Year: 2023

ഇരിങ്ങാലക്കുട: കരുവന്നൂര്‍ സര്‍വീസ്‌ സഹകരണ ബാങ്കിന്റെ പുനരുദ്ധാരണ പാക്കേജിന്റെ ഭാഗമായി അക്കൗണ്ട് ഉടമകളുടെ സേവിംഗ്സ്‌ ബാംക് നിക്ഷേപം ഉദ്യോഗസ്ഥര്‍ തിരികെ നല്‍കിത്തുടങ്ങി. സേവിംഗ്‌ ബാങ്ക് അക്കാണ്ട്‌ ഉടമകള്‍ക്ക്‌ 50,000 രൂപ വരെ പിന്‍വലിക്കാം. തിങ്കളാഴ്ച 389 നിക്ഷേപകര്‍ 1.4 കോടി രൂപ പിന്‍വലിച്ചു. മെയിന്‍ ബ്രാഞ്ചിലും മാപ്രാണം, പൊറത്തിശ്ശേരി ശാഖകളിലും തിരക്ക്‌ കൂടിയതിനാല്‍ ചൊവ്വാഴ്ച കൂടുതല്‍ പേര്‍ക്ക്‌ ടോക്കണ്‍ നല്‍കി. ഒരു ലക്ഷം രൂപയില്‍ താഴെ സ്ഥിര നിക്ഷേപമുള്ള ആളുകളുടെ നിക്ഷേപങ്ങളുടെ മൂഴുവന്‍ റീഫണ്ടും തുടരുകയാണ്‌. ഇതുവരെ 1156 പേര്‍ക്ക്‌ 4.63 കോടി രൂപ തിരികെ നല്‍കി. ഇക്കാലയളവില്‍ 106 പേര്‍ 5.93 കോടി രൂപയുടെ സ്ഥിരനിക്ഷേപവും 45 പേര്‍ 4.39 ലക്ഷം രൂപയുടെ സ്ഥിരനിക്ഷേപവും പുതുക്കി. നവംബര്‍ 2, 3 തീയതികളില്‍ നടന്ന അദാലത്തില്‍ 295 പേര്‍ പങ്കെടുക്കുകയും 78 പേര്‍ കുടിശ്ശികയായി 51.97 ലക്ഷം…

കോഴിക്കോട്: നടക്കാവ് ഗവൺമെന്റ് വൊക്കേഷണൽ ഹയർ സെക്കൻഡറി സ്‌കൂൾ ഫോർ ഗേൾസ്, റീജിയണൽ സ്‌കൂളുകളെ അന്താരാഷ്ട്ര നിലവാരത്തിലേക്ക് ഉയർത്തുന്ന മൾട്ടിപ്പിൾ (പ്രിസം) പദ്ധതിയിലൂടെ കോഴിക്കോടിനെ ‘സാഹിത്യ നഗരമാക്കാൻ’ പ്രവർത്തിച്ച കോഴിക്കോട് കോർപ്പറേഷനിലെ കൗൺസിലർമാരെയും ഭാരവാഹികളെയും ആദരിക്കും. നവംബർ 22-ന് വൈകീട്ട് ആറിന് നടക്കാവ് സ്‌കൂളിൽ നടക്കുന്ന പരിപാടിയിൽ സാഹിത്യകാരൻ എം.ടി. വാസുദേവൻ നായർ മുഖ്യാതിഥിയായിരിക്കുമെന്ന് സംഘാടക സമിതി ഭാരവാഹികൾ അറിയിച്ചു. ‘സാഹിത്യ നഗരി’ എന്ന ടാഗ് ലഭിക്കാൻ കോർപറേഷൻ നടത്തിയ പ്രവർത്തനങ്ങൾ പ്രശംസനീയമാണെന്ന് അവർ ചൂണ്ടിക്കാട്ടി. പഠനത്തോടൊപ്പം കലയിലും സാഹിത്യത്തിലും ഏർപ്പെടുന്ന വിദ്യാർത്ഥികളെ സഹായിക്കുക എന്നതായിരുന്നു പ്രിസം പദ്ധതിയുടെ ലക്ഷ്യങ്ങളിലൊന്ന്. സാഹിത്യവുമായി ബന്ധപ്പെട്ട പ്രവർത്തനങ്ങളിൽ യുവതലമുറയെ ഉൾപ്പെടുത്തുക എന്നത് പ്രധാനമായിരുന്നു. തുടർന്ന് എംടിയുടെ നോവലിനെ ആസ്പദമാക്കി ദയ എന്ന നാടകം അരങ്ങേറും. സതീഷ് കെ.സതീഷാണ് സംവിധാനം.

കൊല്ലം: കരുനാഗപ്പള്ളി മുന്‍ എംഎല്‍എയും സിപിഐ നേതാവുമായ ആര്‍ രാമചന്ദ്രന്‍ ചൊവ്വാഴ്ച പുലര്‍ച്ചെ അന്തരിച്ചു. 75 വയസ്സായിരുന്നു. കരള്‍ സംബന്ധമായ അസുഖത്തെ തുടര്‍ന്ന്‌ കൊച്ചിയിലെ അമൃത ആശുപത്രിയില്‍ ചികിത്സയിലിരിക്കെ ഇന്ന്‌ പുലര്‍ച്ചെ 3:55നായിരുന്നു അന്ത്യം. ഒരാഴ്ച മുമ്പാണ്‌ അദ്ദേഹത്തെ ആശുപത്രിയില്‍ പ്രവേശിപ്പിച്ചത്‌. വിദ്യാര്‍ത്ഥി രാഷ്ട്രീയത്തിലൂടെയാണ്‌ അദ്ദേഹം പൊതുജീവിതം ആരംഭിച്ചത്‌. സിപിഐ കരുനാഗപ്പള്ളി താലൂക്ക്‌ കമ്മിറ്റി വിഭജിക്കപ്പെട്ടപ്പോള്‍ ചവറ മണ്ഡലം സെക്രട്ടറിയായും പ്രവര്‍ത്തിച്ചിടുണ്ട്‌. ദീര്‍ഘകാലം സിപിഐ ജില്ലാ അസിസ്റ്റന്റ് സെക്രട്ടറിയായിരുന്നു. 2012ല്‍ ജില്ലാ സെക്രട്ടറിയായി. സി.പി.ഐ സംസ്ഥാന നിര്‍വാഹക സമിതി അംഗമായും തിരഞ്ഞെടുക്കപ്പെട്ടു. 2016ല്‍ നിയമസഭയിലേക്ക്‌ മത്സരിക്കുന്നത്‌ വരെ ജില്ലാ സെക്രട്ടറിയായി തുടര്‍ന്നു. എല്‍ഡിഎഫ്‌ ജില്ലാ കണ്‍വീനറായും പ്രവര്‍ത്തിച്ചിട്ടുണ്ട്‌. 2006-11 കാലത്ത്‌ സിഡ്കോയുടെ ചെയര്‍മാനായിരുന്നു. 1991ല്‍ പന്മന ഡിവിഷനില്‍ നിന്ന്‌ ജില്ലാ കൌണ്‍സിലിലെത്തി വിജയിച്ചു. 2000ല്‍ തൊടിയൂര്‍ ഡിവിഷനില്‍നിന്ന്‌ ജില്ലാ പഞ്ചായത്തിലെത്തി. 2004ല്‍ ജില്ലാ പഞ്ചായത്ത്‌ വൈസ്‌ പ്രസിഡന്റായി.…

കേരളത്തിലെ ഓരോ വ്യക്തിക്കും ഓരോ കുടുംബത്തിനും വികസനത്തിന്റെ രുചി ആസ്വദിക്കാൻ കഴിയണമെന്നതാണ് സർക്കാരിന്റെ വികസന കാഴ്ചപ്പാടെന്ന് മുഖ്യമന്ത്രി പിണറായി വിജയൻ പറഞ്ഞു. വികസനം കേരളത്തിന്റെ എല്ലാ ഭാഗത്തും എത്തണം. സാമൂഹ്യനീതിയിൽ അധിഷ്ഠിതമായ സർവതല സ്പർശിയായ വികസനം എന്നതാണ് കാഴ്ചപ്പാട്- ഉദുമ മണ്ഡലത്തിലെ നവകേരള സദസ്സ് ചട്ടഞ്ചാൽ ഹയർ സെക്കന്ററി സ്കൂളിൽ ഉദ്ഘാടനം ചെയ്തു സംസാരിക്കവേ അദ്ദേഹം പറഞ്ഞു. മുൻപ് ശരാശരി കേരളീയൻ കടുത്ത നിരാശയിൽ ആയിരുന്നു. ഒന്നും ഇവിടെ നടക്കില്ല എന്ന നിരാശ. അനുവദിച്ചുകിട്ടിയ പദ്ധതികൾ പോലും നടപ്പാക്കാൻ കഴിയാത്ത അവസ്ഥയായിരുന്നു. എന്നാൽ ഏഴു വർഷം മുൻപ് സംഭവിച്ച മാറ്റങ്ങൾ ജനത്തിന് കണ്ടറിയാം. ഒരിക്കലും നടക്കില്ല എന്ന് കരുതി ഓഫീസ് പൂട്ടിപ്പോയതായിരുന്നു ഗെയിൽ പൈപ്പ്‌ലൈൻ അധികൃതർ. ആ പൈപ്പ്‌ലൈനിലൂടെ മംഗലാപുരത്തേക്ക് വാതകം എത്തി, നമ്മുടെ അടുക്കളയിൽ പോലും പൈപ്പ് വഴി പാചകവാതകം എത്തി. കൊച്ചി-ഇടമൺ പവർ ലൈൻ…

ശബരിമല തീർഥാടനവുമായി ബന്ധപ്പെട്ട് തീർഥാടകർക്ക് അടിയന്തര വൈദ്യസഹായം നൽകാൻ കനിവ് 108 ന്റെ റാപ്പിഡ് ആക്ഷൻ മെഡിക്കൽ യൂണിറ്റുകൾ. ആരോഗ്യ വകുപ്പിന്റെയും കനിവ് 108ന്റെയും ആംബുലൻസുകൾക്ക് പുറമേയാണ് ഈ യൂണിറ്റുകൾ കൂടി സജ്ജമാക്കിയിരിക്കുന്നത്. സുസജ്ജമായ ആശുപത്രികൾക്ക് പുറമേ പമ്പ മുതൽ സന്നിധാനം വരെയും കാനനപാതയിലുമായി ആകെ 19 എമർജൻസി മെഡിക്കൽ സെന്ററുകൾ, ഓക്‌സിജൻ പാർലറുകൾ എന്നിവയും സജ്ജമാക്കിയിട്ടുണ്ട്. ഇടുങ്ങിയ പാതകളിൽ സഞ്ചരിക്കാൻ കഴിയുന്ന ബൈക്ക് ഫീഡർ ആംബുലൻസ്, ദുർഘട പാതകളിലൂടെ സഞ്ചരിക്കാൻ കഴിയുന്ന 4×4 റെസ്‌ക്യു വാൻ, ഐസിയു ആംബുലൻസ് എന്നിവയാണ് ശബരിമലയ്ക്കായി സജ്ജമാക്കിയത്. കനിവ് 108 ആംബുലൻസ് പദ്ധതിക്ക് കീഴിൽ പമ്പ ആശുപത്രി കേന്ദ്രമാക്കിയാണ് റാപ്പിഡ് ആക്ഷൻ മെഡിക്കൽ യൂണിറ്റ് പ്രവർത്തിക്കുന്നത്. തീർത്ഥാടകർക്ക് വൈദ്യസഹായം വേണ്ട സാഹചര്യങ്ങളിൽ 108 എന്ന ടോൾ ഫ്രീ നമ്പറിലേക്ക് ബന്ധപ്പെട്ടാൽ ഈ വാഹനങ്ങളുടെ സേവനം ലഭ്യമാകും. ഒരു രോഗിയെ കിടത്തികൊണ്ട്…

കാസർകോട്: നവകേരള സദസ്സിന്റെ രണ്ടാം ദിനത്തിലെ ജനപങ്കാളിത്തം ജനാധിപത്യ വിശ്വാസവും പൗരബോധവും മുറുകെ പിടിക്കുന്ന പൊതുസമൂഹത്തിന്റെ കരുത്താണ് കാണിക്കുന്നതെന്ന് മുഖ്യമന്ത്രി പിണറായി വിജയൻ പറഞ്ഞു. പയ്യന്നൂരിൽ വാർത്താസമ്മേളനത്തിൽ സംസാരിക്കുകയായിരുന്നു മുഖ്യമന്ത്രി. കാസർഗോഡ് ചെങ്കള മുതൽ തൃക്കരിപ്പൂർ മണ്ഡലത്തിലെ കാലിക്കടവ് വരെ വടക്കേയറ്റത്തെ ജില്ലയിലെ യാത്ര പൂർത്തിയാക്കുമ്പോൾ ഒരു മഹാ ജനമുന്നേറ്റ സദസ്സായി യാത്ര ഉയർന്നു എന്ന് സംശയമില്ലാതെ പറയാം. ജനങ്ങൾ കേവലം കേൾവിക്കാരായി ഇരിക്കുകയല്ല ഇവിടെ. ഓരോരുത്തരും തങ്ങളുടെ സജീവമായ ഇടപെടൽ ഉറപ്പാക്കി ഇതിനോടൊപ്പം ചേരുകയാണ്. പൈവെളിഗെയിൽ ശനിയാഴ്ച റെക്കോഡ് സൃഷ്ടിച്ച ജനാവലിയാണ് ഉദ്ഘാടന പരിപാടിക്കെത്തിയതെങ്കിൽ, ഞായറാഴ്ചത്തെ പര്യടനത്തിൽ എല്ലാ കേന്ദ്രങ്ങളിലും നിറഞ്ഞു കവിഞ്ഞ ജനക്കൂട്ടമാണ് ഒഴുകിയെത്തിയത്. സർക്കാർ പറയുന്നത് കേൾക്കാനും നാടിന്റെ പുരോഗതിയ്ക്കായി സ്വന്തം അഭിപ്രായങ്ങളും നിർദ്ദേശങ്ങളും പരാതികളും പങ്കുവെക്കാനും ഉത്സാഹപൂർവ്വം വന്നു ചേർന്ന കാസർകോഡ് ജില്ലയിലെ ജനാവലി കേരളത്തിന്റെ ഉന്നതമായ ജനാധിപത്യബോധ്യത്തിന്റെ മാതൃകയായി വർത്തിച്ചു.…

കഴിഞ്ഞ ആറ് ദിവസത്തിനിടെ മ്യാൻമറിൽ നിന്ന് ഏകദേശം 1,000 റോഹിങ്ക്യൻ മുസ്ലീങ്ങൾ ഇന്തോനേഷ്യയുടെ വടക്കേ അറ്റത്തുള്ള ആഷെ പ്രവിശ്യയിൽ ബോട്ടിൽ എത്തിയതായി അധികൃതർ അറിയിച്ചു. ദിവസങ്ങളോളം കടല്‍ യാത്ര ചെയ്തവരില്‍ സ്ത്രീകളും കുട്ടികളുമടങ്ങുന്ന അഞ്ച് സംഘങ്ങൾ ഇവരിൽ ഉൾപ്പെടുന്നു. 240-ലധികം പേരുള്ള ഒരു ബാച്ചിന് ആഷെ ഉതാര ജില്ലയിലെ താമസക്കാർ രണ്ടുതവണ ലാൻഡിംഗ് നിഷേധിച്ചത് മനുഷ്യാവകാശ സംഘടനകളിൽ നിന്നുള്ള ആശങ്കകൾക്ക് കാരണമായി. ഒടുവിൽ ഞായറാഴ്ച രാവിലെ ബിരെയുൻ ജില്ലയിൽ സംഘം ഇറങ്ങി. “അവർക്ക് ലാൻഡിംഗ് പെർമിറ്റുകൾ ലഭിക്കുകയും അനുവദിക്കുകയും ചെയ്ത അധികാരികൾക്കും പ്രാദേശിക കമ്മ്യൂണിറ്റികൾക്കും ഞങ്ങൾ നന്ദി പറയുന്നു, ഭാവിയിൽ സഹായവും സംരക്ഷണവും ആവശ്യമുള്ള അഭയാർത്ഥികളിലേക്ക് ഈ ഐക്യദാർഢ്യത്തിന്റെയും മാനവികതയുടെയും മനോഭാവം തുടരുമെന്ന് ഞങ്ങൾ പ്രതീക്ഷിക്കുന്നു,” യുഎൻ ഹൈക്കമ്മീഷണർ പറഞ്ഞു. ആഷെയിൽ എത്തിയ അഭയാർഥികളുടെ കടൽ യാത്ര ദുഷ്‌കരമായിരുന്നു. അവരിൽ ഭൂരിഭാഗവും ബംഗ്ലാദേശിലെ അഭയാർത്ഥി ക്യാമ്പുകൾ ഉപേക്ഷിച്ചു.…

ഒഹായോ: ഒഹായോയിലെ ബീവർക്രീക്കില്‍ സ്ഥിതിചെയ്യുന്ന വാൾമാർട്ട് സ്റ്റോറില്‍ തിങ്കളാഴ്ച നടന്ന വെടിവയ്പ്പിൽ ഒരാൾ കൊല്ലപ്പെടുകയും മൂന്ന് പേർക്ക് പരിക്കേൽക്കുകയും ചെയ്തതായി ദൃക്സാക്ഷികൾ മാധ്യമങ്ങളോട് പറഞ്ഞു. സംഭവസ്ഥലത്തെ മാധ്യമ പ്രവർത്തകരെ ഉദ്ധരിച്ച് WHIO ടെലിവിഷൻ ചാനലാണ് ഇത് റിപ്പോർട്ട് ചെയ്തത്. പരിക്കേറ്റ മൂന്നു പേര്‍ അടുത്തുള്ള ട്രോമ സെന്ററിൽ ചികിത്സയിലാണെന്ന് ആശുപത്രി വക്താവ് സ്ഥിരീകരിച്ചു. വെടിവെപ്പിനോട് പ്രതികരിച്ചതായും പൊതുജനങ്ങൾക്ക് ഇനി ഒരു ഭീഷണിയുമില്ലെന്നും ബീവർക്രീക്ക് പോലീസ് പറഞ്ഞു. ഡേടണിന് കിഴക്ക് 46,000 ആളുകൾ താമസിക്കുന്ന ഒരു നഗരമാണ് ബീവർക്രീക്ക്. വാള്‍മാര്‍ട്ട് സ്റ്റോര്‍ സുരക്ഷിതമാക്കിയിട്ടുണ്ടെന്നും, ഇപ്പോൾ സജീവമായ ഭീഷണിയൊന്നുമില്ലെന്നും സോഷ്യൽ മീഡിയ പ്ലാറ്റ്‌ഫോമായ എക്‌സിൽ പോലീസ് പറഞ്ഞു. ബീവർക്രീക്കിലെ ഒഹായോ സ്റ്റോറിലെ സംഭവത്തില്‍ അതീവ ഖേദം രേഖപ്പെടുത്തുന്നതായും, സംഭവസ്ഥലത്ത് പോലീസുമായി ചേര്‍ന്ന് അന്വേഷണം നടത്തുന്നുണ്ടെന്നും വാള്‍മാര്‍ട്ട് അധികൃതര്‍ പറഞ്ഞു. കൂടുതൽ വിവരങ്ങൾ ലഭ്യമാകുമ്പോൾ പുറത്തുവിടുമെന്ന് പോലീസും അറിയിച്ചു.