Category: AMERICA

സൗത്ത് ഫ്ലോറിഡ: സൗത്ത് ഫ്ലോറിഡ സെന്റ് മേരീസ് യാക്കോബായ സുറിയാനി ഓർത്തഡോക്സ് ദേവാലയത്തിൽ (3301 N 72ND AVE, HOLLYWOOD, FLORIDA – 33024 (ഈ വർഷത്തെ എട്ടുനോമ്പ് പെരുന്നാളും കൺവെൻഷനും സെപ്റ്റംബർ 1 ചൊവ്വാഴ്ച വൈകുന്നേരം മുതൽ സെപ്റ്റംബർ 8 ചൊവ്വാഴ്ച വരെ ഭക്തിനിർഭരമായി ആചരിക്കുന്നു. വിശുദ്ധ ദൈവമാതാവിന്റെ മാധ്യസ്ഥതയിൽ നടത്തുന്ന നോമ്പ് ആചരണത്തിലും പെരുന്നാൾ ശുശ്രൂഷകളിലും പങ്കെടുത്ത് അനുഗ്രഹങ്ങൾ പ്രാപിക്കുവാൻ എല്ലാ വിശ്വാസികളെയും ദൈവനാമത്തിൽ ക്ഷണിക്കുന്നതായി വികാരി ഫാ. ഡോ. ജോസഫ് വർഗീസ് അറിയിച്ചു. സജി സാമുവൽ / ഡെൻസി & ഫാമിലിയാണ് ഈ വർഷത്തെ തിരുനാളിന്റെ സ്പോൺസേഴ്സ് . പെരുന്നാൾ & കൺവെൻഷൻ സമയക്രമം: സെപ്റ്റംബർ 1 (ചൊവ്വ): വൈകുന്നേരം 5:30-ന് കൊടിയേറ്റ്, 6:00-ന് മാതാവിനോടുള്ള യാചനകളും ഗാനങ്ങളും, 6:30-ന് സന്ധ്യാ നമസ്കാരവും മധ്യസ്ഥ പ്രാർത്ഥനയും, 7:30-ന് ധ്യാനം, (ഫാ. സന്തോഷ് തോമസ്),…

ഫിലഡൽഫിയ: കേരളത്തിന്റെ സമ്പന്നമായ സാംസ്കാരിക പൈതൃകവും മലയാളി സമൂഹത്തിന്റെ കൂട്ടായ്മയും വിളിച്ചോതിക്കൊണ്ട് ട്രൈസ്റ്റേറ്റ് കേരള ഫോറത്തിന്റെ (TKF) ആഭിമുഖ്യത്തിൽ സംഘടിപ്പിച്ച “ട്രൈസ്റ്റേറ്റ് കേരള ഫോറം 2026 ഓണ മഹോത്സവം” വിവിധ കലാപരിപാടികളുടെയും സാംസ്കാരിക അവതരണങ്ങളുടെയും പുരസ്കാര വിതരണത്തിന്റെയും വേദിയൊരുക്കികൊണ്ട് കേരളീയ പൈതൃകത്തിന് അമേരിക്കൻ മണ്ണിൽ തിലകക്കുറി ചാർത്തി പ്രൗഢ ഗംഭീരമായി ആഘോഷിച്ചു. സംഗീതം, നൃത്തം, ഘോഷയാത്ര, പൊതുസമ്മേളനം, പുരസ്കാര വിതരണം, സ്റ്റേജ് ഷോ എന്നിവകൊണ്ട് സമ്പന്നമായ ആഘോഷത്തിൽ വിവിധ തലമുറകളിലുള്ള മലയാളികളുടെ സജീവ പങ്കാളിത്തം ശ്രദ്ധേയമായി. മലയാളി സമൂഹത്തിന്റെ കൂട്ടായ്മയും കേരളീയ സംസ്കാരത്തിന്റെ പാരമ്പര്യവും ആഘോഷമാക്കി മാറ്റിയ പരിപാടിയിൽ നിരവധി സാമൂഹിക, സാംസ്കാരിക, കലാ രംഗത്തെ പ്രമുഖർ പങ്കെടുത്തു. പരിപാടിയുടെ തുടക്കത്തിൽ ശ്രീമതി ഷിജി ഷാനി എം.സിയായി ഏകോപിപ്പിച്ച ഗാനാലാപന സദസ് മുന്നോടിയായി നടന്നു. സുമോദ് നെല്ലിക്കാല, ജീമോൻ ജോർജ്, ഷിജി ഷാനി, റീമ അബി, ജെയ്‌സൺ…

കാലിഫോര്‍ണിയ: കാലിഫോര്‍ണിയയില്‍ രണ്ട് മലയാളി യുവതികളുടെ കൊലപാതകത്തില്‍ ഉത്തരം കിട്ടാത്ത ചോദ്യങ്ങളുമായി അമേരിക്കന്‍ മലയാളികള്‍. മിൽപീറ്റസിൽ ഒരേ അപ്പാർട്മെന്റ് സമുച്ചയത്തിൽ താമസിച്ചിരുന്ന രണ്ടു മലയാളി യുവതികളായ തൃശൂര്‍ സ്വദേശിനി അഞ്ജന ഹരി, തിരുവനന്തപുരം സ്വദേശിനി ആന്‍ മേരി മാത്യു എന്നിവരെയാണ് അവരുടെ സുഹൃത്തും അതേ അപ്പാര്‍ട്ട്മെന്റ് കോം‌പ്ലക്സില്‍ താമസക്കാരിയുമായ, കോട്ടയം മൂന്നിലവ് സ്വദേശിനി അനില കൊലപ്പെടുത്തിയത്. സംഭവത്തില്‍ ഇപ്പോഴും ദുരൂഹത നിലനില്‍ക്കുകയാണ്. അനിലയെ പോലീസ് അറസ്റ്റ് ചെയ്തിട്ടുണ്ടെങ്കിലും, കൊലപാതകത്തിലേക്കു നയിച്ച യഥാർഥ കാരണം എന്താണെന്നത് ഇപ്പോഴും വ്യക്തമായിട്ടില്ല. തൃശൂര്‍ മണ്ണുത്തി മുടിക്കോട് തെക്കൂട്ട് ഹരിദാസിന്റെയും സുഷമയുടെയും മകളാണ് 35-കാരിയായ അഞ്ജന ഹരി. തിരുവനന്തപുരം കേശവദാസപുരം കാക്കനാട് ലെയ്ൻ 22 മറ്റത്ത് വീട്ടിൽ ജിജി മാത്യുവിന്റെയും പരേതയായ ബെസ്സി മാത്യുവിന്റെയും മകളാണ് 40 കാരിയായ ആൻ മേരി മാത്യു. ഇരുവരും കുടുംബത്തോടൊപ്പം മിൽപീറ്റസിലെ ഡിക്സൺ ലാൻഡിങ് റോഡിലുള്ള മിൽക്രീക്ക്…

ഹൂസ്റ്റൺ: ജീവകാരുണ്യ പ്രവർത്തനങ്ങൾക്ക് മുൻതൂക്കം നൽകി സാമൂഹിക പ്രതിബദ്ധതയോടെ പ്രവർത്തിക്കുന്ന പസഡീന മലയാളി അസോസിയേഷൻ (PMA)-ന്റെ ഓണാഘോഷം വിവിധ കലാപരിപാടികളോടെ പ്രൗഢഗംഭീരമായി സംഘടിപ്പിച്ചു. ആഗസ്റ്റ് 29 ശനിയാഴ്ച രാവിലെ ട്രിനിറ്റി മാർത്തോമാ ചർച്ച് ഹാളിൽ നടന്ന ആഘോഷത്തിൽ നിരവധി കുടുംബങ്ങളും അംഗങ്ങളും പങ്കെടുത്തു. നൃത്തചുവടുകളുമായി മാവേലിയുടെ എഴുന്നള്ളത്ത്, താലപ്പൊലി, വെഞ്ചാമരം, മുത്തുക്കുടകൾ, പുലികളി, ചെണ്ടമേളം തുടങ്ങിയ പരമ്പരാഗത ഓണക്കാഴ്ചകൾ ആഘോഷത്തിന് വർണപ്പകിട്ടേകി. തിടമ്പും വെഞ്ചാമരങ്ങളും കുടകളും ചൂടിയ ഗജവീരന്മാരുടെ കട്ട്‌ഔട്ടുകളും വേദിയുടെയും ആഘോഷപരിസരത്തിന്റെ ആകർഷണമായി. വിവിധ നൃത്തപരിപാടികളും സ്കിറ്റുകളും ഉൾപ്പെടെയുള്ള കലാപരിപാടികൾ സദസ്സിന്റെ കൈയടി നേടി. PMAയുടെ ചുണക്കുട്ടികൾ തുഴഞ്ഞ അതിഗംഭീര വള്ളംകളി ഓണാഘോഷത്തിലെ ഏറ്റവും ശ്രദ്ധേയമായ പരിപാടികളിലൊന്നായി മാറി. ആവേശകരമായ വള്ളംകളി കാണികളെ ഏറെ ആകർഷിച്ചു. PMA പ്രസിഡന്റ് റിച്ചാർഡ് സ്കറിയയുടെ നേതൃത്വത്തിൽ നടന്ന ആഘോഷത്തിന്റെ വിജയത്തിനായി സെക്രട്ടറി കൂടിയായ പ്രോഗ്രാം കോർഡിനേറ്റർ ജോമോൻ ജേക്കബ്,…

നേപ്പാളിനു പിന്നാലെ, അമേരിക്കയിലെ ഗ്രാൻഡ് കാന്യൺ ദേശീയോദ്യാനത്തിലും വെള്ളപ്പൊക്കം നാശം വിതച്ചു. 62 പേരെ രക്ഷപ്പെടുത്തിയെങ്കിലും 15 പേരെ കാണാതായതായി ഭയപ്പെടുന്നു. അരിസോണ: അമേരിക്കയിലെ പ്രശസ്തമായ ഗ്രാൻഡ് കാന്യോൺ ദേശീയോദ്യാനത്തിൽ വെള്ളപ്പൊക്കം നാശം വിതച്ചു. റിപ്പോർട്ടുകൾ പ്രകാരം, ബ്രൈറ്റ് ഏഞ്ചൽ കാന്യോൺ, ഫാന്റം റാഞ്ച് പ്രദേശങ്ങളിലെ ജലപ്രവാഹം വളരെ ശക്തമായതിനാൽ വലിയ പാറക്കല്ലുകളും, മരക്കഷണങ്ങളും, മറ്റ് അവശിഷ്ടങ്ങളും കൊളറാഡോ നദിയിലേക്ക് ഒഴുകിപ്പോയി. നാഷണൽ പാർക്ക് സർവീസ് ആദ്യം 20 ലധികം പേരെ കാണാതായതായി റിപ്പോർട്ട് ചെയ്തിരുന്നു. എന്നാല്‍, ഏകദേശം 15 പേരെ ഇപ്പോഴും കാണാതായതായി ഉദ്യോഗസ്ഥർ പിന്നീട് പറഞ്ഞു. പ്രദേശത്ത് രക്ഷാപ്രവർത്തനങ്ങളും ദുരിതാശ്വാസ പ്രവർത്തനങ്ങളും പുരോഗമിക്കുകയാണ്. ഹൈക്കിംഗും ക്യാമ്പിംഗുമാണ് ഏറ്റവും അപകടസാധ്യതയുള്ളതായി കണക്കാക്കപ്പെടുന്നത്. എന്നിരുന്നാലും, ഇതുവരെ മരണങ്ങളൊന്നും സ്ഥിരീകരിച്ചിട്ടില്ല. കൈബാബ് പീഠഭൂമിയിൽ പെയ്ത മഴയെത്തുടർന്ന്, ശനിയാഴ്ച ഉച്ചയ്ക്ക് 2:30 ഓടെ ബ്രൈറ്റ് ഏഞ്ചൽ ക്രീക്കിലെ ജലനിരപ്പ് അതിവേഗം…