Year: 2023

കോഴിക്കോട്: എറണാകുളം കളമശ്ശേരിയിൽ യഹോവാ സാക്ഷികളുടെ സംഗമത്തിനിടെ നടന്ന സ്ഫോടനം ഏറെ ദുഃഖിപ്പിക്കുന്നതും നടുക്കുന്നതുമാണെന്ന് ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്‌ലിയാർ. അക്രമികളെ അതിവേഗം കണ്ടെത്താൻ ക്രമസമാധാന പാലകർ നടപടി സ്വീകരിച്ചു വരികയാണ്. വിവിധ സമുദായങ്ങൾ വളരെ ഐക്യത്തോടെയും സമാധാനത്തോടെയും കഴിയുന്ന കേരളത്തിന്റെ സാമൂഹികാന്തരീക്ഷത്തെ തകർക്കാൻ ശ്രമിക്കുന്നവർക്കെതിരെ ശക്തമായ നിയമ നടപടി സ്വീകരിക്കണം. മതസ്പർധയും വർഗീയതയും ഈ അവസരത്തിൽ വളരാതിരിക്കാൻ മുഴുവൻ ജനങ്ങളും നിയമപാലകരും ജാഗ്രത പുലർത്തണം. അക്രമത്തിന് ഇരയായവരുടെ വേദനയിൽ പങ്കുചേരുന്നു, കാന്തപുരം പറഞ്ഞു.

കൊച്ചി: കളമശ്ശേരി കൺവെൻഷൻ സെന്ററിൽ യഹോവ സാക്ഷികളുടെ മേഖല സമ്മേളനത്തിൽ നടന്ന സ്ഫോടനം സംബന്ധിച്ച് വേഗത്തിൽ അന്വേഷണം നടത്തി യഥാർഥ വസ്തുതകൾ പുറത്തു കൊണ്ടുവരണമെന്ന് വെൽഫെയർ പാർട്ടി സംസ്ഥാന പ്രസിഡന്റ് റസാഖ് പാലേരി ആവശ്യപ്പെട്ടു. ഇതിന്റെ പേരിൽ വ്യാജവാർത്തകളും ഊഹാപോഹങ്ങളും സൃഷ്ടിച്ച് കേരളത്തിൽ വർഗീയ ധ്രുവീകരണം നടത്താനുള്ള സംഘ്പരിവാറിന്റെയും അനുബന്ധ സംഘടനകളുടെയും ശ്രമങ്ങൾക്ക് തടയിടണം. അക്രമങ്ങളോ അപകടങ്ങളോ ഉണ്ടായാൽ അതുപയോഗിച്ച് ധ്രുവീകരണം സൃഷ്ടിച്ച് രാഷ്ട്രീയ മുതലെടുപ്പ് നടത്തുന്ന സംഘപരിവാർ ശ്രമം ഈ സന്ദർഭത്തിലും ആരംഭിച്ചിട്ടുണ്ട്. അതിനെ ഗൗരവപൂർവം കണ്ട് ജാഗ്രതയോടെ സമീപിക്കാൻ സർക്കാർ തയ്യാറാകണം. സംസ്ഥാനത്ത് സാമൂഹിക സംഘർഷം സൃഷ്ടിക്കാനുള്ള ശ്രമങ്ങൾ കുറെ നാളുകളായി നടന്നുവരികയാണ് . ട്രെയിൻ കത്തിക്കൽ പോലെയുള്ള സംഭവങ്ങളിൽ ഇതുവരെയും അന്വേഷണം എവിടെയും എത്തിയിട്ടില്ല. ഉന്നത സംഘ്പരിവാർ നേതാക്കൾ കേരളത്തിൽ നടത്തുന്ന സന്ദർശനങ്ങൾക്ക് ശേഷം ഇത്തരത്തിലുള്ള സംഭവവികാസങ്ങൾ ആവർത്തിക്കുന്നത് പതിവായി തീർന്നിട്ടുണ്ട്. കൃത്രിമമായി…

തിരുവനന്തപുരം: കളമശ്ശേരിയില്‍ നടന്ന സ്ഫോടനം നിർഭാഗ്യകരമാണെന്ന് മുഖ്യമന്ത്രി പിണറായി വിജയൻ പറഞ്ഞു. സ്ഥിതിഗതികൾ ഗൗരവത്തോടെയാണ് കാണുന്നതെന്നും അദ്ദേഹം പറഞ്ഞു. സ്‌ഫോടനത്തിന്റെ പശ്ചാത്തലത്തിൽ നാളെ (ഒക്‌ടോബർ 30ന് )തിരുവനന്തപുരത്ത് സർവകക്ഷിയോഗം വിളിക്കണമെന്നും അദ്ദേഹം ആവശ്യപ്പെട്ടു. ഒക്‌ടോബർ 30 ന് രാവിലെ 10 മണിക്ക് സെക്രട്ടേറിയറ്റ് കോംപ്ലക്സിലെ മുഖ്യമന്ത്രിയുടെ കോൺഫറൻസ് ഹാളിൽ സർവകക്ഷിയോഗം ചേരാൻ വിജയൻ വിളിച്ചതായി സിഎംഒ പ്രസ്താവനയിൽ പറഞ്ഞു. പരിക്കേറ്റ 36 പേരിൽ 10 പേരെ കളമശ്ശേരി മെഡിക്കൽ കോളേജിലെ പൊള്ളലേറ്റ വിഭാഗത്തിൽ പ്രവേശിപ്പിച്ചതായും 50 ശതമാനത്തിലധികം പൊള്ളലേറ്റ രണ്ട് പേരെ മറ്റൊരു ആശുപത്രിയിലേക്ക് മാറ്റിയതായും എറണാകുളം ജില്ലാ കളക്ടർ എൻ.എസ്.കെ ഉമേഷ് അറിയിച്ചു. കൂടാതെ, എട്ട് പേരെ മെഡിക്കൽ കോളേജിലെ ജനറൽ വാർഡിൽ പ്രവേശിപ്പിച്ചു, ബാക്കി 18 പേർ മറ്റ് വിവിധ ആശുപത്രികളിൽ നിരീക്ഷണത്തിലാണെന്നും അദ്ദേഹം കൊച്ചിയിൽ മാധ്യമപ്രവർത്തകരോട് പറഞ്ഞു. അതേസമയം, തെറ്റായ പ്രചരണം നടത്തുന്ന…

കൊച്ചി: കളമശ്ശേരി സാമ്ര ഇന്റർനാഷണൽ കൺവെൻഷൻ സെന്ററിൽ യഹോവയുടെ സാക്ഷികളുടെ മേഖലാ സമ്മേളനത്തിനിടെയുണ്ടായ സ്‌ഫോടനത്തിന്റെ പശ്ചാത്തലത്തിൽ ആശുപത്രികൾക്ക് ജാഗ്രതാ നിർദേശവുമായി ആരോഗ്യമന്ത്രി വീണാ ജോർജ്. പരിക്കേറ്റവർക്ക് മെച്ചപ്പെട്ട ചികിത്സ ലഭ്യമാക്കാൻ ആരോഗ്യവകുപ്പ് ഡയറക്ടർക്കും മെഡിക്കൽ വിദ്യാഭ്യാസ വകുപ്പ് ഡയറക്ടർക്കും മന്ത്രി നിർദേശം നൽകിയിട്ടുണ്ട്. അവധിയിലുള്ള ആരോഗ്യപ്രവർത്തകരോട് മടങ്ങിവരാനും ഡ്യൂട്ടിയില്‍ പ്രവേശിക്കാനും മന്ത്രി ആവശ്യപ്പെട്ടു. കളമശേരി മെഡിക്കൽ കോളജ്, എറണാകുളം ജനറൽ ആശുപത്രി, കോട്ടയം മെഡിക്കൽ കോളജ് എന്നിവിടങ്ങളിൽ കൂടുതൽ സൗകര്യങ്ങൾ ഏർപ്പെടുത്തുമെന്നും മന്ത്രി പറഞ്ഞു. അതേ സമയം കളമശേരി മെഡിക്കൽ കോളേജിലെത്താൻ കോട്ടയം മെഡിക്കൽ കോളേജിൽ നിന്നുള്ള ബേണ്‍സ് ചികിത്സാ വിദഗ്ധ സംഘത്തോട് വീണാ ജോർജ് നിർദ്ദേശം നൽകിയിട്ടുണ്ട്. ആവശ്യത്തിന് ആംബുലൻസുകൾ ലഭ്യമാക്കണമെന്നും മന്ത്രി ആവശ്യപ്പെട്ടു. ഞായറാഴ്ച രാവിലെ 9.40 ന് പ്രാര്‍ത്ഥന കഴിഞ്ഞയുടനെയാണ് ആദ്യ സ്‌ഫോടനം ഉണ്ടായത്. ഒന്നിന് പിറകെ ഒന്നായി വീണ്ടും സ്ഫോടനം ഉണ്ടായതോടെ…

കളമശ്ശേരി: കളമശ്ശേരിയിൽ യഹോവ സാക്ഷികളുടെ മേഖലാ സമ്മേളനം നടക്കുന്ന കൺവെൻഷൻ സെന്ററിൽ ഉണ്ടായ സ്‌ഫോടനത്തില്‍ ഒരാൾ മരിക്കുകയും 30 ഓളം പേർക്ക് പരിക്കേൽക്കുകയും ചെയ്തു. പ്രാർത്ഥനായോഗം സംഘടിപ്പിച്ചത്, കേരളത്തിൽ അനുയായികൾ വർധിച്ചുവരുന്ന ഒരു പുനഃസ്ഥാപന ക്രിസ്ത്യൻ വിഭാഗമായ യഹോവ സാക്ഷികളാണ്. സാമ്ര ഇന്റർനാഷനൽ കൺവൻഷൻ സെൻററിൽ രാവിലെ 9.30 ഓടെയാണ് സ്‌ഫോടനമുണ്ടായത്. സംഭവത്തിൽ ഒരാൾ കൊല്ലപ്പെടുകയും 30ഓളം പേര്‍ക്ക് പരിക്കേൽക്കുകയും ചെയ്തു. മരിച്ചത് സ്ത്രീയണെന്നാണ് പ്രാഥമിക വിവരം. പരിക്കേറ്റ പലരുടെയും നില ഗുരുതരമാണ്. സ്‌ഫോടനമുണ്ടാകുമ്പോൾ 2400 ലേറെപ്പേർ കൺവെൻഷൻ സെന്ററിലുണ്ടായിരുന്നു എന്നാണ് ദൃക്‌സാക്ഷികൾ പറയുന്നത്. ഒരു കുട്ടിയടക്കം പരിക്കേറ്റവരെ സ്‌ഫോടനം നടന്ന സ്ഥലത്തിന് സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. ഇതിൽ അഞ്ച് പേരുടെ നില ഗുരുതരമാണെന്നാണ് റിപ്പോർട്ട്. പ്രാഥമിക റിപ്പോർട്ടുകൾ പ്രകാരം എല്ലാവർക്കും പൊള്ളലേറ്റിട്ടുണ്ട്. സ്‌ഫോടനത്തെ കുറിച്ച് കേന്ദ്ര സർക്കാരും വിവരങ്ങൾ തേടുന്നുണ്ട്. ഭീകരാക്രമണ സാധ്യതയടക്കം പരിശോധിക്കാനാണ്…

കളമശ്ശേരി: കളമശ്ശേരിയിൽ സുവിശേഷകരുടെ പ്രാർത്ഥനാ കൺവെൻഷനിൽ വിശ്വാസികളെ ലക്ഷ്യമിട്ട് ആക്രമണകാരി ഇംപ്രൊവൈസ്ഡ് സ്‌ഫോടകവസ്തു (ഐഇഡി) ഉപയോഗിച്ചതായി ഇതുവരെ തിരിച്ചറിഞ്ഞിട്ടില്ലെന്ന് കേരള പോലീസ് മേധാവി ഷെയ്ക് ദർവേഷ് സാഹിബ് പറഞ്ഞു. “രാവിലെ 9.30 ന് പ്രാർത്ഥന ആരംഭിച്ചതിന് തൊട്ടുപിന്നാലെയാണ് സ്ഫോടനം ഉണ്ടായത്, ഇത് ഒരു ആരാധകന്റെ ജീവൻ അപഹരിക്കുകയും നിരവധി പേർക്ക് പരിക്കേൽക്കുകയും ചെയ്തു. കേസ് അന്വേഷിക്കാൻ പൊലീസ് പ്രത്യേക സംഘത്തിന് രൂപം നൽകും. കേന്ദ്ര ആഭ്യന്തര മന്ത്രാലയവുമായി ബന്ധപ്പെട്ടിട്ടുണ്ട്. കേസ് അന്വേഷിക്കാന്‍ കേന്ദ്ര ഏജൻസികളുമായി സഹകരിച്ച് പ്രവർത്തിക്കും,” അദ്ദേഹം പറഞ്ഞു. സ്‌ഫോടനം നടന്ന് നിമിഷങ്ങൾക്കകം സ്‌ഫോടനങ്ങളുടെ പശ്ചാത്തലത്തിൽ സമൂഹ മാധ്യമങ്ങളിലൂടെ വ്യാജ പ്രചരണം നടത്തി ജന വികാരങ്ങൾ ആളിക്കത്തിക്കാൻ ശ്രമിക്കുന്നവരെ പോലീസ് പ്രോസിക്യൂട്ട് ചെയ്യുമെന്ന് അദ്ദേഹം പറഞ്ഞു. എല്ലാവരും സം‌യമനം പാലിക്കണമെന്നും ശാന്തരാകണമെന്നും അദ്ദേഹം അഭ്യർത്ഥിച്ചു. 2019-ൽ ശ്രീലങ്കയിൽ ആരാധകർ തിങ്ങിനിറഞ്ഞ പള്ളിയിലുണ്ടായ ഈസ്റ്റർ ഞായർ സ്‌ഫോടനത്തിന്റെ…

കൊച്ചി: തൃക്കാക്കരയില്‍ ആത്മഹത്യക്ക്‌ ശ്രമിച്ചയാളും രക്ഷിക്കാന്‍ ശ്രമിച്ച അയല്‍വാസിയും മരിച്ചു. കൊല്ലംകുടി സ്വദേശി കിണറ്റിങ്കല്‍ ബാബു (58) കുടുംബ വഴക്കിനെ തുടര്‍ന്ന്‌ വീടിന്റെ കഴുക്കോലില്‍ തൂങ്ങി ആത്മഹത്യക്ക്‌ ശ്രമിച്ചു. കുരുക്ക്‌ അഴിച്ച ശേഷം ബേബിയെ ഉടന്‍ തന്നെ അടുത്തുള്ള ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കുരുക്ക്‌ അഴിച്ച ബേബിയുടെ അയല്‍വാസി സി.ടി.ശശി (57) കുഴഞ്ഞുവീണ്‌ മരിച്ചു. ശശി രണ്ടുതവണ ഹൃദയ ശസ്ത്രക്രിയയ്ക്ക്‌ വിധേയനായിട്ടുണ്ട്. വെള്ളിയാഴ്ച രാത്രി 11.30ഓടെയാണ്‌ സംഭവം. ബേബിയുടെ ഭാര്യയുടെ ഉച്ചത്തിലുള്ള കരച്ചില്‍ കേട്ടാണ്‌ ശശി ബേബിയുടെ വീട്ടിലെത്തിയത്‌. കയര്‍ മുറിച്ചശേഷം ബേബിയെ കട്ടിലില്‍ ഇരുത്തി. തുടര്‍ന്ന്‌ നാട്ടുകാര്‍ ബേബിയെ അടുത്തുള്ള സണ്‍ റൈസ്‌ ആശുപത്രിയില്‍ എത്തിച്ചു. പിന്നീട് ഹൃദയസ്തംഭനം മൂലം കുഴഞ്ഞുവീണ ശശിയെ അതേ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ബേബിയും ശശിയും അടുത്ത സുഹൃത്തുക്കളായിരുന്നു. ശശിയുടെ സംസ്കാരം ഇന്നലെ ഉച്ചയ്ക്ക്‌ രണ്ടിന്‌ കാക്കനാട്‌…

തിരുവനന്തപുരം: നടനും ബിജെപി നേതാവുമായ സുരേഷ്‌ ഗോപി വനിതാ മാധ്യമ പ്രവര്‍ത്തകയോട്‌ അപമര്യാദയായി പെരുമാറിയെന്ന പരാതിയില്‍ കമ്മീഷന്‍ പോലീസിനോട്‌ റിപ്പോര്‍ട്ട് തേടിയതായി കേരള വനിതാ കമ്മീഷന്‍ അദ്ധ്യക്ഷ പി സതീദേവി. വനിതാ മാധ്യമ പ്രവര്‍ത്തകയും വര്‍ക്കിംഗ്‌ ജേണലിസ്റ്റ്‌ യൂണിയനും വനിതാ കമ്മീഷനില്‍ പരാതി നല്‍കിയിട്ടുണ്ടെന്നും അവര്‍ പറഞ്ഞു. “സമഗ്രമായ അന്വേഷണം നടത്താന്‍ പോലീസിന്‌ നിര്‍ദേശം നല്‍കും. ഒക്ടോബര്‍ 31ന്‌ കോട്ടയത്ത്‌ പബ്ലിക്‌ ഹിയറിംഗ്‌ നടത്തും. സുരേഷ്‌ ഗോപി മാപ്പ്‌ പറഞ്ഞതുകൊണ്ട്‌ പ്രശ്നം അവസാനിക്കില്ല. വനിതാ കമ്മീഷന്‍ ഇക്കാര്യം ഗാരവത്തോടെയാണ്‌ കാണുന്നത്‌. കമ്മീഷന്‍ സ്വമേധയാ അല്ല മാധ്യമ പ്രവര്‍ത്തക പരാതി നല്‍കുമെന്ന്‌ പറഞ്ഞതിനാലാണ്‌ ഇടപെടുന്നത്‌. പരാതിയുടെ അടിസ്ഥാനത്തിലാണ്‌ കമ്മീഷന്‍ ഇപ്പോള്‍ നടപടിയെടുത്തത്‌,” സതീദേവി പറഞ്ഞു. സുരേഷ്‌ ഗോപിയെ പിന്തുണച്ച്‌ മാധ്യമ പ്രവര്‍ത്തകയെ സോഷ്യല്‍ മീഡിയയില്‍ അധിക്ഷേപിക്കുന്നവര്‍ക്കെതിരെ ശക്തമായ നടപടി സ്വീകരിക്കുമെന്നും വനിതാ കമ്മീഷന്‍ അദ്ധ്യക്ഷ മുന്നറിയിപ്പ്‌ നല്‍കി. അതേസമയം,…

കൊച്ചി: മുതിര്‍ന്ന ആര്‍എസ്‌എസ്‌ പ്രചാരക്‌ ആര്‍ ഹരി ഞായറാഴ്ച രാവിലെ കൊച്ചിയില്‍ അന്തരിച്ചു. 93 വയസ്സയിരുന്നു. വാര്‍ദ്ധക്യ സഹജമായ അസുഖങ്ങളെ തുടര്‍ന്ന്‌ എറണാകുളത്തെ സ്വകാര്യ ആശുപത്രിയില്‍ വെച്ചായിരുന്നു അന്ത്യം. കേരളത്തില്‍ നിന്ന്‌ ആര്‍എസ്‌എസ്‌ തലപ്പത്തെത്തുന്ന ആദ്യ പ്രചാരക്‌ ആയിരുന്നു. ആര്‍എസ്‌എസ്‌ അഖില ഭാരതീയ പ്രമുഖായും പ്രവര്‍ത്തിച്ചിട്ടുണ്ട്‌. ടാറ്റാ ഓയില്‍ മില്‍സിലെ മുന്‍ അസിസ്റ്റന്റ് അക്കൗണ്ടന്റായിരുന്ന രംഗ ഷേണായിയുടെയും തൃപ്പൂണിത്തുറ പത്മാവതിയുടെയും മകനായി 1930 ൽ വൃശ്ചികത്തിലെ രോഹിണി നക്ഷത്രത്തിൽ എറണാകുളം ജില്ലയിൽ ജനനം. അച്ഛന്‍ ആര്‍എസ്‌എസ്‌ അനുഭാവിയായിരുന്നു. നിരോധനകാലത്ത് സംസ്ഥാനത്ത് ആർഎസ്എസിനെ നയിക്കുകയും ജയിൽവാസം അനുഭവിക്കുകയും ചെയ്തിട്ടുണ്ട്. 13-ാം വയസ്സിൽ തുടങ്ങിയ സംഘപ്രവർത്തനം 93-ാം വയസ്സിലും തുടർന്നു. എറണാകുളം സെന്റ് ആൽബർട്ട്‌സ് ഹൈസ്‌കൂളിലും, മഹാരാജാസ് കോളേജിലും പഠനം. ബാലസ്വയം സേവകനായി രാഷ്ട്രിയ സ്വയം സേവക സംഘത്തിൽ ചേർന്നു,സ്വർഗീയ ഭാസ്‌ക്കർ റാവുജിയുമായി അടുത്ത ബന്ധം. അഞ്ചു ഭൂഖണ്ഡങ്ങളിലും ആർ.എസ്.എസ്…