Year: 2023

വാഷിംഗ്ടണ്‍/ഹാനോയ്: വരും ദശകങ്ങളിൽ ഇന്തോ-പസഫിക്കിനെ രൂപപ്പെടുത്താൻ ഇരു രാജ്യങ്ങൾക്കും അവസരമുണ്ടെന്ന് രാജ്യത്തിന്റെ നേതൃത്വത്തോട് പറഞ്ഞുകൊണ്ട് പ്രസിഡന്റ് ജോ ബൈഡൻ (Joe Biden) ഞായറാഴ്ച വിയറ്റ്നാമിലേക്കുള്ള (Vietnam) ഹ്രസ്വ സന്ദർശനം ആരംഭിച്ചു. വിയറ്റ്നാം-യു എസ് ബന്ധത്തെ സമഗ്രമായ തന്ത്രപരമായ പങ്കാളിയുടെ തലത്തിലേക്ക് ഉയർത്തുകയാണ്, ഇത് വിയറ്റ്നാമിന്റെ ഏറ്റവും ഉയർന്ന അന്താരാഷ്ട്ര പങ്കാളിത്തത്തെ പ്രതിനിധീകരിക്കുന്നുവെന്ന് ഒരു ഉന്നത ബൈഡൻ ഉപദേശകൻ പറഞ്ഞു. ബൈഡൻ ഈ നീക്കത്തെ സ്വാഗതം ചെയ്യുകയും തന്റെ 24 മണിക്കൂർ ഹനോയി സന്ദർശനത്തിൽ കാലാവസ്ഥ, സമ്പദ്‌വ്യവസ്ഥ, മറ്റ് വിഷയങ്ങൾ എന്നിവയിൽ പുരോഗതി കൈവരിക്കാനാകുമെന്ന് പ്രതീക്ഷിക്കുകയും ചെയ്തു. “ഞങ്ങളുടെ രാജ്യങ്ങൾക്കിടയിൽ സംഘർഷം മുതൽ സാധാരണവൽക്കരണം വരെയുണ്ടായിരുന്നു. ഈ പുതിയ സംഭവ വികാസം 50 വർഷത്തെ പുരോഗതി കണ്ടെത്താൻ കഴിയും,” കമ്മ്യൂണിസ്റ്റ് പാർട്ടി ഓഫ് വിയറ്റ്നാമിന്റെ ജനറൽ സെക്രട്ടറി എൻഗുയാൻ ഫു ട്രംഗുമായുള്ള പുതിയ ബന്ധ നില പ്രഖ്യാപിച്ചുകൊണ്ട് ബൈഡന്‍…

സൗത്ത് ഫ്ലോറിഡ: ക്രൈസ്തവ സംഗീത ലോകത്തെ അനുഗ്രഹിത ഗായകൻ കെസ്റ്ററും, മലയാള ചലച്ചിത്ര- ഭക്തി ഗാന രംഗത്തെ വാനമ്പാടിയായ യുവഗായിക ശ്രേയ ജയ്ദീപും ഒരുമിക്കുന്ന ക്രിസ്തീയ സംഗീത വിരുന്ന് (Kester Live Concert) സൗത്ത് ഫ്ലോറിഡ മാർത്തോമാ പള്ളിയുടെ ആഭിമുഖ്യത്തിൽ കൂപ്പർ സിറ്റി ഹൈസ്കൂൾ ഓഡിറ്റോറിയത്തിൽ വച്ചു സെപ്റ്റംബർ 17 വൈകിട്ട് 6:30 നു നടത്തുന്നു. അമേരിക്കൻ ഐക്യനാടുകളിലെ മലയാളികൾക്ക് എന്നും ഓർമ്മിക്കാൻ കഴിയുന്ന നല്ലഷോകൾ മാത്രം കാഴ്ച വയ്ക്കുന്ന സെവൻ സീസ് എന്റർടൈൻമെന്റ്സും, കർവിങ്മൈൻഡ് എന്റർടൈൻമെന്റ്സും ഒരിക്കൽ കൂടി ഒരുമിക്കുന്ന കെസ്റ്റർ ലൈവ് ഇൻകൺസേർട്ട് തൽസമയ വാദ്യമേളങ്ങളുടെ അകമ്പടിയോടുകൂടി ആണ് നടത്തുന്നത്. മലയാളിക്ക് എന്നും ഓർമയിൽ നിൽക്കുന്ന പുതിയതും പഴയതുമായ ക്രിസ്റ്റീയ ഗാനങ്ങൾകോർത്തിണക്കിയ ഈ സംഗീത സന്ധ്യയിലേക്ക് എല്ലാവരെയും ക്ഷണിക്കുന്നതായി റവ. ഡോ.ജേക്കബ് ജോർജ് (വികാരി), ഡോ. മാമ്മൻ സി ജേക്കബ്(കൺവീനർ), ജോർജിവർഗീസ് ( സെക്രട്ടറി),…

കൊല്ലം: ശ്രീകൃഷ്ണജയന്തി ആഘോഷത്തോടനുബന്ധിച്ച് ബാലഗോകുലം (Balagokulam) സംഘടിപ്പിച്ച ശോഭാ യാത്രയിൽ (Sobha Yathra) ശ്രീകൃഷ്ണന്റെ വേഷം ധരിച്ച് കൊല്ലം ജില്ലയിലെ കരുനാഗപ്പള്ളിയിൽ താമസിക്കുന്ന നാലുവയസ്സുകാരി മന്ഹമറിയവും (Manhamariyam) കുടുംബവും ആവേശത്തില്‍. നഴ്‌സറിയിൽ തന്റെ സുഹൃത്തുക്കളെല്ലാം കുഞ്ഞ് കൃഷ്ണന്റെയും രാധയുടെയും വേഷം ധരിക്കുന്നത് കണ്ടതിന് ശേഷമാണ് ശ്രീകൃഷ്ണന്റെ വേഷം ധരിക്കാനുള്ള മന്ഹമറിയത്തിന്റെ ആഗ്രഹം മാതാപിതാക്കളായ ഷിഹാബുദീനോടും അമ്മ അൻസിയോടും പറഞ്ഞത്. കുഞ്ഞിന്റെ ആഗ്രഹം സാധിച്ചുകൊടുക്കാൻ ഇരുവരും തീരുമാനിച്ചു. ഒടുവില്‍ അവരുടെ സഹായവും പിന്തുണയും കൊണ്ട് മന്ഹമറിയം കുഞ്ഞന്‍ കൃഷ്ണനായി മാറി. മനുരേത്ത് കാവിൽ നിന്ന് മാരാരിത്തോട്ടം ക്ഷേത്രത്തിലേക്ക് സംഘടിപ്പിച്ച ശോഭായാത്രയിലാണ് മന്ഹമറിയം പങ്കെടുത്തത്. അമ്മയും മുത്തശ്ശി സുനിയും ഒപ്പമുണ്ടായിരുന്നു. ഘോഷയാത്രയിൽ പൂർണമായി പങ്കെടുത്ത്, വെണ്ണ നിറച്ച പാത്രം പൊട്ടിക്കുന്ന കുഞ്ഞൻ കൃഷ്ണന്റെ പ്രതീകമായ ക്ഷേത്രത്തിലെ ഉറിയടി കളിയിലും പങ്കെടുത്ത ശേഷമാണ് മന്ഹമറിയം വീട്ടിലേക്ക് മടങ്ങിയത്. ശോഭാ യാത്രയിൽ പങ്കെടുത്തതിൽ…

തലവടി: അറിവുത്സവം ഉപജില്ലാതല മത്സരം തലവടി ബി ആർ സി യിൽ വെച്ച് നടന്നു. ഉപ ജില്ലാ കൺവീനർ ഇ കെ ജോസ് അദ്ധ്യക്ഷത വഹിച്ചു . തലവടി ഗ്രാമ പഞ്ചായത്ത് പ്രസിഡന്റ് ഗായത്രി ബി നായർ ഉത്ഘാടനം ചെയ്തു. ഐക്യരാഷ്ട്ര സഭ സുസ്ഥിര വികസന ലക്ഷ്യങ്ങളുടെ അംബാസഡർ ഡോ. ജോൺസൺ വി ഇടിക്കുള മുഖ്യ പ്രഭാഷണം നടത്തി. ബ്ലോക്ക് പഞ്ചായത്ത് അംഗം അജിത് പിഷാരത്ത്, പഞ്ചായത്ത് മെമ്പർ വിനോദ് മത്തായി, എ കെ എസ് ടി യു സംസ്ഥാന കൗൺസിൽ അംഗം ഷിഹാബ് നൈന, പ്രകാശ് വരിക്കോലിൽ, പാർവ്വതി ടീച്ചർ, കെ.സി സന്തോഷ് എടത്വ എന്നിവർ പ്രസംഗിച്ചു. പൊതു വിദ്യാലയങ്ങളിലെ എൽ പി, യു പി, ഹൈസ്കൂൾ, ഹയർ സെക്കൻഡറി എന്നീ വിഭാഗങ്ങളിലായി നടന്ന മത്സരത്തിൽ വിജയികളായവർ: എൽ പി വിഭാഗം – ഒന്നാം സ്ഥാനം…

മലബാറിലെ പ്ലസ് വൺ സീറ്റ് പ്രതിസന്ധി ചൂണ്ടിക്കാണിച്ചത് പ്രതിപക്ഷത്തിന്റെ വർഗീയ പ്രചാരണമാണെന്ന എം ബി രാജേഷിന്റെ പ്രസ്താവന തീർത്തും അപലപനീയം ആണെന്ന് ഫ്രറ്റേണിറ്റി മൂവ്മെന്റ് (Fraternity Movement). മലബാറിലെ സീറ്റ് പ്രതിസന്ധി പകൽ വെളിച്ചം പോലെ ഉണ്ടായിരിക്കെ മന്ത്രിമാർ നടത്തുന്ന പ്രസ്താവനകൾ ദുഷ്ട ലാക്കോട് കൂടിയതാണ്. 114 ബാചുകൾ മലബാറിൽ ആകെ അനുവദിക്കേണ്ടി വന്നതിലെ ജാള്യത മറക്കുന്നതിനാണ് നിലവിലെ ദുഷ്പ്രചരണങ്ങൾ എന്നത് വ്യക്തമാണ്. മലബാറിൽ സീറ്റ് കുറവ് ഇല്ലെങ്കിൽ മലബാറിലെ സീറ്റ് അപര്യാപ്തതയെ കുറിച്ചു പഠിക്കാൻ കമ്മീഷനെ വച്ചത് എന്തിനായിരുന്നെന്ന് സർക്കാർ വ്യക്തമാക്കണം. റിപ്പോർട്ട് പുറത്തു വിടാതെ അതിന്മേൽ അടയിരിക്കുന്നത് വഴി തന്നെ അതിനകത്തു എന്തായിരിക്കും പറഞ്ഞിട്ടുണ്ടാവുക എന്ന് വ്യക്തമാണെന്നും ഫ്രറ്റേണിറ്റി മലപ്പുറം ജില്ലാ സെക്രട്ടറിയറ്റ് അഭിപ്രായപ്പെട്ടു. മലബാർ ജില്ലകളിൽ നിന്ന് ആകെ പത്താം തരം വിജയിച്ച വിദ്യാർത്ഥികളുടെ എണ്ണവും ലഭ്യമായ പ്ലസ് വൺ സീറ്റുകളുടെ എണ്ണവും…

പരപ്പനങ്ങാടി: 14 വർഷമായി അന്യായമായി ജയിലിൽ കിടക്കുന്ന പരപ്പനങ്ങാടി സകരിയ്യയുടെ മാതാവ് ബിയ്യുമ്മയെ വെൽഫെയർ പാർട്ടി (Welfare Party) സംസ്ഥാന പ്രസിഡന്റ് റസാഖ് പാലേരിയും സംസ്ഥാന ഭാരവാഹികളും സന്ദർശിച്ചു. കിടപ്പിലായ ബിയ്യുമ്മയെ മുഖ്യമന്ത്രി സന്ദർശിക്കണമെന്നും, ബാംഗ്ലൂർ സ്ഫോടനക്കേസിൽ അബ്ദുന്നാസർ മഅദനിക്ക്‌ ജാമ്യ വ്യവസ്ഥയിൽ ഇളവ് ലഭിച്ചതിന്റെ പശ്ചാത്തലത്തിൽ മുഴുവൻ വിചാരണ തടവുകാർക്കും ജാമ്യം അനുവദിക്കാൻ കർണ്ണാടക സർക്കാർ കൂടുതൽ അനുഭാവ പൂർണമായ നിലപാടുകൾ കൈക്കൊള്ളണമെന്നും അദ്ദേഹം ആവശ്യപ്പെട്ടു. . സകരിയ അടക്കമുള്ളവരുടെ ജാമ്യവിഷയമുന്നയിച്ച് കേരളത്തിൽ നിന്നുള്ള സർവകക്ഷി സംഘം കർണാടക സർക്കാറുമായി സംസാരിക്കാൻ തയാറകണമെന്നും അദ്ദേഹം കൂട്ടിച്ചേർത്തു. ഭരണകൂടം അന്യായമായി തടവിലാക്കപ്പെട്ട പരപ്പനങ്ങാടി സക്കറിയയുടെ വീടും സംഘപരിവാർ കൊല ചെയ്ത കൊടിഞ്ഞി ഫൈസലിന്റെ വീടും ഇന്ന് രാവിലെ സന്ദർശിച്ചുകൊണ്ടായിരുന്നു മലപ്പുറം ജില്ലയിലെ ഇന്നത്തെ ”ഒന്നിപ്പ്” പര്യടനത്തിന് സമാരംഭം കുറിച്ചത്. സംസ്ഥാന പ്രസിഡന്റിനൊപ്പം സംസ്ഥാന നേതാക്കളായ സുരേന്ദ്രൻ കരിപ്പുഴ,…

ബി ജെ പി നേതൃത്വം നൽകുന്ന എൻ ഡി എ മുന്നണിക്കെതിരെ രാജ്യത്ത് രൂപപ്പെട്ടു വന്ന ‘ഇന്ത്യ’ മുന്നണി 2024 പൊതു തെരഞ്ഞെടുപ്പിനെ സംബന്ധിച്ചിടത്തോളം സ്വാഗതാർഹമാണ്. ബി ജെ പി വിരുദ്ധ പക്ഷത്തുള്ള ഏതെങ്കിലും പ്രതിപക്ഷ പാർട്ടിക്ക് നിലവിലെ അവസ്ഥയിൽ ഒറ്റയ്ക്ക് അധികാരത്തിൽ വരുക അസാധ്യമാണ്. അതുകൊണ്ട് തന്നെ ബി ജെ പിയെയും സംഘ്പരിവാർ രാഷ്ട്രീയത്തെയും പരാജയപ്പെടുത്താൻ പ്രി-പോൾ അലയൻസ് അനിവാര്യമാണ്. വാജ്പെയിയുടെയും ഒന്നാം മോദി സർക്കാരിന്റെയും കാലത്ത് ഇത്തരത്തിലുള്ള ഒരു പ്രി-പോൾ അലയൻസ് രൂപപ്പെട്ടു വന്നിരുന്നില്ല. ഇന്ത്യ മുന്നണിയിലെ അംഗങ്ങളായ പാർട്ടികളിൽ പലതും വിവിധ സംസ്ഥാനങ്ങളിൽ പരസ്പരം എതിർ ധ്രുവങ്ങളിൽ നിന്ന് മത്സരിക്കുന്നുണ്ടെങ്കിലും ദേശീയ തലത്തിൽ ബി ജെ പി വിരുദ്ധ രാഷ്ട്രീയ രംഗത്ത് അവർ ഒരുമിച്ചു നിൽക്കുന്നത് സ്വാഗതാർഹമാണ്. മുന്നണിയിലെ പല പാർട്ടികളും നേതാക്കളും ബി ജെ പി യുടെ ഭരണകൂട വേട്ടയ്ക്ക് ഇരയായിട്ടുണ്ട്.…