Category: KERALA

ചങ്ങനാശേരി: കേരളത്തിൽ ആദ്യം വിജയകരമായി ടോട്ടൽ ടാലസ് റീപ്ലേസ്മെൻ്റ് സർജറി നടത്തിയ മുട്ടു മാറ്റിവെയ്ക്കൽ ശസ്ത്രക്രിയ വിദഗ്ദ്ധൻ ഡോ. ജെഫേഴ്സൺ ജോർജ്ജ് യു.ആർ.ബി എക്സലൻസ് അവാർഡിന് അർഹനായി. ചങ്ങനാശ്ശേരി സമരിറ്റൻ മെഡിക്കൽ സെൻ്ററിൽ ആഗസ്റ്റ് 18ന് 3 മണിക്ക് നടക്കുന്ന ചടങ്ങിൽ യു.ആർ.എഫ് വേൾഡ് റിക്കോർഡ് അന്താരാഷ്ട്ര ജൂറി ഡോ. ഗിന്നസ് സുനിൽ ജോസഫ് അവാർഡ് സമ്മാനിക്കും. ജോബ് മൈക്കിൾ എംഎൽഎ സമ്മേളനം ഉദ്ഘാടനം ചെയ്യും. നഗരസഭാ അദ്ധ്യക്ഷ ബീന ജോബി അദ്ധ്യക്ഷത വഹിക്കും. ഐക്യരാഷ്ട്രസഭ സുസ്ഥിര വികസന ലക്ഷ്യങ്ങളുടെ അംബാസിഡർ ഡോ. ജോൺസൺ വി. ഇടിക്കുള മുഖ്യ സന്ദേശം നല്‍കു. ജോയിൻറ് റീപ്ലേസ്മെന്റ് ആൻറ് ആർത്രോസ്ക്കോപ്പിയിൽ ഫെലോഷിപ്പ് നേടിയിട്ടുള്ള ഡോ. ജെഫേഴ്സൺ ജോർജിന്റെ നേതൃത്വത്തിൽ രണ്ട് കാലിന്റെയും മുട്ട് മാറ്റി വെയ്ക്കൽ ശസ്ത്രക്രിയ ചുരുങ്ങിയ ചെലവിൽ സമരിറ്റൻ മെഡിക്കൽ സെന്ററിൽ നടന്നുവരുന്നു. ആലപ്പുഴ മെഡിക്കൽ കോളജ്…

തിരുവനന്തപുരം: ആഴ്ചകൾ നീണ്ട വാദപ്രതിവാദങ്ങൾക്കൊടുവിൽ അന്ത്യോദയ അന്ന യോജന റേഷൻ കാർഡ് (മഞ്ഞ കളർ കാർഡ്) ഉള്ളവർക്ക് മാത്രം ഈ വർഷം ഓണക്കിറ്റ് വിതരണം നടത്തിയാല്‍ മതിയെന്ന തീരുമാനത്തില്‍ സംസ്ഥാന സര്‍ക്കാര്‍. നിലവിൽ സർക്കാർ നേരിടുന്ന കടുത്ത സാമ്പത്തിക പ്രതിസന്ധിയിൽ നിന്നാണ് ഗുണഭോക്താക്കളെ പരിമിതപ്പെടുത്താനുള്ള ഈ തീരുമാനമെന്ന് സംസ്ഥാന സർക്കാർ വിശദീകരിച്ചു. സാമ്പത്തിക പരാധീനതകൾ കാരണം പിണറായി വിജയൻ സർക്കാർ ചെലവു ചുരുക്കലിന്റെ ഭാഗമായാണ് ഈ നടപടി. ബുധനാഴ്ച ചേർന്ന സംസ്ഥാന മന്ത്രിസഭാ യോഗത്തിൽ വിവിധ ക്ഷേമ സംഘടനകളിലെ താമസക്കാർക്ക് ഭക്ഷണ കിറ്റുകൾ നൽകാനും തീരുമാനിച്ചു. ഈ കിറ്റുകളിൽ ചായ, പച്ചക്കായ, സേമിയ പായസം മിക്സ്, നെയ്യ്, കശുവണ്ടിപ്പരിപ്പ്, ഭക്ഷ്യ എണ്ണ, സാമ്പാർ പൊടി, മുളകുപൊടി, മഞ്ഞൾപൊടി, മല്ലിപ്പൊടി, പച്ചമുളക്, ഉപ്പ്, തുവരപ്പരിപ്പ് എന്നീ ഭക്ഷ്യവസ്തുക്കൾ ഉൾപ്പെടും. ഓണക്കിറ്റ് വിതരണം ഉറപ്പാക്കാൻ സപ്ലൈകോയ്ക്ക് സർക്കാർ 32 കോടി…

പാലക്കാട്: മതിയായ മഴ ലഭിച്ചില്ലെങ്കിൽ വൈദ്യുതി നിരക്ക് വർധിപ്പിക്കാൻ സർക്കാർ ആലോചിക്കുന്നതായി വൈദ്യുതി മന്ത്രി കെ കൃഷ്ണൻകുട്ടി. ഡാമുകളിൽ ജലക്ഷാമമുണ്ടെന്നും അദ്ദേഹം കൂട്ടിച്ചേർത്തു. വൈദ്യുതി നിരക്ക് വർധിപ്പിക്കുന്ന കാര്യത്തിൽ ഇതുവരെ തീരുമാനമെടുത്തിട്ടില്ലെന്ന് മന്ത്രി വ്യക്തമാക്കി. നാളെ ചേരുന്ന വൈദ്യുതി ബോർഡ് യോഗത്തിലായിരിക്കും അന്തിമ തീരുമാനം. മഴ പെയ്താൽ ചാർജ് വർധിപ്പിക്കേണ്ടതില്ലെന്ന് മന്ത്രി കെ കൃഷ്ണൻകുട്ടി പറഞ്ഞു. എന്നാല്‍, മഴ പരാജയപ്പെട്ടാൽ ചാർജുകൾ ഉയർത്തണം. വാങ്ങുന്ന വിലയ്ക്ക് മാത്രമേ വൈദ്യുതി നൽകാനാകൂ. ഉപഭോക്താക്കൾക്കുമേൽ പരമാവധി ഭാരം ചുമത്താതിരിക്കാനുള്ള നടപടികളാണ് സ്വീകരിച്ചുവരുന്നതെന്നും അദ്ദേഹം പറഞ്ഞു. ഡാമുകളിൽ ആവശ്യത്തിന് വെള്ളമില്ലാത്തതിനാൽ അധിക വൈദ്യുതി വാങ്ങണമെന്നും മന്ത്രി പറഞ്ഞു. വൈദ്യുതി എന്ത് വിലയ്ക്ക് വാങ്ങണമെന്ന കാര്യത്തിൽ ബുധനാഴ്ചത്തെ യോഗത്തിൽ തീരുമാനമെടുക്കുമെന്നും അദ്ദേഹം പറഞ്ഞു. ഇതിനെ തുടർന്ന് വൈദ്യുതി റെഗുലേറ്ററി കമ്മീഷൻ സ്ഥിതിഗതികൾ വിലയിരുത്തിയ ശേഷമായിരിക്കും വില വർധിപ്പിക്കുന്ന കാര്യത്തിൽ തീരുമാനമെടുക്കുക.

തിരുവനന്തപുരം: തിരുവിതാംകൂർ ദേവസ്വം ബോർഡിന് കീഴിലുള്ള ശബരിമല ഒഴികെയുള്ള എല്ലാ ക്ഷേത്രങ്ങളിലും ചിങ്ങം ഒന്നിനും വിനായക ചതുർത്ഥിക്കും ഗണപതിഹോമം നിർബന്ധമായും നടത്തണമെന്ന് ദേവസ്വം ബോര്‍ഡ് ഉത്തരവിട്ടു. സ്പീക്കർ എഎൻ ഷംസീറിന്റെ ഗണപതി മിത്ത് വിവാദം കത്തിനില്‍ക്കുന്നതിനിടെയാണ് ദേവസ്വം ബോര്‍ഡിന്റെ ഉത്തരവ്. ചിങ്ങം ഒന്ന് വ്യാഴാഴ്ചയും വിനായക ചതുർത്ഥി ദിനമായ 20-നും വിശേഷാല്‍ ഗണപതി ഹോമം നിർബന്ധമാക്കിയിട്ടുണ്ട്. ബോർഡിന് കീഴിൽ 1254 ക്ഷേത്രങ്ങളുണ്ട്. പണ്ട് ഇവിടെ ഗണേശ ഹോമം നടത്തിയിരുന്നു. എന്നാൽ, ഇതിനായി പ്രത്യേക ഉത്തരവൊന്നും ബോർഡ് പുറപ്പെടുവിച്ചിട്ടില്ല. എന്നാൽ, ഇത്തവണ എല്ലാ ക്ഷേത്രങ്ങളിലും നടത്താനാണ് ദേവസ്വം ബോർഡ് ഉത്തരവിട്ടത്. രണ്ടുദിവസവും നടക്കുന്ന ഗണപതിഹോമത്തിന് വ്യാപക പ്രചാരണം നൽകണമെന്നും ബുക്കിങ് സൗകര്യം ഒരുക്കണമെന്നും ഉത്തരവിൽ പ്രത്യേകം പറയുന്നുണ്ട്. ഇതിനുള്ള ക്രമീകരണം ഒരുക്കേണ്ടത് അഡ്മിനിസ്ട്രേറ്റീവ് ഓഫീസർമാരും സബ്ഗ്രൂപ്പ് ഓഫീസർമാരുമാണ്. ബോർഡ് നിർദേശിച്ചതുപോലെ ഹോമം നടക്കുന്നുണ്ടോയെന്ന് പരിശോധനയുണ്ടാകും. ഇതിന് വിജിലൻസ് വിഭാഗത്തിനു…

അങ്ങാടിപ്പുറം : വെൽഫെയർ പാർട്ടി അങ്ങാടിപ്പുറം പഞ്ചായത്ത് കമ്മിറ്റി തിരൂർക്കാട് പാർട്ടി ഓഫീസിന് മുന്നിൽ ജില്ലാ സെക്രട്ടറി ഖാദർ അങ്ങാടിപ്പുറം പതാക ഉയർത്തിക്കൊണ്ട് സ്വാതന്ത്ര്യ ദിന പരിപാടികൾക്ക് തുടക്കം കുറിച്ചു. നമ്മുടെ രാജ്യം 77-ാമത് സ്വാതന്ത്ര്യ ദിനം ആഘോഷിക്കുകയാണ്. രാജ്യത്ത് ജനങ്ങൾക്ക് ഇത് എൻറെ രാജ്യമാണ് എന്ന് അഭിമാനബോധത്തോടെയും അധികാരബോധത്തോടെയും ജീവിക്കാൻ സാധിക്കുമ്പോഴാണ് രാജ്യം സ്വതന്ത്രമാണ് എന്ന് നമുക്ക് പറയാൻ സാധിക്കുക. സ്വാതന്ത്ര്യം അനുഭവിച്ച് അറിയേണ്ടതാണ്. മനുഷ്യരിലേക്ക് വെറുപ്പ് പ്രചരിപ്പിച്ചുകൊണ്ടിരിക്കുന്ന സംഘപരിവാറിന്റെ വംശീയ രാഷ്ട്രീയം രാജ്യത്ത് അതിഭീകരമായി തുടരുമ്പോൾ ,ചേർന്നുനിൽക്കുന്ന രാഷ്ട്രീയം കൊണ്ട് മാത്രമേ നമുക്ക് ഇതിനെ മറികടക്കാൻ ആവൂ. ഈ രാജ്യം നിലനിൽക്കണമെന്ന് ആഗ്രഹിക്കുന്ന മാനവികതയിൽ വിശ്വസിക്കുന്നമുഴുവൻ മനുഷ്യരും ഒന്നിച്ചു നിന്നെങ്കിൽ മാത്രമാണ് സംഘപരിവാറിന്റെ വംശീയ ഫാസിസത്തിൽ നിന്ന് ഈ രാജ്യത്തെ രക്ഷപ്പെടുത്താൻ സാധിക്കുകയുള്ളൂ. ഈ സ്വാതന്ത്ര്യദിനം അത്തരമൊരു ചേർന്നുനിൽക്കുന്ന രാഷ്ട്രീയ പ്രഖ്യാപനം ആയി മാറട്ടെ…

വടക്കാങ്ങര : രാജ്യത്തിന്റെ 77-ാമത് സ്വാതന്ത്ര്യ ദിനം വെൽഫെയർ പാർട്ടി വടക്കാങ്ങര യൂനിറ്റ് ആഘോഷിച്ചു. വടക്കാങ്ങര അങ്ങാടിയിൽ പാർട്ടി ആസ്ഥാനത്ത് ആറാം വാർഡ് മെമ്പർ ഹബീബുള്ള പട്ടാക്കൽ പതാക ഉയർത്തി. സക്കീർ മാസ്റ്റർ സ്വാതന്ത്ര്യ ദിന സന്ദേശം നൽകി. ‘സമ്പൂർണ ശുചിത്വ ആറാം വാർഡ്’ ലക്ഷ്യ പൂർത്തീകരണം കൈവരിച്ച ഹരിതകർമ്മ സേനാംഗങ്ങളായ ഷീബ പുന്നക്കാട്ടുവളപ്പിൽ, റസിയ പാലക്കൽ എന്നിവരെ വെൽഫെയർ പാർട്ടി ആദരിച്ചു. വാർഡ് മെമ്പർ ഉപഹാരം നൽകി. വെൽഫെയർ പാർട്ടി വടക്കാങ്ങര യൂനിറ്റ് പ്രസിഡന്റ് സി.കെ സുധീർ, സെക്രട്ടറി നാസർ കിഴക്കേതിൽ, കെ ജാബിർ, കമാൽ പള്ളിയാലിൽ എന്നിവർ നേതൃത്വം നൽകി. പായസ വിതരണം നടത്തി.

കൊല്ലം: പത്തനംതിട്ടയിൽ ഭാര്യയെ കൊലപ്പെടുത്താന്‍ ശ്രമിച്ച ഭര്‍ത്താവിനെ പോലീസ് അറസ്റ്റു ചെയ്തു. ഇന്ന് ഉച്ചയ്ക്ക് 1.30 ഓടെയാണ് പ്രദേശത്തെ ഞെട്ടിച്ച സംഭവം അരങ്ങേറിയത്. കാട്ടാശ്ശേരി സ്വദേശിനിയായ രേവതിയെയാണ് ഭർത്താവ് ക്രൂരമായി ആക്രമിച്ചത്. കഴുത്തിലും നെഞ്ചിലും കത്തികൊണ്ട് മുറിവേറ്റ രേവതിയെ ഉടൻ തന്നെ സ്വകാര്യ ആശുപത്രിയിൽ പ്രവേശിപ്പിച്ചു. പത്തനാപുരം കെഎസ്ഇബി ഓഫീസിന് മുന്നിൽ വെച്ചാണ് ഞെട്ടിപ്പിക്കുന്ന ഈ അക്രമം നടന്നത്. നാട്ടുകാരുടെ സമയോചിതമായ ഇടപെടലിന്റെ ഫലമായി അക്രമി ഗണേശനെ പിടികൂടി പത്തനാപുരം പോലീസിന് കൈമാറുന്നതിന് മുമ്പ് കൈകാര്യം ചെയ്തു. രേവതിയും ഗണേഷും തമ്മിലുള്ള ബന്ധം വളരെക്കാലമായി വഷളായതാണ് ഇരുവരും തമ്മിലുള്ള അകൽച്ചയിലേക്ക് നയിച്ചതെന്നാണ് പുറത്തു വരുന്ന വിവരം. ഒമ്പത് മാസം മുമ്പാണ് ഇവര്‍ വിവാഹിതരായത്. ഭാര്യ രേവതിയെ കാണാനില്ലെന്ന് കാണിച്ച് ഗണേഷ് നേരത്തെ പരാതി നൽകിയിരുന്നു. ഈ പരാതിയുടെ അടിസ്ഥാനത്തിൽ ഇരുവരെയും പത്തനാപുരം പോലീസ് സ്റ്റേഷനിലേക്ക് ചോദ്യം ചെയ്യുന്നതിനായി…

താനൂർ: താമിർ ജിഫ്രിയെന്ന യുവാവിനെ പോലീസ് കസ്റ്റഡിയിൽ വെച്ച് ക്രൂരമായി മർദ്ദിച്ച് കൊലപ്പെടുത്തിയതിൽ പ്രതിഷേധിച്ച് താനൂർ പോലീസ് സ്റ്റേഷനിലേക്ക് ഫ്രറ്റേണിറ്റി മൂവ്മെന്റ് മാർച്ച് നടത്തി. എസ് പി സുജിത് ദാസ് ഐ പി എസിനെ പുറത്താക്കുക, കുറ്റക്കാരായ ഉദ്യോഗസ്ഥർക്കെതിരെ നടപടി സ്വീകരിക്കുക, പോലീസിന്റെ അമിതാധികാര പ്രയോഗം അവസാനിപ്പിക്കുക എന്നീ ആവശ്യങ്ങളുന്നയിച്ചായിരുന്നു ഫ്രറ്റേണിറ്റി മലപ്പുറം ജില്ലാ കമ്മിറ്റിയുടെ മാർച്ച്. മലപ്പുറത്ത് നിലനിൽക്കുന്നത് എസ്.പി. സുജിത്ത് ദാസ് ഐ.പി.എസിന്റെ നേതൃത്ത്വത്തിൽ പോലീസിന്റെ ഭീകര വാഴ്ചയാണെന്നും ജില്ലയിലെ ഈ പോലീസ് വാഴ്ച അവസാനിപ്പിക്കണമെന്നും ഫ്രറ്റേണിറ്റി മൂവ്മെന്റ് സംസ്ഥാന വൈസ് പ്രസിഡന്റ് നഈം ഗഫൂർ പറഞ്ഞു. ഫ്രറ്റേണിറ്റി ജില്ലാ പ്രസിഡന്റ് ജംഷീൽ അബൂബക്കർ അദ്ധ്യക്ഷത വഹിച്ചു. വെൽഫെയർ പാർട്ടി താനൂർ മണ്ഡലം പ്രസിഡന്റ് അഷ്റഫ് വൈലത്തൂർ സംസാരിച്ചു. ഫ്രറ്റേണിറ്റി ജില്ലാ ജനറൽ സെക്രട്ടറി ബാസിത് താനൂർ സ്വാഗതവും താനൂർ മണ്ഡലം പ്രസിഡന്റ് നാജിൻ…

കാസർകോട് : കേരളത്തിലെ രണ്ട് ജില്ലകളിലായി മൂന്ന് ട്രെയിനുകൾക്ക് നേരെയുണ്ടായ കല്ലേറ് പരമ്പര കൃത്യമായി ആസൂത്രണം ചെയ്തതാണെന്ന് റെയിൽവേ ഉദ്യോഗസ്ഥരുടെ വെളിപ്പെടുത്തൽ. കണ്ണൂരിൽ രണ്ട് ട്രെയിനുകൾക്ക് നേരെ കല്ലേറും തുടർന്ന് കാസർകോട് ട്രെയിനിന് നേരെയും ആക്രമണം ഉണ്ടായി. കല്ലേറിൽ നാശനഷ്ടമുണ്ടായെങ്കിലും യാത്രക്കാർ ഭാഗ്യവശാൽ പരിക്കേൽക്കാതെ രക്ഷപ്പെട്ടു. ഇന്നലെ രാത്രി 7:11 നും 7:16 നും ഇടയിൽ കണ്ണൂരിൽ നേത്രാവതി എക്‌സ്‌പ്രസിനും ചെന്നൈ സൂപ്പർഫാസ്റ്റ് എക്‌സ്‌പ്രസിനും നേരെയുണ്ടായ കല്ലേറിനെത്തുടര്‍ന്ന് ഇരു ട്രെയിനുകളുടെയും ജനൽചില്ലുകൾ തകർന്നു. കാസർകോട് രാത്രി ഏഴരയോടെ കാഞ്ഞങ്ങാടിനും നീലേശ്വരത്തിനും ഇടയിൽ ഓഖ എക്‌സ്പ്രസ് വീണ്ടും ആക്രമണം നേരിട്ടു. ട്രെയിനിലേക്ക് കല്ലുകൾ തുളച്ചുകയറിയിട്ടും യാത്രക്കാർ പരിക്കേൽക്കാതെ രക്ഷപ്പെട്ടത് അവരുടെ മനക്കരുത്തുകൊണ്ടാണെന്ന് റെയില്‍‌വേ അധികൃതര്‍ പറഞ്ഞു. ഈ ഏകോപിത ആക്രമണങ്ങൾക്ക് മറുപടിയായി റെയിൽവേ അധികൃതർ ദ്രുതഗതിയില്‍ നടപടി സ്വീകരിച്ചതിന്റെ ഫലമായി, കല്ലേറില്‍ ഉള്‍പ്പെട്ടവരെന്ന് സംശയിക്കുന്ന മൂന്ന് പേരെ റെയില്‍‌വേ…

കൊച്ചി: സര്‍ക്കാരിന്റെ കാര്‍ഷികമേഖലയോടുള്ള അവഗണനയിലും കര്‍ഷകദ്രോഹ സമീപനത്തിലും പ്രതിഷേധിച്ച് ചിങ്ങം ഒന്നിലെ സര്‍ക്കാര്‍വക കര്‍ഷക ദിനാചരണം ബഹിഷ്‌കരിച്ച് കര്‍ഷകരുടെ പട്ടിണിസമരം പ്രഖ്യാപിച്ച് കര്‍ഷക സംഘടനകളുടെ ദേശീയ ഐക്യവേദിയായ രാഷ്ട്രീയ കിസാന്‍ മഹാസംഘ്. പട്ടിണിസമരത്തിന്റെ ഭാഗമായി 100 കേന്ദ്രങ്ങളില്‍ കര്‍ഷക പ്രതിഷേധം സംഘടിപ്പിക്കും. സംസ്ഥാനതല പട്ടിണി സമരം ആലപ്പുഴ കളക്ട്രേറ്റ് പടിക്കല്‍ ഓഗസ്റ്റ് 17 വ്യാഴാഴ്ച രാവിലെ 10ന് ആരംഭിക്കും. പട്ടിണി സമരത്തിന് രാഷ്ട്രീയ കിസാന്‍ മഹാസംഘ് ദേശീയ കോര്‍ഡിനേറ്റര്‍ കെ.വി.ബിജു, സൗത്ത് ഇന്ത്യ കണ്‍വീനര്‍ അഡ്വ വി.സി സെബാസ്റ്റ്യന്‍, സംസ്ഥാന ചെയര്‍മാന്‍ അഡ്വ.ബിനോയ് തോമസ്, ജനറല്‍ കണ്‍വീനര്‍ പ്രൊഫ. ജോസുകുട്ടി ഒഴുകയില്‍, ദേശീയ സംസ്ഥാന നേതാക്കളായ മുതലാംതോട് മണി, ഡിജോ കാപ്പന്‍, ജോര്‍ജ്ജ് സിറിയക്, അഡ്വ.പി.പി.ജോസഫ്, അഡ്വ.ജോണ്‍ ജോസഫ്, ജോയി കണ്ണഞ്ചിറ, ജോര്‍ജ് ജോസഫ് വാതപ്പള്ളി, കെ.റോസ് ചന്ദ്രന്‍, മനു ജോസഫ്, മാര്‍ട്ടിന്‍ തോമസ്, ആയംപറമ്പ് രാമചന്ദ്രന്‍,…