Category: INDIA

റൂർക്കി: ഡൽഹി ഡെറാഡൂൺ ദേശീയ പാതയിൽ റൂര്‍ക്കിയില്‍ വെള്ളിയാഴ്ച സൈനികരും ഉത്തരാഖണ്ഡ് പോലീസും തമ്മിൽ ഏറ്റുമുട്ടി. ഉത്തരാഖണ്ഡ് എസ്ഐയുടെ വാഹനത്തിന് പിന്നിൽ സൈനിക ട്രക്ക് ഇടിച്ചതിനെ തുടർന്നാണ് സംഘർഷമുണ്ടായത്. തന്റെ വാഹനം ഇടിച്ച ശേഷം കരസേനാ ജവാൻ തന്റെ തെറ്റ് സമ്മതിക്കാൻ കൂട്ടാക്കിയില്ലെന്നും പോലീസ് സ്റ്റേഷനിൽ വരാൻ ആവശ്യപ്പെട്ടപ്പോൾ തർക്കിക്കാൻ തുടങ്ങിയെന്നും ഉത്തരാഖണ്ഡ് എസ്ഐ ആരോപിച്ചു. സബ് ഇൻസ്‌പെക്ടർ അനിൽ സിംഗ് ബിഷ്ത് സഞ്ചരിച്ചിരുന്ന ഉത്തരാഖണ്ഡ് പോലീസ് വാഹനത്തിൽ ചരക്കുകളുമായി വന്ന ആർമി ട്രക്ക് ഇടിക്കുകയായിരുന്നുവെന്ന് പോലീസ് പറഞ്ഞു. തുടർന്ന് സൈനികരും പോലീസുകാരും തമ്മിൽ വാക്ക് തർക്കമുണ്ടായി. പോലീസിനോട് മാപ്പ് പറയുന്നതിന് പകരം തങ്ങൾ തെറ്റൊന്നും ചെയ്തിട്ടില്ലെന്ന മട്ടിൽ കരസേനാ ജവാന്മാർ മുന്നോട്ട് നീങ്ങിത്തുടങ്ങി. തുടർന്ന് ഉത്തരാഖണ്ഡ് പോലീസ് ഉദ്യോഗസ്ഥർ എങ്ങനെയോ ട്രക്ക് തടഞ്ഞു. പട്ടാളവും ഉത്തരാഖണ്ഡ് പോലീസും തമ്മിൽ പട്ടാപ്പകൽ നേരിട്ടുള്ള ഏറ്റുമുട്ടൽ കണ്ട് വഴിയാത്രക്കാർ…

മുംബൈ: കള്ളപ്പണം വെളുപ്പിക്കൽ കേസിൽ മൊഴി രേഖപ്പെടുത്താൻ ശിവസേന എംപി സഞ്ജയ് റാവത്ത് വെള്ളിയാഴ്ച എൻഫോഴ്‌സ്‌മെന്റ് ഡയറക്ടറേറ്റിന് (ഇഡി) മുമ്പാകെ ഹാജരായി. പത്ത് മണിക്കൂറിലേരെ സമയമാണ് അദ്ദേഹത്തെ ചോദ്യം ചെയ്തത്. എല്ലാ ചോദ്യങ്ങൾക്കും അദ്ദേഹം ഉത്തരം നൽകി. കേന്ദ്ര ഏജൻസി സമൻസ് അയച്ചാല്‍ വീണ്ടും ഹാജരാകുമെന്നും അദ്ദേഹം മാധ്യമ പ്രവർത്തകരോട് പറഞ്ഞു. തെക്കൻ മുംബൈയിലെ ബല്ലാർഡ് എസ്റ്റേറ്റിലെ ഇഡി ഓഫീസിൽ രാവിലെ 11.30 ഓടെ എത്തിയ റൗത്ത് രാത്രി 10 മണിയോടെയാണ് തിരിച്ചെത്തിയത്. ഞാൻ പൂർണ്ണമായും സഹകരിച്ചെന്നും, അവരുടെ ചോദ്യങ്ങൾക്കെല്ലാം ഉത്തരം നൽകിയെന്നും, അവര്‍ ഇനിയും വിളിച്ചാല്‍ വീണ്ടും ഹാജരാകുമെന്നും അദ്ദേഹം മാധ്യമങ്ങളോട് പറഞ്ഞു. സംഭവസ്ഥലത്ത് നിരവധി ശിവസേന പ്രവർത്തകർ ഉണ്ടായിരുന്നതിനാൽ നേരത്തെ കേന്ദ്ര ഏജൻസിയുടെ ഓഫീസിന് പുറത്ത് കനത്ത പോലീസ് സേനയെ വിന്യസിച്ചിരുന്നു. ഓഫീസിലേക്കുള്ള റോഡുകളിൽ ബാരിക്കേഡുകൾ സ്ഥാപിച്ചു. അദ്ദേഹത്തിന്റെ വരവിനുശേഷം, സേന എംപി, കഴുത്തിൽ…

ന്യൂഡൽഹി : പ്രവാചകൻ മുഹമ്മദ് നബിയെക്കുറിച്ചുള്ള വിവാദ പരാമർശങ്ങളുടെ പേരിൽ രാജ്യത്തുടനീളം രജിസ്റ്റർ ചെയ്ത എല്ലാ എഫ്‌ഐആറുകളും ഡൽഹിയിലേക്ക് മാറ്റണമെന്ന സസ്‌പെൻഡ് ചെയ്ത ബിജെപി നേതാവ് നൂപുർ ശർമ്മയുടെ അപേക്ഷ സുപ്രീം കോടതി തള്ളി. ജസ്റ്റിസുമാരായ സൂര്യകാന്ത്, ജെബി പർദിവാല എന്നിവരടങ്ങുന്ന ഒരു അവധിക്കാല ബെഞ്ചാണ് ഉത്തരവിട്ടത്. ഇന്ന് വാദം കേൾക്കുന്നതിനിടെ ശർമയ്ക്ക് വേണ്ടി ഹാജരായ മുതിർന്ന അഭിഭാഷകൻ മനീന്ദർ സിംഗിനോട് ഹർജി പരിഗണിക്കാൻ താൽപ്പര്യമില്ലെന്നും അത് പിൻവലിക്കാൻ ബെഞ്ച് നിർദ്ദേശിക്കുകയും ചെയ്തു. അവരും അവരുടെ അയഞ്ഞ നാവും രാജ്യമാകെ അഗ്നിക്കിരയാക്കിയെന്നും രാജ്യത്ത് സംഭവിക്കുന്ന കാര്യങ്ങൾക്ക് അവര്‍ (നൂപുര്‍ ശര്‍മ്മ) ഒറ്റയ്‌ക്ക് ഉത്തരവാദിയാണെന്നും “രാജ്യത്തോട് മുഴുവൻ മാപ്പ് പറയണം” എന്നും സുപ്രീം കോടതി പറഞ്ഞു. ഉദയ്പൂരിൽ ഒരു തയ്യൽക്കാരൻ കൊല്ലപ്പെട്ട നിർഭാഗ്യകരമായ സംഭവത്തിന് അവരുടെ എടുത്തു ചാട്ടമാണ് ഉത്തരവാദിയെന്നും കോടതി പരാമര്‍ശിച്ചു. അന്വേഷണത്തിനായി എല്ലാ എഫ്‌ഐആറുകളും ഡൽഹിയിലേക്ക്…

ഹൈദരാബാദ് : തെലങ്കാനയിലെ ഹനംകൊണ്ട പട്ടണത്തിൽ വെള്ളിയാഴ്ച ബിജെപി-കോൺഗ്രസ് പ്രവർത്തകർ തമ്മിലുണ്ടായ ഏറ്റുമുട്ടലിൽ നിരവധി പേർക്ക് പരിക്കേറ്റു. കരസേനാ റിക്രൂട്ട്‌മെന്റുകൾക്കായി അടുത്തിടെ പ്രഖ്യാപിച്ച കേന്ദ്ര സർക്കാർ പദ്ധതിയായ അഗ്നിപഥിനെതിരെ കോൺഗ്രസ് പ്രവർത്തകർ പ്രതിഷേധ പ്രകടനം നടത്തിയപ്പോഴായിരുന്നു സംഭവം. പ്രതിഷേധക്കാർ ബിജെപി ഓഫീസിന് സമീപം ധർണ നടത്തിയപ്പോഴാണ് ബിജെപി പ്രവർത്തകർ എതിർപ്പ് പ്രകടിപ്പിച്ചത്. ഇത് ഇരുവിഭാഗങ്ങൾ തമ്മിലുള്ള വാക്കുതർക്കത്തിന് കാരണമായി. ഉടൻ തന്നെ ഇത് ഏറ്റുമുട്ടലിലേക്ക് നീങ്ങുകയും ഇരുവിഭാഗവും പരസ്പരം ആക്രമിക്കുകയും ചെയ്തു. കോൺഗ്രസ് നേതാക്കളുടെ വാഹനങ്ങൾ ബിജെപി പ്രവർത്തകർ ആക്രമിച്ചു. സംഭവം പ്രദേശത്ത് സംഘർഷാവസ്ഥ സൃഷ്ടിച്ചു. സ്ഥിതിഗതികൾ നിയന്ത്രിക്കാൻ പോലീസ് ഇടപെട്ടു, സംഘട്ടന സംഘങ്ങളെ പിരിച്ചുവിടാൻ ലാത്തിച്ചാർജും നടത്തി.

ഗുവാഹത്തി : കൊവിഡ് പകർച്ചവ്യാധിയുടെ കാലത്ത് പിപിഇ കിറ്റുകൾ വാങ്ങിയതിൽ അഴിമതി നടത്തിയെന്ന ആരോപണത്തിൽ ഡൽഹി ഉപമുഖ്യമന്ത്രി മനീഷ് സിസോദിയയ്‌ക്കെതിരെ അസം മുഖ്യമന്ത്രി ഹിമന്ത ബിശ്വ ശർമ്മ ക്രിമിനൽ മാനനഷ്ടക്കേസ് ഫയല്‍ ചെയ്തു. സിസോദിയക്ക് കോടതി നോട്ടീസ് അയച്ചിട്ടുണ്ടെന്ന് അഡ്വക്കേറ്റ് ജനറൽ ദേബോജിത് സൈകിയ വെള്ളിയാഴ്ച ഇവിടെ വാർത്താ സമ്മേളനത്തിൽ പറഞ്ഞു. ഇന്ത്യൻ ശിക്ഷാ നിയമത്തിലെ 499, 500, 501 വകുപ്പുകൾ പ്രകാരം കാംരൂപ് മെട്രോയിലെ ചീഫ് ജുഡീഷ്യൽ മജിസ്‌ട്രേറ്റ് കോടതിയിലാണ് കേസ് രജിസ്റ്റർ ചെയ്തിരിക്കുന്നതെന്നും അദ്ദേഹം പറഞ്ഞു. 2022 ജൂലൈ 22-നകം കേസുമായി ബന്ധപ്പെട്ട് പ്രാഥമിക മൊഴി നൽകാനും ചീഫ് ജുഡീഷ്യൽ മജിസ്‌ട്രേറ്റ് കോടതി ശർമ്മയോട് ആവശ്യപ്പെട്ടിട്ടുണ്ട്. ശർമ്മ തന്റെ ഭാര്യയുമായി ബന്ധമുള്ള ഒരു കമ്പനിക്ക് പിപിഇ കിറ്റുകളുടെ കരാർ നൽകിയെന്നും അതിന് അമിതമായി പണം നൽകിയെന്നും സിസോദിയ ആരോപിച്ചിരുന്നു. അസം മുഖ്യമന്ത്രിയുടെ ഭാര്യ റിനികി…

ന്യൂഡൽഹി: വിവാദ പരാമർശത്തിന്റെ പേരിൽ തനിക്കെതിരെ രജിസ്റ്റർ ചെയ്ത എഫ്‌ഐആറുകളെല്ലാം അന്വേഷണത്തിനായി ഡൽഹിയിലേക്ക് മാറ്റണമെന്ന് ആവശ്യപ്പെട്ട് സസ്‌പെൻഡ് ചെയ്യപ്പെട്ട ബിജെപി നേതാവ് നൂപുർ ശർമ വെള്ളിയാഴ്ച സുപ്രീം കോടതിയെ സമീപിച്ചു. തനിക്ക് നിരന്തരം ജീവന് ഭീഷണിയുണ്ടെന്നും ശർമ്മ കൂട്ടിച്ചേർത്തു. മുൻ ബി.ജെ.പി ദേശീയ വക്താവ് ഒരു ടെലിവിഷൻ അഭിമുഖത്തിൽ പ്രവാചകൻ മുഹമ്മദ് നബിയെ കുറിച്ച് നടത്തിയ വിവാദ പ്രസ്താവന രാജ്യത്തുടനീളം വലിയ പ്രതിഷേധത്തിന് കാരണമാവുകയും പ്രതിഷേധം അക്രമാസക്തമാകുകയും ചെയ്തു. സൗദി അറേബ്യയും ഖത്തറും പോലുള്ള ചില അറബ് രാജ്യങ്ങൾ ഇതിനെതിരെ പ്രകോപിതരായതിന് ശേഷമാണ് നൂപുർ ശർമ്മയുടെ വീക്ഷണങ്ങളെ ബിജെപിയുടെ ഉന്നത നേതൃത്വം തള്ളിക്കളയാൻ തീരുമാനിച്ചത്.

മുംബൈ: 2008-ലെ മാലേഗാവ് സ്‌ഫോടനക്കേസിലെ പ്രതി സുധാകർ ദ്വിവേദിയുടെ ജാമ്യ വ്യവസ്ഥകൾ ലംഘിച്ചതിന് അനുവദിച്ച ജാമ്യം റദ്ദാക്കണമെന്ന അപേക്ഷ ദേശീയ അന്വേഷണ ഏജൻസി (എൻഐഎ) പ്രത്യേക കോടതി വ്യാഴാഴ്ച തള്ളി. 2017ൽ ദ്വിവേദി ജാമ്യം നേടിയിരുന്നു, കോടതിയുടെ അനുമതിയില്ലാതെ രാജ്യം വിടാൻ കഴിയില്ലെന്നതായിരുന്നു ജാമ്യ വ്യവസ്ഥകളിലൊന്ന്. കോടതിയുടെ അനുമതിയില്ലാതെ നേപ്പാളിലേക്ക് യാത്ര ചെയ്ത് ജാമ്യ വ്യവസ്ഥകൾ ലംഘിച്ചുവെന്ന് ആരോപിച്ച് ഇരകളിൽ ഒരാളുടെ പിതാവും കേസിൽ ഇടപെട്ടയാളുമായ നിസാർ അഹമ്മദ് ബിലാലാണ് ദ്വിവേദിക്ക് അനുവദിച്ച ജാമ്യം റദ്ദാക്കണമെന്ന് ആവശ്യപ്പെട്ടത്. അഭിഭാഷകനായ ഷാഹിദ് നദീം മുഖേന സമർപ്പിച്ച ഹർജിയിൽ, ദ്വിവേദിയുടെ നേപ്പാൾ സന്ദർശനത്തെക്കുറിച്ചുള്ള വിവരങ്ങൾ അറിഞ്ഞപ്പോൾ, താൻ സ്വന്തമായി അന്വേഷണം നടത്തി അതിനുള്ള തെളിവുകൾ കണ്ടെത്തിയെന്ന് ബിലാൽ അവകാശപ്പെട്ടു. പ്രസ്തുത പരിപാടിയുടെ ഫോട്ടോഗ്രാഫുകൾ (നേപ്പാൾ സന്ദർശനം) സ്പെഷ്യൽ പബ്ലിക് പ്രോസിക്യൂട്ടര്‍ക്ക് നല്‍കി ജാമ്യം റദ്ദാക്കാൻ അപേക്ഷ നൽകണമെന്ന് അഭ്യർത്ഥിച്ചിരുന്നു. എന്നാൽ,…