Month: March 2023

സനാതന സംസ്‌കൃതിയുടെ നിതാന്ത സ്മാരകങ്ങളായ ക്ഷേത്ര സമുച്ചയങ്ങളെയും ക്ഷേത്ര കലകളെയും സേവാ പ്രവർത്തനങ്ങളെയും സംരക്ഷിക്കുന്നതിനും പ്രോത്സാഹിപ്പിക്കുന്നതിനുമുള്ള നിരവധി പ്രവർത്തനങ്ങളുമായി കെ.എച്.എൻ.എ. കേരളത്തിലും സജീവം. എണ്ണംകൊണ്ട് കേരളത്തിൽ ഏറ്റവും കൂടുതൽ ദേവി ക്ഷേത്രങ്ങളാകയാൽ മാതൃ സങ്കൽപ്പത്തിൽ അധിഷ്ഠിതമായ ദേവസ്ഥാനങ്ങളും നാരീപൂജയും സാധാരണമാണ്. ലോകത്തിലെതന്നെ ഏറ്റവുംകൂടുതൽ സ്ത്രീഭക്ത സമർപ്പണമായ ആറ്റുകാൽ പൊങ്കാല ഗിന്നസ് ബുക്കിൽ പോലും സ്ഥാനംപിടിച്ച ഒരു മഹാ സംഗമമാണല്ലോ. ആയിരക്കണക്കിന് അശരണരായ അമ്മമാരെ സഹായിക്കാനായി കെ.എച്.എൻ.എ.ആരംഭിച്ച ഒരു ജീവകാരുണ്യ പദ്ധതിയാണ് അമ്മ കൈനീട്ടം. ഈ പെൻഷൻ പദ്ധതി പ്രകാരം കഴിഞ്ഞ ഒരു വർഷക്കാലമായി മുന്നൂറിൽപരം അമ്മമാർക്ക് ആനുകൂല്യം നൽകിവരുന്നു. കഴിഞ്ഞ മാസം തിരുവനന്തപുരത്തു കേരളാ ഗവർണ്ണർ ഉത്‌ഘാടനം ചെയ്ത ഹിന്ദു എൻക്ലേവിൽ അമ്മ കൈനീട്ടവിതരണം കൂടാതെ ക്ഷേത്ര കലകളെയും ആചാരങ്ങളെയും പ്രോത്സാഹിപ്പിക്കുന്നതിന്റെ ഭാഗമായി തെരഞ്ഞെടുക്കപ്പെട്ട വിവിധ കലാകാരന്മാരെയും ഭക്തരെയും ആദരിക്കുകയുണ്ടായി. പൂരങ്ങളിലും ഉത്സവങ്ങളിലും മുഖ്യാകർഷകമായി തിടമ്പ് ഏറ്റിയ…

അറ്റ്‌ലാന്റ: അറ്റ്‌ലാന്റ പബ്ലിക് സേഫ്റ്റി ട്രെയിനിംഗ് സെന്ററിനായി രൂപകൽപ്പന ചെയ്‌തിരിക്കുന്ന 85 ഏക്കർ സ്ഥലം (34 ഹെക്‌ടർ) ആസൂത്രിത പരിശീലന കേന്ദ്രം “കോപ്പ് സിറ്റി” എന്ന് അറിയപ്പെടുന്ന പോലീസ് സെന്ററിന് തീവെച്ച സംഭവത്തില്‍ പോലീസ് 28 പ്രകടനക്കാരെ കസ്റ്റഡിയിലെടുത്തു. “അറ്റ്ലാന്റയുടെ ശ്വാസകോശം” എന്ന് വിശേഷിപ്പിക്കുന്ന ഈ സൈറ്റ് നഗരത്തിന് സുപ്രധാനമായ ഒരു ഹരിത ഇടമാണെന്നും അവിടെ പോലീസ് സെന്റർ സ്ഥാപിക്കരുതെന്നും ആവശ്യപ്പെട്ടു കറുത്ത വസ്ത്രം ധരിച്ചെത്തിയ നൂറിലധികം പ്രതിഷേധക്കാരാണ് ഞായറാഴ്ച അറ്റ്‌ലാന്റയിലെ നിര്‍ദ്ദിഷ്ട പോലീസ്, അഗ്‌നിശമന പരിശീലന കേന്ദ്രം ആക്രമിച്ചത്. വാഹനങ്ങള്‍ കത്തിക്കുകയും സമീപത്ത് നിലയുറപ്പിച്ച ഉദ്യോഗസ്ഥര്‍ക്ക് നേരെ ഇവര്‍ പടക്കം എറിയുകയും ചെയ്തിരുന്നു. ആക്രമണത്തിന്റെ വീഡിയോ ദൃശ്യങ്ങള്‍ പോലീസ് പുറത്തുവിട്ടിട്ടുണ്ട്. സംഭവത്തില്‍ 28 പേരെ കസ്റ്റഡിയിലെടുത്തതായി അറ്റ്‌ലാന്റ പോലീസ് ഡിപ്പാര്‍ട്ട്‌മെന്റ് അറിയിച്ചു. പ്രതിഷേധക്കാര്‍ പൊലീസിനു നേരെ ഇഷ്ടികകളും വലിയ പാറകളും മൊളോടോവ് കോക്ടെയിലുകളും എറിഞ്ഞുവെന്നും ആരോപിച്ചു.…

മാവേലിക്കര : കലക്ടർ വി. ആർ. കൃഷ്ണതേജ മുൻകൈയ്യെടുത്ത് നടപ്പിലാക്കുന്ന ഒരുപിടി നന്മ പദ്ധതി പുതിയകാവ് സെന്റ് മേരീസ് കത്തീഡ്രൽ പബ്ലിക് സ്കൂളിന്റെ രണ്ടാംഘട്ട പരിപാടി കലക്ടർ വി ആർ കൃഷ്ണതേജ ഉദ്ഘാടനം ചെയ്തു. നഗരസഭ അധ്യക്ഷൻ കെ വി ശ്രീകുമാർ അധ്യക്ഷത വഹിച്ചു. ഉപാധ്യക്ഷ ലളിത രവീന്ദ്രനാഥ്, സ്ഥിരം സമിതി അധ്യക്ഷരായ അനി വർഗീസ്, സജീവ് പ്രായിക്കര, ശാന്തി അജയൻ കൗൺസിലർമാരായ മനസ്സ് രാജൻ, കവിത ശ്രീജിത്ത്, കൃഷ്ണകുമാരി, സ്കൂൾ മാനേജർ എ.ഡി.ജോൺ ,ട്രഷറർ ഇടിക്കുള യോഹന്നാൻ, ബോർഡംഗം വി.ടി.ഷൈമോൻ, പ്രിൻസിപ്പൽ റീന ഫിലിപ്പ്, വൈസ് പ്രിൻസിപ്പൽ പി.ആർ. ശ്രീകല, കേരള അഡ്മിനിസ്ട്രേറ്റീവ് സർവീസ് ഓഫിസർ എസ്.എസ്. സരിൻ എന്നിവർ പ്രസംഗിച്ചു. പദ്ധതിയുടെ ആദ്യഘട്ടത്തിൽ ഫെബ്രുവരിയിൽ കായംകുളം നഗരസഭ, രണ്ടാംഘട്ടത്തിൽ മാവേലിക്കര നഗരസഭയിലെ വ്യക്തികൾക്കും ആണ് നന്മ കിറ്റ്കൈമാറിയത്. പദ്ധതിയുടെ ഭാഗമായി കല്ലിമേൽ സെന്റ്മേരീസ് ദയാഭവനിലും…

മലമ്പുഴ: വർധിച്ചുവരുന്ന മുങ്ങിമരണങ്ങളുടെയും മറ്റും പശ്ചാതലത്തിൽ ദുരന്ത നിവാരണ രംഗത്ത് പ്രവർത്തിക്കുന്ന എൻ.ജി.ഒ ആയ ഐഡിയൽ റിലീഫ് വിങ് (ഐ.ആർ.ഡബ്ല്യു) ആഴജല രക്ഷാപ്രവർത്തന പരിശീലനം (under water rescue training) നടത്തി. മലമ്പുഴയിൽ വെച്ച് ആയിരുന്നു തെരഞ്ഞെടുത്ത പ്രവർത്തകർക്കുള്ള പരിശീലനം നൽകിയത്. സംസ്ഥാനത്തിന്റെ വിവിധ ഭാഗങ്ങളിൽ നിന്നായി 56 ഐ.ആർ.ഡബ്ല്യു വളണ്ടിയർമാർ പരിശീലനത്തിൽ പങ്കെടുത്തു. വെള്ളത്തിൽ നിലയില്ലാ കയങ്ങളിൽ പെട്ടുപോകുന്നവരെ സുരക്ഷിതമായി രക്ഷപ്പെടുത്തൽ, അവർക്ക് അവശ്യമായി നൽകേണ്ട പ്രാഥമിക ചികിത്സ, വെള്ളത്തിൽ മുങ്ങിയുള്ള തെരച്ചിൽ, മൃതദേഹം കരയിലെത്തിക്കുന്ന രീതി തുടങ്ങിയ വ്യത്യസ്ത പരിശീലനങ്ങളാണ് നൽകിയത്. ഐ.ആർ.ഡബ്ല്യു കേരള ജനറൽ കൺവീനർ ബഷീർ ശർക്കി, പാലക്കാട് ജില്ലാ ലീഡർ ജാഫർ, ആഴജല രക്ഷാപ്രവർത്തന രംഗത്തെ നിറസാന്നിധ്യവും സാമൂഹിക പ്രവർത്തകനുമായ മുസ്തഫ മലമ്പുഴ എന്നിവർ നേതൃത്വം നൽകി. ഇതിന് മുന്നോടിയായി മലമ്പുഴയിൽ നടന്ന പരിപാടി മലമ്പുഴ പൊലീസ് സർക്കിൾ ഇൻസ്‌പെക്ടർ…

ന്യൂജേഴ്‌സി: സോമര്‍സെറ്റ് സെന്‍റ്. തോമസ് സീറോ മലബാര്‍ ഫൊറോനാ ഇടവകാംഗവും, പരേതനായ ഫ്രാൻസിസ് ചേലക്കലിന്റെ ഭാര്യയുമായ ത്രേസിയാമ്മ ഫ്രാൻസിസ് (67) ന്യൂജേഴ്‌സിയില്‍ നിര്യാതയായി. പരേത മുതലക്കോടം തുറക്കൽ കുടുംബാംഗമാണ്. ന്യൂജേഴ്‌സിയില്‍ സ്ഥിരതാമസക്കാരനായ ഷിൻസ് ഫ്രാൻസിസിന്റെ അമ്മയാണ് പരേത. മക്കൾ: ഷിൻസ് (ന്യൂജേഴ്‌സി), ഷിജോ (ഐർലൻഡ്). മരുമക്കൾ: ലീന, പത്തനംതിട്ട കുമ്പഴ കോയിക്കൽ കുടുംബാംഗമാണ് (ന്യൂജേഴ്‌സി), പ്രീമ, മോനിപ്പള്ളി കുളങ്ങര കുടുംബാംഗമാണ് (ഐർലൻഡ്). കൊച്ചുമക്കൾ: ജയ്‌ഡൻ, മായ, ജോയൽ, ജസ്റ്റിൻ സഹോദരങ്ങൾ: ജോസഫ് (late), ജോൺ (late), ജോയ്‌, ജെയിംസ്, സാബു, സണ്ണി, ബിജു, അച്ചാമ്മ, ചിന്നമ്മ. പൊതുദര്‍ശനം: മാർച്ച് 10-ന് വെള്ളിയാഴ്ച വൈകീട്ട് 5-മണി മുതല്‍ 9-മണി വരെ സോമര്‍സെറ്റ് സെന്‍റ്. തോമസ് സീറോ മലബാര്‍ കാത്തോലിക് ഫൊറാന ദേവാലയത്തില്‍ (508 Elizabeth Ave, Somerset, NJ 08873). 7:30 – ന് പ്രത്യക ദിവ്യബലി ഉണ്ടായിരിക്കും.…

തൃശൂര്‍: ഭർത്താവ് മരിച്ചതറിഞ്ഞയുടൻ ഭാര്യയും മരിച്ചു. തൃശൂർ പാവറട്ടി മുൻ പ്രവാസി ദമ്പതികളായ പണ്ടാരക്കാട് പുതുവീട്ടിൽ മുസ്തഫ (62), ഭാര്യ റാഫിദ (51) എന്നിവരാണ് മരിച്ചത്. ദുബായിൽ ജോലി ചെയ്തിരുന്ന മുസ്തഫ 5 വർഷം മുമ്പാണ് നാട്ടിലെത്തിയത്. കുറച്ചു ദിവസങ്ങളായി അസുഖബാധിതനായി കിടപ്പിലായിരുന്നു. ഞായറാഴ്ച രാത്രി 10 മണിയോടെ മുസ്തഫ മരിച്ചു. ഭർത്താവിന്റെ മരണവാർത്ത കേട്ട് റാഫിദ തളർന്നു വീണു. ഉടൻ തന്നെ റാഫിദയെ ആശുപത്രിയിൽ എത്തിച്ചെങ്കിലും മരണം സംഭവിച്ചു. 35 വർഷത്തോളം മുസ്തഫ ദുബായിലെ എയർപോട്ടിൽ കാർഗോ സെക്ടറിൽ ജോലി ചെയ്തിരുന്നു. 5 വർഷം മുൻപാണ് മുസ്തഫ ദുബായിലെ എയർപോട്ടിൽ കാർഗോ സെക്ടറിലെ ജോലി മതിയാക്കി നാട്ടിൽ വിശ്രമജീവിതത്തിന് വേണ്ടി പോയത്. മുസ്തഫയുടെ സഹോദരിയുടെ മക്കളടക്കമുള്ള നിരവധി ബന്ധുക്കൾ ഗൾഫിലുണ്ട്.

ഹൈദരാബാദ് : മെഗാസ്റ്റാർ അമിതാഭ് ബച്ചന് ഹൈദരാബാദിൽ ഒരു രംഗം ചിത്രീകരിക്കുന്നതിനിടെ പരിക്കേറ്റു. പ്രഭാസും ദീപിക പദുക്കോണും അഭിനയിക്കുന്ന “പ്രോജക്റ്റ് കെ” എന്ന് താൽക്കാലികമായി പേരിട്ടിരിക്കുന്ന ബഹുഭാഷാ സയൻസ് ഫിക്ഷൻ ചിത്രം അടുത്ത വർഷം ജനുവരി 12 ന് തിയേറ്ററുകളിൽ എത്തും. ചിത്രത്തിന്റെ ഒരു ആക്ഷൻ രംഗം ചിത്രീകരിക്കുന്നതിനിടെയാണ് അമിതാഭ് ബച്ചന് പരിക്കേറ്റത്. അമിതാഭ് ബച്ചൻ എന്ന മെഗാസ്റ്റാർ ചിത്രത്തിൽ ഒരു നിർണായക പങ്ക് വഹിക്കുന്നുണ്ട്. “ഹൈദരാബാദിൽ പ്രൊജക്ട് കെ ഷൂട്ടിങ്ങിനിടെ ഒരു ആക്ഷൻ ഷോട്ടിനിടെ എനിക്ക് പരിക്കേറ്റു. തിരിച്ച് വീട്ടിലേക്ക് പറന്നു.. സ്ട്രാപ്പിംഗ് ചെയ്തു വിശ്രമിക്കാൻ ഡോക്ടര്‍മാര്‍ നിര്‍ദ്ദേശിച്ചു. ചലനത്തിലും ശ്വസനത്തിലും കുറച്ച് ആഴ്‌ചകൾ എടുക്കുമെന്ന് അവർ പറയുന്നു,” അദ്ദേഹം ട്വീറ്റ് ചെയ്തു,.