Category: KERALA

തിരുവനന്തപുരം: ജനാധിപത്യത്തിന്റെ ഏറ്റവും വലിയ സൗന്ദര്യം സംവാദങ്ങളിലും ചർച്ചകളിലുമാണെന്നും, യുവതലമുറ നിയമനിർമ്മാണ സഭകളുടെ പ്രവർത്തനങ്ങൾ ശരിയായി മനസ്സിലാക്കേണ്ടത് അത്യാവശ്യമാണെന്നും മുഖ്യമന്ത്രി വി ഡി സതീശൻ പറഞ്ഞു. സെക്രട്ടേറിയറ്റിലെ പഴയ നിയമസഭാ മന്ദിരത്തിൽ സംഘടിപ്പിച്ച യംഗ് ഇന്ത്യൻസ് മോഡൽ പാർലമെന്റ് 2026 ന് ആശംസകൾ നേർന്നു സംസാരിക്കുകയായിരുന്നു അദ്ദേഹം. പാർലമെന്റിലും നിയമസഭകളിലും എന്താണ് നടക്കുന്നതെന്ന് വിദ്യാർഥികൾക്ക് മനസിലാക്കാൻ ഇത്തരം പരിപാടികൾ ഏറെ സഹായകരമാണ്. ഭരണഘടനയുടെ അടിസ്ഥാന സ്തംഭങ്ങളായ ജുഡീഷ്യറി, ലെജിസ്ലേച്ചർ, എക്‌സിക്യൂട്ടീവ് എന്നിവയുടെ അധികാരങ്ങളും അവ തമ്മിലുള്ള നടപടികളും അദ്ദേഹം വിശദീകരിച്ചു. നല്ലൊരു പാർലമെന്റേറിയനാകാൻ സാമ്പത്തിക വിഷയങ്ങളടക്കമുള്ള വിവിധ മേഖലകളിൽ നിരന്തരം പഠിക്കേണ്ടതുണ്ട്. സഭകളിലെ ലൈബ്രറികൾ പരമാവധി ഉപയോഗപ്പെടുത്താനും പ്രമുഖ പാർലമെന്റേറിയൻമാരുടെ പ്രസംഗങ്ങളും ഭരണഘടനാ അസംബ്ലി ചർച്ചകളും വായിച്ച് അറിവ് വികസിപ്പിക്കാനും ശ്രദ്ധിക്കണം. നിയമസഭയിലെ ചോദ്യോത്തരവേള, അടിയന്തര പ്രമേയം, ബജറ്റ് പാസാക്കുന്ന നടപടിക്രമങ്ങൾ തുടങ്ങിയ വിഷയങ്ങളും വിദ്യാർഥികൾ അറിയണം.…

മലപ്പുറം: കോഴിക്കോട് റീജണൽ പാസ്പോർട്ട് ഓഫീസിനു (RPO) കീഴിലുള്ള മലപ്പുറത്തെ തവനൂർ സബ് പോസ്റ്റ് ഓഫീസിൽ, തവനൂർ പോസ്റ്റ് ഓഫീസ് പാസ്പോർട്ട് സേവാകേന്ദ്രം (POPSK) കേന്ദ്ര പെട്രോളിയം-പ്രകൃതിവാതക സഹമന്ത്രി സുരേഷ് ഗോപി ഇന്ന് ഉദ്ഘാടനംചെയ്തു. കോഴിക്കോട് RPO-ക്കു കീഴിലുള്ള മൂന്നാമത്തെ POPSK ആണിത്. തവനൂരിൽ POPSK ആരംഭിച്ചതോടെ, കേരളത്തിലെ ഓരോ ലോക്സഭാ മണ്ഡലത്തിലും കുറഞ്ഞത് ഒരു PSK-യോ അല്ലെങ്കിൽ POPSK-യോ പ്രവർത്തനക്ഷമമാക്കുക എന്ന നാഴികക്കല്ലു കൈവരിക്കാൻ വിദേശകാര്യ മന്ത്രാലയത്തിനായി (MEA). ഉദ്ഘാടനച്ചടങ്ങിൽ പൊന്നാനി ലോക്സഭാംഗം ഡോ. എം.പി. അബ്ദുസ്സമദ് സമദാനി, തവനൂർ, കോട്ടയ്ക്കൽ, പൊന്നാനി എംഎൽഎമാർ, വിദേശകാര്യ മന്ത്രാലയത്തിലെയും തപാൽ വകുപ്പിലെയും മുതിർന്ന ഉദ്യോഗസ്ഥർ തുടങ്ങിയവർ പങ്കെടുത്തു. പൊന്നാനി ലോക്സഭാ മണ്ഡലത്തിലെയും സമീപപ്രദേശങ്ങളിലെയും ജനങ്ങൾക്ക് പാസ്പോർട്ട്-അനുബന്ധ സേവനങ്ങൾ മെച്ചപ്പെടുത്തുന്നതിനും യാത്രാസമയവും കാത്തിരിപ്പും ഗണ്യമായി കുറയ്ക്കുന്നതിനും ഈ ഉദ്യമം സഹായിക്കും. ഇതിൻ്റെ ഫലമായി, പൊന്നാനി മേഖലയിലെ ജനങ്ങൾക്ക് പാസ്പോർട്ട്…

കൊച്ചി: സംസ്ഥാന വനിതാ-ശിശു വികസന വകുപ്പിന് നൽകാനുള്ള കേന്ദ്ര ഫണ്ട് ഉടൻ അനുവദിക്കണമെന്നും വിവിധ പദ്ധതികൾക്ക് കേന്ദ്ര സഹായം ഉറപ്പാക്കണമെന്നും സംസ്ഥാന വനിതാ-ശിശു വികസന മന്ത്രി ബിന്ദു കൃഷ്ണ ആവശ്യപ്പെട്ടു. കൊച്ചിയിൽ കേന്ദ്ര വനിതാ-ശിശു വികസന മന്ത്രി അന്നപൂർണാ ദേവിയുമായി നടത്തിയ കൂടിക്കാഴ്ചയിലാണ് മന്ത്രി ഈ വിഷയം ഉന്നയിച്ചത്. വകുപ്പിന്റെ വിവിധ ആവശ്യങ്ങൾ അടങ്ങിയ വിശദമായ മെമ്മോറാണ്ടം മന്ത്രി ബിന്ദു കൃഷ്ണ കേന്ദ്രമന്ത്രിക്ക് കൈമാറി. സംസ്ഥാനത്തിന്റെ ആവശ്യങ്ങൾ അനുഭാവപൂര്‍‌വ്വം പരിഗണിക്കുമെന്ന് കേന്ദ്രമന്ത്രി ഉറപ്പ് നൽകി. സംസ്ഥാനത്ത് വർക്കിംഗ് വിമൻസ് ഹോസ്റ്റലുകൾ നിർമ്മിക്കുന്നതിന് വേണ്ടിയുള്ള രണ്ടാം ഗഡു ഫണ്ട് ലഭ്യമാക്കണമെന്നതാണ് മെമ്മോറാണ്ടത്തിലെ പ്രധാന ആവശ്യങ്ങളിലൊന്ന്. SASCI 2025 സ്കീം പ്രകാരം 40.8 കോടി രൂപയാണ് ഈ ഇനത്തിൽ സംസ്ഥാനത്തിന് ലഭ്യമാകേണ്ടത്. ചെറുതോണി, മാവേലിക്കര, പാണ്ടനാട്, വാഴത്തോപ്പ്, മട്ടന്നൂർ, കോഴിക്കോട്, കോട്ടയം, റാന്നി, മുളങ്കുന്നത്തുകാവ്, ബാലരാമപുരം എന്നിങ്ങനെ സംസ്ഥാനത്തെ 10…

തിരുവനന്തപുരം: ഈ വർഷത്തെ ശബരിമല തീർത്ഥാടനകാലം സുഗമമായി നടക്കുന്നതിന് പരാതികൾ പരിഹരിക്കാൻ നടപടികൾ സ്വീകരിക്കണമെന്ന് ദേവസ്വം മന്ത്രി കെ മുരളീധരൻ പറഞ്ഞു. എംഎൽഎമാരുടെയും ദേവസ്വം ഉദ്യോഗസ്ഥരുടെയും നേതൃത്വത്തിൽ ഗസ്റ്റ് ഹൗസിൽ നടന്ന ശബരിമല തീർത്ഥാടന അവലോകന യോഗത്തിൽ അദ്ധ്യക്ഷത വഹിച്ച് സംസാരിക്കുകയായിരുന്നു മന്ത്രി. തീർത്ഥാടനത്തിനുള്ള ഒരുക്കങ്ങൾ വളരെ നേരത്തെ തന്നെ ആരംഭിക്കണം. കോടിക്കണക്കിന് ഭക്തർ എത്തുമ്പോൾ അവർക്ക് ആവശ്യമായ സൗകര്യങ്ങൾ ഉറപ്പാക്കുന്നതിൽ ഒരു വിട്ടുവീഴ്ചയും പാടില്ല. കഴിഞ്ഞ വർഷത്തെ പോരായ്മകൾ പരിഹരിക്കുന്നതിനാണ് പ്രഥമ പരിഗണന നൽകേണ്ടത്. കഴിഞ്ഞ തീർത്ഥാടന സീസണിന്റെ ആദ്യ ആഴ്ചയിലുണ്ടായതു പോലുള്ള അമിതമായ തിരക്ക് നിയന്ത്രിക്കുന്നതിനും പോലീസ് പ്രത്യേക ശ്രദ്ധ നൽകണം. പന്തളത്ത് ചില തീർത്ഥാടകർക്ക് യാത്ര അവസാനിപ്പിക്കേണ്ടി വരുന്ന സാഹചര്യം ഒഴിവാക്കണം. കഴിഞ്ഞ തവണ ദേവസ്വം ബോർഡ് അംഗങ്ങൾ ചുമതലയേറ്റ് കുറഞ്ഞ ദിവസങ്ങൾക്കുള്ളിൽ തീർഥാടനം ആരംഭിച്ചതിനാൽ വേണ്ടത്ര ഒരുക്കങ്ങൾക്ക് സമയം ലഭിച്ചിരുന്നില്ല. എന്നാൽ…

തിരുവനന്തപുരം: സംസ്ഥാന ഗതാഗത വകുപ്പിന് കീഴിലുള്ള വിവിധ നിർവ്വഹണ വകുപ്പുകളുടെയും സ്ഥാപനങ്ങളുടെയും പ്രവർത്തനങ്ങൾ കൂടുതൽ കാര്യക്ഷമവും ഏകോപിതവുമാക്കുന്നതിനും പദ്ധതി, പദ്ധതി ഇതര പ്രവർത്തനങ്ങളുടെ കൃത്യവും സമയബന്ധിതവുമായ അവലോകനവും പുരോഗതി വിലയിരുത്തലും ഉറപ്പാക്കുന്നതിനുമായി സർക്കാർ ഒരു ഗതാഗത ഏകോപന സമിതി രൂപീകരിച്ചു. ഗതാഗത മേഖലയിലെ വിവിധ വകുപ്പുകൾ തമ്മിലുള്ള മികച്ച ആശയവിനിമയവും പ്രവർത്തന ഏകോപനവും ഉറപ്പുവരുത്തുന്നതിനും, പൊതുജനങ്ങൾക്ക് കൂടുതൽ ഗുണമേന്മയുള്ളതും സമയബന്ധിതവുമായ സേവനങ്ങൾ ലഭ്യമാക്കുന്നതിനും കമ്മിറ്റി പ്രയോജനപ്രദമാവും. ഗതാഗത വകുപ്പ് മന്ത്രി അധ്യക്ഷനും ഗതാഗത വകുപ്പ് സെക്രട്ടറി കൺവീനറുമായ കമ്മിറ്റിയിൽ ട്രാൻപോർട്ട് കമ്മീഷണർ, റോഡ് സുരക്ഷാ കമ്മീഷണർ, ജലഗതാഗത വകുപ്പ് ഡയറക്ടർ, കെഎസ്ആർടിസി ചെയർമാൻ & മാനേജിംഗ് ഡയറക്ടർ, കെടിഡിഎഫ്‌സി മാനേജിംഗ് ഡയറക്ടർ, മെട്രോപൊളിറ്റൻ ട്രാൻസ്‌പോർട്ട് അതോറിറ്റി ചീഫ് എക്‌സിക്യൂട്ടീവ് ഓഫീസർ തുടങ്ങിയവർ അംഗങ്ങളായിരിക്കും. ട്രാൻസ്‌പോർട്ട് കോർഡിനേഷൻ കമ്മിറ്റിയുടെ യോഗങ്ങൾ മുൻകൂർ അജണ്ട തയ്യാറാക്കി മാസത്തിൽ കുറഞ്ഞത് ഒരു…