Category: AMERICA

വാഷിങ്ടൺ: അമേരിക്കയിൽ സിന്തറ്റിക് ഒപിയോയ്ഡ് ആയ ഫെന്റനിൽ മൂലം ഉണ്ടാകുന്ന മരണങ്ങളിൽ 22 ശതമാനത്തിന്റെ ഇടിവ് രേഖപ്പെടുത്തിയതായി കണക്കുകൾ വ്യക്തമാക്കുന്നു. രോഗവ്യാപന നിയന്ത്രണ വിഭാഗമായ CDC പുറത്തുവിട്ട കണക്കുകൾ പ്രകാരം, ഫെന്റനിൽ മരണങ്ങൾ 48,913-ൽ നിന്ന് 38,084 ആയി കുറഞ്ഞു. മൊത്തത്തിലുള്ള മയക്കുമരുന്ന് അമിത അളവിലുള്ള മരണങ്ങളിൽ 14 ശതമാനത്തിന്റെ കുറവുണ്ടായിട്ടുണ്ട്. അതിർത്തി സുരക്ഷ ശക്തമാക്കിയതും, ലഹരി കടത്ത് സംഘങ്ങൾക്കെതിരെയുള്ള കർശന നടപടികളുമാണ് മരണനിരക്ക് കുറയാൻ കാരണമെന്ന് വൈറ്റ് ഹൗസ് വ്യക്തമാക്കി. ലഹരി വസ്തുക്കളുടെ കടത്ത് തടയുന്നതിന്റെ ഭാഗമായി രാജ്യവ്യാപകമായി പരിശോധനകളും അറസ്റ്റുകളും ശക്തമാക്കിയിട്ടുണ്ട്. മയക്കുമരുന്ന് പ്രതിസന്ധിയുമായി ബന്ധപ്പെട്ട മറ്റ് ഔദ്യോഗിക കണക്കുകൾ പരിശോധിക്കാൻ Department of Homeland Security പോർട്ടൽ സന്ദർശിക്കാവുന്നതാണ്.

ന്യൂയോർക്ക്: എൻഡോസൾഫാൻ ബാധിതരായ ഭിന്നശേഷിക്കാരുടെയും മറ്റ് ഭിന്നശേഷി കുട്ടികളുടേയും ഉന്നമനത്തിനും പുനരധി വാസത്തിനുമായി മജീഷ്യൻ പ്രൊഫ. ഗോപിനാഥ് മുതുകാടിന്റെ ഡിഫറൻറ് ആർട്സ് സെന്റർ (DAC) കാസർഗോഡ് ആരംഭിക്കുന്ന പുതിയ പ്രൊജക്ടിന്റെ ധനശേഖരണാർധം നടത്തുന്ന എംക്യൂബ് (MCUBE – Magic – Melody – Mission) മാജിക്-മെലഡി-മിഷൻ സ്റ്റേജ് പ്രോഗ്രാം ന്യൂയോർക്ക് ക്വീൻസ്ബൊറോ കമ്മ്യൂണിറ്റി കോളേജ് ഓഡിറ്റോറിയത്തിൽ (Queensborough Community College, 222-05 56th Avenue, Bayside, New York 11364) സെപ്റ്റംബർ 6 ഞായറാഴ്ച വൈകിട്ട് 5:30-ന് അരങ്ങേറുന്നു. പ്രസ്തുത സ്‌റ്റേജ് ഷോ പരിപാടിയിൽ പങ്കെടുക്കുന്നതിന് ലോക പ്രശസ്‌ത മാന്ത്രികനും ഇന്റർനാഷണൽ മജിഷ്യൻസ് സൊസൈറ്റി (International Magicians Society – IMS) സ്ഥാപകനുമായ ടോണി ഹസ്സിനി താത്പര്യം പ്രകടിപ്പിച്ചിരിക്കുന്നു. ലോസാഞ്ചലസിൽ താമസക്കാരനായ ടോണി ഹസ്സിനി മുതുകാടിന്റെ ഭിന്നശേഷിക്കാർക്കായുള്ള പ്രോജക്ടിനെപ്പറ്റി മനസ്സിലാക്കി അതിന് എല്ലാ പിന്തുണയും നൽകുന്നതിനാണ് ന്യൂയോർക്കിലെ…

കേരളത്തിലായാലും പ്രവാസ ലോകത്തിലായാലും നമ്മുടെ ഗൃഹാതുരത്വത്തെ ഇത്രമേൽ തൊട്ടുണർത്തുന്ന മറ്റൊരാഘോഷവും മലയാളിക്കില്ലാ എന്നത് ശ്രദ്ധേയമാണ്! മനുഷ്യൻ തീർത്ത മതിൽക്കെട്ടുകൾക്കെല്ലാം അപ്പുറത്ത് ഹൃദയസമന്വയത്തിന്‍റെ ഒരു ആത്മീയത യാത്രയായി ഓരോ ഓണവും ആഘോഷിക്കുന്നു. ഞാനെന്നും നീയെന്നുമുള്ള അകലങ്ങളും, അത് തീർക്കുന്ന അതിരുകളും ക്രമേണ ഇല്ലാതെയാകുന്നു എന്നതാണ് ഓണാഘോഷങ്ങളുടെ പൈതൃകം. ദേശീയഉത്സവം എന്നതിലുപരി മനുഷ്യനിലെ ആത്മീയദര്ശങ്ങളെ വേരൂട്ടി വളർത്തുന്ന നല്ല അനുഭവങ്ങൾ എന്നും മലയാളിക്ക് പ്രദാനം ചെയ്തിട്ടുണ്ട്. അസുരരാജാവായ മഹാബലിയുടെയും വാമനന്‍റെയും പുരാണപ്രസിദ്ധമായ കഥ ഓണാഘോഷങ്ങൾക്ക് വിശേഷപ്പെട്ട ഒരു മിത്തുകൂടിയാണ്.. പുരാതനകാലത്തെ ഒളിഞ്ഞും തെളിഞ്ഞും കാണപ്പെടുന്ന ഒട്ടേറെ ആചാരങ്ങളും അനുഷ്ഠാനങ്ങളും ഓണാഘോഷങ്ങളിലൂടെ തെളിമപ്പെടുന്നു. മാവേലി തമ്പുരാൻ നാടിന്‍റെ ഐശ്വര്യം ദർശിക്കുവാൻ വിരുന്നെത്തുന്നത് ഭൂമിയുടെ ആഴങ്ങളിൽ നിന്നാണ്. ഭൂമിയുടെ മടിത്തട്ടിലാണ് സമൃദ്ധിയുടെ സ്വർഗ്ഗം എന്ന പ്രകൃത്യാവബോധം നമ്മളിൽ തട്ടി ഉണർത്തുന്ന അവസരങ്ങളാണ് ഓണാഘോഷങ്ങളിൽ തെളിഞ്ഞു കാണുന്നത്. പോസിറ്റീവ് ആയ ചിന്തകൾ മനസ്സുകളിൽ പ്രതിഫലിക്കുന്ന…

ന്യൂയോർക്ക്: പ്രസിഡന്റ് ഡൊണാൾഡ് ട്രംപ് നടപ്പിലാക്കിയ വിവാദ കുടിയേറ്റ നയത്തിന് കോടതിയിൽ നിന്ന് വലിയ തിരിച്ചടി. 75 രാജ്യങ്ങളിലെ പൗരന്മാർക്കുള്ള കുടിയേറ്റ വിസ പ്രോസസ്സിംഗ് നിർത്തി വെച്ച ഭരണകൂടത്തിന്റെ ഉത്തരവ് യുഎസ് ഫെഡറൽ കോടതി പൂർണ്ണമായും റദ്ദാക്കി. ന്യൂയോർക്ക് സതേൺ ഡിസ്ട്രിക്റ്റിലെ ജഡ്ജി ജാനറ്റ് വർഗാസ് വെള്ളിയാഴ്ച നടത്തിയ വിധിന്യായത്തിൽ, വിസ നിയന്ത്രണ നയം നിയമവിരുദ്ധമാണെന്ന് പ്രഖ്യാപിച്ചു. ഈ സംവിധാനം നടപ്പിലാക്കുന്നതിൽ സ്റ്റേറ്റ് ഡിപ്പാർട്ട്‌മെന്റ് ഉദ്യോഗസ്ഥർ നിയമപരമായ പരിധികൾ ലംഘിച്ചുവെന്ന് അവർ ശക്തമായി അഭിപ്രായപ്പെട്ടു. ജനുവരിയിൽ പ്രാബല്യത്തിൽ വന്ന ഈ നയം, അഫ്ഗാനിസ്ഥാൻ, ബ്രസീൽ, ഈജിപ്ത്, ഇറാൻ, ഇറാഖ്, നൈജീരിയ, സൊമാലിയ, തായ്‌ലൻഡ്, യെമൻ എന്നിവയുൾപ്പെടെ 75 രാജ്യങ്ങളിലെ പൗരന്മാർക്ക് കുടിയേറ്റ വിസകൾ തടയുന്നതായിരുന്നു. അപകടസാധ്യതയുള്ള രാജ്യങ്ങളിൽ നിന്നുള്ള ആളുകൾ യുഎസിലെ സർക്കാർ ക്ഷേമ പദ്ധതികൾക്ക് ഒരു ഭാരമായി മാറുന്നില്ലെന്ന് ഉറപ്പാക്കാനാണ് നിരോധനം ഉദ്ദേശിച്ചതെന്ന് യുഎസ് സ്റ്റേറ്റ്…

ഗ്രാന്റ് പ്രെയറി: ടെക്സസ് സംസ്ഥാനത്തുള്ള ഗ്രാന്റ് പ്രെയറിയിൽ കനത്ത ചൂടിനിടെ ഒരു വാണിജ്യ മേഖലയിൽ നിർത്തിയിട്ടിരുന്ന മുപ്പതോളം കാറുകൾക്ക് തീപിടിച്ചു. ഞായറാഴ്ച വൈകുന്നേരം 3:45ഓടെയാണ് സംഭവം. ഈസ്റ്റ് അവന്യൂ ജെയിലെ ഒരു കെട്ടിടത്തിന്റെ പിൻവശത്തെ പാർക്കിങ് ലോട്ടിലാണ് തീപിടിത്തമുണ്ടായത്. വിവരമറിഞ്ഞെത്തിയ ഫയർഫോഴ്സ് ഉദ്യോഗസ്ഥർ തീയണയ്ക്കുകയും സമീപ പ്രദേശങ്ങളിലേക്ക് പടരുന്നത് തടയുകയും ചെയ്തു. സംഭവത്തിൽ ആളപായമൊന്നും റിപ്പോർട്ട് ചെയ്തിട്ടില്ലെങ്കിലും തീപിടിത്തത്തിന്റെ കാരണം വ്യക്തമല്ല. അധികൃതർ അന്വേഷണം ആരംഭിച്ചിട്ടുണ്ട്.

ഇല്ലിനോയ്‌ : 2024-ൽ  ഇല്ലിനോയിസിൽ വീട്ടിൽ അതിക്രമിച്ചുകയറാൻ ശ്രമിച്ചയാളെക്കുറിച്ച് പരാതിപ്പെടാൻ 911-ൽ വിളിച്ച സോണിയ മാസി (36) എന്ന കറുത്തവർഗ്ഗക്കാരിയായ സ്ത്രീയെ വെടിവെച്ചുകൊന്ന കേസിൽ ശിക്ഷ അനുഭവിക്കുകയായിരുന്ന മുൻ ഷെരീഫ് ഡെപ്യൂട്ടി ഷീൻ ഗ്രേസൺ (32) ഇന്ന്മരിച്ചു. രണ്ടാം ഘട്ട കൊലപാതകക്കുറ്റത്തിന് 20 വർഷത്തെ തടവുശിക്ഷ അനുഭവിച്ചു വരികയായിരുന്ന ഗ്രേസൺ, ശിക്ഷാകാലാവധിയുടെ ആറാം മാസത്തിലാണ് മരണപ്പെടുന്നത്. മരണ വിവരം കുടുംബാംഗങ്ങൾ സ്ഥിരീകരിച്ചു വൻ പ്രതിഷേധങ്ങൾക്കും നിയമപരിഷ്കാരങ്ങൾക്കും വഴിവെച്ച ഈ സംഭവത്തിൽ, 2023 മുതൽ സ്റ്റേജ് 3 വൻകുടൽ കാൻസറിന് ചികിത്സയിലായിരുന്ന ഗ്രേസണ് പിന്നീട് രോഗം മൂർച്ഛിച്ചിരുന്നു. എന്നാൽ മരണകാരണം കാൻസർ തന്നെയാണോ എന്നത് ഔദ്യോഗികമായി സ്ഥിരീകരിച്ചിട്ടില്ല. മുൻപ് ഇയാൾ നൽകിയ പരോൾ അപേക്ഷ അധികൃതർ തള്ളിയിരുന്നു.

ഡാലസ് ശ്രീ ഗുരുവായൂരപ്പൻ ക്ഷേത്ര സമുച്ചയത്തിൽ രണ്ടാം ഘട്ട നിർമ്മാണ പ്രവർത്തനങ്ങൾ പൂർത്തിയായി. ക്ഷേത്രത്തിന് മുൻഭാഗത്തായി ബലിക്കൽപുര (ഫോയെർ), അതിനു താഴെ നിലയിൽ നിന്നും  (ബേസ്‌മെന്റ്) സ്വാമി അയ്യപ്പ ദർശനത്തിന് ഇരുമുടി കെട്ടേന്തി എത്തുന്ന ഭക്തർക്കായി കൃഷ്ണശിലയിൽ നിർമ്മിതമായ പതിനെട്ടു പടികൾ എന്നിവയാണ് ഇതിൽ പ്രധാനമായും ഉൾപ്പെടുന്നത്. ക്ഷേത്ര വാസ്തുവിദ്വാൻ ബ്രഹ്മശ്രീ കാണിപ്പയ്യൂർ കൃഷ്ണൻ  നമ്പൂതിരിയുടെ നിർദേശപ്രകാരം, ക്ഷേത്രതന്ത്രി ബ്രഹ്മശ്രീ കരിയന്നൂർ ദിവാകരൻ നമ്പൂതിരിയുടെ കാർമികത്വത്തിൽ ആഗസ്റ്റ് 22 (ചിങ്ങം 6) ന് ബലിക്കൽപുര – അയ്യപ്പ പതിനെട്ടു പടി സമർപ്പണം ചെയ്തു. ഗണപതി ഹോമം, ശുദ്ധി പൂജകൾ, 18 പടി കലശ പൂജയും അഭിഷേകവും, ശ്രീ ഗുരുവായൂരപ്പനും അയ്യപ്പ സ്വാമിക്കും പ്രത്യേക പൂജകൾ എന്നിവ നടത്തി. ഈ സുപ്രധാന ചടങ്ങിൽ പങ്കു ചേർന്ന  ഭക്ത ജനങ്ങളെയും അഭ്യുദയകാംഷികളെയും ക്ഷേത്ര ഭാരവാഹികൾ ഭഗവൽ നാമത്തിൽ നന്ദി അറിയിച്ചു.…

യുഎൻ സെക്രട്ടറി ജനറലിനായുള്ള തിരഞ്ഞെടുപ്പ് ഒരു വഴിത്തിരിവാകാൻ സാധ്യതയുണ്ട്. എട്ട് സ്ഥാനാർത്ഥികളിൽ അഞ്ചുപേരും സ്ത്രീകളാണ്, രണ്ടാമത്തെ അനൗദ്യോഗിക വോട്ടെടുപ്പിൽ, ഗയാനയിൽ നിന്നുള്ള കരോലിൻ റോഡ്രിഗസ്-ബിർക്കറ്റാണ് മുൻനിരയിൽ. ന്യൂയോര്‍ക്ക്: ഐക്യരാഷ്ട്രസഭയുടെ സെക്രട്ടറി ജനറലിലേക്കുള്ള ഈ തിരഞ്ഞെടുപ്പ് 80 വർഷത്തെ ചരിത്രത്തെ മാറ്റിമറിക്കുന്നതായിരിക്കും. ഐക്യരാഷ്ട്രസഭ സ്ഥാപിതമായതിനുശേഷം, ഒരു സ്ത്രീയും ഈ സ്ഥാനം വഹിച്ചിട്ടില്ല. എന്നാല്‍, നിലവിലെ തിരഞ്ഞെടുപ്പ് പ്രക്രിയ വ്യത്യസ്തമായ ഒരു ചിത്രം നൽകുന്നു. ഈ സ്ഥാനത്തേക്ക് മത്സരിക്കുന്ന എട്ട് സ്ഥാനാർത്ഥികളിൽ അഞ്ച് പേർ സ്ത്രീകളാണ്. രണ്ടാമത്തെ അനൗദ്യോഗിക വോട്ടെടുപ്പിൽ, ഗയാനയിൽ നിന്നുള്ള കരോലിൻ റോഡ്രിഗസ് ബിർകെറ്റ് മുന്‍‌നിരയിലെത്തിയത് ഈ സാധ്യതയെ കൂടുതൽ ശക്തിപ്പെടുത്തിയിരിക്കുകയാണ്. 1945-ൽ ഐക്യരാഷ്ട്രസഭ സ്ഥാപിതമായതിനു ശേഷം ഒമ്പത് പുരുഷന്മാർ സംഘടനയുടെ ഉന്നത സ്ഥാനമായ സെക്രട്ടറി ജനറൽ വഹിച്ചിട്ടുണ്ട്. വിവിധ ഭൂഖണ്ഡങ്ങളിൽ നിന്നും പ്രദേശങ്ങളിൽ നിന്നുമുള്ള നേതാക്കൾ ഈ സ്ഥാനങ്ങളിൽ ഉൾപ്പെടുന്നു. എന്നാൽ, ഒരു സ്ത്രീയും ഈ…