Year: 2023

എടത്വ: അമ്പലപ്പുഴ – തിരുവല്ല സംസ്ഥാന പാതയുടെ നിർമ്മാണം അടിയന്തിരമായി  പൂർത്തിയാക്കണമെന്നും   എടത്വ നഗരത്തിൽ ബസ് കാത്തിരിപ്പ് കേന്ദ്രങ്ങൾ നിർമ്മിക്കണമെന്നും ആവശ്യപ്പെട്ട് എടത്വ വികസന സമിതിയുടെ നേതൃത്വത്തിൽ കുത്തിയിരിപ്പ് സമരം നടത്തി.  പ്രസിഡൻ്റ് ആൻ്റണി ഫ്രാൻസിസ് കട്ടപ്പുറം ഉദ്ഘാടനം ചെയ്തു.രക്ഷാധികാരി കുഞ്ഞുമോൻ പട്ടത്താനം അധ്യക്ഷത വഹിച്ചു. അമ്പലപ്പുഴ ഭാഗത്തേക്ക് യാത്രക്കാർ ബസ് കാത്ത് നിന്നിരുന്നത് ഒരു വ്യക്ഷ തണലിലായിരുന്നു. റോഡ് വികസനം നടത്തിയപ്പോൾ ആ വൃക്ഷം വെട്ടിക്കളഞ്ഞു. പൊരിവെയിലത്തും മഴയത്തും ഇപ്പോൾ ജനം കടത്തിണ്ണകളെയാണ് ആശ്രയിക്കുന്നത്. തിരുവല്ല ഭാഗത്തേക്ക് ഉള്ള യാത്രക്കാർ ആശ്രയിക്കുന്നത് ചോർന്നൊലിക്കുന്ന കാത്തിരിപ്പ് കേന്ദ്രമാണ്.  എടത്വ ടൗണിൽ വരച്ച  സീബ്രാലൈൻ മാഞ്ഞു പോയതു മൂലം ഉള്ള അപകടം ഒഴിവാക്കാൻ നടപടി സ്വീകരിക്കണമെന്നും എടത്വ വികസന സമിതി ആവശ്യപ്പെട്ടു.  കോടി കണക്കിന് രൂപ ചെലവഴിച്ച് നിർമ്മിച്ച  റോഡിൽ നെടുമ്പ്രം ഭാഗത്ത് വെള്ളപൊക്ക സമയങ്ങളിൽ ഉണ്ടാകുന്ന ഗതാഗത…

വിഴിഞ്ഞം: വീടിന്‌ പിന്നിലെ വാഴത്തോട്ടത്തില്‍ വീട്ടമ്മയെ പൊള്ളലേറ്റ നിലയില്‍ കണ്ടെത്തി. കോവളം സ്വദേശി അബ്ദുള്‍ അസീസിന്റെ ഭാര്യ ബീമാബീവി (59) യാണ്‌ മരിച്ചത്‌. സാമ്പത്തിക ബുദ്ധിമുട്ടുകള്‍ മൂലം ബീമാബീവി ആത്മഹത്യ ചെയ്തതാണെന്നാണ് ബന്ധുക്കളില്‍ നിന്നുള്ള പ്രാഥമിക വിവരം. വീടിനു മുന്നില്‍ ഹോട്ടല്‍ നടത്തിവരികയായിരുന്നു ബീമാബീവിയും ഭര്‍ത്താവും. ഇവരുടെ വീട്ടിലെ പേയിംഗ്‌ ഗസ്റ്റായ വിദ്യാര്‍ത്ഥികളില്‍ ഒരാളാണ്‌ പുലര്‍ച്ചെ മൂന്ന്‌ മണിയോടെ മൃതദേഹം കണ്ട് അബ്ദുള്‍ അസീസിനെ വിവരമറിയിച്ചത്‌. ശരീരം ഏതാണ്ട് പൂര്‍ണ്ണമായും കത്തിക്കരിഞ്ഞ നിലയിലായിരുന്നു. ഞായറാഴ്ച രാത്രി 10.30 ഓടെ ബീമാബീവി ഉറങ്ങാന്‍ പോയതായി ഭര്‍ത്താവ്‌ പറഞ്ഞു. ഫോറന്‍സിക്‌ വിദഗ്ധര്‍ നടത്തിയ പരിശോധനയില്‍ മൃതദേഹത്തോട്‌ ചേര്‍ന്ന്‌ ഒരു കുപ്പി കണ്ടെത്തി. മക്കള്‍ ഷിബിന, ഷമീര്‍.

കൊച്ചി : എറണാകുളം ജംക്‌ഷൻ റെയിൽവേ സ്‌റ്റേഷന്റെ പേര് മാറ്റണമെന്ന ആവശ്യം കൊച്ചി മുനിസിപ്പാലിറ്റി ഉന്നയിച്ചതിനെത്തുടര്‍ന്ന് നഗരസഭാ കൗൺസിൽ ഈ നിർദേശത്തെ പിന്തുണച്ച് പ്രമേയം പാസാക്കി. കൊച്ചിയിലെ മുൻ മഹാരാജാവ് രാജർഷി രാമവർമന്റെ പേരില്‍ റെയിൽവേ സ്റ്റേഷന് പേര് നൽകണമെന്ന് പ്രമേയം പ്രത്യേകം വാദിക്കുന്നു. ഷൊർണൂർ മുതൽ എറണാകുളം വരെയുള്ള റെയിൽവേ പാതയുടെ നിർമാണത്തിൽ രാജർഷി രാമവർമൻ നിർണായക പങ്കുവഹിച്ചതായി കൗൺസിൽ ചൂണ്ടിക്കാട്ടി. കേന്ദ്ര-സംസ്ഥാന സർക്കാരുകളോടും ഇന്ത്യൻ റെയിൽവേയോടും ഔദ്യോഗികമായി മാറ്റം അഭ്യർത്ഥിക്കാൻ ഒരുങ്ങുകയാണ് മുനിസിപ്പൽ അധികൃതർ.

വിഴിഞ്ഞം: വിഴിഞ്ഞം അന്താരാഷ്ട്ര തുറമുഖത്തേക്കുള്ള ക്രെയിനുകളുമായി വരുന്ന ആദ്യ കപ്പല്‍ ‘ജെന്‍ ഹുവാ 15 ന്‌ ജലധാര നല്‍കി സ്വാഗതം ചെയ്യും. തുറമുഖ ബര്‍ത്തിന്‌ സമീപം എത്തിക്കുന്നതിനായി ബര്‍ത്തിന്‌ പുറത്ത്‌ പ്രത്യേകം സ്ഥാപിച്ചിട്ടുള്ള ടഗ്ലുകളില്‍ നിന്നാണ്‌ ജലധാര. സ്വീകരണ പവലിയന്‍ ഒരുക്കുന്നതിനുള്ള സാമഗ്രികള്‍ ഇന്നലെ വിഴിഞ്ഞം യാര്‍ഡില്‍ എത്തിച്ചു. വിഴിഞ്ഞം തുറമുഖ ഓപ്പറേറ്റിംഗ്‌ ഓഫീസിനും യാര്‍ഡിനും മുന്നില്‍ 5000 പേര്‍ക്ക്‌ ഇരിക്കാവുന്ന പന്തലാണ്‌ ഒരുക്കിയിരിക്കുന്നത്‌. പന്തല്‍ ഉയരുന്നതോടെ തുറമുഖ യാര്‍ഡും ബര്‍ത്തും പരിസരവും ഉത്സവ പ്രതീതിയിലാകും. തുറമുഖ നിര്‍മാണ സ്ഥലത്ത്‌ വൈദ്യുത വിളക്കുകള്‍ ഉണ്ടാകും. ആളുകള്‍ കൂട്ടംകൂടുന്നതിനാല്‍ സുരക്ഷാ ക്രമീകരണങ്ങള്‍ ശക്തമാക്കും. പ്രത്യേക പരിശീലനം ലഭിച്ച റാപ്പിഡ്‌ റെസ്പോണ്‍സ്‌ ടീമിനെയും വിന്യസിക്കും. മുന്ദ്ര തുറമുഖത്ത്‌ നിന്ന്‌ പുറപ്പെട്ട്‌ മംഗളൂരു പിന്നിട്ട കപ്പല്‍ ഒക്ടോബര്‍ 12ന്‌ രാവിലെ വിഴിഞ്ഞം തീരത്ത്‌ നങ്കുരമിടുമെന്ന്‌ ഉദ്യോഗസ്ഥര്‍ പറഞ്ഞു. പുതിയ തുറമുഖത്തിന്‌ സമീപം…

ന്യൂഡല്‍ഹി: ലാവ്ലിന്‍ കേസ്‌ ചൊവ്വാഴ്ച വീണ്ടും സുപ്രീം കോടതിയുടെ പരിഗണനയ്ക്ക്‌ വരും. 29-ാം തവണയാണ് ഈ കേസ് കോടതിയിലെത്തുന്നത്. സുപ്രീം കോടതിയിൽ കേസിനെ ചുറ്റിപ്പറ്റിയുള്ള അനന്തമായ നിയമക്കുരുക്കിനെക്കുറിച്ചുള്ള തര്‍ക്കങ്ങള്‍ മുറുകുമ്പോള്‍ ജസ്സിസുമാരായ സൂര്യകാന്ത്‌, ദീപങ്കര്‍ ദത്ത, ഉജ്ജല്‍ ഭൂയാന്‍ എന്നിവരടങ്ങിയ ബെഞ്ചാണ്‌ വാദം കേള്‍ക്കുന്നത്‌. കഴിഞ്ഞ സെപ്ംബര്‍ 12ന്‌ നടന്ന ഹിയറിംഗില്‍, വാദങ്ങള്‍ കൃത്യമായി അവതരിപ്പിക്കാന്‍ കൂടുതല്‍ സമയം വേണമെന്ന്‌ സിബിഐ ആവശ്യപ്പെട്ടിരുന്നു. മുഖ്യമന്ത്രി പിണറായി വിജയന്‍, മുന്‍ ഈര്‍ജ സ്വെക്രട്ടറി കെ.മോഹനചന്ദ്രന്‍, മുന്‍ ജോയിന്റ്‌ സ്വെക്രട്ടറി എ.ഫ്രാന്‍സിസ്‌ എന്നിവരെ നേരത്തെ ഹൈക്കോടതി കുറ്റവിമുക്തരാക്കിയിരുന്നെങ്കിലും ഹൈക്കോടതി വിധിയെ ചോദ്യം ചെയ്യ്‌ സിബിഐ സുപ്രീം കോടതിയെ സമീപിച്ചു. മുന്‍ കെഎസ്‌ഇബി ഉദ്യോഗസ്ഥരായ ആര്‍.ശിവദാസ്‌, കസ്തൂരിരംഗ അയ്യര്‍, കെ.ജി.രാജശേഖരന്‍ എന്നിവരും തങ്ങളുടെ പേരുകള്‍ പ്രതിപ്പട്ടികയില്‍ നിന്ന്‌ ഒഴിവാക്കണമെന്ന്‌ ആവശ്യപ്പെട്ട ഹര്‍ജി നല്‍കിയിട്ടുണ്ട്‌.

മിനസോട്ട: ഹമാസിന്റെ അഭൂതപൂർവമായ ആക്രമണത്തോടുള്ള ഇസ്രായേലിന്റെ പ്രതികരണത്തെ തിങ്കളാഴ്ച സോഷ്യൽ മീഡിയയിലൂടെ കടന്നാക്രമിച്ചു മിനിസോട്ടയിൽ നിന്നുള്ള ഡെമോക്രാറ്റിക്‌ പ്രതിനിധി ഇൽഹാൻ ഒമർ. ഇസ്രയേലിന്റെ ദീർഘകാല വിമർശകയും ഫലസ്തീനികളുടെ വക്താവുമായ ഒമർ, ഈ വാരാന്ത്യത്തിൽ ഹമാസ് ഭീകരർ കൊലപ്പെടുത്തിയ ഇസ്രായേലി ഇരകളും ഇസ്രായേൽ പ്രതികരണത്തിൽ കൊല്ലപ്പെട്ട ഫലസ്തീൻകാരും തുല്യരാണെന്നു തോന്നുന്നതായും അഭിപ്രായപ്പെട്ടു. “ഈ വാരാന്ത്യത്തിൽ കൊല്ലപ്പെട്ട നൂറുകണക്കിന് നിരപരാധികളായ ഇസ്രായേലി സിവിലിയൻമാരുടെയും 9 അമേരിക്കക്കാരുടെയും മാനവികതയെ ഞങ്ങൾ ബഹുമാനിക്കുന്നതുപോലെ, കൊല്ലപ്പെടുകയും അവരുടെ ജീവിതം അട്ടിമറിക്കപ്പെടുകയും ചെയ്ത നിരപരാധികളായ ഫലസ്തീൻ സിവിലിയന്മാരുടെ മാനവികതയെ ഞങ്ങൾ ബഹുമാനിക്കണം,” അവർ എഴുതി. ഹമാസിന്റെ അക്രമത്തെ വിശദീകരിക്കാനുള്ള ശ്രമത്തിൽ ഇസ്രായേൽ “വർണ്ണവിവേചന” രാഷ്ട്രം പ്രവർത്തിക്കുന്നുവെന്ന് ആരോപിച്ച് ഒമർ ഗാസയിലെ ജീവിതത്തിന്റെ ബുദ്ധിമുട്ടുകൾ ഉയർത്തിക്കാട്ടി. “വെസ്റ്റ്ബാങ്കിലെ പലസ്തീൻ നിവാസികൾക്ക് ഗസായിലുള്ളവരേക്കാൾ മികച്ച ജീവിതമുണ്ട് -ഗസായിലുള്ളവരു ടെ പൂർവ്വിക ഭവനങ്ങളുടെ പതിവ് നാശം, അവരുടെ വിളകളുടെ നാശം,…

മിസോറി സിറ്റി (ഹൂസ്റ്റൺ ): മിസോറി സിറ്റിയിൽ നിന്നും കാണാതായ ജോയൽ വർഗീസിനെ കണ്ടെത്താൻ സഹായം അഭ്യർത്ഥിച്ചു. ടെക്‌സാസിലെ മിസോറി സിറ്റിയിലെ റിവർ സ്റ്റോൺ കമ്മ്യൂണിറ്റിയിൽ നിന്നാണ് ജോയൽ വർഗീസ് എന്ന പതിനാറുകാരനെ കാണാതായത്. ജോയലിന്റെ സുരക്ഷിതമായ തിരിച്ചുവരവ് പ്രതീക്ഷിച്ചുകൊണ്ട് പ്രാർത്ഥനയോടെ കാത്തിരിക്കയാണ് കുടുംബാംഗങ്ങളും സുഹ്ര്ത്തുക്കളും . ഒക്ടോബർ 10 രാവിലെ 11 മണിക്ക് ജോയൽ ബൈക്കിൽ വീട്ടിൽ നിന്ന് പുറപ്പെട്ടതാണ്. ഇയാളുടെ ലൊക്കേഷനെ കുറിച്ച് എന്തെങ്കിലും വിവരം ലഭിച്ചാൽ സബീന വർഗീസിനെ 281-738-6679 എന്ന നമ്പറിൽ ബന്ധപ്പെടണമെന്നു അഭ്യർത്ഥിച്ചിട്ടുണ്ട്.

ഒക്ലഹോമ സിറ്റി:ബലാത്സംഗത്തിനും മോഷണക്കുറ്റത്തിനും ശിക്ഷിക്കപ്പെട്ട ഒക്ലഹോമയിൽ നിന്നുള്ള വ്യക്തിക്ക് 35 വർഷത്തിനു ശേഷം നീതി ലഭിച്ചു.1987-ലെ ബലാത്സംഗത്തിനും മോഷണത്തിനും 30 വർഷം ജയിലിൽ കിടന്ന പെറി ലോട്ടിനെയാണ്   ഒക്‌ലഹോമ ജഡ്ജി ചൊവ്വാഴ്ച കുറ്റവിമുക്തനാക്കിയത് .. പെറി ലോട്ടിന്റെ(61) ശിക്ഷാവിധി ഒഴിവാക്കുകയും കേസ് ശാശ്വതമായി തള്ളുകയും ചെയ്യുന്ന അന്തിമ ഉത്തരവ് പോണ്ടോട്ടോക്ക് കൗണ്ടി ജില്ലാ ജഡ്ജി സ്റ്റീവൻ കെസിംഗർ ചൊവ്വാഴ്ച പുറപ്പെടുവിച്ചു. ഇങ്ങനെ ഒരു   ദിവസം വരുമെന്ന് തനിക്ക്  അറിയാമായിരുന്നുവെന്നു  ലോട്ട് പറഞ്ഞു. അത് എങ്ങനെ അനുഭവപ്പെടുമെന്നോ’ അത് എങ്ങനെയിരിക്കുമെന്നോ എത്ര സമയമെടുക്കുമെന്നോ തനിക്കറിയില്ലെന്നും എന്നാൽ സത്യം തന്നെ സ്വതന്ത്രനാക്കുമെന്ന് തനിക്കറിയാമെന്നും അദ്ദേഹം പറഞ്ഞു. “എനിക്ക് പുനർജന്മമുണ്ടെന്ന് തോന്നുന്നു. എല്ലാം പുതിയതാണെന്ന് എനിക്ക് തോന്നുന്നു, പ്രത്യേകിച്ച് എന്റെ അവസരങ്ങൾ. ഇനി മതിലുകളില്ല. അതൊരു അത്ഭുതകരമായ വികാരമാണ്,ലോട്ട് പറഞ്ഞു. താൻ ഒരിക്കലും ചെയ്യാത്ത ഒരു കുറ്റകൃത്യത്തിന്റെ വില…

ഒക്‌ടോബർ 7 ശനിയാഴ്ച ഹമാസ് ഇസ്രയേലിനുനേരെ നടത്തിയ ആക്രമണം ഇരുപക്ഷവും തമ്മിൽ വീണ്ടും സംഘർഷത്തിലേക്ക് നയിച്ചു. ഇരുപക്ഷവും ആയുധങ്ങൾ ഉപയോഗിക്കുന്നുണ്ട്, സാധാരണക്കാർക്ക് ജീവഹാനി സംഭവിക്കുന്നു, നിരവധി പേര്‍ക്ക് പരിക്കേല്‍ക്കുന്നു, ഭവനങ്ങള്‍ നഷ്ടപ്പെടുന്നു. റിപ്പോർട്ടുകൾ പ്രകാരം, ഇസ്രയേലിനെതിരെ ഹമാസ് നടത്തിയ ഈ ആക്രമണം ഇന്നുവരെയുള്ള ഏറ്റവും വലിയ ആക്രമണമാണ്. ആക്രമണത്തിന് ശേഷം ഹമാസ് പോരാളികളും ഇസ്രയേലിന്റെ നിയന്ത്രണത്തിലുള്ള പ്രദേശങ്ങളിലേക്ക് നുഴഞ്ഞുകയറി. ഹമാസ്, അതിന്റെ സ്ഥാപനം, നേതൃത്വം, ഹമാസുമായി ബന്ധപ്പെട്ട പ്രധാന വ്യക്തികൾ, ഇസ്രായേൽ-പലസ്തീൻ സംഘർഷത്തിൽ അതിന്റെ ലക്ഷ്യങ്ങൾ എന്തൊക്കെയാണ്? എന്താണ് ഹമാസ് ? ‘ഹറകത്ത് അൽ മുഖവാമ അൽ ഇസ്‌ലാമിയ’ എന്നാണ് ഹമാസിന്റെ മുഴുവൻ പേര്. ഇസ്ലാമിക് റെസിസ്റ്റൻസ് മൂവ്‌മെന്റ് എന്നാണ് അതിന്റെ വിവർത്തനം. ഫലസ്തീൻ പ്രദേശങ്ങളിൽ പ്രവർത്തിക്കുന്ന ഒരു രാഷ്ട്രീയ, തീവ്രവാദ സംഘടനയാണിത്. ഹമാസ് പ്രാഥമികമായി സുന്നി മുസ്ലീങ്ങൾ അടങ്ങിയതാണ്, വർഷങ്ങൾക്ക് മുമ്പ് ഇസ്രായേൽ പിടിച്ചടക്കിയ പ്രദേശങ്ങളുടെ…