Category: KERALA

തിരുവനന്തപുരം: സ്വതന്ത്രവും നീതിയുക്തവുമായ മാധ്യമങ്ങളെ സംരക്ഷിക്കുന്നതിൽ തന്റെ സർക്കാർ പ്രതിജ്ഞാബദ്ധമാണെന്ന് മുഖ്യമന്ത്രി പിണറായി വിജയൻ. എന്നാൽ, “വ്യാജ വീഡിയോകൾ സൃഷ്‌ടിച്ച് പ്രക്ഷേപണം ചെയ്യുന്നത്” പത്രപ്രവർത്തനമായി കണക്കാക്കാനാവില്ലെന്ന്. വാർത്താ റിപ്പോർട്ടിനെതിരെ ഏഷ്യാനെറ്റ് ന്യൂസ് ഓഫീസിൽ എസ്എഫ്‌ഐ നടത്തിയ പ്രതിഷേധവുമായി ബന്ധപ്പെട്ട് പ്രതിപക്ഷം നൽകിയ അടിയന്തര പ്രമേയ നോട്ടീസിന് മറുപടി പറയുകയായിരുന്നു അദ്ദേഹം . കോഴിക്കോട് ചാനൽ ഓഫീസിൽ പൊലീസ് നടത്തിയ റെയ്ഡിലൂടെ മാധ്യമങ്ങളെ വളച്ചൊടിക്കാൻ സർക്കാർ ശ്രമിച്ചുവെന്ന പ്രതിപക്ഷ ആരോപണം തള്ളിയ പിണറായി, പ്രായപൂർത്തിയാകാത്ത പെൺകുട്ടിയെ ദുരുപയോഗം ചെയ്യുന്നുവെന്ന് അറിയിക്കാതെ കുടുക്കുകയും പിന്നീട് സംരക്ഷണം ആവശ്യപ്പെടുകയും ചെയ്തു. മാധ്യമ സ്വാതന്ത്ര്യം ഉയർത്തിപ്പിടിക്കുന്നത് ഒരു തരത്തിലും ധീരമായ മാധ്യമ പ്രവർത്തനത്തിന്റെ ഭാഗമല്ല. മാധ്യമസ്വാതന്ത്ര്യം തെറ്റായ വിവരങ്ങൾ പ്രചരിപ്പിക്കാനുള്ള ലൈസൻസല്ല. സത്യം അറിയാനുള്ള വായനക്കാരന്റെ സ്വാതന്ത്ര്യം ഇത് ഉൾക്കൊള്ളുന്നു, ഇത് സർക്കാർ ദൃഢമായി സംരക്ഷിക്കുമെന്നും അദ്ദേഹം പറഞ്ഞു. എല്ലാ മാധ്യമ സ്ഥാപനങ്ങൾക്കും…

തിരുവനന്തപുരം: സ്ത്രീകളുടെ ലോകത്തിലെ ഏറ്റവും വലിയ ഉത്സവമായ ആറ്റുകാൽ പൊങ്കാലയ്ക്ക് ചൊവ്വാഴ്ച തലസ്ഥാനമായ തിരുവനന്തപുരത്ത് തുടക്കമായി. വൻ ഭക്തജനപങ്കാളിത്തത്തിനാണ് ഇത്തവണത്തെ ഉത്സവം സാക്ഷ്യംവഹിക്കുന്നത്. കൊവിഡ് പശ്ചാത്തലത്തിൽ കഴിഞ്ഞ രണ്ട് വർഷമായി ഭക്തർ വീടുകളിൽ പൊങ്കാല അർപ്പിച്ചാണ് ചടങ്ങിൽ പങ്കെടുത്തത്. ചൊവ്വാഴ്ച ആറ്റുകാൽ ദേവീക്ഷേത്രത്തിൽ ക്ഷേത്രം തന്ത്രി തെക്കേടത്ത് പരമേശ്വരൻ വാസുദേവൻ ഭട്ടതിരിപ്പാട് മേൽശാന്തി പി.കേശവൻ നമ്പൂതിരിക്ക് ദീപം കൈമാറിയതോടെ ചടങ്ങുകൾക്ക് തുടക്കമായി. തുടർന്ന് ക്ഷേത്ര അടുക്കളയായ തിടപ്പള്ളിയിൽ മേൽശാന്തി അടുപ്പ് കൊളുത്തി വിളക്ക് സഹ പൂജാരിക്ക് കൈമാറി. ചടങ്ങുകൾക്ക് തുടക്കം കുറിച്ച് ക്ഷേത്രത്തിന് മുന്നിൽ സ്ഥാപിച്ച പ്രത്യേക അടുപ്പ് പണ്ടാര അടുപ്പ് കത്തിച്ചു. പണ്ടാര അടുപ്പ് തെളിച്ച ചടങ്ങുകൾ പടക്കം പൊട്ടിച്ച് ഭക്തർ ആഘോഷിച്ചു. പണ്ടാര അടുപ്പ് തെളിച്ചതിനെ തുടർന്ന് ആയിരക്കണക്കിന് ഭക്തർ ക്ഷേത്രപരിസരത്ത് അണിനിരന്നു. പണ്ടാര അടുപ്പ് തെളിക്കുന്ന വേളയിൽ നിരവധി പ്രമുഖർ ക്ഷേത്ര പരിസരത്ത്…

രാജ്യത്ത് കമ്യൂണൽ ഡിവിഷനുകൾ നിർമ്മിച്ച് മത ന്യൂനപക്ഷങ്ങളെ പുറംന്തള്ളുന്ന കേന്ദ്രസർക്കാറിന് കൂട്ടു പിടിക്കുന്ന സമീപനമാണ് കേരളവും ഏറ്റുപിടിക്കുന്നതെന്ന് വെൽഫെയർ പാർട്ടി ദേശീയ വൈസ് പ്രസിഡന്റ് ഹമീദ് വാണിയമ്പലം. വെൽഫെയർ പാർട്ടി മങ്കട മണ്ഡലം സംഘടിപ്പിച്ച കേന്ദ്ര-സംസ്ഥാന ബജറ്റുകൾക്കെതിരെയുള്ള പ്രതിഷേധ സംഗമം ഉദ്ഘാടനം നിർവഹിച്ച് സംസാരിക്കുകയായിരുന്നു. മണ്ഡലം പ്രസിഡന്റ് ഫാറൂഖ് കെ പി അധ്യക്ഷത വഹിച്ചു. മണ്ഡലം ജനറൽ സെക്രട്ടറി സി. എച്ച് സലാം സ്വാഗതം ആശംസിച്ചു. കൃഷ്ണൻ കുനിയിൽ മുഖ്യപ്രഭാഷണം നിർവ്വഹിച്ച് സംസാരിച്ചു. പ്രവാസി വെൽഫെയർ ഫോറം ജനറൽ സെക്രട്ടറി ജാബിർ കരുവാട്ടിൽ, അഷറഫ് കുറുവ, മുഹമ്മദലി മങ്കട, ഖദീജ കൊളത്തൂർ, റബീഹ് ഹുസൈൻ, സൈതാലി വലന്പൂർ തുടങ്ങിയവർ സംസാരിച്ചു.

മാവേലിക്കര : കലക്ടർ വി. ആർ. കൃഷ്ണതേജ മുൻകൈയ്യെടുത്ത് നടപ്പിലാക്കുന്ന ഒരുപിടി നന്മ പദ്ധതി പുതിയകാവ് സെന്റ് മേരീസ് കത്തീഡ്രൽ പബ്ലിക് സ്കൂളിന്റെ രണ്ടാംഘട്ട പരിപാടി കലക്ടർ വി ആർ കൃഷ്ണതേജ ഉദ്ഘാടനം ചെയ്തു. നഗരസഭ അധ്യക്ഷൻ കെ വി ശ്രീകുമാർ അധ്യക്ഷത വഹിച്ചു. ഉപാധ്യക്ഷ ലളിത രവീന്ദ്രനാഥ്, സ്ഥിരം സമിതി അധ്യക്ഷരായ അനി വർഗീസ്, സജീവ് പ്രായിക്കര, ശാന്തി അജയൻ കൗൺസിലർമാരായ മനസ്സ് രാജൻ, കവിത ശ്രീജിത്ത്, കൃഷ്ണകുമാരി, സ്കൂൾ മാനേജർ എ.ഡി.ജോൺ ,ട്രഷറർ ഇടിക്കുള യോഹന്നാൻ, ബോർഡംഗം വി.ടി.ഷൈമോൻ, പ്രിൻസിപ്പൽ റീന ഫിലിപ്പ്, വൈസ് പ്രിൻസിപ്പൽ പി.ആർ. ശ്രീകല, കേരള അഡ്മിനിസ്ട്രേറ്റീവ് സർവീസ് ഓഫിസർ എസ്.എസ്. സരിൻ എന്നിവർ പ്രസംഗിച്ചു. പദ്ധതിയുടെ ആദ്യഘട്ടത്തിൽ ഫെബ്രുവരിയിൽ കായംകുളം നഗരസഭ, രണ്ടാംഘട്ടത്തിൽ മാവേലിക്കര നഗരസഭയിലെ വ്യക്തികൾക്കും ആണ് നന്മ കിറ്റ്കൈമാറിയത്. പദ്ധതിയുടെ ഭാഗമായി കല്ലിമേൽ സെന്റ്മേരീസ് ദയാഭവനിലും…

മലമ്പുഴ: വർധിച്ചുവരുന്ന മുങ്ങിമരണങ്ങളുടെയും മറ്റും പശ്ചാതലത്തിൽ ദുരന്ത നിവാരണ രംഗത്ത് പ്രവർത്തിക്കുന്ന എൻ.ജി.ഒ ആയ ഐഡിയൽ റിലീഫ് വിങ് (ഐ.ആർ.ഡബ്ല്യു) ആഴജല രക്ഷാപ്രവർത്തന പരിശീലനം (under water rescue training) നടത്തി. മലമ്പുഴയിൽ വെച്ച് ആയിരുന്നു തെരഞ്ഞെടുത്ത പ്രവർത്തകർക്കുള്ള പരിശീലനം നൽകിയത്. സംസ്ഥാനത്തിന്റെ വിവിധ ഭാഗങ്ങളിൽ നിന്നായി 56 ഐ.ആർ.ഡബ്ല്യു വളണ്ടിയർമാർ പരിശീലനത്തിൽ പങ്കെടുത്തു. വെള്ളത്തിൽ നിലയില്ലാ കയങ്ങളിൽ പെട്ടുപോകുന്നവരെ സുരക്ഷിതമായി രക്ഷപ്പെടുത്തൽ, അവർക്ക് അവശ്യമായി നൽകേണ്ട പ്രാഥമിക ചികിത്സ, വെള്ളത്തിൽ മുങ്ങിയുള്ള തെരച്ചിൽ, മൃതദേഹം കരയിലെത്തിക്കുന്ന രീതി തുടങ്ങിയ വ്യത്യസ്ത പരിശീലനങ്ങളാണ് നൽകിയത്. ഐ.ആർ.ഡബ്ല്യു കേരള ജനറൽ കൺവീനർ ബഷീർ ശർക്കി, പാലക്കാട് ജില്ലാ ലീഡർ ജാഫർ, ആഴജല രക്ഷാപ്രവർത്തന രംഗത്തെ നിറസാന്നിധ്യവും സാമൂഹിക പ്രവർത്തകനുമായ മുസ്തഫ മലമ്പുഴ എന്നിവർ നേതൃത്വം നൽകി. ഇതിന് മുന്നോടിയായി മലമ്പുഴയിൽ നടന്ന പരിപാടി മലമ്പുഴ പൊലീസ് സർക്കിൾ ഇൻസ്‌പെക്ടർ…

തൃശൂര്‍: ഭർത്താവ് മരിച്ചതറിഞ്ഞയുടൻ ഭാര്യയും മരിച്ചു. തൃശൂർ പാവറട്ടി മുൻ പ്രവാസി ദമ്പതികളായ പണ്ടാരക്കാട് പുതുവീട്ടിൽ മുസ്തഫ (62), ഭാര്യ റാഫിദ (51) എന്നിവരാണ് മരിച്ചത്. ദുബായിൽ ജോലി ചെയ്തിരുന്ന മുസ്തഫ 5 വർഷം മുമ്പാണ് നാട്ടിലെത്തിയത്. കുറച്ചു ദിവസങ്ങളായി അസുഖബാധിതനായി കിടപ്പിലായിരുന്നു. ഞായറാഴ്ച രാത്രി 10 മണിയോടെ മുസ്തഫ മരിച്ചു. ഭർത്താവിന്റെ മരണവാർത്ത കേട്ട് റാഫിദ തളർന്നു വീണു. ഉടൻ തന്നെ റാഫിദയെ ആശുപത്രിയിൽ എത്തിച്ചെങ്കിലും മരണം സംഭവിച്ചു. 35 വർഷത്തോളം മുസ്തഫ ദുബായിലെ എയർപോട്ടിൽ കാർഗോ സെക്ടറിൽ ജോലി ചെയ്തിരുന്നു. 5 വർഷം മുൻപാണ് മുസ്തഫ ദുബായിലെ എയർപോട്ടിൽ കാർഗോ സെക്ടറിലെ ജോലി മതിയാക്കി നാട്ടിൽ വിശ്രമജീവിതത്തിന് വേണ്ടി പോയത്. മുസ്തഫയുടെ സഹോദരിയുടെ മക്കളടക്കമുള്ള നിരവധി ബന്ധുക്കൾ ഗൾഫിലുണ്ട്.

എറണാകുളം: ബ്രഹ്മപുരം മാലിന്യ പ്ലാന്റിലുണ്ടായ തീപിടിത്തത്തെ തുടർന്ന് ജില്ലയുടെ വിവിധ ഭാഗങ്ങളിൽ സ്‌കൂളുകൾക്ക് ജില്ലാ കളക്ടർ രേണു രാജ് തിങ്കളാഴ്ച അവധി പ്രഖ്യാപിച്ചു. അതേസമയം, മാലിന്യ പ്ലാന്റിലെ തീ അണയ്ക്കാനുള്ള പ്രവർത്തനങ്ങൾ തുടരുകയാണ്. അന്തരീക്ഷത്തിൽ കനത്ത പുക ഉയരുന്ന പശ്ചാത്തലത്തിലാണ് സ്‌കൂളുകൾക്ക് അവധി പ്രഖ്യാപിച്ചത്. വടവുകോട്– പുത്തൻകുരിശ് ഗ്രാമപ്പഞ്ചായത്ത്, കിഴക്കമ്പലം ഗ്രാമപ്പഞ്ചായത്ത്, കുന്നത്തുനാട് ഗ്രാമപ്പഞ്ചായത്ത്, തൃക്കാക്കര മുനിസിപ്പാലിറ്റി, തൃപ്പൂണിത്തുറ മുനിസിപ്പാലിറ്റി, മരട് മുനിസിപ്പാലിറ്റി, കൊച്ചി നഗരസഭ എന്നിവിടങ്ങളിൽ സർക്കാർ, എയ്ഡഡ്, അൺ എയ്ഡഡ്, സിബിഎസ്ഇ, ഐസിഎസ്ഇ സ്കൂളുകളിലെ ഒന്നുമുതൽ ഏഴുവരെ ക്ലാസുകൾക്ക് അവധി പ്രഖ്യാപിച്ചു. ഇതിന് പുറമെ അങ്കണവാടികൾ, കിന്റർഗാർട്ടൻ, ഡേ കെയർ സെന്ററുകൾ എന്നിവയ്ക്കും അവധി പ്രഖ്യാപിച്ചിട്ടുണ്ട്. ഈ മേഖലകളിൽ അന്തരീക്ഷത്തിൽ പുകയുടെ സാന്നിദ്ധ്യം റിപ്പോർട്ട് ചെയ്തിട്ടുണ്ട്. ഈ സാഹചര്യത്തിൽ ആരോഗ്യപരമായ മുൻകരുതലിന്റെ ഭാഗമായിട്ടാണ് അവധി പ്രഖ്യാപിക്കുന്നതെന്ന് ജില്ലാ കളക്ടർ രേണു രാജ് അറിയിച്ചു. അതേസമയം…

എടത്വ: കേരള വ്യാപാരി വ്യവസായി സമിതി തകഴി ഏരിയ കമ്മിറ്റിയുടെ നേതൃത്വത്തിൽ പുതിയതായി തെരെഞ്ഞെടുക്കപ്പെട്ട ജില്ലാ ഭാരവാഹികളായ എം.എം ഷെരീഫ്(പ്രസിഡൻ്റ്),എസ്. ശരത്(സെക്രട്ടറി), പി.സി.മോനിച്ചൻ (ട്രഷറാർ),കായികതാരം ടിൻ്റു ദിലിപിനും എടത്വ ഇ എം.എസ് ഹാളിൽ സ്വീകരണം നല്‍കി. ഏരിയ പ്രസിഡൻ്റ് കെ.ആർ.ഗോപകുമാർ അദ്ധ്യക്ഷത വഹിച്ചു. സമ്മേളനം എടത്വ ഗ്രാമ പഞ്ചായത്ത് പ്രസിഡൻ്റ് ലിജി വർഗ്ഗീസ് ഉദ്ഘാടനം ചെയ്തു. ഏരിയ സെക്രട്ടറി ഫിലിപ്പ് ചെറിയാൻ, മീഡിയ കൺവീനർ ഡോ.ജോൺസൺ വി. ഇടിക്കുള, കെ.എം മാത്യൂ തകഴിയിൽ, സി.രാജു, ജിജി സേവ്യർ, സി.കെ വിജയൻ എന്നിവർ പ്രസംഗിച്ചു. ദേശീയ അത്-ലറ്റിക്ക് മീറ്റ് ജാവലിന്‍ ത്രോയില്‍ വെള്ളിമെഡല്‍ നേടിയ എടത്വ സ്വദേശിനിയാണ് ടിന്റു ദിലീപ് .

എടത്വ: മലയാളികളെ ആധുനികതയിലേയ്ക്ക് നയിച്ച വ്യക്തിയായിരുന്നു ജോർജ് മാത്തൻ പാതിരിയെന്ന് റവ.ഫാദർ സി.ബി വില്യംസ് ചിറയത്ത് പ്രസ്താവിച്ചു. ആധുനിക വിദ്യാഭ്യാസ രീതിയുടെ പ്രാധാന്യത്തെ തിരുവിതാംകൂർ സർക്കാർ മുൻപാകെ ശക്തമായി അവതരിപ്പിച്ച വ്യക്തി, മുൻകാല അടിമജാതികൾക്ക് സ്വാതന്ത്ര്യം വേണമെന്ന് എഴുത്തിലൂടെയും പ്രവർത്തിയിലൂടെയും കാണിച്ചുകൊടുത്ത മനുഷ്യ സ്‌നേഹി, ആധുനിക മലയാള ഭാഷയെയും വ്യാകരണത്തെയും മലയാളികൾക്കിടയിൽ അവതരിപ്പിച്ച പണ്ഡിതൻ, തിരുവിതാംകൂർ ഭാഷാ പാഠപുസ്തക കമ്മിറ്റിയുടെ പ്രസിഡന്റ് തുടങ്ങി നിരവധി മേഖലകളിൽ കഴിവ് തെളിയിക്കുകയും സാമൂഹ്യ പരിഷ്‌കരണത്തിനായി പോരാടുകയും ചെയിത ജോർജ്ജ് മാത്തന്റെ ജീവചരിത്രം വിദ്യാർത്ഥികളുടെ പാഠപുസ്തകത്തിൽ ഉൾപ്പെടുത്തണെമെന്ന് ബിലീവേഴ്സ് ഈസ്റ്റേൺ ചർച്ച് കേരള അതിഭദ്രാസനം എഡ്യൂക്കേഷൻ ബോർഡ് സെക്രട്ടറി റവ.ഫാദർ സി.ബി വില്യംസ് ചിറയത്ത് ആവശ്യപ്പെട്ടു. കേരള കൗൺസിൽ ഓഫ് ചർച്ചസ് കുട്ടനാട് സോണിൻ്റെ ആഭിമുഖ്യത്തിൽ ആദ്യ പൂർണ മലയാള വ്യാകരണഭാഷ ഗ്രന്ഥകർത്താവായ റവ.ജോർജ് മാത്തൻ അനുസ്മരണം തലവടി പവർ ലാൻ്റിൽ…