Year: 2023

സിഡ്നി: ഓസ്ട്രേലിയയിലെ സിഡ്നി മാസ്റ്റർ പിയാനോ ഇൻസ്റ്റിറ്റ്യൂട്ടിൽ 2023 ഓഗസ്റ്റ് 30ന് നടന്ന ശ്രമത്തിൽ ഇൻഡോനേഷ്യയിലെ ജക്കാർത്ത സ്വദേശിയായ ജെഫ്രി സെയിറ്റ്വാൻ “മെമ്മറൈസിംഗ് സോങ്സ് വൈൽ പ്ലെയിംഗ് പിയാനോ നോൺ സ്റ്റോപ്പ് ബ്ലൈൻഡ് ഫോൾഡഡ് ഫോർ ദി ലോങ്ങസ്റ്റ് ടൈം ഇൻ ദ വേൾഡ് ” എന്ന കാറ്റഗറിയിൽ URF ലോക റെക്കോർഡ് ബുക്കിൽ ഇടം നേടി. പരിപാടി ഇൻഡോനേഷ്യൻ കേൺസിലേറ്റ് ജനറൽ വേദി കുമിയബുവാന ഉദ്ഘാടനം ചെയ്യ്തു. ഇൻഡോനേഷ്യൻ പീപ്പിൾസ് കോൺസുലേറ്റ് അസംബ്ലി ചെയർമാൻ എച്ച്. ബാംബാങ്ക് സൊസൈത്തിയോ അദ്ധ്യക്ഷത വഹിച്ചു. പ്രൊഫ. ഡോ. ഫാസ്ലി ജലാൽ, പ്രൊഫ. ഡോ. എസ് മാർഗ്ഗിയാൻറി, ഡോ. എച്ച്. സന്ധ്യാഗ, എന്നിവർ ക്ഷണിതാക്കളായും, അഡ്വ.സീമ ബാലസുബ്രമണ്യം, മാലതി മാധവൻ എന്നിവർ യു.ആർ. എഫ് അഡ്‌ജുഡിക്കറ്റർമാരായിരുന്നു. നൂറ്റി എഴുപത് ഗാനങ്ങളാണ് ജെഫ്രി കണ്ണുകൾ മൂടി കെട്ടി പിയാനോയിൽ വായിച്ചത്. യു.ആർ.എഫ്…

ഡാളസ്: മെർലിൻ അവാർഡ് ജേതാവും പേരുകേട്ട മജിഷ്യനുമായിരുന്ന ഡോക്ടർ ഗോപിനാഥ് മുതുകാട് സെപ്റ്റംബര്‍ 11-ന് വൈകീട്ട് 6:30 ന് ഗ്ലോബൽ ഇന്ത്യൻ കൗൺസിൽ (ചാരിറ്റി സെന്റർ) ഒരുക്കുന്ന ചാരിറ്റി ഡിന്നറിൽ പങ്കെടുക്കുമെന്നും, ഇന്ത്യന്‍-അമേരിക്കക്കാര്‍ക്കു മോട്ടിവേഷണൽ പ്രസംഗം നടത്തുമെന്നും, ഒപ്പം സദസ്സിൽ നിന്നുമുള്ള ചോദ്യങ്ങൾക്കു മറുപടി പറയുകയും ചെയ്യുമെന്ന് ജി. ഐ. സി. ഗ്ലോബൽ പ്രസിഡന്റ് പി.സി. മാത്യു ഒരു പ്രത്യേക പത്രക്കുറിപ്പിലൂടെ അറിയിച്ചു. ഡാളസിലെ സുഹൃത്തുക്കളെയും ഡോ. ഗോപിനാഥിന്റെ തിരുവനന്തപുരത്തു 300 ലധികം ഭിന്ന ശേഷിക്കാരെ ജീവിതത്തിന്റെ വിവിധ തുറകളിലേക്കു അവരവരുടെ ജന്മനാ ലഭിച്ച താലന്തുകൾക്കനുസരിച്ചു കൈപിടിച്ചു ഉയർത്തുവാൻ രൂപീകരിച്ച “ഡിഫറന്റ് ആർട് സെന്റർ” പ്രവർത്തനങ്ങൾക്കു കൈത്താങ്ങു നല്‍കുവാന്‍ ആഗ്രഹിക്കുന്നവർക്കും ഹൃദയപൂർവം കടന്നു വരുവാൻ കഴിയുമെന്ന് പരിപാടിയിൽ പങ്കെടുക്കുവാൻ എത്തുന്ന ഗ്ലോബൽ ജനറൽ സെക്രട്ടറി സുധീര്‍ നമ്പ്യാർ പറഞ്ഞു. ഭിന്ന ശേഷിക്കാരായ കുട്ടികൾക്കുവേണ്ടി സമർപ്പണ ബോധത്തോടെ മുഴുവൻ…

ഫിലാഡല്‍ഫിയ: ട്രൈസ്റ്റേറ്റ് ഏരിയായിലെ മലയാളി സംഘടനകളുടെ ഐക്യവേദിയായ കേരളാ ഫോറത്തിന്റെ സംയുക്ത ഓണാഘോഷവേദിയില്‍ അമേരിക്കന്‍ മലയാളികളില്‍ സാമൂഹിക, സാംസ്‌ക്കാരിക, വിദ്യാഭ്യസ രംഗത്ത് പുലര്‍ത്തിയ മികവിന് ആന്‍ഡ്ര്യൂ പാപ്പച്ചനെ പേഴ്‌സണ്‍ ഓഫ് ദി ഈയര്‍ അവാര്‍ഡ് നല്‍കി ആദരിച്ചു. പ്രശസ്ത കാര്‍ഡിയോളജിസ്റ്റും സാംസ്‌ക്കാരിക പ്രവര്‍ത്തകയും കേരളാഫോറത്തിന്റെ ഓണാഘോഷത്തിലെ മുഖ്യ അതിഥിയുമായ ഡോ: നിഷ പിള്ളയയാണ് അവാര്‍ഡ് സമ്മാനിച്ചത്. ഇരുപത് വര്‍ഷം പിന്നിടുന്ന ട്രൈസ്റ്റേറ്റ് കേരളാഫോറം ഇതിനോടകം സംയുക്ത ഓണാഘോഷത്തിലുടെയും കേരള ദിനാഘോഷത്തിലുടെയും അമേരിക്കന്‍ മലയാളികളുടെ ഇടയില്‍ സവിശേഷ സ്ഥാനം കണ്‌ടെത്തിയിട്ടുണ്‍ട്. ട്രൈസ്റ്റേറ്റ് കേരളാഫോത്തിന്റെ വിശിഷ്ടമായ ഈ അവാര്‍ഡിനു് അമേരിക്കയിലെ മലയാളി സമൂഹത്തിലെ പ്രഗല്ഭരായ നിരവധി വ്യക്തികളില്‍ നിന്നും നോമിനേഷന്‍ ലഭിച്ചിരുന്നു. ട്രൈസ്‌സ്റ്റേറ്റ് കേരളാഫോറത്തിന്റെ ചെയര്‍മാന്‍ സുരേഷ് നായരും, മുന്‍ ചെയര്‍ന്മാന്‍മാരും അടങ്ങിയ സമതിയാണ് പേഴ്‌സണ്‍ ഓഫ് തീ ഈയര്‍ അവാര്‍ഡ് നിര്‍ണ്ണയിച്ചത്. അവാര്‍ഡ് കമ്മറ്റി ചെയര്‍മാനായി ജോര്‍ജ്ജ് ഓലിക്കല്‍ പ്രവര്‍ത്തിച്ചു.…

എടത്വ: തിരുവോണ ദിനത്തിൽ ഹോട്ടലുകൾ അടഞ്ഞു കിടന്ന സാഹചര്യത്തിൽ എടത്വയിലെ വിവിധ സർക്കാർ ഓഫിസുകളിലെ ജീവനക്കാർക്കും ഗവ. ആശുപത്രിയിലെ രോഗികൾക്കും കൂട്ടിയിരിപ്പുകാർക്കും ആംബുലൻസ് ഡ്രൈവർമാർക്കും ഭക്ഷണ പൊതികൾ എത്തിച്ച് ക്ഷേത്രസമിതി ഭാരവാഹികൾ മാതൃകയായി. തലവടി തിരുപ്പനയനൂർകാവ് ക്ഷേത്രത്തിൻ്റെ ജീവകാരുണ്യ പ്രവർത്തനങ്ങളുടെ ഭാഗമായിട്ടാണ് ഭക്ഷണ പൊതി വിതരണം നടന്നത്. ബ്രഹ്മശ്രീ നീലകണ്oരരു ആനന്ദ് പട്ടമന അദ്ധ്യക്ഷത വഹിച്ച ചടങ്ങിൽ ഗിരിജ ആനന്ദ് പട്ടമനയിൽ നിന്നും ഭക്ഷണ പൊതികൾ ഏറ്റുവാങ്ങി. സൗഹൃദ വേദി ചെയർമാൻ ഡോ. ജോൺസൺ വി. ഇടിക്കുള വിതരണോദ്ഘാടനം നിർവഹിച്ചു. ക്ഷേത്രസമിതി മാനേജർ അജികുമാർ കലവറശ്ശേരിൽ, ഭരതൻ പട്ടരുമഠം ,ഭരദ്വാജ് പട്ടമന എന്നിവർ നേതൃത്വം നല്‍കി. നവരാത്രിയോടനുബന്ധിച്ച് കഴിഞ്ഞ 17 വർഷമായി 10 ദിവസം തുടർച്ചയായി ക്ഷേത്രത്തിൽ നിന്നും ‘സ്നേഹ ഭവനിലെ ‘ അന്തേവാസികൾക്ക് ഭക്ഷണം നല്‍കിവരുന്നുണ്ട്. കോവിഡ് കാലഘട്ടങ്ങളിൽ കമ്മ്യൂണിറ്റി കിച്ചൺ പ്രവർത്തിപ്പിക്കുന്നതിന് ക്ഷേത്ര ഓഡിറ്റോറിയവും,…

തിരുവനന്തപുരം: ഉത്രാടം നാളില്‍ ജനങ്ങള്‍ കുടിച്ചു തീര്‍ത്തത് 116 കോടിയുടെ മദ്യമാണെന്ന് കണക്കുകള്‍ സൂചിപ്പിക്കുന്നു. ബെവ്കോ വഴി വിറ്റ മദ്യത്തിന്റെ കണക്കാണിത്‌. പുറത്തുവിട്ട കണക്കുകള്‍ അന്തിമമല്ലെന്നും വില്‍പനയില്‍ നിന്നുള്ള വരുമാനം മാറ്റമുണ്ടാകാന്‍ സാധ്യതയുണ്ടെന്നും ബെവ്കോ എംഡി പറഞ്ഞു. ഇരിങ്ങാലക്കുടയിലാണ്‌ ഇത്തവണ ഏറ്റവും കൂടുതല്‍ വില്‍പ്പന നടന്നത്‌. ഉത്രാടം നാളില്‍ ഇരിഞ്ഞാലക്കുടയില്‍ മാത്രം വിറ്റത്‌ 1.08 കോടി രൂപയുടെ മദ്യമാണ്. കൊല്ലം ആശ്രാമം ഔട്ട്‌ലെറ്റ് വഴി 1.01 കോടി രൂപയുടെ മദ്യം വിറ്റു. ഓണാഘോഷം ആരംഭിക്കുന്നതിന് വളരെ മുമ്പുതന്നെ, കേരള സ്റ്റേറ്റ് ബിവറേജ് കോ-ഓപ്പറേഷൻ (ബെവ്‌കോ) അതിന്റെ ഔട്ട്‌ലെറ്റുകൾ വഴിയുള്ള മദ്യവിൽപ്പന വർദ്ധിപ്പിക്കുന്നതിന് വിപുലമായ ഒരുക്കങ്ങൾ നടത്തിയിരുന്നു. ഉപഭോക്താക്കൾക്ക് ബുദ്ധിമുട്ടുണ്ടാക്കരുതെന്ന് വെയർഹൗസ്, ഔട്ട്‌ലെറ്റ് മാനേജർമാർക്ക് കർശന നിർദേശം നൽകി. ഗോഡൗണുകൾ ജനപ്രിയ ബ്രാൻഡുകളുടെ സ്റ്റോക്ക് സൂക്ഷിക്കുകയും ഉപഭോക്താക്കൾക്ക് തിരഞ്ഞെടുക്കുന്നതിനായി സ്റ്റോക്കുകൾ ഔട്ട്‌ലെറ്റുകളിൽ വ്യക്തമായി പ്രദർശിപ്പിക്കുകയും വേണം. ഡിജിറ്റൽ ഇടപാടുകൾക്കും പ്രത്യേക ശ്രദ്ധ നൽകി.…

പാരീസ്: സർക്കാർ സ്‌കൂളുകളിൽ പെൺകുട്ടികൾ അബായ ധരിക്കുന്നത് വിലക്കാൻ ഫ്രാൻസ് തീരുമാനിച്ചു. ഫ്രഞ്ച് വിദ്യാഭ്യാസ മന്ത്രി ഗബ്രിയേൽ അറ്റോൾ ടിഎഫ് 1 ചാനലിന് നൽകിയ അഭിമുഖത്തിലാണ് സർക്കാർ സ്കൂളുകളിൽ അബായ ധരിക്കില്ലെന്ന തീരുമാനം പ്രഖ്യാപിച്ചത്. അബായ ഒരുതരം ഫുൾ ബുർഖയാണ്. നിങ്ങൾ ക്ലാസ് മുറിയിൽ കയറുമ്പോൾ, നിങ്ങളുടെ മതപരമായ വ്യക്തിത്വം നിർണ്ണയിക്കേണ്ടത് നിങ്ങൾ ധരിക്കുന്ന വസ്ത്രമല്ലെന്ന് അദ്ദേഹം പറഞ്ഞു. സ്ത്രീകൾ ഹിജാബ് ധരിക്കുന്നത് വിലക്കിയിരുന്ന ഫ്രഞ്ച് സ്‌കൂളുകളിൽ അബായ ധരിക്കുന്നത് സംബന്ധിച്ച് മാസങ്ങൾ നീണ്ട ചർച്ചകൾക്ക് ശേഷമാണ് ഈ നീക്കം. 2004-ൽ ഫ്രാൻസ് സ്‌കൂളുകളിൽ ശിരോവസ്ത്രം നിരോധിക്കുകയും 2010-ൽ പൊതുസ്ഥലത്ത് മുഖം മറയ്ക്കുന്നത് നിരോധിക്കുകയും ചെയ്തു. ഇതുമൂലം ഫ്രാൻസിൽ താമസിക്കുന്ന 50 ലക്ഷത്തോളം വരുന്ന മുസ്ലീം ജനങ്ങൾക്കിടയിൽ അമർഷമുണ്ട്. ഫ്രാൻസിലെ പൊതുവിദ്യാലയങ്ങളിൽ വലിയ കുരിശുകൾ, ജൂത കിപ്പകൾ, ഇസ്ലാമിക ശിരോവസ്ത്രങ്ങൾ എന്നിവ അനുവദനീയമല്ല.

ഇസ്ലാമാബാദ്: തോഷഖാന കേസിൽ പിടിഐ ചെയർമാനും മുന്‍ പ്രധാനമന്ത്രിയുമായ ഇമ്രാന്‍ ഖാന്റെ ശിക്ഷ സസ്‌പെൻഡ് ചെയ്തെങ്കിലും അവസാനിച്ചിട്ടില്ലെന്ന് മുൻ പ്രധാനമന്ത്രി ഷെഹ്ബാസ് ഷെരീഫ് അഭിപ്രായപ്പെട്ടു. തോഷഖാന കേസിൽ ഇസ്ലാമാബാദ് ഹൈക്കോടതി പി.ടി.ഐ മേധാവിയുടെ ശിക്ഷ സസ്‌പെൻഡ് ചെയ്‌തതിനെ തുടർന്ന് എക്‌സിലാണ് (മുമ്പ് ട്വിറ്റർ) മുൻ പ്രധാനമന്ത്രി പ്രതികരിച്ചത്. “തീരുമാനം എന്തായിരിക്കുമെന്ന് എല്ലാവർക്കും അറിയാമെങ്കിൽ അത് നീതിന്യായ വ്യവസ്ഥയെ ആശങ്കപ്പെടുത്തുന്ന കാര്യമാണ്,” അദ്ദേഹം കൂട്ടിച്ചേർത്തു. സുപ്രിം കോടതിയിൽ നിന്ന് വ്യക്തമായ സന്ദേശം ലഭിച്ച ശേഷം കീഴ്‌ക്കോടതി അതിനനുസരിച്ച് പ്രവർത്തിക്കുമെന്നും അദ്ദേഹം പറഞ്ഞു. നവാസ് ഷെരീഫിന്റെ ശിക്ഷ നടപ്പാക്കുന്നത് ഉറപ്പാക്കാൻ ഒരു നിരീക്ഷണ ജഡ്ജിയെ നിയമിച്ചതായി പിഎംഎൽ-എൻ നേതാവ് അവകാശപ്പെട്ടു. ഈ സാഹചര്യത്തിൽ, “നീലക്കണ്ണുള്ള” വ്യക്തിയെ രക്ഷിക്കാൻ ചീഫ് ജസ്റ്റിസ് തന്നെ നിരീക്ഷണ ജഡ്ജിയായി, ഷെഹ്ബാസ് തുടർന്നു. രാജ്യത്തിന്റെ ജുഡീഷ്യൽ ചരിത്രത്തിലെ കറുത്ത അദ്ധ്യായമാണ് പിടിഐ മേധാവിയുടെ ശിക്ഷ സസ്‌പെൻഷൻ]എന്ന്…

ഇസ്ലാമാബാദ്: തോഷഖാന കേസിൽ പിടിഐ ചെയർമാന്‍ ഇമ്രാന്‍ ഖാന്റെ ശിക്ഷ ഇസ്ലാമാബാദ് ഹൈക്കോടതി (ഐഎച്ച്സി) ചൊവ്വാഴ്ച സസ്‌പെൻഡ് ചെയ്തു. ഐഎച്ച്‌സിയുടെ രണ്ടംഗ ഡിവിഷൻ ബെഞ്ച് തിങ്കളാഴ്ചയാണ് തീരുമാനം പ്രഖ്യാപിച്ചത്. 100,000 രൂപയുടെ ബോണ്ടുകൾ സമർപ്പിച്ച ശേഷം മുൻ പ്രധാനമന്ത്രിയെ ജാമ്യത്തിൽ വിട്ടയക്കാനും കോടതി അധികാരികളോട് ഉത്തരവിട്ടു. ഇസ്ലാമാബാദ് ഹൈക്കോടതി ചീഫ് ജസ്റ്റിസാണ് ഹ്രസ്വമായ വിധി പ്രഖ്യാപിച്ചത്. വിശദമായ വിധി ഉടൻ പുറത്തിറങ്ങും. തോഷഖാന ക്രിമിനൽ കേസിൽ ശിക്ഷയ്‌ക്കെതിരെ പിടിഐ ചെയർമാന്റെ അപ്പീലിൽ ഐഎച്ച്‌സി തിങ്കളാഴ്ച വിധി പറയുകയായിരുന്നു. ഐഎച്ച്‌സി ചീഫ് ജസ്റ്റിസ് ആമിർ ഫാറൂഖ്, ജസ്റ്റിസ് താരിഖ് മെഹ്മൂദ് ജഹാംഗിരി എന്നിവരടങ്ങിയ ഡിവിഷൻ ബെഞ്ചാണ് അപ്പീൽ പരിഗണിച്ചത്. തിരഞ്ഞെടുപ്പ് കമ്മിഷന്റെ അഭിഭാഷകൻ അംജദ് പർവൈസ് തിങ്കളാഴ്ച വാദങ്ങൾ അവതരിപ്പിച്ചു. ആരോഗ്യപ്രശ്‌നങ്ങൾ കാരണം അദ്ദേഹത്തിന് മുമ്പത്തെ ഹിയറിംഗിൽ ഹാജരാകാൻ കഴിഞ്ഞിരുന്നില്ല. അടുത്ത വിചാരണയ്ക്ക് തന്റെ സാന്നിധ്യം ഉറപ്പാക്കാൻ ചീഫ്…