Month: July 2024

ഡാളസ്: കേരള എക്യുമെനിക്കല്‍ ഫെലോഷിപ്പിന്റെ (KECF) ആഭിമുഖ്യത്തില്‍ ഇരുപത്തിഏഴാംമത് സംയുക്ത സുവിശേഷ കണ്‍വെന്‍ഷന്‍ ഓഗസ്റ്റ് 2 വെള്ളി മുതല്‍ 4 ഞായര്‍ വരെ ഡാളസിലെ കരോൾട്ടണിലുള്ള സെന്റ് മേരീസ് മലങ്കര യാക്കോബായ സിറിയൻ ഓര്‍ത്തഡോക്‌സ് ദേവാലയത്തിൽ വെച്ച് (2112, Old Denton Rd, Carrollton, TX 75006) നടത്തപ്പെടുന്നു. പ്രമുഖ ആത്മീയ പ്രഭാഷകനും, ധ്യാനഗുരുവുമായ മലങ്കര യാക്കോബായ സുറിയാനി ഓര്‍ത്തഡോക്‌സ് സഭയുടെ ഇടുക്കി ഭദ്രാസനാധിപനും, തൂത്തൂട്ടി ധ്യാനകേന്ദ്രത്തിന്റെ ഡയറക്ടറുമായ സഖറിയാസ് മാര്‍ ഫിലക്‌സിനോസ് മെത്രാപ്പൊലീത്ത വെള്ളിയാഴ്ച വൈകിട്ട് 6.30 മുതല്‍ 9 മണി വരെയും ശനി, ഞായര്‍ ദിവസങ്ങളില്‍ വൈകിട്ട് 6 മുതല്‍ 9 മണി വരെയും നടത്തപ്പെടുന്ന കണ്‍വെൻഷന് മുഖ്യ സന്ദേശം നല്‍കും. കണ്‍വെന്‍ഷനോടനുബന്ധിച്ച് എല്ലാ ദിവസവും ഡാളസിലെ 21 ഇടവകകളിലെ ഗായകര്‍ ഉള്‍പ്പെടുന്ന എക്യുമെനിക്കല്‍ ഗായകസംഘത്തിന്റെ നേതൃത്വത്തില്‍ ഗാനശുശ്രൂഷ ഉണ്ടായിരിക്കും. 1979 ല്‍ ഡാളസില്‍…

ഡാളസ് :കേരള അസോസിയേഷൻ ഓഫ് ഡാളസ് ,ഇന്ത്യ കൾച്ചറൽ & എഡ്യൂക്കേഷൻ സെൻ്റർ സംയുക്തമായി സ്കൂൾ സപ്ലൈ  ഡ്രൈവ് സംഘടിപ്പിക്കുന്നു . ജൂലൈ 20 – ആഗസ്ത് 10 വരെ വാട്ടർ ബോട്ടിലുകൾ (പുനരുപയോഗിക്കാവുന്നത്)* ബൈൻഡറുകൾ * നോട്ട്ബുക്കുകൾ * ക്രയോൺസ് * ഡിവൈഡർ ടാബുകൾ (കോളേജ് / വൈഡ് ലീഫുകൾ * റൂൾഡ് ലീഫുകൾ) പേനകൾ (കോളേജ്/വൈഡ്-റൂൾ) * പേപ്പർ ക്ലിപ്പുകൾ 食 പെൻസിലുകൾ * ഹൈലൈറ്ററുകൾ * പെൻസിൽ കേസ് * കോമ്പോസിഷൻ ബുക്കുകൾ * ഷാർപ്പി മാർക്കറുകൾ * ലഞ്ച് ബാഗുകൾ കേരള അസോസിയേഷൻ ഓഫീസിൽ ഡ്രോപ്പ് ( 3821 3821 ബ്രോഡ്‌വേ BLVD ഗാർലൻഡ്, ടെക്സാസ് ) ചെ യാവുന്നതാണ്. സാം റഥർഫോർഡ് എലിമെൻ്ററി സ്കൂൾ മെസ്‌ക്വിറ്റിലുള്ള വിദ്യാർത്ഥികൾക്കാണ്  ലഭിച്ച സാധനങ്ങൾ വിതരണം ചെയ്യുക . ഡാളസിലെ സന്മനസ്സുള്ള എല്ലാവരും കേരള…

കണ്ണൂർ: കണ്ണൂർ എയർപോർട്ടിലൂടെ യാത്ര ചെയ്യുന്ന ലക്ഷക്കണക്കിന് പ്രവാസികളുടെ യാത്രാ ദുരിതങ്ങൾ അടിയന്തിരമായി പരിഹരിക്കണമെന്ന് ആവശ്യപ്പെട്ടുകൊണ്ട്, കേന്ദ്ര സർക്കാരിൽ ശക്തമായ സമ്മർദ്ദം ചെലുത്തുവാൻ വേണ്ടി, ലോകമെമ്പാടുമുള്ള പ്രവാസികളുടെ നേതൃത്വത്തിൽ ആരംഭിച്ചിരിക്കുന്ന ‘കണ്ണൂർ എയർപോർട്ട് ആക്‌ഷന്‍ കൗൺസിലിന്റെ’ ഭാരവാഹികളെ തിരഞ്ഞെടുക്കാൻ ‘ഇലക്‌ഷന്‍ റിട്ടേണിംഗ് ഓഫീസർമാരെ’ തിരഞ്ഞെടുത്തു. റിയാസ് അരിങ്ങലോട്ട്, ലിബേഷ് വാഴയിൽ, ജോസ് ലുക്കോസ്, നൗഷാദ് സി. പി, അബ്ദുള്ള കെ. കെ, രാജേഷ് നാരായണൻ, മാത്യു ജോർജ് വെള്ളരിങ്ങാട്ട്, നൗഷാദ് യു. കെ, അഞ്ചാംകുടി രാജേഷ്, സിബി ആന്റണി എന്നിവരെയാണ് വിവിധ രാജ്യങ്ങളിൽ നിന്നും തിരഞ്ഞെടുത്തത്. ആക്‌ഷൻ കൗൺസിലിന്റെ ഗ്ലോബൽ ചെയർമാനായി, കണ്ണൂർ – തിരൂർ സ്വദേശിയായ രാജീവ്‌ ജോസഫിനെ, ലോകത്തിന്റെ വിവിധ ഭാഗങ്ങളിൽ നിന്നുള്ള ആയിരത്തി അഞ്ഞൂറിലധികം വരുന്ന പ്രവാസി കൂട്ടായ്മ ഐക്യകണ്ട്ഠേന തിരഞ്ഞെടുത്തു. ആക്‌ഷൻ കൗൺസിലിന്റെ വൈസ് ചെയർമാൻമാർ, ജനറൽ സെക്രട്ടറിമാർ, സെക്രട്ടറിമാർ, ട്രഷറർ,…

തിരുവനന്തപുരം: കുടുംബശ്രീ ശൃംഖലയുടെ പൊഴിയൂർ കമ്മ്യൂണിറ്റി ഡെവലപ്‌മെൻ്റ് സൊസൈറ്റിയുടെ (സിഡിഎസ്) അക്ഷയ ന്യൂട്രിമിക്‌സ് യൂണിറ്റിലെ അംഗമായ മേരിയാണ് വിമാന യാത്ര എന്ന തങ്ങളുടെ സ്വപ്നം ഈയാഴ്ച സാക്ഷാത്കരിച്ച ഗ്രൂപ്പിൽ ഏറ്റവും പ്രായം കൂടിയത്. ജില്ലയിൽ നിന്നുള്ള കുടുംബശ്രീ അംഗമായ 68 കാരിയായ മേരി സേവ്യർ കുറച്ച് ദിവസങ്ങൾക്ക് മുമ്പ് തൻ്റെ കന്നി വിമാന യാത്ര നടത്തി. ജൂലൈ 15ന് എയർ ഇന്ത്യ വിമാനത്തിലാണ് ഇവര്‍ തലസ്ഥാനത്ത് നിന്ന് കണ്ണൂരിലേക്ക് പോയത്. അവരുടെ ജീവിതം പ്രധാനമായും അവരുടെ വീടുകൾക്കും ന്യൂട്രിമിക്‌സ് യൂണിറ്റുകൾക്കും ചുറ്റും കറങ്ങുകയായിരുന്നു, അവരിൽ ഭൂരിഭാഗവും ഒരിക്കലും വിനോദ യാത്ര ചെയ്തിരുന്നില്ല. ഒരു വർഷം മുമ്പാണ് വിമാനം ആകാശത്തേക്ക് പറന്നുയരുന്നതും മേഘങ്ങളെ ആലിംഗനം ചെയ്യുന്നതുമായ കാഴ്ച കുട്ടിക്കാലത്ത് അവരെ എങ്ങനെ ആവേശഭരിതരാക്കി എന്നതിനെക്കുറിച്ചുള്ള ചർച്ച അവരുടെ സ്വപ്ന സാക്ഷാത്കാരത്തിന് കളമൊരുക്കിയത്. വൈകാതെ സെക്രട്ടറി ഉഷാ രാജൻ ഉൾപ്പെടെയുള്ള…

ടെൽ അവീവിലുണ്ടായ ഡ്രോൺ ആക്രമണത്തിൽ ഒരാൾ മരിക്കുകയും പത്ത് പേർക്ക് പരിക്കേൽക്കുകയും ചെയ്തതിൻ്റെ ഉത്തരവാദിത്തം യെമനിലെ ഹൂത്തി ഗ്രൂപ്പ് ഏറ്റെടുത്തു. വെള്ളിയാഴ്ച, ഇറാൻ വിന്യസിച്ചിരിക്കുന്ന ഹൂതി സായുധ സേനയുടെ വക്താവാണ് സോഷ്യൽ മീഡിയയിൽ ഒരു പുതിയ തരം ഡ്രോൺ ഉപയോഗിച്ച് “അധിനിവേശ ഫലസ്തീനിലെ ടെൽ അവീവ്” ലക്ഷ്യമിട്ടതായി പ്രഖ്യാപിച്ചത്. ഇൻ്റർസെപ്റ്റർ സംവിധാനങ്ങളെ മറികടക്കാനും റഡാർ കണ്ടെത്തലിൽ നിന്ന് രക്ഷപ്പെടാനും ഈ ഡ്രോണിന് കഴിയുമെന്ന് വക്താവ് അവകാശപ്പെട്ടു. ടെൽ അവീവിലെ യു എസ് എംബസി ഓഫീസിന് സമീപമുള്ള വലിയ സ്ഫോടനത്തെത്തുടർന്ന്, രാജ്യത്തിൻ്റെ വ്യോമ പ്രതിരോധ സംവിധാനങ്ങൾ പരാജയപ്പെട്ടത് എന്തുകൊണ്ടാണെന്ന് മനസിലാക്കാൻ ഇസ്രായേൽ സൈന്യം അന്വേഷണം ആരംഭിച്ചു. “ഞങ്ങൾ സംസാരിക്കുന്നത് ദീർഘദൂരം പറക്കാൻ കഴിയുന്ന ഒരു വലിയ യുഎവിയെക്കുറിച്ചാണ്,” ഒരു സൈനിക ഉദ്യോഗസ്ഥൻ പറഞ്ഞു. രാജ്യത്തിൻ്റെ വ്യോമാതിർത്തി സംരക്ഷിക്കുന്നതിനായി ഇസ്രായേൽ വ്യോമസേന പട്രോളിംഗ് വർദ്ധിപ്പിച്ചിട്ടുണ്ട്. രാജ്യത്തിൻ്റെ ആകാശം സംരക്ഷിക്കുന്നതിനുള്ള നടപടികൾ…

തിരുവനന്തപുരം: സംസ്ഥാനത്ത് ഭക്ഷ്യ സ്ഥാപനങ്ങളില്‍ ജോലി ചെയ്യുന്നവര്‍ നാലാഴ്ചയ്‌ക്കുള്ളില്‍ ഹെല്‍ത്ത് കാര്‍ഡ് എടുത്തില്ലെങ്കില്‍ ഭക്ഷ്യ സുരക്ഷാവകുപ്പ് കര്‍ശന നടപടി സ്വീകരിക്കുമെന്ന് ആരോഗ്യ മന്ത്രി വീണാ ജോര്‍ജ്. സംസ്ഥാനത്ത് ഭക്ഷ്യ സ്ഥാപനങ്ങളില്‍ ജോലി ചെയ്യുന്നവര്‍ക്ക് ഹെല്‍ത്ത് കാര്‍ഡ് നിര്‍ബന്ധമാണ്. ഭക്ഷ്യ സുരക്ഷാ വകുപ്പ് നടത്തിയ സ്‌പെഷ്യല്‍ ഡ്രൈവില്‍ ചില ജീവനക്കാര്‍ക്ക് ഹെല്‍ത്ത് കാര്‍ഡില്ലെന്നും ചിലര്‍ പുതുക്കിയിട്ടില്ലെന്നും കണ്ടെത്തി. പുതുതായി ജോലിയ്‌ക്കെത്തിയവര്‍ക്ക് ഹെല്‍ത്ത് കാര്‍ഡ് എടുക്കാനും കാലാവധി കഴിഞ്ഞവര്‍ക്ക് പുതുക്കാനുമുള്ള സാവകാശമാണ് നല്‍കുന്നത്. കാരുണ്യ ഫാര്‍മസികള്‍ വഴി വളരെ കുറഞ്ഞ നിരക്കില്‍ ടൈഫോയ്ഡ് വാക്‌സിന്‍ ലഭ്യമാക്കിയിരുന്നു. ഹോട്ടലുകള്‍, റെസ്റ്റോറന്റുകള്‍ തുടങ്ങി എല്ലാ ഭക്ഷ്യ സ്ഥാപനങ്ങളും ജീവനക്കാര്‍ക്ക് ഹെല്‍ത്ത് കാര്‍ഡ് ഉറപ്പാക്കണമെന്നും മന്ത്രി അഭ്യര്‍ത്ഥിച്ചു. സംസ്ഥാനത്ത് ഭക്ഷ്യസുരക്ഷ പരിശോധനകള്‍ ശക്തമായി നടന്നു വരുന്നു. കഴിഞ്ഞ ജൂണ്‍ മാസത്തിലും ഈ മാസം ഇതുവരെയുമായി ആകെ 7,584 പരിശോധനകളാണ് നടത്തിയത്. 206 സ്ഥാപനങ്ങളുടെ പ്രവര്‍ത്തനം…

കൽപ്പറ്റ: കനത്ത മഴയെത്തുടര്‍ന്ന് വയനാട് ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് ശനിയാഴ്ചയും (ജൂലായ് 20) ജില്ലാ കളക്ടർ അവധി പ്രഖ്യാപിച്ചു. ജില്ലയിലെ പ്രൊഫഷണല്‍ കോളേജുകള്‍, അംഗന്‍വാടികള്‍, ട്യൂഷന്‍ സെന്ററുകള്‍ ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും അവധിയായിരിക്കും. എന്നാൽ മുന്‍കൂട്ടി നിശ്ചയിച്ച പരീക്ഷകള്‍ക്കും പി.എസ്.സി. പരീക്ഷകള്‍ക്കും അവധി ബാധകമല്ല. മോഡല്‍ റസിഡന്‍ഷ്യല്‍ (എം.ആര്‍.എസ്), നവോദയ സ്‌കൂളുകള്‍ക്ക് അവധി ബാധകമല്ല. അതേസമയം, സംസ്ഥാനത്ത് ഞായറാഴ്ച വരെ ശക്തമായ മഴയ്‌ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ശക്തമായ മഴ കണക്കിലെടുത്ത് ഇന്ന് കോഴിക്കോട്, വയനാട്, കാസര്‍കോട് ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു. ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു.ശനിയാഴ്ച കോഴിക്കോട്, വയനാട് , കണ്ണൂര്‍, കാസര്‍കോട് ജില്ലകളിലും ഞായറാഴ്ച കണ്ണൂര്‍, കാസര്‍കോട് ജില്ലകളിലും യെല്ലോ അലര്‍ട്ട് പ്രഖ്യാപിച്ചു. കേരള – കര്‍ണാടക- ലക്ഷദ്വീപ് തീരങ്ങളില്‍ മത്സ്യബന്ധനത്തിന്…