Category: MIDDLE EAST/GULF

ദോഹ: പ്രവാസി മലയാളികളുടെ സുരക്ഷയും ക്ഷേമവും ലക്ഷ്യമാക്കി ആരംഭിച്ച നോർക്ക കെയർ ഇൻഷുറൻസ് പദ്ധതിയുടെ പ്രീമിയം തുക അനിയന്ത്രിതമായി വർധിപ്പിച്ച നടപടിയിൽ പ്രതിഷേധിച്ചുകൊണ്ട് ഖത്തര്‍ മലയാളികളുടെ മെഗാ ഇ-മെയില്‍ കാമ്പയിനിനു കേരളപ്പിറവി ദിനത്തില്‍ തുടക്കം കുറിച്ചു. പ്രവാസികളുടെ കൂട്ടായ ഇടപെടലിലൂടെ ഈ പ്രവാസി വിരുദ്ധ തീരുമാനം പുനഃപരിശോധിക്കാൻ സര്‍ക്കാരില്‍ സമ്മര്‍ദ്ധം ചെലുത്താനും പ്രവാസികളുടെ അവകാശ സംരക്ഷണത്തിനായി  ഓരോരുത്തരുടെയും പങ്കാളിത്തം ഉറപ്പു വരുത്തുകയുമാണ്‌ ലക്ഷ്യം. ഏതൊരാള്‍ക്കും എളുപ്പത്തില്‍ ഭാഗവാക്കാന്‍ കഴിയുന്ന രീതിയില്‍ പ്രത്യേകം തയ്യാറാക്കിയ ക്യു.ആര്‍ കോഡ് സ്കാന്‍ ചെയ്തോ ലിങ്ക് ഉപയോഗിച്ചോ ഒറ്റ ക്ലിക്കില്‍ നോർക്ക കെയർ ഇൻഷുറൻസ് പദ്ധതിയുടെ പ്രീമിയം തുക കുത്തനെ വർധിപ്പിച്ച നടപടിക്കെതിരെയുള്ള കാര്യങ്ങള്‍ ഉള്‍ക്കൊള്ളിച്ച ഇ-മെയില്‍ അയക്കാന്‍ കഴിയും വിധമാണ്‌ സജ്ജീകരിച്ചിരിക്കുന്നത്. പ്രവാസികാര്യ വകുപ്പിന്റെ കീഴിൽ നടപ്പിലാക്കുന്ന നോർക്ക കെയർ ആരോഗ്യ ഇൻഷുറൻസ് പദ്ധതി പ്രവാസി മലയാളികളുടെയും അവരുടെ കുടുംബങ്ങളുടെയും ആരോഗ്യ-സാമ്പത്തിക…

Read More

ദോഹ: ഖത്തറില്‍ കാര്‍ഷിക രംഗത്ത് മികവ് കാട്ടുന്ന മലയാളി കർഷകരെ തെരഞ്ഞെടുത്ത് എല്ലാവര്‍ഷവും ചിങ്ങ മാസത്തില്‍ പത്മശ്രീ ചെറുവയൽ രാമന്റെ നാമധേയത്തില്‍ പുരസ്കാരം നല്‍കി ആദരിക്കാന്‍ പ്രവാസി വെൽഫെയർ വയനാട് ജില്ലാ കമ്മിറ്റി തീരുമാനിച്ചു. വയനാട് ജില്ലാ കമ്മിറ്റിയുടെ ആഭിമുഖ്യത്തിൽ നടന്ന പത്മശ്രീ ചെറുവയൽ രാമൻ അനുസ്മരണ സദസ്സിൽ ആണ് ഭാരവാഹികൾ ഈ കാര്യം അറിയിച്ചത്. അനുസ്മരണ പരിപാടിയിൽ പ്രവാസി വെൽഫെയർ സംസ്ഥാന പ്രസിഡണ്ട് ആർ ചന്ദ്രമോഹൻ അനുസ്മരണ പ്രഭാഷണം നടത്തി. കർഷകരെ ചൂഷണം ചെയ്യുകയും കർഷകരുടെ ആവശ്യങ്ങളെ തിരസ്കരിക്കുകയും ചെയ്യുന്ന സമകാലിക സാഹചര്യത്തിൽ, രാമനെപ്പോലുള്ള കർഷകരുടെ അനുസ്മരണം ഏറെ സാമൂഹിക പ്രസക്തിയുള്ളതാണെന്ന് അദ്ദേഹം ചൂണ്ടിക്കാട്ടി. കേരള സർക്കാർ അദ്ദേഹത്തിന്റെ പേരിൽ അവാർഡ് പ്രഖ്യാപിക്കണമെന്നും പരമാവധി ജൈവകർഷകരെ പ്രോത്സാഹിപ്പിക്കാനുള്ള നടപടികൾ സ്വീകരിക്കണമെന്നും അദ്ദേഹം ആവശ്യപ്പെട്ടു. ചെറുവയൽ രാമൻ വിസ്മൃതിയിലേക്ക് ആണ്ടു പോകാതെ അദ്ദേഹത്തിന്റെ ഓർമ്മകൾ എന്നും നിലനിർത്തിക്കൊണ്ട്…

Read More

ദോഹ: പ്രവാസി മലയാളികളുടെ പ്രധാന ആശ്രയകേന്ദ്രമായ നോർക്ക കെയർ (NORKA Care) ഇൻഷുറൻസ് പദ്ധതിയുടെ പ്രീമിയം തുക അശാസ്ത്രീയമായും വൻതോതിലും വർധിപ്പിച്ച നടപടിയിൽ പ്രവാസി വെൽഫെയർ ഖത്തർ ശക്തമായ പ്രതിഷേധം രേഖപ്പെടുത്തി. ജീവിതത്തിന്റെ രണ്ടറ്റവും കൂട്ടിമുട്ടിക്കാൻ മറുനാടുകളിൽ കഷ്ടപ്പെടുന്ന സാധാരണക്കാരായ പ്രവാസികളുടെ മേൽ അടിച്ചേൽപ്പിച്ച ഈ അന്യായ തുക വർദ്ധനവ് സാധാരണക്കാരെ ചികിത്സാ സൗകര്യങ്ങളിൽ നിന്നും പാടെ അകറ്റി നിർത്താൻ മാത്രമേ ഉപകരിക്കുകയുള്ളൂവെന്ന് പ്രവാസി വെൽഫെയർ സംസ്ഥാന കമ്മറ്റി ചൂണ്ടിക്കാട്ടി. നാടിന്റെ സമ്പദ്‌വ്യവസ്ഥയെ താങ്ങിനിർത്തുന്ന പ്രവാസികളുടെ ആരോഗ്യ സുരക്ഷ ഉറപ്പാക്കേണ്ട സർക്കാരും നോർക്കയും തന്നെ ഇത്തരത്തിൽ കൊള്ളനിരക്കുകൾ ഈടാക്കുന്നത് അംഗീകരിക്കാനാവില്ല. രോഗാവസ്ഥയിലും അടിയന്തര ഘട്ടങ്ങളിലും പ്രവാസികൾക്ക് താങ്ങാവേണ്ട സർക്കാർ ഇൻഷുറൻസ് പദ്ധതികൾ സാധാരണക്കാരുടെ സാമ്പത്തിക ശേഷിക്ക് അതീതമായി മാറ്റുന്നത് ക്രൂരതയാണ്. നോർക്ക കെയർ എന്ന ജനകീയ ഇൻഷുറൻസ് പദ്ധതിയെ സ്വകാര്യ ഇൻഷുറൻസ് കമ്പനികൾക്ക് വേണ്ടി തകർക്കാൻ ശ്രമിക്കുന്നത്…

Read More

സൗദി അറേബ്യയിലെ പുണ്യനഗരമായ മദീന ലക്ഷ്യമിട്ട് ഡ്രോൺ ആക്രമണശ്രമം നടന്നതായി സൗദി നേതൃത്വത്തിലുള്ള സൈനിക സഖ്യത്തിന്റെ ആരോപണം. അതേസമയം, യെമനിലെ തന്ത്രപ്രധാന നഗരമായ ഏദനിലെ പ്രസിഡന്റിന്റെ കൊട്ടാര സമുച്ചയത്തിനും അന്താരാഷ്ട്ര വിമാനത്താവളത്തിനും നേരെ ബാലിസ്റ്റിക് മിസൈൽ ആക്രമണം നടന്നതായും റിപ്പോർട്ടുകൾ പുറത്തുവന്നു. മേഖലയിൽ നിലനിൽക്കുന്ന രാഷ്ട്രീയ, സൈനിക സംഘർഷങ്ങൾക്കിടയിലാണ് പുതിയ ആക്രമണവാർത്തകൾ പുറത്തുവരുന്നത്. വെള്ളിയാഴ്ച സൗദി അറേബ്യയിലെ മദീന മേഖലയിലേക്ക് എത്തിയ ഡ്രോൺ വ്യോമപ്രതിരോധ സംവിധാനങ്ങൾ ഉപയോഗിച്ച് തടഞ്ഞുനശിപ്പിച്ചതായി സൗദി നേതൃത്വത്തിലുള്ള സൈനിക സഖ്യം അറിയിച്ചു. മദീനയുടെ വ്യോമപരിധിയിലേക്ക് കടന്നുവന്ന ഡ്രോൺ സുരക്ഷാഭീഷണി ഉയർത്തിയതിനെത്തുടർന്നാണ് സൈന്യം ഇടപെട്ടതെന്നാണ് സഖ്യത്തിന്റെ വിശദീകരണം. ഇതിന് മുമ്പ് ഇസ്ലാമിന്റെ മറ്റൊരു പുണ്യനഗരമായ മക്കയുടെ സമീപത്തും സമാനമായ ഡ്രോൺ സാന്നിധ്യം കണ്ടെത്തിയതായും അത് വെടിവച്ചിട്ടതായും റിപ്പോർട്ടുകളുണ്ടായിരുന്നു. തുടർച്ചയായ ഇത്തരം സംഭവങ്ങൾ സൗദി അറേബ്യയുടെ വ്യോമസുരക്ഷയെയും പുണ്യനഗരങ്ങളുടെ സംരക്ഷണത്തെയും സംബന്ധിച്ച ആശങ്കകൾ ശക്തമാക്കിയിട്ടുണ്ട്. എന്നാൽ…

Read More

പൊതുജനങ്ങൾക്കായി ആരോഗ്യ ബോധവൽക്കരണ ക്ലാസുകളും. ആയിരക്കണക്കിന് പ്രവാസികൾക്ക് ആരോഗ്യ സേവനങ്ങൾ ലഭ്യമാകും ദോഹ: സെന്റർ ഫോർ ഇന്ത്യൻ കമ്യൂണിറ്റി (സിഐസി ഖത്തർ) ഇന്ത്യൻ ഡോക്ടേഴ്‌സ് ക്ലബ്ബുമായി സഹകരിച്ച് സംഘടിപ്പിക്കുന്ന ഇരുപതാമത് ഏഷ്യൻ മെഡിക്കൽ ക്യാമ്പ് ഇന്ന് ( വെള്ളി )നടക്കും. ഇന്ത്യൻ അംബാസഡർ ഡോ. കെ. ശ്രീകർ റെഡ്ഡി ക്യാമ്പ് ഉദ്ഘാടനം ചെയ്യും. രാവിലെ 9 മണിക്ക് നടക്കുന്ന ഔദ്യോഗിക ഉദ്ഘാടന ചടങ്ങിൽ ഖത്തറിലെ ശ്രീലങ്കൻ അംബാസഡർ റോഷൻ സിത്താര ഖാൻ ബംഗ്ലാദേശ് അംബാസഡറെ പ്രതിനിധീകരിച്ച് ബംഗ്ലാദേശ് എംബസിയിലെ സീനിയർ കൗൺസിലർ മഷ്ഹുദുൽ കബീറും പങ്കെടുക്കും. ഖത്തർ പൊതുജനാരോഗ്യ മന്ത്രാലയം, പിഎച്ച്സിസി, എച്ച്എംസി എന്നിവയിലെ ഉന്നത ഉദ്യോഗസ്ഥർ, സാമൂഹിക-സാംസ്കാരിക രംഗത്തെ പ്രമുഖർ എന്നിവരും ഉദ്ഘാടന ചടങ്ങിൽ സംബന്ധിക്കും. ഖത്തർ പൊതുജനാരോഗ്യ മന്ത്രാലയം, ഹമദ് മെഡിക്കൽ കോർപ്പറേഷൻ (എച്ച്എംസി), പ്രൈമറി ഹെൽത്ത് കെയർ കോർപ്പറേഷൻ (പിഎച്ച്സിസി) എന്നിവയുടെ അംഗീകാരത്തോടെയും…

Read More

അബുദാബി: യുഎഇയുടെ സ്ഥാപക പിതാവായ അന്തരിച്ച ഷെയ്ഖ് സായിദ് ബിൻ സുൽത്താൻ അൽ നഹ്യാന്റെ മഹത്തായ ജീവിതവും ദീർഘവീക്ഷണവും രാഷ്ട്രനിർമാണത്തിലെ സമാനതകളില്ലാത്ത സംഭാവനകളും അനുസ്മരിക്കുന്നതിനായി എല്ലാ വർഷവും ജനുവരി 7 ‘സായിദ് സ്ഥാപക ദിനം’ ആയി ആചരിക്കാൻ തീരുമാനം. യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാനാണ് പുതിയ ദേശീയ അനുസ്മരണ ദിനം പ്രഖ്യാപിച്ചത്. ഇതിന്റെ ഭാഗമായി ആദ്യത്തെ സായിദ് സ്ഥാപക ദിനാചരണം 2027 ജനുവരി 7ന് നടക്കും. യുഎഇയെ ലോകത്തിലെ ഏറ്റവും വികസിതവും സമൃദ്ധവുമായ രാജ്യങ്ങളിലൊന്നാക്കി മാറ്റുന്നതിന് അടിത്തറ പാകിയ ഷെയ്ഖ് സായിദിന്റെ ജീവിതദർശനവും ഭരണനേതൃത്വവും വരുംതലമുറകൾക്ക് പരിചയപ്പെടുത്തുകയാണ് പുതിയ ദിനാചരണത്തിന്റെ പ്രധാന ലക്ഷ്യം. രാജ്യത്തിന്റെ ഐക്യം, സഹിഷ്ണുത, മാനവികത, ഉദാരത, സാമൂഹിക പുരോഗതി തുടങ്ങിയ അടിസ്ഥാന മൂല്യങ്ങൾ ഉയർത്തിപ്പിടിക്കുന്നതിനും ഈ ദിനം പ്രാധാന്യം നൽകും. ജനുവരി 7 എന്ന തീയതി തിരഞ്ഞെടുത്തതിന്…

Read More

ദുബായ്: നൂറുകണക്കിന് യാത്രക്കാരുടെ ജീവൻ അപകടത്തിലാക്കുമായിരുന്ന വൻ വിമാനദുരന്തം ധീരതയോടെയും സമയോചിതമായ ഇടപെടലിലൂടെയും ഒഴിവാക്കിയ ഇന്ത്യൻ വംശജനായ ഫ്ലൈദുബായ് പൈലറ്റ് ക്യാപ്റ്റൻ സ്മിത് മച്ചറിന് യുഎഇയുടെ ആദരം. അസാധാരണമായ ധൈര്യവും പ്രതിസന്ധിഘട്ടത്തിലെ മികച്ച തീരുമാനമെടുക്കാനുള്ള കഴിവും പരിഗണിച്ച് യുഎഇയുടെ അഭിമാനകരമായ ‘ഫസ്റ്റ് ക്ലാസ് ഓർഡർ ഓഫ് സായിദ് II’ ബഹുമതിയാണ് അദ്ദേഹത്തിന് സമ്മാനിച്ചത്. സെപ്റ്റംബർ 30-ന് ദുബായിൽനിന്ന് ഇസ്രായേലിലെ ടെൽ അവീവിലേക്ക് പുറപ്പെട്ട ഫ്ലൈദുബായ് വിമാനമായ FZ1073-ലാണ് ഞെട്ടിക്കുന്ന സംഭവങ്ങൾ അരങ്ങേറിയത്. വിമാനം ആകാശത്ത് പറന്നുകൊണ്ടിരിക്കെ കോക്പിറ്റിനുള്ളിൽ അപ്രതീക്ഷിതമായി സഹപൈലറ്റ് ക്യാപ്റ്റൻ സ്മിത് മച്ചറിനെ ആക്രമിക്കുകയും വിമാനം ഹൈജാക്ക് ചെയ്യാന്‍ ശ്രമിക്കുകയും ചെയ്തു. അപ്രതീക്ഷിതമായ ആക്രമണത്തിൽ ക്യാപ്റ്റൻ മച്ചറിന് ഗുരുതരമായി പരിക്കേറ്റു. എന്നാൽ ജീവൻ അപകടത്തിലായ സാഹചര്യത്തിലും അദ്ദേഹം മനോധൈര്യം കൈവിട്ടില്ല. സ്വന്തം സുരക്ഷയെക്കാൾ വിമാനത്തിലുണ്ടായിരുന്ന യാത്രക്കാരുടെയും ജീവനക്കാരുടെയും ജീവന് മുൻഗണന നൽകിയ ക്യാപ്റ്റൻ, അതീവ അപകടകരമായ…

Read More

ദോഹ: വിഷ രഹിത ജൈവ കൃഷിയെയും അടുക്കളത്തോട്ടങ്ങളെയും പ്രോത്സാഹിപ്പിക്കുക എന്ന ലക്ഷ്യത്തോടെ വനിതാ കൂട്ടായ്മയായ നടുമുറ്റത്തിന്റെ ആഭിമുഖ്യത്തില്‍ പച്ചക്കറി കൃഷിക്കാവശ്യമായ തൈകളുടെ വിതരണം അവസാനിച്ചു. കൃഷിക്ക് അനുയോജ്യമാകുന്ന രീതിയിൽ കാലാവസ്ഥ അനുകൂലമാവുന്ന സമയത്താണ് കഴിഞ്ഞ കുറെ വര്‍ഷങ്ങളായി നടുമുറ്റം സൌജന്യ തൈ വിതരണം നടത്താറുള്ളത്. പത്ത് ഏരിയ കമ്മറ്റികളുടെ ആഭിമുഖ്യത്തില്‍ ആയിരത്തോളം തൈകളാണ് വിവിധ ഇടങ്ങളില്‍ നടുമുറ്റം പ്രവര്‍ത്തകരുടെ നേതൃത്വത്തില്‍ വിതരണം ചെയ്തത്. വീട്ടുമുറ്റങ്ങളിലും ടെറസുകളിലും കൃഷിയൊരുക്കി പാരമ്പര്യമുള്ള വനിതകൾക്ക് വിവിധ ഏരിയകളുടെ തൈ വിതരണത്തോടനുബന്ധിച്ച് കൃഷി പാഠങ്ങൾ പകർന്നു നൽകുകയും സംശയങ്ങൾക്ക് മറുപടികൾ നൽകുകയും ചെയ്തു. കൃഷിയെ പ്രോത്സാഹിപ്പിക്കുന്നതിൻ്റെ ഭാഗമായി നടുമുറ്റം പ്രവർത്തകരായ ഏറ്റവും നല്ല കൃഷിക്കാർക്ക് ഫാർമറെറ്റ് അവാർഡ് സമ്മാനിക്കുമെന്ന് നടുമുറ്റം ഭാരവാഹികള്‍ അറിയിച്ചു. കഴിഞ്ഞ വർഷവും ഇൻഡോർ പ്ലാൻ്റ്, പച്ചക്കറി കൃഷി തുടങ്ങിയ വിഭാഗങ്ങളിൽ അവാർഡുകൾ നൽകിയിരുന്നു.

Read More

ദോഹ: പ്രവാസികൾക്ക് താങ്ങാനാവുന്ന നിരക്കിൽ ആരോഗ്യ ഇൻഷുറൻസ് പരിരക്ഷ ഉറപ്പാക്കുന്നതിനായി NORKA Care ഇൻഷുറൻസ് പദ്ധതിയിലെ പ്രീമിയം നിരക്കുകൾ പുനഃപരിശോധിക്കണമെന്നും പ്രായത്തിനനുസരിച്ചുള്ള നിരക്ക് വർധനയുടെ മാനദണ്ഡങ്ങൾ വ്യക്തമാക്കണമെന്നും യുവകലാസാഹിതി ഖത്തർ ആവശ്യപ്പെട്ടു. വർഷങ്ങളോളം വിദേശത്ത് അധ്വാനിച്ച് കുടുംബത്തിന്റെയും നാടിന്റെയും സാമ്പത്തിക പുരോഗതിയിൽ നിർണായക പങ്കുവഹിക്കുന്ന പ്രവാസികൾക്ക് പ്രായം കൂടുന്നതിനനുസരിച്ച് ആരോഗ്യ ഇൻഷുറൻസിന്റെ ആവശ്യകത വർധിക്കുകയാണ്. എന്നാൽ, അതേ ഘട്ടത്തിൽ പ്രീമിയം നിരക്കുകളിലുണ്ടാകുന്ന വർധന സാധാരണക്കാരായ പ്രവാസികൾക്ക് അധിക സാമ്പത്തിക ബാധ്യത സൃഷ്ടിക്കുന്ന സാഹചര്യം ഗൗരവമായി കാണണമെന്ന് സംഘടന ചൂണ്ടിക്കാട്ടി. ഉയർന്ന പ്രീമിയം നിരക്കുകൾ കാരണം നിരവധി പ്രവാസികൾക്ക് ഇൻഷുറൻസ് പരിരക്ഷ തുടരാൻ കഴിയാതെ വരികയും പദ്ധതിയുടെ ലക്ഷ്യം തന്നെ പരാജയപ്പെടുകയും ചെയ്യുന്ന സാഹചര്യം ഉണ്ടാകരുത്. അതിനാൽ, പ്രവാസികളുടെ സാമ്പത്തികശേഷിയും ആരോഗ്യപരിരക്ഷയുടെ ആവശ്യകതയും പരിഗണിച്ച് താങ്ങാനാവുന്ന നിരക്കിൽ പദ്ധതി നടപ്പിലാക്കാൻ ബന്ധപ്പെട്ട അധികാരികൾ തയ്യാറാകണം. പദ്ധതിയിലെ നിരക്കുകൾ നിശ്ചയിക്കുന്നതിലെ…

Read More