Category: MIDDLE EAST/GULF

ദോഹ : കേരളം കണ്ട ഏറ്റവും കൂടുതൽ മനുഷ്യജീവനകൾ പൊലിഞ്ഞ മഹാ ദുരന്തത്തിൽ അനുശോചിച്ചും ദുരന്തത്തിൽ എല്ലാം നഷ്ടപ്പെട്ടവരെ ചേർത്തുപിടിച്ചും ഖത്തറിലെ പ്രവാസി സമൂഹം. വയനാട് ജില്ലയിലെ മുണ്ടക്കൈ, ചൂരൽമല പ്രദേശങ്ങളിൽ ഉണ്ടായ ഉരുൾപൊട്ടലിൽ ബന്ധുക്കളെയും സുഹൃത്തുക്കളെയും നഷ്ടപ്പെട്ടവർ ഉൾപ്പെടെ നിരവധി പേർ പങ്കെടുത്ത ‘വയനാടിന് ഖത്തർ പ്രവാസികളുടെ ഹൃദയാഞ്ജലി എന്ന പരിപാടി പ്രവാസി വെൽഫെയർ ആൻഡ് കൾച്ചറൽ ഫോറമാണ് സംഘടിപ്പിച്ചത്. ബന്ധുക്കൾ നഷ്ടപ്പെട്ടവരുടെ കണ്ണുനീരിൽ ചാലിച്ച വാക്കുകളും വയനാടിന് ഇങ്ങനെ ഒരു ഗതി ഉണ്ടാവാനുള്ള കാരണങ്ങളും, തകർന്ന പ്രദേശത്തിന്റെ പുനരധിവാസത്തെ കുറിച്ചും സംസാരിച്ച പരിപാടിയിൽ വയനാട് ജില്ലയിൽ നിന്നുള്ള ന ആളുകൾ ഉൾപ്പെടെ നിരവധി പേർ പങ്കെടുത്തു. ദുരന്തത്തിനിരയായവരുടെ ബന്ധുക്കള്‍, മേപ്പാടി പരിസരത്ത് താമസിക്കുന്നവര്‍ മുന്‍ കാലങ്ങളിലെ ചെറുതും വലുതുമായി ഇത്തരം ദുരന്തങ്ങള്‍ അഭിമുഖികരിച്ചവര്‍ എന്നിവരുടെയെല്ലാം അനുഭവങ്ങളും ആകുലതകളും പങ്ക് വച്ച സംഗമത്തിൽ ഖത്തറിലെ വിവിധ…

ദുബായ് ബ്രാഞ്ചുകൾ, ഇ-കൊമേഴ്സ് വെബ്സൈറ്റ്, സ്മാർട്ട് ആപ്പ് എന്നിവയിലൂടെ സ്റ്റേഷനറി, ഇലക്ട്രോണിക്സ്, സ്കൂൾ ബാ​ഗുകൾ എന്നിവയിൽ കിഴിവ് നേടാനാകും ദുബായ്: പുതിയ അധ്യയന വർഷത്തോട് അനുബന്ധിച്ച് വാർഷിക ബാക് ടു സ്കൂൾ ക്യാംപെയ്ൻ അവതരിപ്പിച്ച് യൂണിയൻ കോപ്. നാല് വ്യത്യസ്ത പ്രൊമോഷനൽ ഓഫറുകളിലായി നൂറുകണക്കിന് സ്കൂൾ സപ്ലൈ, ഉൽപ്പന്നങ്ങൾക്ക് 60% വരെ കിഴിവാണ് യൂണിയൻ കോപ് നൽകുന്നത്. ദുബായ് ബ്രാഞ്ചുകൾ, ഇ-കൊമേഴ്സ് വെബ്സൈറ്റ്, സ്മാർട്ട് ആപ്പ് എന്നിവയിലൂടെ സ്റ്റേഷനറി, ഇലക്ട്രോണിക്സ്, സ്കൂൾ ബാ​ഗുകൾ എന്നിവയിൽ കിഴിവ് നേടാനാകുമെന്ന് യൂണിയൻ കോപ് ചീഫ് കമ്മ്യൂണിറ്റി റിലേഷൻസ് ഓഫീസർ, ഡോ. സുഹൈൽ അൽ ബസ്തകി പറഞ്ഞു. ബാക്ക് ടു സ്കൂൾ പ്രൊമോഷനൊപ്പം ആഴ്ച്ച, മാസം തോറുമുള്ള ഓഫറുകളും തുടരും. ഭക്ഷ്യ, ഭക്ഷ്യേതര ഉൽപ്പന്നങ്ങൾക്ക് 60​% വരെ കിഴിവ് ഇതിലൂടെ ലഭിക്കും. സ്നാക്ക്സ്, ബെവറേജസ് തുടങ്ങിയവയ്ക്കാണ് ഓഫറുകൾ.

ദോഹ : വയനാട് മുണ്ടക്കൈയില്‍ ഉരുള്‍ പൊട്ടി നിരവധി പേരുടെ ജീവന്‍ നഷ്ടമായ ദുരന്തത്തില്‍ പ്രവാസി വെല്‍ഫെയര്‍ സംസ്ഥാന കമ്മറ്റി അഗാധമായ ദു:ഖം രേഖപ്പെടുത്തി. ഈ മേഖലയിൽ പ്രയാസം അനുഭവിക്കുന്നവർക്ക്‌ സാധ്യമായ സഹായങ്ങൾ ചെയ്യാനും യോഗം തീരുമാനിച്ചു. ദുരന്ത മേഖലയിൽ സന്നദ്ധപ്രവർത്തനം നടത്തുന്ന ടീം വെൽഫെയറുമായി ചേർന്നുകൊണ്ട് പ്രവർത്തനങ്ങൾ ഏകോപിപ്പിക്കും. പ്രവാസി വെല്‍ഫയര്‍ ഖത്തർ സംസ്ഥാന കമ്മറ്റിയംഗം ലത കൃഷ്ണയുടെ നേതൃത്വത്തില്‍ അവര്‍ക്കാവശ്യമായ സൗകര്യങ്ങള്‍ ഒരുക്കുന്നതിനുള്ള പ്രവര്‍ത്തങ്ങള്‍ ഇപ്പോൾ നാട്ടിൽ നടന്നു വരുന്നുണ്ട് ദുരന്തത്തിനിരയായവരൂടെയും പ്രയാസമനുഭവിക്കുന്നവരുടെയും ഖത്തറിലെ ബന്ധുക്കള്‍ക്കായി പ്രവാസി വെല്‍ഫെയര്‍ ഹെല്പ് ഡെസ്ക് ആരംഭിച്ചു. സഹായങ്ങള്‍ക്കും അന്വേഷണങ്ങള്‍ക്കുമായി 66575877, 55630436 എന്നീ എന്നമ്പറുകളിൽ ബന്ധപ്പെടാം. ഖത്തറിലെ പ്രവർത്തനങ്ങൾ ഏകോപിപ്പിക്കാൻ ജനറൽ സെക്രട്ടറി താസീൻ അമീൻ കൺവീനറായി ഒരു കമ്മിറ്റിക്ക് രൂപം നൽകി ഉറങ്ങിക്കിടക്കുമ്പോള്‍ ഉണ്ടായ മഴവെള്ളപ്പാച്ചലില്‍ ഒരു ഗ്രാമം തന്നെ തുടച്ച് നീക്കപ്പെട്ടിരിക്കുകയാണ്‌. ജീവന്‍ തിരിച്ച്…

ദോഹ: പ്രവാസ ലോകത്തെ മാധ്യമ പ്രവര്‍ത്തകനും ഗ്രന്ഥകാരനുമായ ഡോ അമാനുല്ല വടക്കാങ്ങരയുടെ ഏറ്റവും പുതിയ ഇംഗ്ളീഷ് മോട്ടിവേഷണല്‍ ഗ്രന്ഥമായ സക്സസ് മന്ത്രാസ് ദോഹയില്‍ പ്രകാശനം ചെയ്തു.സ്‌കില്‍സ് ഡവലപ്മെന്റ് സെന്റര്‍ ഓഡിറ്റോറിയത്തില്‍ നടന്ന പ്രൗഡഗംഭീരമായ ചടങ്ങില്‍ ഖത്തറിലെ സാമൂഹ്യ സാംസ്‌കാരിക വാണിജ്യ മേഖലകളിലെ പ്രമുഖര്‍ ചേര്‍ന്നാണ് പുസ്തകം പ്രകാശനം ചെയ്തത്. എന്‍.വി.ബി.എസ് സിഇഒ ബേനസീര്‍ മനോജ്, ഫൗണ്ടറും ചീഫ് കോച്ചുമായ മനോജ് സാഹിബ് ജാന്‍ എന്നിവര്‍ ചേര്‍ന്ന് പുസ്തകത്തിന്റെ ആദ്യ കോപ്പി ഏറ്റുവാങ്ങി . ഗള്‍ഫ് എയര്‍ കണ്‍ട്രി മാനേജര്‍ മുഹമ്മദ് ഖലീല്‍ അല്‍ നാസര്‍, ഹോംസ് ആര്‍ അസ് ജനറല്‍ മാനേജര്‍ രമേഷ് ബുല്‍ചന്ദനി, നോര്‍ക്ക റൂട്സ് ഡയറക്ടര്‍ സി.വി.റപ്പായ്, എം.പി. ഗ്രൂപ്പ് മാനേജിംഗ് ഡയറക്ടര്‍ ഡോ.എം.പി.ഷാഫി ഹാജി, സഫാരി ഗ്രൂപ്പ് മാനേജിംഗ് ഡയറക്ടര്‍ സൈനുല്‍ ആബിദീന്‍, ദോഹ ബ്യൂട്ടി സെന്റര്‍ മാനേജിംഗ് ഡയറക്ടര്‍ ഡോ.ഷീല ഫിലിപ്പോസ്,…

കൊല്ലം ജില്ല രൂപീകൃതമായി 75 വർഷങ്ങൾ പിന്നിട്ടതിനോടനുബന്ധിച്ച് പ്രവാസി വെൽഫെയർ കൊല്ലം ജില്ലാ കമ്മിറ്റി ടേബിൾ ടോക്ക് സംഘടിപ്പിച്ചു. വേണാട് രാജ്യത്തിന്റെ തലസ്ഥാനവും പ്രാചീന ഇന്ത്യയിലെ പ്രധാന തുറമുഖവും വ്യാപാര കേന്ദ്രവുമായിരുന്ന കൊല്ലത്തിന്റെ ചരിത്രപ്രാധാന്യത്തെ ഉദ്ഘാടന പ്രസംഗത്തിൽ പ്രവാസി വെൽഫെയർ സംസ്ഥാന പ്രസിഡന്റ് ചന്ദ്രമോഹൻ വിശദീകരിച്ചു. പ്രവാസ ലോകത്തെ വിവിധ മേഖലകളിൽ നിന്നുള്ള കൊല്ലം നിവാസികൾ പരിപാടിയിൽ പങ്കെടുത്തു. ജില്ലയുടെ പ്രതീക്ഷകളും പ്രതിസന്ധികളും അംഗങ്ങൾ ചർച്ചയിൽ മുന്നോട്ടുവച്ചു. മറ്റു ജില്ലകൾ വ്യത്യസ്ത മേഖലകളിൽ മുന്നേറുമ്പോൾ പരമ്പരാഗത വ്യവസായങ്ങളിലും അടിസ്ഥാന വികസനത്തിലും ജില്ല നേരിടുന്ന വെല്ലുവിളികളെ ചർച്ച ചെയ്തു. ടൂറിസം, ഐടി, കശുവണ്ടി- കയർ പരമ്പരാഗത വ്യവസായങ്ങളുടെ ആധുനികവൽക്കരണം, മത്സ്യവിഭവം, ധാതു സമ്പത്ത് മേഖലകളിലെ പുതിയ നിക്ഷേപങ്ങളിലൂടെ ജില്ലയ്ക്ക് മുന്നേറാൻ കഴിയും. ഗവൺമെന്റിന്റെയും പ്രവാസികളുടെയും നിരന്തര ശ്രദ്ധയും നിക്ഷേപങ്ങളും, നവ സംരംഭങ്ങളുടെ വളർച്ചയും ജില്ലയുടെ മുന്നേറ്റത്തിന് അനിവാര്യമാണ്. ജില്ലയിൽ…

യൂണിയൻ കോപ് സ്മാർട്ട് ആപ്പിൽ 2024 ജൂൺ വരെ രജിസ്റ്റർ ചെയ്തത് 474,656 പേരാണ്. ഡൗൺലോഡുകളുടെ എണ്ണം 605,000 എത്തി ദുബൈ: യൂണിയൻ കോപ് സ്മാർട്ട് ആപ്പ്, ഓൺലൈൻ സ്റ്റോർ എന്നിവയിലൂടെ 2024-ലെ ആദ്യ ആറ് മാസം 161,599 പർച്ചേസ് റിക്വസ്റ്റുകൾ ലഭിച്ചതായി കോ-ഓപ്പറേറ്റീവിന്റെ ചീഫ് കമ്മ്യൂണിറ്റി റിലേഷൻസ് ഓഫീസർ ഡോ. സുഹൈൽ അൽ ബസ്തകി. രണ്ട് ഡിജിറ്റൽ പ്ലാറ്റ്ഫോമുകളിലും ദിവസവും ഉൽപ്പന്നങ്ങൾ അപ്ഡേറ്റ് ചെയ്യുന്നുണ്ടെന്നും അദ്ദേഹം പറഞ്ഞു. ഉപയോക്താക്കൾക്ക് ഷോപ്പിംഗ് അനുഭവം മെച്ചപ്പെട്ടതാക്കാൻ നിരവധി ഫീച്ചറുകൾ ആപ്പിൽ ഉൾപ്പെടുത്തിയെന്നും അദ്ദേഹം പറഞ്ഞു. എല്ലാവർക്കും സാധ്യമായ ഉൽപ്പന്നങ്ങൾ ലഭ്യമാക്കുന്നതിനും ഇ-കൊമേഴ്സ് മേഖലയിലെ മുന്നേറ്റം നിലനിർത്തുന്നതിനുമാണ് ശ്രദ്ധയെന്നും അദ്ദേഹം പറഞ്ഞു. യൂണിയൻ കോപ് സ്മാർട്ട് ആപ്പിൽ 2024 ജൂൺ വരെ രജിസ്റ്റർ ചെയ്തത് 474,656 പേരാണ്. ഡൗൺലോഡുകളുടെ എണ്ണം 605,000 എത്തി. ദിവസേന ലഭിക്കുന്ന ഡിജിറ്റൽ റിക്വസ്റ്റുകൾ 920…

ദുബൈ: സിറിയയിലെ ഇസ്രായേൽ അധിനിവേശ മജ്ദൽ ഷംസിലേക്ക് റോക്കറ്റ് വിക്ഷേപിച്ചതിനെ തുടർന്ന് 12 പേർ മരിച്ചു. ഇറാൻ പിന്തുണയുള്ള ഹിസ്ബുള്ളയാണ് ഇത് നടത്തിയതെന്ന് ഇസ്രായേൽ ആരോപിക്കുന്നതായി ജെറുസലേം പോസ്റ്റ് റിപ്പോർട്ട് ചെയ്തു. വലിയ ഡ്രൂസ് പട്ടണമായ മജ്ദൽ ഷംസ് പ്രദേശത്ത് ശനിയാഴ്ച വൈകുന്നേരം നേരിട്ടുള്ള ആക്രമണത്തെത്തുടർന്ന്, 10 നും 20 നും ഇടയിൽ പ്രായമുള്ള കുട്ടികളും കൗമാരക്കാരും ഉൾപ്പെടെ 12 പേർ കൊല്ലപ്പെട്ടതായാണ് റിപ്പോര്‍ട്ട്. കുറഞ്ഞത് 19 പേർക്ക് വിവിധ തലങ്ങളിൽ പരിക്കേറ്റു, ഇതിൽ ആറ് പേരുടെ നില ഗുരുതരമാണ്, 13 പേര്‍ക്ക് നിസ്സാര പരിക്കേറ്റതായും പറന്നു. മാഗൻ ഡേവിഡ് അഡോം (എംഡിഎ) ടീമുകളും ഐഡിഎഫ് ഹെലികോപ്റ്ററുകളും ഉപയോഗിച്ചാണ് ഇവരെ ആശുപത്രികളിലെത്തിച്ചതെന്ന് എംഡിഎ പ്രസ്താവനയിൽ പറഞ്ഞു. കളിസ്ഥലത്തിന് സമീപമുള്ള ഫുട്ബോൾ മൈതാനത്താണ് റോക്കറ്റ് പതിച്ചതെന്നാണ് റിപ്പോർട്ട്. Bunlar Hizbullah taraf?ndan dün Majdal Shams'ta katledilen 12…

ദുബൈ: യുദ്ധത്തിൽ തകർന്ന ഗാസയ്ക്കുള്ള 5,340 ടൺ അവശ്യ സാധനങ്ങളുമായി യുണൈറ്റഡ് അറബ് എമിറേറ്റ്സിന്റെ (യുഎഇ) നാലാമത്തെ സഹായ കപ്പൽ ഈജിപ്തിലെ അൽ അരിഷ് തുറമുഖത്ത് വിജയകരമായി എത്തി. ഈജിപ്ഷ്യൻ ഗവർണറേറ്റായ നോർത്ത് സിനായിലെ അരിഷ് തുറമുഖത്ത് വ്യാഴാഴ്ചയാണ് കപ്പൽ എത്തിയത്. ഈജിപ്ഷ്യൻ അധികൃതരുമായി ഏകോപിപ്പിച്ചാണ് കപ്പൽ റാഫ ക്രോസിംഗ് വഴി എത്തിയതെന്ന് എമിറേറ്റ്സ് ന്യൂസ് ഏജൻസി റിപ്പോർട്ട് ചെയ്തു. ഗസ്സയിലെ പലസ്തീൻ ജനത അനുഭവിക്കുന്ന പ്രയാസകരമായ സാഹചര്യങ്ങൾക്കിടയിലും അവരെ സഹായിക്കാൻ യുഎഇ ആരംഭിച്ച ഓപ്പറേഷൻ “ചൈവൽറസ് നൈറ്റ് 3” ൻ്റെ (Chivalrous Knight 3) ഭാഗമായി ജൂലൈ 8 നാണ് യുഎഇയിലെ ഫുജൈറ തുറമുഖത്ത് നിന്ന് കപ്പൽ പുറപ്പെട്ടത്. “ചൈവൽറസ് നൈറ്റ് 3” പദ്ധതിയുടെ ഭാഗമായി അരീഷിൽ എത്തുന്ന നാലാമത്തെ കപ്പൽ, ഗാസ മുനമ്പിലേക്കുള്ള എട്ടാമത്തെ യുഎഇ സഹായ കപ്പലാണ്. ചരക്കുകളുടെയും ഉള്ളടക്കങ്ങളുടെ വൈവിധ്യത്തിൻ്റെയും അടിസ്ഥാനത്തിൽ…

ഖത്തര്‍: തൊഴിലന്വേഷകര്‍ക്കും ജോലിയില്‍ അഭിവൃദ്ധി ആഗ്രഹിക്കുന്നവര്‍ക്കും ദിശാബോധം പകര്‍ന്ന് നല്‍കി പ്രവാസി വെല്‍ഫെയര്‍ കരിയര്‍ വര്‍ക്ക്ഷോപ്പ്. സെന്റര്‍ ഫോര്‍ ഇന്‍ഫര്‍മേഷന്‍ ആന്റ് ഗൈഡന്‍സ് ഇന്ത്യ (സി.ജി) ഖത്തര്‍ ചാപ്റ്ററിന്റെ സഹകരണത്തോടെ സംഘടിപ്പിച്ച വര്‍ക്ക്ഷോപ്പ് ഐ.സി.ബി.എഫ് സെക്രട്ടറി മുഹമ്മദ് കുഞ്ഞി ഉദ്ഘാടനം ചെയ്തു. തൊഴിലന്വേഷിച്ച് പ്രവാസ ലോകത്തെത്തുന്ന ഒരാള്‍ക്ക് ലക്ഷ്യം കൈവരിക്കാന്‍ ഇത്തരം പരിപാടികളിലൂടെ ആത്മവിശ്വാസം പകര്‍ന്ന് നല്‍കുകയും തന്റെ കുറവുകള്‍ നികത്താനുള്ള മാര്‍ഗ്ഗ നിര്‍ദ്ദേശം നല്‍കുകയും ചെയ്യുന്നതിലൂടെയും ഒരു കുടുംബത്തിന്റെ ജീവിത സാഹചര്യത്തെയാണ്‌ മെച്ചപ്പെടുത്തുന്നതെന്നും അദ്ദേഹം പറഞ്ഞു. ‘തൊഴിൽ മേഖലകളിലെ വിജയത്തിനുള്ള നൈപുണ്യങ്ങള്‍’, ‘ഇന്റര്‍വ്യൂ എങ്ങനെ അഭിമുഖീകരിക്കാം’ എന്നീ വിഷയങ്ങളെ അധികരിച്ച് സി.ജി ഖത്തര്‍ സീനിയര്‍ റിസോഴ്സ് പേര്‍സണ്മാരായ ഹനീഫ് ഹുദവി, എഞ്ചിനിയര്‍ ഷിഹാബ് അബ്ദുല്‍ വാഹിദ് എന്നിവര്‍ ശില്പശാലക്ക് നേതൃത്വം നല്‍കി. ബയോഡാറ്റ, ഇന്റര്‍വ്യൂ തുടങ്ങിയവയിലെ ക്യാമ്പ് അംഗങ്ങളുടെ വിവിധ സംശയങ്ങള്‍ക്ക് മറുപടി നല്‍കി. ഐ.സി.ബി.എഫ്…

ബഹ്റൈന്‍: ജോലി സംബന്ധമായി പ്രശ്നത്തിൽ അകപ്പെട്ടു ബഹ്‌റൈനിൽ കഴിഞ്ഞ കൊല്ലം സ്വദേശി ഷൈനുവിന് നാടണയാൻ കൊല്ലം പ്രവാസി അസോസിയേഷൻറെ കൈത്താങ്ങ്. കൊല്ലം പ്രവാസി അസ്സോസിയേഷൻ ചാരിറ്റി വിങ്ങിന്റെ ഇടപെടലിലൂടെ സ്‌പോൺസറുടെ കൈയിൽ നിന്നും കൈപ്പറ്റിയ പാസ്സ്പോർട്ടും, നാട്ടിലേക്കു പോകാനുള്ള വിമാനയാത്ര ടിക്കറ്റും കൈമാറി. ചാരിറ്റി വിങ് കൺവീനർ നവാസ് കുണ്ടറ, സെൻട്രൽ കമ്മിറ്റി അംഗം അനിൽകുമാർ, റിഫാ ഏരിയ കമ്മിറ്റി അംഗങ്ങൾ ആയ സുരേഷ് കുമാർ, ജമാൽ കോയിവിള, മജു വർഗ്ഗീസ്, സുബിൻ സുനിൽകുമാർ, അനന്തു, ശശിധരൻ എന്നിവർ സന്നിഹിതരായിരുന്നു