉപകരണങ്ങൾ കൈമാറി. കൈമാറ്റ ചടങ്ങിൽ…

മലപ്പുറം: അയ്യങ്കാളി ദിനാചരണവും നിലമ്പൂരിൽ 314 ദിവസത്തെ സമരത്തിലൂടെ അവകാശങ്ങൾ നേടിെടുത്ത ബിന്ദു വൈലാശേരി നയിച്ച ആദിവാസി ഭൂസമര പ്രവർത്തകരെ ആദരിക്കുന്ന ചടങ്ങും ‘മഹാത്മ അയ്യൻ കാളി ദിന’ത്തോടനുബന്ധിച്ച് നാളെ (2024 ഓഗസ്റ്റ് 28) നടക്കും. വെൽഫെയർ പാർട്ടി സംസ്ഥാന പ്രസിഡന്റ് റസാഖ് പാലേരി അയ്യൻ കാളി അനുസ്മരണ പ്രഭാഷണം നടത്തും. വിമൺ ജസ്റ്റിസ് മൂവ്മെൻ്റ് സംസ്ഥാന പ്രസിഡന്റ് വി.എ ഫായിസ മുഖ്യ പ്രഭാഷണം നടത്തും. ചാലിയാർ പഞ്ചായത്തിലെ അകമ്പാടത്ത് രാവിലെ 10 മണിക്ക് ആരംഭിക്കുന്ന പരിപാടിയിൽ ഭൂസമര പ്രവർത്തകരെ സമ്മേളന നഗരിയിലേക്ക് സ്വീകരിച്ച് ആനയിക്കും. ചടങ്ങിൽ വെൽഫെയർ പാർട്ടി ജില്ലാ പ്രസിഡൻ്റ് നാസർ കീഴ്പറമ്പ്, വൈസ് പ്രസിഡന്റ് കൃഷ്ണൻ കുനിയിൽ,രജിത മഞ്ചേരി, ശ്യാംജിത്ത്, മജീദ് ചാലിയാർ, മുഹമ്മദ് കുട്ടി എളമ്പിലാകോട്, സവാദ് മൂലേപാടം എന്നിവർ പങ്കെടുക്കും. ആദിവാസി ഭൂസമര പ്രവർത്തകരുടെ കലാവിഷ്‌കാരങ്ങൾ അരങ്ങേറും.

കോഴിക്കോട്: സെൻറർ ഫോർ ഇൻഫർമേഷൻ ആൻഡ് ഗൈഡൻസ് ഇന്ത്യ (സിജി), സ്ഥാപക പ്രസിഡണ്ടും ഭാഭാ അറ്റോമിക് റിസർച്ച് സെൻറർ ശാസ്ത്രജ്ഞനുമായിരുന്ന ഡോ. കെ എം അബൂബക്കറിന്റെ സ്മരണാർത്ഥം സിജി അവാർഡ് ഏർപ്പെടുത്തുന്നു. വിദ്യാഭ്യാസ തൊഴിൽ രംഗങ്ങളിൽ യുവജനങ്ങളെ ശാക്തീകരിക്കുന്നതിനായി നടത്തുന്ന മികച്ച സേവനം വിലയിരുത്തിയാണ് പുരസ്കാരം നൽകുന്നത്.സാമൂഹിക നീതി, മതനിരപേക്ഷത, മാനവികത എന്നീ മൂല്യങ്ങളിൽ ഊന്നി സാമൂഹ്യ സേവനം നടത്തുന്ന വ്യക്തികൾക്കും സംഘടനകൾക്കും സ്ഥാപനങ്ങൾക്കും അപേക്ഷിക്കാവുന്നതാണ്. ഒരു ലക്ഷം രൂപയും പ്രശസ്തിപത്രവുമാണ് അവാർഡ് ആയി ലഭിക്കുക. cigi.org/page/events എന്ന വെബ്സൈറ്റിലൂടെ 2024 സെപ്റ്റംബർ 15 വരെ അപേക്ഷ സമർപ്പിക്കാം.ഇന്ത്യൻ പൗരന്മാർക്കും ഇന്ത്യയിൽ രജിസ്റ്റർ ചെയ്ത സംഘടനകൾക്കും സ്ഥാപനങ്ങൾക്കുമാണ് അവാർഡിന് അർഹത. വിദ്യാർത്ഥികൾക്കും യുവജനങ്ങൾക്കും ശാസ്ത്രീയമായ കരിയർ മാർഗ്ഗനിർദ്ദേശങ്ങൾ നൽകി കൂടുതൽ മെച്ചപ്പെട്ട കരിയർ മേഖലകളിലേക്ക് കൈപിടിച്ചുയർത്തുകയെന്ന ലക്ഷ്യത്തോടെയാണ് ഡോ. കെ എം അബൂബക്കറിന്റെ നേതൃത്വത്തിൽ സർക്കാരിതര സംഘടനയായി 28 വർഷങ്ങൾക്ക് മുമ്പ് സിജി…

കൊച്ചി: മലയാളം മൂവി ആർട്ടിസ്റ്റുകളുടെ അസോസിയേഷൻ (അമ്മ) അംഗങ്ങൾക്കെതിരെ സ്ത്രീകൾ ഉയർത്തുന്ന ലൈംഗികാതിക്രമത്തിൻ്റെയും മോശം പെരുമാറ്റത്തിൻ്റെയും വർദ്ധിച്ചുവരുന്ന ആരോപണങ്ങൾക്കിടയിൽ, ഇന്ന് (ഓഗസ്റ്റ് 27 ചൊവ്വ) അമ്മ പ്രസിഡന്റ് മോഹന്‍‌ലാല്‍ രാജി വെച്ചു. കൂടാതെ, എക്സിക്യൂട്ടീവ് കമ്മിറ്റി പിരിച്ചുവിടുകയും ചെയ്തു. കമ്മറ്റി അംഗങ്ങൾക്കെതിരെ ലൈംഗികാതിക്രമവും പെരുമാറ്റദൂഷ്യവും ഉയർന്നതിനാൽ സമിതി പിരിച്ചുവിടണമെന്ന് അഭിനേതാക്കളുടെ സംഘടനയുടെ അടിയന്തര ഓൺലൈൻ യോഗം തീരുമാനിച്ചതിന് പിന്നാലെയാണ് പ്രസിഡന്റും മുതിർന്ന നടനുമായ മോഹൻലാൽ ഉൾപ്പെടെയുള്ള 17 അംഗങ്ങളും രാജി സമർപ്പിച്ചത്. പുതിയ എക്സിക്യൂട്ടീവ് കമ്മിറ്റി 2024 ജൂണിലാണ് തിരഞ്ഞെടുക്കപ്പെട്ടത്, അതിന് 2027 വരെ കാലാവധിയുണ്ടായിരുന്നു. എക്‌സിക്യുട്ടീവ് കമ്മിറ്റിയിലുൾപ്പെടെയുള്ള അംഗങ്ങൾക്കെതിരെ ഗുരുതരമായ ലൈംഗികാരോപണങ്ങൾ ഉയർന്നതിനെ തുടർന്നാണ് രാജിവെക്കാൻ കമ്മിറ്റി ഏകകണ്ഠമായി തീരുമാനിച്ചതെന്ന് നടൻ ജോയ് മാത്യു പറഞ്ഞു. എന്നാൽ, അംഗങ്ങൾക്കായുള്ള അമ്മയുടെ ക്ഷേമപ്രവർത്തനങ്ങൾ തടസ്സപ്പെടാതിരിക്കാൻ നിലവിലുള്ള കമ്മിറ്റി ഒരു താൽക്കാലിക ക്രമീകരണമായി തുടരും. നടി രേവതി സമ്പത്ത്…

താമരശ്ശേരി: എസ്.എസ്.എഫ് സംസ്ഥാന കമ്മിറ്റിക്ക് കീഴിൽ ഇംഗ്ലീഷ് മീഡിയം സ്കൂളുകളിൽ നടപ്പിൽ വരുത്തുന്ന മഴവിൽ ക്ലബ് ലോഞ്ചിങ് കൈതപ്പൊയിൽ മർകസ് പബ്ലിക് സ്കൂളിൽ സംഘടിപ്പിച്ചു. സ്കൂൾ പ്രിൻസിപ്പൽ ലിനീഷ് ഫ്രാൻസിസ് ചടങ്ങ് ഉദ്ഘാടനം ചെയ്തു. എസ്എസ്എഫ് സംസ്ഥാന സെക്രട്ടറി ഡോ. മുഹമ്മദ് നിയാസ് ക്ലബ്ബ് ലോഞ്ചിംഗ് നിർവഹിച്ച് വിദ്യാർഥികളുമായി സംവദിച്ചു. അഡ്മിനിസ്ട്രേറ്റീവ് ഓഫീസർ അബ്ദുൽ ജബ്ബാർ സഖാഫി ക്ലബ്ബ് അംഗങ്ങളെ പ്രഖ്യാപിച്ചു. ഖുർആൻ ക്ലബ്ബ്, ഹദീസ് ക്ലബ്ബ്, ഫിഖ്ഹ് ക്ലബ്ബ്, അറബിക് ക്ലബ്ബ് തുടങ്ങിയ വ്യത്യസ്ത വിംഗുകൾക്കും തുടക്കം കുറിച്ചു. മഴവിൽ ക്ലബ് ചീഫ് കോഡിനേറ്റർ ആയി പത്താം ക്ലാസ് വിദ്യാർഥി അൻഫിൽ തെരഞ്ഞെടുക്കപ്പെട്ടു. അസ്മിൽ സൈൻ, മുഹമ്മദ് ഹാനി നുഹാസി, മുഹമ്മദ് ബാദുഷ, സുഹൈൽ സി കെ എന്നിവരാണ് അസിസ്റ്റന്റ് കോഡിനേറ്റർമാർ. ഓരോ ക്ലാസുകളിൽ നിന്ന് ക്യാപ്റ്റനെയും വൈസ് ക്യാപ്റ്റനെയും തിരഞ്ഞെടുത്തു. അബ്ദുനാസർ ഹിശാമി അധ്യക്ഷത…

തിരുവനന്തപുരം: വയനാട് പുനരധിവാസത്തിന് കേന്ദ്ര സർക്കാരിനോട് സംസ്ഥാന സർക്കാർ 2000 കോടി രൂപയുടെ ധനസഹായം ആവശ്യപ്പെട്ടു. തിങ്കളാഴ്ച ന്യൂഡൽഹിയിലെത്തിയ മുഖ്യമന്ത്രി പിണറായി വിജയൻ ചൊവ്വാഴ്ച രാവിലെ 10.30ന് പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും. സംസ്ഥാനത്തിൻ്റെ അഭ്യർത്ഥന അനുകൂലമായി പരിഗണിക്കണമെന്ന് മുഖ്യമന്ത്രി നേരിട്ട് പ്രധാനമന്ത്രിയോട് അഭ്യർത്ഥിക്കുമെന്ന് പ്രതീക്ഷിക്കുന്നു. ഈ മേഖലയുടെയും ജനജീവിതത്തിൻ്റെയും പുനർനിർമ്മാണത്തിനായി പ്രതീക്ഷിക്കുന്ന തുകയും നഷ്‌ടങ്ങളുടെ പ്രാഥമിക റിപ്പോർട്ടും അദ്ദേഹം ഇതിനകം പ്രധാനമന്ത്രിക്ക് സമർപ്പിച്ചു. “കേന്ദ്ര സർക്കാരിൻ്റെ നിർദ്ദേശപ്രകാരം സംസ്ഥാനം ആഭ്യന്തര മന്ത്രാലയത്തിലെ ദുരന്തനിവാരണ വിഭാഗത്തിന് 2,000 കോടി രൂപയുടെ ധനസഹായത്തിനായി കൂടുതൽ വിശദമായ മെമ്മോറാണ്ടം സമർപ്പിച്ചിരുന്നു. ദേശീയ ദുരന്ത നിവാരണ പദ്ധതി പ്രകാരം വയനാട് ഉരുൾപൊട്ടൽ എൽ 3 ലെവൽ ദുരന്തമായി പ്രഖ്യാപിക്കാൻ ഞങ്ങൾ കേന്ദ്രത്തോട് ആവശ്യപ്പെട്ടിരുന്നു,” റവന്യൂ മന്ത്രി കെ രാജൻ പറഞ്ഞു. ദേശീയ ദുരന്ത പ്രതികരണ പദ്ധതി പ്രകാരം, വൻതോതിലുള്ള ദുരന്തങ്ങൾ…

തിരുവല്ല: മോറാൻ മോർ ഡോ. സാമുവേൽ തെയോഫിലോസ് മെത്രാപ്പോലീത്തായുടെ 65-ാംമത് ജന്മദിനം ഇന്ന്. ബിലീവേഴ്സ് ഈസ്റ്റേൺ ചർച്ച് പരമാധ്യക്ഷൻ ആയി ഉയർത്തപെട്ടതിന് ശേഷം ഉള്ള ആദ്യ ജന്മ ദിനം കൂടിയാണ് ഇന്ന്. പത്തനംതിട്ട ജില്ലയിലെ റാന്നി കീക്കൊഴൂർ ഗ്രാമത്തിൽ കൈതപ്പതാലിൽ (ഒറേത്ത്) കുടുംബത്തിലെ മത്തായി മത്തായിയുടെയും മേരിക്കുട്ടി മത്തായിയുടെയും ഏഴു മക്കളിൽ ആറാമനായി ജനിച്ച സാമുവൽ മാത്യു ഹൈസ്കൂൾ വിദ്യാഭ്യാസം പൂർത്തിയാക്കിയ ശേഷം, അടുത്ത ആറ് വർഷം, ദരിദ്രരെ സേവിക്കുന്നതിനും ഉത്തരേന്ത്യയിൽ ദൈവസ്നേഹത്തിൻ്റെ സന്ദേശം പ്രചരിപ്പിക്കുന്നതിനുമായി ജീവിതം സമർപ്പിച്ചു. 1987-ൽ ദൈവശാസ്ത്രത്തിൽ ബിരുദവും 1992- ൽ ബിരുദാനന്തര ബിരുദവും 2007-ൽ ഡോക്റേറ്റും നേടി.1993 മുതൽ 2003 വരെ സെൻ്റ് ഇഗ്നേഷ്യസ് തിയോളജിക്കൽ സെമിനാരിയുടെ സ്ഥാപക പ്രിൻസിപ്പലായി സേവനമനുഷ്ഠിച്ചു. 1997-ൽ ഡീക്കനായും 2003-ൽ ഭാഗ്യ സ്മരണീയനായ മോറാൻ മോർ അത്തനേഷ്യസ് യോഹാൻ പ്രഥമൻ മെത്രാപ്പോലീത്തയിൽ നിന്നും കശീശാ പട്ടവും…

വിക്ടോറിയ, ബിസി: ഗ്രേഡ് 12 വിദ്യാർത്ഥിനിയായ ഹൈമ സൈബീഷ്, ഓഗസ്റ്റ് 31 ശനിയാഴ്ച്ച, ഡേവ് ഡണറ്റ് കമ്മ്യൂണിറ്റി തിയേറ്ററിൽ ബിസി കാൻസർ ഫൗണ്ടേഷന്റെ ധനശേഖരണാർത്ഥം “ഡാൻസ് ടു ക്യൂർ ക്യാൻസർ” എന്ന പരിപാടി അവതരിപ്പിക്കും. വൈകുന്നേരം 4 മുതൽ 6 വരെ ഷെഡ്യൂൾ ചെയ്തിരിക്കുന്ന പരിപാടിയിൽ ഹൈമയുടെ ആകർഷകമായ വിവിധ നൃത്ത പരിപാടികൾ അവതരിപ്പിക്കും. നൃത്താധ്യാപികയും, നൂപുര സ്കൂൾ ഓഫ് മ്യൂസിക് ആൻഡ് ഡാൻസ് ആർട്ടിസ്റ്റിക് ഡയറക്ടറുമായ ഗായത്രി ദേവി വിജയകുമാറിന്റെ മേൽനോട്ടത്തിലായിരിക്കും പരിപാടികൾ അരങ്ങേറുക. മൗണ്ട് ഡഗ്ലസ് സെക്കൻഡറി സ്കൂൾ വിദ്യാർഥിനിയായ ഹൈമ അഞ്ചാം വയസ്സു മുതൽ ഭരതനാട്യവും കുച്ചിപ്പുടിയും പഠിക്കുന്നു. 2015ൽ വിക്ടോറിയയിലേക്ക് കുടുംബം താമസം മാറിയെങ്കിലും ഗായത്രി ദേവി വിജയകുമാറിനൊപ്പം ഓൺലൈനിൽ പരിശീലനം തുടർന്നു. നൃത്തത്തോടുള്ള അവളുടെ സമർപ്പണം ടൊറൻ്റോ, വിക്ടോറിയ, വാൻകൂവർ എന്നിവിടങ്ങളിലെ വിവിധ വേദികളിൽ മികച്ച പ്രകടനങ്ങൾക്ക് കാരണമായി. വാൻകൂവർ…