Category: Uncategorized

കൊച്ചി: പ്രായപൂർത്തിയായ വ്യക്തികളുടെ പ്രണയബന്ധത്തിലും തൊഴിൽ തിരഞ്ഞെടുപ്പിലും മാതാപിതാക്കൾ അനാവശ്യമായി ഇടപെടരുതെന്ന് വ്യക്തമാക്കി കേരള ഹൈക്കോടതി. മതാന്തര പ്രണയബന്ധത്തിലുള്ള യുവതിക്കും പങ്കാളിക്കും ആവശ്യമായ പൊലീസ് സംരക്ഷണം ഉറപ്പാക്കാനും കോടതി ഉത്തരവിട്ടു. യുവതിയുടെ മൊബൈൽ ഫോൺ പിടിച്ചുവയ്ക്കുന്നതും വ്യക്തിപരമായ തീരുമാനങ്ങളിലും തൊഴിൽസാധ്യതകളിലും നിയന്ത്രണങ്ങൾ ഏർപ്പെടുത്തുന്നതും ഒഴിവാക്കണമെന്ന് മാതാപിതാക്കൾക്ക് കോടതി നിർദേശം നൽകി. ചീഫ് ജസ്റ്റിസ് സൗമെൻ സെൻ, ജസ്റ്റിസ് ശ്യാം കുമാർ വി.എം. എന്നിവരടങ്ങിയ ഡിവിഷൻ ബെഞ്ചാണ് ഹേബിയസ് കോർപ്പസ് ഹർജി പരിഗണിച്ച് നിർണായക നിർദേശങ്ങൾ പുറപ്പെടുവിച്ചത്. മതാന്തര പ്രണയബന്ധത്തെ മാതാപിതാക്കൾ എതിർക്കുകയാണെന്നും യുവതിയുടെ മൊബൈൽ ഫോൺ കൈവശപ്പെടുത്തി ആശയവിനിമയത്തിനുള്ള അവസരം തടസ്സപ്പെടുത്തുകയാണെന്നും ആരോപിച്ചാണ് പങ്കാളി ഹൈക്കോടതിയെ സമീപിച്ചത്. യുവതിയെ മാതാപിതാക്കൾ തടഞ്ഞുവച്ചിരിക്കുകയാണെന്നും പ്രണയബന്ധം തുടരുന്നതിന് തടസ്സങ്ങൾ സൃഷ്ടിക്കുകയാണെന്നും ഹർജിയിൽ ആരോപിച്ചിരുന്നു. പ്രായപൂർത്തിയായ യുവതിക്ക് സ്വന്തം ജീവിതവുമായി ബന്ധപ്പെട്ട തീരുമാനങ്ങൾ സ്വതന്ത്രമായി കൈക്കൊള്ളാനുള്ള അവകാശമുണ്ടെന്ന വസ്തുതയ്ക്ക് പ്രാധാന്യം നൽകിയാണ്…

Read More

തലവടി: ആനപ്രമ്പാൽ ഐപിസി പെനിയേൽ ചർച്ചിന്റെ നേതൃത്വത്തിൽ സുവിശേഷ മഹായോഗം ഡിസംബര്‍ 2 മുതൽ 5 വരെ പെനിയേൽ ഗ്രൗണ്ടിൽ നടക്കും. പാസ്റ്റർമാരായ ഡോ. കെ.സി.ജോൺ, ഷിബിൻ സാമുവൽ, ഷെമീർ കൊല്ലം, റെജി മാത്യു, ഫാ. ക്രിസ്പിൻ എന്നിവർ പ്രസംഗിക്കും. എല്ലാ ദിവസവും വൈകിട്ട് 6ന് റാന്നി ലിവിംഗ് മ്യൂസിക്ക് സംഗീത ശുശ്രൂഷ ആരംഭിക്കും. പാസ്റ്റർ രാജു ജോൺ, കോശി വർക്കി, പി ടി ബെന്നി എന്നിവർ ക്രമീകരണങ്ങൾക്ക് നേതൃത്വം നല്‍കുന്നു. വിവിധ ഭാഗങ്ങളിലേക്ക് വാഹന സൗകര്യം ഏർപ്പെടുത്തിയിട്ടുണ്ട്.

Read More

ഇന്ത്യയിലെ സാറ്റലൈറ്റ് ഇന്റർനെറ്റ് സേവന വിപണിയിൽ ആധിപത്യം ഉറപ്പിക്കാനുള്ള മത്സരത്തിനിടെ മുകേഷ് അംബാനിയുടെ റിലയൻസ് ഇൻഡസ്ട്രീസും എലോൺ മസ്‌കിന്റെ സ്റ്റാർലിങ്കും തമ്മിലുള്ള അഭിപ്രായഭിന്നത രൂക്ഷമാകുന്നു. രാജ്യത്തെ സാറ്റലൈറ്റ് ബ്രോഡ്ബാൻഡ് സേവനങ്ങളുടെ ഭാവി, വിപണിയിലെ മത്സരം, സർക്കാർ നിയന്ത്രണങ്ങൾ എന്നിവയെച്ചൊല്ലിയാണ് ഇരുകമ്പനികളും പരസ്യമായി നിലപാടുകൾ വ്യക്തമാക്കുന്നത്. റിലയൻസിന്റെ സമീപകാല പ്രസ്താവനയ്ക്ക് മറുപടിയുമായി സ്റ്റാർലിങ്ക് രംഗത്തെത്തിയതോടെ ഇന്ത്യയിലെ ടെലികോം മേഖലയിൽ പുതിയ ചർച്ചകൾക്ക് തുടക്കമായിരിക്കുകയാണ്. ഇന്ത്യയിൽ പ്രവർത്തനം ആരംഭിക്കുന്നതിനായി അഞ്ച് വർഷത്തിലേറെയായി വിപുലമായ തയ്യാറെടുപ്പുകൾ നടത്തിവരികയാണെന്നാണ് സ്റ്റാർലിങ്കിന്റെ അവകാശവാദം. അതേസമയം, ആരോഗ്യകരമായ മത്സരത്തെ സ്വാഗതം ചെയ്യുന്നുവെന്നും എന്നാൽ ആഭ്യന്തര, വിദേശ കമ്പനികൾക്ക് ഒരേ നിയമങ്ങളും നിയന്ത്രണങ്ങളും ബാധകമായിരിക്കണമെന്നും റിലയൻസ് വ്യക്തമാക്കി. സോഷ്യൽ മീഡിയ പ്ലാറ്റ്‌ഫോമായ എക്‌സിലൂടെയാണ് ഇന്ത്യയിലെ പ്രവർത്തനസജ്ജത സംബന്ധിച്ച വിശദീകരണവുമായി സ്റ്റാർലിങ്ക് രംഗത്തെത്തിയത്. കഴിഞ്ഞ അഞ്ച് വർഷത്തിലേറെയായി ഇന്ത്യൻ നിയന്ത്രണ ഏജൻസികൾ, ടെലികോം വ്യവസായ മേഖലയിലെ സ്ഥാപനങ്ങൾ, മറ്റ്…

Read More

കേരളത്തിൽ കണ്ടുകൊണ്ടിരിക്കുന്ന ഓരോ സംഭവങ്ങളും സാമൂഹ്യ-സാംസ്‌കാരിക ജീവതാരോഗ്യത്തെ തളർത്തുന്നതിന്റെ ഏറ്റവും വലിയ തെളിവാണ് കൊച്ചി നെടുമ്പാശേരിയിൽ ഒരു വാഹനം ഭീകരമായ വേഗതയിലെത്തി ഇടിച്ചു തെറിപ്പിച്ച് വിലപ്പെട്ട മൂന്ന് ജീവനുകളെടുത്തത്. ബൈബിളിൽ (സദൃ.22:6) ഒരു വാക്യമുണ്ട്. ‘ബാലൻ നടക്കേണ്ടുന്ന വഴിയിൽ അവനെ അഭ്യസിപ്പിക്ക അവൻ വൃദ്ധനായാലും അത് മറക്കില്ല’ ഒരു തോട്ടം എങ്ങനെ കളകൊണ്ട് നിറയുന്നവോ അതുപോലെ പല കുടുംബങ്ങളിലും കളകൾ പോലെ വഷളത്വമുള്ള കുട്ടികളും വളരുന്നു. ഈ കളകൾ സമൂഹത്തിന്റെ എല്ലാം മേഖലകളിലും ഇരുൾ മൂടി കിടന്നിട്ടും ആരും ശുദ്ധി ചെയ്യാൻ മുന്നോട്ട് വരുന്നില്ല. ജനങ്ങൾ ഭയപ്പെട്ട് അസ്വസ്ഥരായി കഴിയുന്നു. നിയമപാലകർ എവിടെയാണ്? ഒരു ഭാഗത്ത് കുറ്റവാളികൾക്ക് ശിക്ഷ കൊടുക്കുന്നതിനേക്കാൾ ആ കുറ്റങ്ങൾക്ക് സാക്ഷ്യം വഹിച്ച് അവരെ നിരപരാധികാളക്കുന്ന ഭരണകൂടങ്ങൾ, മറുഭാഗത്ത് കൈക്കൂലി കൊടുത്തും രാഷ്ട്രീയ നിറം നോക്കിയും ജോലിയിൽ പ്രവേശിച്ച് ഗതാഗത നിയമങ്ങൾ കാറ്റിൽ പറത്തി…

Read More

വാഷിംഗ്ടൺ: അമേരിക്കയിൽ നിയമപരമായി താമസിക്കുകയും ജോലി ചെയ്യുകയും ചെയ്യുന്ന ആയിരക്കണക്കിന് വിദേശ പൗരന്മാർക്ക് ആശങ്കയുയർത്തി തൊഴിൽ അനുമതി രേഖകളുടെ (Employment Authorization Document – EAD) കാലാവധി സ്വയമേവ 540 ദിവസം വരെ നീട്ടി നൽകിയിരുന്ന സംവിധാനം സർക്കാർ അവസാനിപ്പിച്ചു. തൊഴിൽ അനുമതി പുതുക്കുന്നതിനുള്ള അപേക്ഷകൾ തീർപ്പാക്കുന്നതിലെ കാലതാമസം മൂലം ജോലി നഷ്ടപ്പെടാതിരിക്കാൻ സഹായിച്ചിരുന്ന സുപ്രധാന സംരക്ഷണ സംവിധാനമാണ് ഇതോടെ ഇല്ലാതാകുന്നത്. പുതിയ നിയന്ത്രണം ഏറ്റവും കൂടുതൽ ബാധിക്കാൻ സാധ്യതയുള്ളവരിൽ ഇന്ത്യൻ ഐടി പ്രൊഫഷണലുകളുടെ കുടുംബങ്ങളും എച്ച്-1ബി വിസ ഉടമകളുടെ ജീവിതപങ്കാളികളും ഉൾപ്പെടുന്നു. പ്രത്യേകിച്ച് എച്ച്-4 വിസയിൽ അമേരിക്കയിൽ താമസിക്കുകയും ഇഎഡി മുഖേന ജോലി ചെയ്യുകയും ചെയ്യുന്നവർക്ക് ഈ തീരുമാനം വലിയ വെല്ലുവിളിയാകും. നിലവിലുള്ള തൊഴിൽ അനുമതിയുടെ കാലാവധി അവസാനിക്കുന്നതിന് മുമ്പ് പുതുക്കിയ അനുമതി ലഭിച്ചില്ലെങ്കിൽ, നിയമപരമായി അമേരിക്കയിൽ താമസിക്കുന്നവരാണെങ്കിലും താൽക്കാലികമായി ജോലി നിർത്തേണ്ട സാഹചര്യം ഉണ്ടാകാം.…

Read More

ടെക്സസ് :ടെസ്‌ലയുടെ പറക്കുന്ന റോഡ്‌സ്റ്റർ കാർ പുറത്തിറക്കി ഇലോൺ മസ്‌ക് .ടെക്‌സസിലെ സ്‌പേസ് എക്‌സ് കേന്ദ്രത്തിൽ നടന്ന ചടങ്ങിലാണ് ഇലോൺ മസ്‌ക് പുതിയ ടെസ്‌ല റോഡ്‌സ്റ്റർ അവതരിപ്പിച്ചത്. സ്‌പേസ് എക്‌സിന്റെ കോൾഡ് ഗ്യാസ് ട്രസ്റ്റർ സാങ്കേതികവിദ്യ ഉപയോഗിച്ച് ഈ കാറിന് പറക്കാനും, തിരിയാനും, തലകീഴായി ഓടാനും സാധിക്കും. സുരക്ഷ മുൻനിർത്തി ഡ്രൈവർ ഇല്ലാതെ റിമോട്ട് വഴിയാണ് ഇത് നിയന്ത്രിച്ചത്. മണിക്കൂറിൽ 230 മൈൽ വരെ വേഗതയും കുറഞ്ഞത് 300 മൈൽ റേഞ്ചും ഈ വാഹനത്തിനുണ്ട്. 2028-ൽ കാറിന്റെ നിർമ്മാണം ആരംഭിക്കുമെന്നാണ് പ്രതീക്ഷിക്കുന്നത്. ഇതിന്റെ ‘ത്രസ്റ്റ്’ പതിപ്പിന് 2,50,000 ഡോളറാണ് ഡെപ്പോസിറ്റ്.

Read More

ബെർലിൻ: ജർമനിയിൽ താമസിച്ചിരുന്ന ഫ്‌ളാറ്റിന് തീപിടിച്ച് മൂന്ന് മലയാളി വിദ്യാർഥികൾ മരിച്ച സംഭവത്തിൽ കൂടുതൽ വിവരങ്ങൾ പുറത്ത്. തീപ്പിടിത്തമുണ്ടായ കെട്ടിടത്തിന്റെ ഉടമ ഉത്തരേന്ത്യക്കാരനായ വ്യവസായിയാണെന്നാണ് ജർമൻ പൊലീസിന്റെ അന്വേഷണത്തിൽ കണ്ടെത്തിയത്. കെട്ടിടത്തിന്റെ അറ്റകുറ്റപ്പണികളുമായി ബന്ധപ്പെട്ട് ഉടമയും അവിടെ വർഷങ്ങളായി ഇന്ത്യൻ ഷോപ്പ് നടത്തിവരുന്ന റുമേനിയൻ പൗരനും തമ്മിൽ നിരന്തരം തർക്കങ്ങളുണ്ടായിരുന്നതായും വിവരമുണ്ട്. അതേസമയം, അപകടത്തിൽ മരിച്ച മൂന്ന് മലയാളി വിദ്യാർഥികളുടെ മൃതദേഹങ്ങൾ തിങ്കളാഴ്ചയോടെ കേരളത്തിലെത്തിക്കാനുള്ള നടപടികൾ പുരോഗമിക്കുകയാണ്. കൊല്ലം പെരിനാട് സ്വദേശി അഞ്ജലി എസ്. ജോയ് (27), എറണാകുളം കാലടി സ്വദേശി ശിവൻ ജോണി (26), ഇടുക്കി ഇരട്ടയാർ സ്വദേശി നോവ സാബു (25) എന്നിവരാണ് തീപ്പിടിത്തത്തിൽ മരിച്ചത്. ഉന്നതപഠനത്തിനായി ജർമനിയിലെത്തിയ മലയാളി വിദ്യാർഥികളുടെ അപ്രതീക്ഷിത മരണം കുടുംബാംഗങ്ങളെയും ബന്ധുക്കളെയും സുഹൃത്തുക്കളെയും ദുഃഖത്തിലാഴ്ത്തിയിരിക്കുകയാണ്. മരിച്ചവരുടെ മൃതദേഹങ്ങൾ നാട്ടിലെത്തിക്കുന്നതിനുള്ള നിയമപരവും ഭരണപരവുമായ നടപടിക്രമങ്ങൾ അവസാനഘട്ടത്തിലാണെന്ന് നോർക്ക അധികൃതർ അറിയിച്ചു.…

Read More

ഡാളസ് :ടെക്സസ്സിൽ  മാത്രമല്ല രാജ്യത്താകമാനം മനുഷ്യാവകാശ സംഘടനകളുടെയും പ്രത്യകിച്ചു കറുത്ത വർഗക്കാരുടെയും  വൻ  പ്രതിഷേധങ്ങൾക്കു ഇടയാക്കിയ  ഡാലസിലെ അപ്പാർട്ട്മെന്റിൽ അതിക്രമിച്ചു കയറി ബോഥം ജീൻ എന്ന യുവാവിനെ വെടിവെച്ചു കൊലപ്പെടുത്തിയ കേസിൽ പത്തുവർഷം തടവിന് ശിക്ഷിക്കപ്പെട്ട മുൻ ഡള്ളാസ് പൊലീസ് ഉദ്യോഗസ്ഥ ആംബർ ഗൈഗർ ജയിൽ മോചിതയായി. ഏഴുവർഷത്തെ തടവിന് ശേഷമാണ് വെള്ളിയാഴ്ച രാവിലെ അവർ മോചിതയായത്. 2018 സെപ്റ്റംബറിലാണ് ഡ്യൂട്ടിയിലല്ലാതിരുന്ന ഗൈഗർ, തന്റെ അപ്പാർട്ട്മെന്റാണെന്ന് തെറ്റിദ്ധരിച്ച് ബോഥം ജീന്റെ അപ്പാർട്ട്മെന്റിൽ പ്രവേശിച്ച് അദ്ദേഹത്തെ വെടിവെച്ചു കൊന്നത്. തടവുപുള്ളികളുടെ പെരുമാറ്റച്ചട്ടങ്ങൾ പാലിച്ചതിനെയും നല്ല നടപ്പ് വിലയിരുത്തിയതിനെയും തുടർന്നാണ് പരോൾ ബോർഡ് ഗൈഗർക്ക് പരോൾ അനുവദിച്ചത്.

Read More

വ്യാഴാഴ്ച ഒരു ഡെന്റിസ്റ്റ് ക്ലിനിക്കിലെ കാത്തിരിപ്പു മുറിയിലിരിക്കുമ്പോൾ വെറുതെ അവിടെയുള്ള ടേബിളിൽ കിടന്നിരുന്ന പുസ്തകങ്ങൾ മറിച്ചുനോക്കുകയായിരുന്നു ഞാൻ. പെട്ടെന്നാണ് വർഷങ്ങളായി മനസ്സിൽ തങ്ങിനിന്നിരുന്ന ആ മലയാളം പുസ്തകം എന്റെ കണ്ണിൽപെട്ടത്: “തമ്പിയുടെ ഹൃദയം”. ആ നിമിഷം എന്റെ മനസ്സ് പതിറ്റാണ്ടുകൾ പിന്നിലേക്ക് സഞ്ചരിച്ചു. നാലോ അഞ്ചോ വയസ്സുള്ളപ്പോൾ സൺഡേ സ്കൂളിൽ പഠിച്ച ആ പഴയ നാളുകൾ തിരികെയെത്തി. വിശ്വാസജീവിതത്തിന്റെ ആദ്യപാഠങ്ങൾ പകർന്നുനൽകിയ അക്കാലത്ത് ഞങ്ങളെ ഏറെ സ്വാധീനിച്ച ഒന്നായിരുന്നു ഈ കൃതി. ഇതിനിടയിൽ നേഴ്സ് വന്നു അകത്തേക്ക് കയറി വരാൻ ആവശ്യപ്പെട്ടു. ഫ്രണ്ട് ഡെസ്കിലെ സെക്രട്ടറിയുടെ അനുമതിയോടെ ഞാൻ ആ പുസ്തകം വാങ്ങി കയ്യിൽ സൂക്ഷിച്ചു. അടുത്ത ദിവസം വെള്ളിയാഴ്ച രാവിലെ പന്ത്രണ്ടു മണിക്കൂർ ജോലിക്കെത്തിയപ്പോൾ ലഭിച്ച വിശ്രമ സമയത്തു മനസ്സിരുത്തി ആ പുസ്തകം പൂർണ്ണമായി വായിച്ചുതീർത്തു. അമ്പതോ അറുപതോ വർഷങ്ങൾക്കുമുമ്പ് കണ്ട അതേ രൂപത്തിലും വലിപ്പത്തിലും…

Read More

കാരന്തൂർ: മർകസ് ഗേൾസ് ഹയർസെക്കൻഡറി സ്കൂളിൽ കതിർ കാർഷിക ക്ലബ്ബ് പ്രവർത്തനമാരംഭിച്ചു. ക്ലബ് പ്രവർത്തനത്തിന്റെ ഭാഗമായി നടന്ന പച്ചക്കറിത്തോട്ട നിർമാണ നിലം ഒരുക്കൽ കുന്ദമംഗലം ഗ്രാമപഞ്ചായത്ത് പ്രസിഡണ്ട് സി വി സംജിത് ഉദ്ഘാടനം ചെയ്തു. പ്രാഥമിക ഘട്ടത്തിൽ സംസ്ഥാനത്തെ 500 വിദ്യാലയങ്ങളിൽ നടപ്പിലാക്കുന്ന ഈ പദ്ധതിക്ക് കുന്ദമംഗലം ഗ്രാമപഞ്ചായത്തിൽ നിന്ന് മർകസ് ഗേൾസ് സ്കൂളാണ് തിരെഞ്ഞെടുക്കപ്പെട്ടത്. വിദ്യാർത്ഥികളിൽ കാർഷിക സംസ്കാരം വളർത്തുകയും ജൈവ മാലിന്യങ്ങളുപയോഗിച്ച് വളം നിർമാണം പരിശീലിപ്പിക്കുകയുമാണ് ക്ലബിലൂടെ ലക്ഷ്യമിടുന്നത്. ഉദ്ഘാടന ചടങ്ങിൽ വാർഡ് മെമ്പർ ബിജു പൂതക്കണ്ടി അധ്യക്ഷത വഹിച്ചു. പ്രിൻസിപ്പൽ മൂസക്കോയ മാവിളി, പ്രധാനധ്യാപകൻ നിയാസ് ചോല, പിടിഎ പ്രസിഡണ്ട് എം അബ്ദുറഹ്മാൻ, കൃഷി അസിസ്റ്റന്റ് ഡയറക്ടർ പി. ഷാജി, കൃഷി ഓഫീസർ ജെ ദീപ, അസിസ്റ്റന്റ് കൃഷി ഓഫീസർമാരായ എം. രൂപേഷ്, കൃഷി അസിസ്റ്റന്റ് കെ പി അനൂപ്, മാതൃകാ കർഷകൻ…

Read More