Category: INDIA

ന്യൂഡൽഹി: എട്ട് ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജി (ഐഐടി)കളിലേക്ക് ഡയറക്ടർമാരെ നിയമിക്കുന്നതിന് രാഷ്ട്രപതി ദ്രൗപതി മുർമു അനുമതി നൽകിയതായി വിദ്യാഭ്യാസ മന്ത്രാലയം അറിയിച്ചു. പാലക്കാട്, തിരുപ്പതി, ധാർവാഡ്, ഭിലായ്, ഗാന്ധിനഗർ, ഭുവനേശ്വർ, ഗോവ, ജമ്മു എന്നിവയുൾപ്പെടെ 8 ഐഐടികളിലേക്കുള്ള ഡയറക്ടർമാരുടെ നിയമനത്തിനാണ് പ്രസിഡന്റ് മുർമു തിങ്കളാഴ്ച അംഗീകാരം നൽകിയത്. നിലവിൽ ഐഐടി മദ്രാസിലെ മെക്കാനിക്കൽ എഞ്ചിനീയറിംഗ് വിഭാഗത്തിൽ ജോലി ചെയ്യുന്ന പ്രൊഫസർ എ ശേഷാദ്രി ശേഖറിനെ പാലക്കാട് ഐഐടി ഡയറക്ടറായും, ഐഐടി മദ്രാസിലെ പ്രൊഫസർ കെ എൻ സത്യനാരായണയെ ഐഐടി തിരുപ്പതിയിലും നിയമിച്ചു. ഐഐടി (ബിഎച്ച്‌യു) പ്രൊഫസർ രാജീവ് പ്രകാശിനെ ഐഐടി ഭില്ലായിയിലെ ഡയറക്ടറായും, പ്രൊഫസർ രജത് മൂന ഐഐടി ഗാന്ധിനഗറിലും നിയമിതനായി. പ്രൊഫസർ പശുമർത്തി ശേഷു (ഐഐടി ഗോവ), പ്രൊഫസർ വെങ്കപ്പയ്യ ആർ ദേശായി (ഐഐടി ധാർവാഡ്), പ്രൊഫസർ ശ്രീപദ് കർമാൽക്കർ (ഐഐടി ഭുവനേശ്വർ), പ്രൊഫസർ…

ചണ്ഡീഗഢ്: കഴിഞ്ഞ നാല് ദിവസത്തിനുള്ളിൽ സംസ്ഥാനത്താകെ കൊയ്ത്തു കഴിഞ്ഞ് കച്ചിക്കുറ്റി കത്തിച്ച 22 കേസുകള്‍ റിപ്പോര്‍ട്ട് ചെയ്തു. ഇത് പഞ്ചാബ് റിമോട്ട് സെൻസിംഗ് സെന്റർ (പിആർഎസ്‌സി) പുറത്തുവിട്ട ഔദ്യോഗിക കണക്കുകളാണെങ്കിലും യഥാർത്ഥ സംഖ്യ റിപ്പോർട്ട് ചെയ്തതിനേക്കാൾ വളരെ കൂടുതലാണെന്ന് വൃത്തങ്ങൾ പറയുന്നു. വടക്കുപടിഞ്ഞാറ് നിന്ന് തെക്കോട്ട് വീശുന്ന പടിഞ്ഞാറൻ കാറ്റ് മൂലം ശൈത്യകാലത്ത് ഡൽഹിയിലും പരിസര പ്രദേശങ്ങളിലും ഇത് മലിനീകരണത്തിന് പ്രധാന പങ്കുവഹിക്കുന്നതായി കണക്കാക്കപ്പെടുന്നു. അമൃത്സറിലെ മൂന്ന് കർഷകർക്ക് പിഴ ചുമത്തിയിട്ടുണ്ടെന്നും മറ്റൊരു കർഷകന്റെ ഭൂമി രേഖയിൽ “റെഡ് എൻട്രി” രേഖപ്പെടുത്തിയിട്ടുണ്ടെന്നും വൃത്തങ്ങൾ പറഞ്ഞു. പതിനായിരക്കണക്കിന് കർഷകർ വിരിപ്പു കൃഷി വിളവെടുപ്പിന് ശേഷം ഉണ്ടാകുന്ന അവശിഷ്ടങ്ങൾ കത്തിക്കുന്നു. കാരണം, റാബി വിള വിതയ്ക്കുന്നതിന് സ്ഥലമില്ലായ്മ. റാബി വിത്ത് ഒക്ടോബർ അവസാനത്തിലും നവംബറിലും തുടങ്ങി ഏപ്രിലിൽ വിളവെടുക്കും. കൃഷിയിടങ്ങളിലെ തീപിടിത്തങ്ങൾ തടയാൻ പഞ്ചാബ് സർക്കാർ പതിനായിരത്തോളം ഉദ്യോഗസ്ഥരെ നിയോഗിച്ചിട്ടുണ്ട്.…

ജോധ്പൂർ: തെരുവ് നായയെ കാറിൽ കെട്ടി റോഡിലൂടെ വലിച്ചിഴച്ചതിന് രാജസ്ഥാൻ സർക്കാർ ആശുപത്രിയിലെ പ്രശസ്ത പ്ലാസ്റ്റിക് സർജനെതിരെ കേസെടുത്തതായി പോലീസ് അറിയിച്ചു. വൈറലായ ഒരു വീഡിയോയിൽ, നായ വാഹനത്തിന്റെ വേഗതയുമായി പൊരുത്തപ്പെടാൻ പാടുപെടുന്നത് കാണാമായിരുന്നു. നായയുടെ ഒരു കാലിന് പൊട്ടലും മറ്റേ കാലിന് പരിക്കേല്‍ക്കുകയും ചെയ്തു. കഴുത്തിൽ ചതവുകളും ഉണ്ടായിരുന്നുവെന്ന് ഡോഗ് ഹോം ഫൗണ്ടേഷനിലെ കെയർടേക്കർ പറഞ്ഞു. ഇന്ത്യൻ ശിക്ഷാനിയമത്തിലെ സെക്ഷൻ 428 (മൃഗത്തെ കൊല്ലുകയോ അംഗഭംഗം വരുത്തുകയോ ചെയ്യുക), മൃഗങ്ങളോടുള്ള ക്രൂരത തടയൽ നിയമത്തിലെ സെക്ഷൻ 11 (മൃഗങ്ങളോട് ക്രൂരമായി പെരുമാറുക) എന്നിവ പ്രകാരം ഡോക്ടർ രജനീഷ് ഗാൽവയ്‌ക്കെതിരെ കേസെടുത്തിട്ടുണ്ടെന്ന് ശാസ്ത്രി നഗർ എസ്എച്ച്ഒ ജോഗേന്ദ്ര സിംഗ് പറഞ്ഞു. 24 മണിക്കൂറിനുള്ളിൽ മറുപടി നൽകണമെന്ന് ആവശ്യപ്പെട്ട് ഗാൽവയ്ക്ക് കാരണം കാണിക്കൽ നോട്ടീസ് നൽകിയിട്ടുണ്ടെന്ന് എസ്എൻ മെഡിക്കൽ കോളേജ് പ്രിൻസിപ്പലും കൺട്രോളറുമായ ഡോ. ദിലിപ് കചവാഹ പറഞ്ഞു.…

ചണ്ഡീഗഢ്: ചണ്ഡീഗഢ് സർവകലാശാലയിലെ വനിതാ ഹോസ്റ്റലിൽ പെൺകുട്ടിയുടെ കുളിമുറി ദൃശ്യം പ്രചരിപ്പിച്ച സംഭവത്തിൽ മൂന്ന് പേരെ പൊലീസ് അറസ്റ്റ് ചെയ്തു. വിദ്യാർഥിനിയെയും സുഹൃത്തിനെയും മറ്റൊരു യുവാവിനെയും പൊലീസ് അറസ്റ്റ് ചെയ്തു. ഹിമാചൽ പ്രദേശിൽ നിന്നാണ് സുഹൃത്തും യുവാവും അറസ്റ്റിലായത്. അറസ്റ്റിലായ പെൺകുട്ടി സ്വന്തം അശ്ലീല വീഡിയോകൾ പകർത്തി കാമുകന് അയച്ചുകൊടുത്തതായും വിദ്യാർഥിയുടെ മൊബൈൽ ഫോണിൽ നിന്ന് മറ്റാരുടെയും അശ്ലീല വീഡിയോകൾ കണ്ടെത്തിയിട്ടില്ലെന്നും പഞ്ചാബ് എഡിജിപി ഗുർപ്രീത് ദിയോ മാധ്യമങ്ങളോട് പറഞ്ഞു. അതേസമയം, ഹോസ്റ്റലിലെ നിരവധി പെൺകുട്ടികളുടെ ദൃശ്യങ്ങള്‍ ചിത്രീകരിക്കുന്നുവെന്നാരോപിച്ച് ചണ്ഡീഗഢ് സർവകലാശാലയിലെ വിദ്യാർഥികൾ കാമ്പസിൽ വൻ പ്രതിഷേധം നടത്തി. സംഭവത്തിൽ കൂടുതൽ പേർ അറസ്റ്റിലായതോടെ വിദ്യാർഥികൾ സമരം അവസാനിപ്പിച്ചു. അറസ്‌റ്റിലായ വിദ്യാര്‍ഥിനി നിരവധി പെണ്‍കുട്ടികളുടെ അശ്ലീല ദൃശ്യങ്ങള്‍ പകര്‍ത്തിയതെന്നാണ് ആരോപണം. വിദ്യാര്‍ഥികളുടെ പ്രതിഷേധത്തെ തുടര്‍ന്ന് പഞ്ചാബ് മുഖ്യമന്ത്രി ഭഗവന്ത് മാന്‍ സംഭവത്തില്‍ ഉന്നതതല അന്വേഷണം പ്രഖ്യാപിക്കുകയായിരുന്നു. ഞായാറാഴ്‌ച…

സ്വാതന്ത്ര്യം ലഭിച്ച് 75 വർഷം പിന്നിട്ടിട്ടും ജാതി വിവേചനം രാജ്യത്ത് നിലനിൽക്കുന്നുവെന്നത് വിരോധാഭാസമാണ്. തൊട്ടുകൂടായ്മയുടെ ചില സംഭവങ്ങൾ അടുത്ത കാലത്ത് രാജ്യത്തുടനീളം വെളിച്ചത്തുവന്നിരുന്നു. അക്കൂട്ടത്തിൽ, രാജസ്ഥാനിൽ വെള്ളപ്പാത്രത്തിൽ തൊട്ടതിന്റെ പേരിൽ ഒരു ദളിത് ബാലനെ തല്ലിക്കൊന്ന സംഭവം ഇന്നും ജനങ്ങളുടെ ഓർമയിൽ മായാതെ നിൽക്കുന്നു. ദലിത് കുട്ടികൾക്ക് മിഠായി വിൽക്കാൻ കടയുടമ വിസമ്മതിച്ച രാജസ്ഥാന്റെ മാതൃകയിലുള്ള മറ്റൊരു സംഭവം തമിഴ്‌നാട്ടിൽ നടന്നു. വീഡിയോ സോഷ്യൽ മീഡിയയിൽ വൈറലായതോടെ ഈ എപ്പിസോഡ് ജനരോഷം സൃഷ്ടിച്ചു. തെങ്കാശി (തമിഴ്‌നാട്) : തമിഴ്‌നാട്ടിലെ പഞ്ചക്കുളം ഗ്രാമത്തിലെ പട്ടികജാതി സ്‌കൂൾ കുട്ടികൾക്ക് ഭക്ഷണസാധനങ്ങൾ വിൽക്കാൻ പെട്ടിക്കട ഉടമ വിസമ്മതിച്ച സംഭവം ഞെട്ടിച്ചു. കടയുടമ മിഠായി വിൽക്കാത്തതിന്റെ വീഡിയോ സോഷ്യൽ മീഡിയയിൽ വൈറലായതോടെയാണ് സംഭവം പുറത്തറിയുന്നത്. ഇതേത്തുടർന്ന് പെട്ടിക്കട ഉടമ മഹേശ്വരൻ (40), കൂട്ടാളി മൂർത്തി (22) എന്നിവരെ പൊലീസ് അറസ്റ്റ് ചെയ്തു. അതിനിടെ,…

പട്‌ന (ബീഹാര്‍): പട്‌നയിൽ ശനിയാഴ്ച കുടുംബ സ്വത്തിനെച്ചൊല്ലി മകനും മരുമകളും ചേർന്ന് മാതാപിതാക്കളെ മർദിച്ചു. സംഭവത്തിൽ സാരമായി പരിക്കേറ്റ അമ്മയെ സ്വകാര്യ ആശുപത്രിയിൽ പ്രവേശിപ്പിച്ചു. നൗബത്പൂർ പോലീസ് സ്റ്റേഷൻ പരിധിയിലെ ധരംപൂരിലാണ് സംഭവം നടന്നത്. ധരംപൂർ സ്വദേശികളായ കമലേഷ് കുമാറിനെയും ഭാര്യ സംഗീത ദേവിയെയും മകൻ രാഹുലും ഭാര്യ ജൂലിയും ചേർന്ന് മർദിച്ചെന്നാണ് പരാതി. കമലേഷ് കുമാറിന് രണ്ട് ആൺകുട്ടികളുണ്ട്, മൂത്ത മകൻ രാഹുൽ വിവാഹിതനാണ്, ഇളയ മകന്‍ വിവാഹിതനായിട്ടില്ല. രാഹുലിന് ജോലിയൊന്നും ഇല്ല. തന്റെ പേരില്‍ വീട് എഴുതിത്തരണമെന്ന് മാതാപിതാക്കളോട് വാശിപിടിച്ച് വഴക്കുണ്ടാക്കി. കുടുംബത്തിന്റെ സ്വത്ത് രണ്ട് ആൺമക്കൾക്കും അവകാശപ്പെട്ടതാണെന്ന് കമലേഷ് കുമാർ പറഞ്ഞു. രാഹുലിന് മാത്രം വീട് നൽകാനാവില്ല. ഇതേച്ചൊല്ലി അച്ഛനും മകനും തമ്മിൽ നേരത്തെ തന്നെ വഴക്കുണ്ടായിട്ടുണ്ടെന്ന് കുടുംബം പറഞ്ഞു. ശനിയാഴ്ച വീണ്ടും വഴക്കുണ്ടാക്കുകയും മകന്‍ പിതാവ് കമലേഷ് കുമാറിനെ മർദിക്കുകയായിരുന്നു. അമ്മ…

ന്യൂഡല്‍ഹി: ലോകമെമ്പാടുമുള്ള മുസ്ലീം ന്യൂനപക്ഷ സമുദായങ്ങളിൽ വിനാശകരമായ സ്വാധീനം ചെലുത്തുന്ന മുസ്ലീം വിരുദ്ധ പ്രചരണത്തിന്റെ വ്യാപനത്തിന്റെ പ്രധാന കേന്ദ്രമായി ട്വിറ്റർ വളർന്നുവെന്ന് പഠനം. തുർക്കിയിലെ ഇസ്താംബുൾ ആസ്ഥാനമായ ടർക്കിഷ് റേഡിയോ ആൻഡ് ടെലിവിഷൻ കോർപ്പറേഷൻ (ടിആർടി) ആണ് ഇക്കാര്യം വെളിപ്പെടുത്തിയത്. ഓസ്‌ട്രേലിയൻ സംസ്ഥാനമായ വിക്ടോറിയയിലെ പരമോന്നത മുസ്ലീം സംഘടനയായ ഇസ്ലാമിക് കൗൺസിൽ ഓഫ് വിക്ടോറിയ (ഐസിവി) നടത്തിയ ഒരു പഠനത്തെ ഉദ്ധരിച്ചാണ് ടിആർടി വേൾഡ് റിപ്പോര്‍ട്ട് പുറത്തിറക്കിയത്. ട്വിറ്ററിലെ മുസ്ലീം വിരുദ്ധ ഉള്ളടക്കത്തിന്റെ 86% സംഭാവന ചെയ്തത് അമേരിക്ക, യുകെ, ഇന്ത്യ എന്നീ രാജ്യങ്ങളാണെന്ന് ICV പഠനം കണ്ടെത്തി. 2019 ഓഗസ്റ്റ് 28 നും 2021 ഓഗസ്റ്റ് 27 നും ഇടയിൽ ട്വിറ്ററിൽ നടത്തിയ മൂന്ന് വർഷത്തെ കാലയളവിൽ കുറഞ്ഞത് 3,759,180 ഇസ്ലാമോഫോബിക് പോസ്റ്റുകളെങ്കിലും ഉണ്ടായതായി ഐസി‌വിയുടെ അന്വേഷണത്തിൽ കണ്ടെത്തിയതായി പറയുന്നു. ICV-യിൽ നിന്നുള്ള ഗവേഷകർ ട്വിറ്ററിൽ…

ലണ്ടൻ: എലിസബത്ത് രാജ്ഞിയുടെ സംസ്‌കാര ചടങ്ങുകൾക്ക് മുന്നോടിയായി ഞായറാഴ്ച ബക്കിംഗ്ഹാം കൊട്ടാരത്തിൽ നടന്ന സ്വീകരണ ചടങ്ങിൽ പ്രസിഡന്റ് ദ്രൗപതി മുർമു ചാൾസ് മൂന്നാമൻ രാജാവിനെ കണ്ടു. ലണ്ടനിലെ ബക്കിംഗ്ഹാം കൊട്ടാരത്തിന് സമീപമുള്ള ലങ്കാസ്റ്റർ ഹൗസിൽ വെച്ച് എലിസബത്ത് രാജ്ഞിയുടെ അനുശോചന പുസ്തകത്തിൽ പ്രസിഡന്റ് മുർമു ഒപ്പുവച്ചതായി രാഷ്ട്രപതി ഭവന്‍ ട്വീറ്റ് ചെയ്തു. കൂടാതെ, ലണ്ടനിലെ വെസ്റ്റ്മിൻസ്റ്റർ ഹാളിൽ എലിസബത്ത് രാജ്ഞിക്ക് രാഷ്ട്രപതി ആദരാഞ്ജലികൾ അർപ്പിച്ചു. “പ്രസിഡന്റ് ദ്രൗപതി മുർമു ലണ്ടനിലെ വെസ്റ്റ്മിൻസ്റ്റർ ഹാൾ സന്ദർശിച്ചു, അവിടെ ഹെർ മജസ്റ്റി എലിസബത്ത് രാജ്ഞിയുടെ മൃതദേഹം കിടത്തിയിരിക്കുന്നു. പരേതയുടെ ആത്മാവിന് രാഷ്ട്രപതി സ്വന്തം പേരിലും ഇന്ത്യയിലെ ജനങ്ങൾക്ക് വേണ്ടിയും ആദരാഞ്ജലികൾ അർപ്പിച്ചു,” രാഷ്ട്രപതി ഭവൻ ട്വീറ്റില്‍ കുറിച്ചു. തിങ്കളാഴ്‌ച നടക്കുന്ന സംസ്‌കാരച്ചടങ്ങിൽ പങ്കെടുക്കാനും ഇന്ത്യാ ഗവൺമെന്റിനു വേണ്ടി അനുശോചനം രേഖപ്പെടുത്താനും സെപ്‌റ്റംബർ 17 മുതൽ 19 വരെ യുകെയിലേക്കുള്ള ഔദ്യോഗിക…