Category: MIDDLE EAST/GULF

ദോഹയിൽ പന്ത്രണ്ടാം ക്ലാസ്സ്‌ വിദ്യാർത്ഥിനിയായ ഹന ഫാത്തിമയുടെ ആദ്യ ഇംഗ്ലീഷ് കവിതാസമാഹാരം ‘When the quiet finds you’ എം. ഇ.എസ് ഇന്ത്യൻ സ്കൂൾ പ്രിൻസിപ്പൽ ഹമീദ ഖാദർ, റേഡിയോ മലയാളം സി. ഇ.ഒ അൻവർ ഹുസൈന് നൽകിക്കൊണ്ട് പ്രകാശനം ചെയ്തു. ഇളം തലമുറയിൽ നിന്ന്, വിശാലമായ സഹജീവിസ്നേഹത്തെ ഉയർത്തിപ്പിടിക്കുന്ന, നിലപാടുകളും നിരീക്ഷണപാഠവവുമുള്ള എഴുത്തുകാർ ഉണ്ടാവുന്നത് പുതിയ കാലത്തെ പ്രതീക്ഷയാണെന്ന് ഹമീദ ഖാദർ സൂചിപ്പിച്ചു. ഹാർമണി ഖത്തറും ഖത്തർ ഇന്ത്യൻ ഓതേർസ് ഫോറവും ചേർന്ന് അരോമ ദർബാർ ഹാളിൽ സംഘടിപ്പിച്ച ചടങ്ങിൽ ഓതേർസ് ഫോറം പ്രസിഡന്റ് ഡോ. സാബു. കെ സി അദ്ധ്യക്ഷത വഹിച്ചു. എഴുത്തുകാരനും വിവർത്തകനുമായ ഹുസൈൻ കടന്നമണ്ണ ജീവകാരുണ്യപ്രവർത്ത കനായ സമദ് മാണിക്കോത്തിന് ആദ്യപ്രതി കൈമാറി. യുവഎഴുത്തുകാരി സമീഹ ജുനൈദ് പുസ്തകപരിചയം നടത്തി സംസാരിച്ചു. അതിഥികൾക്കുള്ള ഉപഹാരസമർപ്പണം മുഹമ്മദ്‌ അസ്‌ലം, ജൗഹറ എന്നിവർ നിർവഹിച്ചു.…

– സംരക്ഷണവേലിയുടെ നിർമാണം പൂർത്തീകരിച്ച് ഷാർജ മെലീഹ ദേശീയോദ്യാനം – ചരിത്രവിശേഷങ്ങളിലേക്കും പ്രകൃതികാഴ്ചകളിലേക്കും സാഹസികാനുഭവങ്ങളിലേക്കും സ്വാ​ഗതം ചെയ്ത് –“Come Closer” – ക്യാമ്പയിന് തുടക്കം ഷാർജ: പ്രകൃതിവിഭവങ്ങളും മേഖലയുടെ ചരിത്രപൈതൃകവും സംരക്ഷിക്കാനും സുസ്ഥിരമാതൃകയിലൂന്നിയ വിനോദസഞ്ചാരം പ്രോത്സാഹിപ്പിക്കാനുമായി പ്രഖ്യാപിക്കപ്പെട്ട ‘മെലീഹ നാഷണൽ പാർക്ക്’ സജീവമാകുന്നു. ദേശീയോദ്യാനത്തിന്റെ 34.2 ചതുരശ്ര കിലോമീറ്റർ നീളുന്ന സംരക്ഷണവേലിയുടെ നിർമാണം പൂർത്തീകരിച്ച്, രാജ്യത്തിനകത്തും പുറത്തുമുള്ള കൂടുതൽ സഞ്ചാരികളെ സ്വാ​ഗതം ചെയ്യാനായി “Come Closer” (കം ക്ലോസർ) ക്യാമ്പയിന് തുടക്കം കുറിച്ചു. 2 ലക്ഷം വർഷങ്ങൾ നീളുന്ന പ്രദേശത്തെ മനുഷ്യകുടിയേറ്റത്തിന്റ ചരിത്രപശ്ചാത്തലം അടുത്തറിയാനുള്ള അവസരമൊരുക്കുന്ന മെലീഹയുടെ വിശേഷങ്ങൾ രാജ്യത്തിനകത്തെന്ന പോലെ രാജ്യാന്തരതലത്തിൽ കൂടി പ്രചരിപ്പിക്കുന്നതിനായാണ് പുതിയ ക്യാമ്പയിൻ. നൂറ്റാണ്ടുകൾ പഴക്കമുള്ള കച്ചവടപാതകളും സാംസ്കാരികവിനിമയങ്ങളും കൊട്ടാരങ്ങളുമെല്ലാം ഖനനം ചെയ്തു കണ്ടെത്തിയിട്ടുള്ള മെലീഹ, അപൂർവയിനം പക്ഷികളും സസ്യങ്ങളും കാണപ്പെടുന്ന ഇടംകൂടിയാണ്. പ്രദേശത്തിന്റെ ചരിത്രപൈതൃകവും സംരക്ഷിക്കാനും സുസ്ഥിരമാതൃകയിലൂന്നിയ വിനോദസഞ്ചാരം പ്രോത്സാഹിപ്പിക്കാനുമായി…

ദോഹ: ജി സി സി രാജ്യങ്ങളടക്കം കേരളത്തിലെയും പുറത്തുമുള്ള അരലക്ഷത്തോളം വിദ്യാർത്ഥികൾ പങ്കെടുത്ത പരീക്ഷയിൽ ഖത്തറിൽ നിന്നുള്ള നാല് വിദ്യാർത്ഥികൾ സ്റ്റേറ്റ് ടോപ്പേഴ്‌സ് ലിസ്റ്റിൽ ഇടം നേടി. അൽ മദ്‌റസ അൽ ഇസ്‌ലാമിയ ദോഹയിലെ മുഹമ്മദ് അസീം രിദ് വാൻ (ക്ലാസ് 1), ആസിയ അൽ ഹസനി (ക്ലാസ് 2), അസ്സ മർയം ഹസറുദ്ദീൻ (ക്ലാസ് 3), മുഹമ്മദ് റംദാൻ (ക്ലാസ് 6) എന്നിവരാണ് ടോപ്പേഴ്‌സ് ലിസ്റ്റിൽ ഇടം നേടിയത്. അൽ മദ്‌റസ അൽ ഇസ്‌ലാമിയ ദോഹയിലെ പതിനാലു കുട്ടികൾ എ പ്ലസ് ഗ്രേഡ് നേടിയപ്പോൾ വക്‌റ ശാന്തി നികേതൻ മദ്‌റസയിലെ പത്തു പേരും അൽ മദ്‌റസ അൽ ഇസ്‌ലാമിയ അൽഖോറിലെ അഞ്ചു വിദ്യാർത്ഥികളും അൽ മദ്‌റസ അൽ ഇസ്‌ലാമിയ മദീന ഖലീഫയിലെ മൂന്നു വിദ്യാർത്ഥികളും എ പ്ലസ് ഗ്രേഡ് കരസ്ഥമാക്കി. ഖുർആൻ, ഹദീസ്, ചരിത്രം, കല,…

ദോഹ: പതിവുപോലെ പ്രവാസികളെ പരിഗണിക്കാത്ത ബഡ്ജറ്റ് ആണ് ഇത്തവണയും കേന്ദ്ര ധനമന്ത്രി നിർമല സീതാരാമൻ അവതരിപ്പിച്ചതെന്ന് പ്രവാസി വെൽഫെയർ സംസ്ഥാന സെക്രട്ടേറിയറ്റ് അഭിപ്രായപ്പെട്ടു. പ്രവാസലോകത്ത് സംഭവിച്ചു കൊണ്ടിരിക്കുന്ന മാറ്റങ്ങൾ വിശിഷ്യാ മിഡിൽ ഈസ്റ്റിൽ, പ്രവാസി സമൂഹത്തെ വലിയതോതിൽ ബാധിച്ചു കൊണ്ടിരിക്കുന്ന ഈ സന്ദർഭത്തിലും അത്തരം കാര്യങ്ങൾ പരിഗണിക്കാതിരുന്നത് ഖേദകരമാണ്. പ്രവാസി പുനരധിവാസം വിമാന ടിക്കറ്റ് നിരക്ക് നിയന്ത്രണത്തിനുള്ള സംവിധാനം തുടങ്ങിയ നിരന്തര ആവശ്യങ്ങൾ പോലും പരിഗണിക്കപ്പെട്ടിട്ടില്ല. പ്രവാസി വിദ്യാർത്ഥികളുടെ വിദ്യാഭ്യാസത്തിനുള്ള യാതൊരു പരിഗണനയും ബഡ്ജറ്റിൽ ഇല്ല. ക്രമാതീതമായി തുടരുന്ന പണപ്പെരുപ്പം നിയന്ത്രിക്കാൻ ബാഡ്ജറ്റിൽ സംവിധാനങ്ങളും ഇല്ലാത്തത് രാഷ്ട്രീയ ലാഭം മുന്നിൽ കണ്ടുകൊണ്ട് സംസ്ഥാനങ്ങൾക്ക് നൽകുന്ന നീക്കിയിരിപ്പിലും പദ്ധതികളിലുമുള്ള വേർതിരിവ് അപലപനീയമാണ്. കേരളത്തോട് തുടരുന്ന അവഗണനയും നീതികരിക്കാൻ ആവില്ല. വയനാടിന് പ്രത്യേക പാക്കേജ് ഇല്ലാത്തത് സങ്കടകരമാണ്. ആഡംബര വസ്തുക്കൾക്കുള്ള നികുതിയിളവും ആവശ്യ സാധനങ്ങൾക്കുള്ള വിലക്കയറ്റവും സാധാരണക്കാരനോടുള്ള നിലപാട് വ്യക്തമാക്കുന്നതാണെന്നും…

ദോഹ (ഖത്തര്‍): ഡല്‍ഹി-ടെൽ അവീവ് നോൺ-സ്റ്റോപ്പ് വിമാന സര്‍‌വീസ് മാര്‍ച്ച് 2 മുതല്‍ പുനരാരംഭിക്കുമെന്ന് എയർ ഇന്ത്യ ബുധനാഴ്ച അറിയിച്ചു. അന്താരാഷ്ട്ര റൂട്ടുകൾ വികസിപ്പിക്കുന്നതിനും ഇന്ത്യയ്ക്കും ഇസ്രായേലിനുമിടയിലുള്ള യാത്രാ ഓപ്ഷനുകൾ മെച്ചപ്പെടുത്തുന്നതിനുമുള്ള എയർലൈനിൻ്റെ ശ്രമങ്ങളുടെ ഭാഗമാണ് ഫ്ലൈറ്റുകൾ പുനരാരംഭിക്കുന്നതെന്ന് പ്രസ്താവനയിൽ പറഞ്ഞു. ആഴ്ചയില്‍ അഞ്ച് ബോയിംഗ് 787-8 ഡ്രീംലൈനർ വിമാനങ്ങളാണ് ഈ റൂട്ടിൽ ഉപയോഗിക്കുക. ഈ വിമാനങ്ങൾ ബിസിനസ് ക്ലാസിൽ 18 ഫ്ലാറ്റ് ബെഡ് സീറ്റുകളും ഇക്കണോമി ക്ലാസിൽ 238 വിശാലമായ സീറ്റുകളും വാഗ്ദാനം ചെയ്യുന്നു. നേരിട്ടുള്ള സർവീസ് ഡൽഹിക്കും ടെൽ അവീവിനും ഇടയിലുള്ള യാത്ര കൂടുതൽ സൗകര്യപ്രദമാക്കുമെന്ന് പ്രതീക്ഷിക്കുന്നു. എയർ ഇന്ത്യ പറയുന്നതനുസരിച്ച്, ഫ്ലൈറ്റ് AI139 തിങ്കൾ, ചൊവ്വ, ബുധൻ, വ്യാഴം, ഞായർ ദിവസങ്ങളിൽ ഡൽഹിയിൽ നിന്ന് 3.55 ന് (IST) പുറപ്പെട്ട് ടെൽ അവീവിൽ വൈകുന്നേരം 7:25 ന് (പ്രാദേശിക സമയം) എത്തിച്ചേരും. മടക്ക…

സമൂഹത്തിലെ അം​ഗങ്ങൾ തമ്മിലുള്ള ബന്ധം ദൃഢമാക്കാനും സാമൂഹിക അടിത്തറ മെച്ചപ്പെടുത്താനും ഇത് ഉപകരിക്കുമെന്നും അദ്ദേഹം പറഞ്ഞു. യു.എ.ഇ പ്രസിഡന്റ് മുഹമ്മദ് ബിൻ സയദ് അൽ നഹ്യാൻ, 2025 വർഷം ഇയർ ഓഫ് കമ്മ്യൂണിറ്റി ആയി പ്രഖ്യാപിച്ചത് നിർണ്ണായകമായി ചുവടാണെന്ന് യൂണിയൻ കോപ് സി.ഇ.ഒ മുഹമ്മദ് അൽ ഹഷെമി. സമൂഹത്തിലെ അം​ഗങ്ങൾ തമ്മിലുള്ള ബന്ധം ദൃഢമാക്കാനും സാമൂഹിക അടിത്തറ മെച്ചപ്പെടുത്താനും ഇത് ഉപകരിക്കുമെന്നും അദ്ദേഹം പറഞ്ഞു. രാജ്യത്തിന്റെ ഭാവി നിർമ്മിച്ചിരിക്കുന്ന അടിസ്ഥാനഘടകമാണ് സമൂഹങ്ങൾ. സാമൂഹിക അവബോധം നൽകുന്നതിലൂടെ സമൂഹത്തിന്റെ വിവിധ മേഘലകളിലുള്ളവർക്ക് വൈവിധ്യപൂർണമായ ഭാവി നൽകാനും അതിനായി പ്രോചോദനം നൽകാനും കഴിയുമെന്നും അദ്ദേഹം പറഞ്ഞു.

ദോഹ : ഇന്ത്യൻ റിപ്പബ്ലിക് ഡേ ആഘോഷങ്ങളുടെ ഭാഗമായി സെന്റർ ഫോർ ഇന്ത്യൻ കമ്മ്യൂണിറ്റി (സി.ഐ.സി) റയ്യാൻ സോൺ ചർച്ചാ സംഗമം സംഘടിപ്പിച്ചു. റയ്യാൻ സോണൽ സെക്രട്ടറി അബ്ദുൽ ജലീൽ എം എം അധ്യക്ഷത വഹിച്ച ചടങ്ങിൽ ഐ.സി.ബി.ഫ് മാനേജിങ് കമ്മിറ്റി മെമ്പർ ആയി മത്സരിക്കുന്ന റഷീദ് അഹമ്മദ് മുഖ്യ അതിഥിയായി പങ്കെടുത്ത് സംസാരിച്ചു. മുഹമ്മദ് റഫീഖ് തങ്ങൾ വിഷയമവതരിപ്പിച്ചു, സുബുൽ അബ്ദുൽ അസീസ്, ഷെറിൻ ഷബീർ, ഇബ്രാഹിം അബൂബക്കർ, ഹാഷിം, സാഫിർ എന്നിവർ ചർച്ചയിൽ പങ്കെടുത്ത് സംസാരിച്ചു, സിദ്ദിഖ് വേങ്ങര നന്ദി പ്രകാശിപ്പിച്ചു.

ദോഹ (ഖത്തര്‍): ദോഹയിൽ പന്ത്രണ്ടാം ക്ലാസ്സ്‌ വിദ്യാർത്ഥിനിയായ ഹന ഫാത്തിമയുടെ ആദ്യ ഇംഗ്ലീഷ് കവിതാസമാഹാരം ‘When the quite finds you’ ഖത്തറിൽ പ്രകാശനം ചെയ്യപ്പെടുന്നു. ജനുവരി 30, വ്യാഴം വൈകീട്ട് 7 മണി മുതൽ ഹിലാൽ അരോമ ദർബാർ ഹാളിൽ വെച്ചു നടക്കുന്ന ചടങ്ങിൽ ദോഹയിലെ സാമൂഹ്യസാംസ്കാരിക രംഗത്തെ പ്രമുഖർ പങ്കെടുക്കും. ഹാർമണി ഖത്തർ, ഇന്ത്യൻ ഓഥേഴ്‌സ് ഫോറവുമായി സഹകരിച്ചാണ് ചടങ്ങ് സംഘടിപ്പിക്കുന്നത്. ഹാർമോണിയം ബുക്സ് ആണ് പുസ്തകത്തിന്റെ പ്രസാധകർ. ദോഹയിലെ കലാ-സാഹിത്യാസ്വാദകരെയെല്ലാം ചടങ്ങിലേക്ക് സ്വാഗതം ചെയ്യുന്നതായി സംഘാടകർ അറിയിച്ചു.

ദോഹ: പ്രചോദനങ്ങളുടെ പ്രാധാന്യം അടയാളപ്പെടുത്തുന്ന പരമ്പരയാണ് ഡോ.അമാനുല്ല വടക്കാങ്ങരയുടെ വിജയമന്ത്രങ്ങളെന്ന് ഖത്തര്‍ ഇന്ത്യന്‍ ഓതേര്‍സ് ഫോറം പ്രസിഡണ്ട് ഡോ. കെ.സി.സാബു അഭിപ്രായപ്പെട്ടു. വാക്കുകള്‍ക്ക് മനുഷ്യനെ വളര്‍ത്താനും തകര്‍ക്കാനും കഴിയുമെന്നും ക്രിയാത്മകമായ രീതിയില്‍ വാക്കുകളെ എങ്ങനെ പ്രയോഗിക്കണമെന്നാണ് വിജയമന്ത്രങ്ങള്‍ ഉദ്‌ഘോഷിക്കുന്നതെന്നും അദ്ദേഹം പറഞ്ഞു. ദോഹയിലെ സ്‌കില്‍സ് ഡവലപ്‌മെന്റ് സെന്ററില്‍ നടന്ന ചടങ്ങില്‍ വിജയമന്ത്രങ്ങളുടെ എട്ടാം ഭാഗം പ്രകാശനം ചെയ്ത് സംസാരിക്കുകയായിരുന്നു അദ്ദേഹം. പ്രചോദനം ഓരോരുത്തരേയും അനിവാര്യമായ മാറ്റങ്ങള്‍ക്ക് നിര്‍ബന്ധിക്കുന്നു. മാറ്റമാണ് പുരോഗതിയുടെ വഴിയെന്നും നാം ഓരോരുത്തരും വിചാരിച്ചാല്‍ മാറ്റം സാധ്യമാണെന്നും തിരിച്ചറിയുന്നതോടെ ലക്ഷ്യത്തിലേക്കുള്ള മുന്നേറ്റത്തിന് വേഗത കൂടും. വ്യത്യസ്ത ജീവിത സാഹചര്യങ്ങളെ ക്രിയാത്മകമായി അഭിമുഖീകരിക്കുവാനും ജീവിതവിജയം നേടാനും പ്രചോദനമാകുന്ന പാഠങ്ങളാല്‍ ശ്രദ്ധേയമായ പരമ്പരയാണിതെന്ന് അദ്ദേഹം പറഞ്ഞു. എന്‍വിബിഎസ് സ്ഥാപകരായ മനോജ് സാഹിബ് ജാനും ബേനസീര്‍ മനോജും ചേര്‍ന്ന് പുസ്തകത്തിന്റെ ആദ്യ പ്രതി ഏറ്റുവാങ്ങി. അല്‍ സുവൈദ് ഗ്രൂപ്പ് ഡയറക്ടര്‍…

ബഹ്റൈന്‍: കൊല്ലം പ്രവാസി അസോസിയേഷൻ ഇന്ത്യയുടെ 76 മത് റിപ്പബ്ലിക്ദിനം ആഘോഷിച്ചു. രാവിലെ കെ.പി.എ ആസ്ഥാനത്തു പ്രസിഡന്റ് അനോജ് മാസ്റ്റർ ദേശീയ പതാക ഉയർത്തി , റിപ്പബ്ലിക് ദിന സന്ദേശം നൽകുകയും ചെയ്തു. തുടർന്നു മധുര വിതരണം നടത്തി. ചടങ്ങിൽ കെപിഎ ജനറൽ സെക്രട്ടറി പ്രശാന്ത് പ്രബുദ്ധൻ,കെപിഎ ട്രഷറർ മനോജ് ജമാൽ, കെപിഎ സെക്രട്ടറി രജീഷ് പട്ടാഴി, സെൻട്രൽ കമ്മറ്റി അംഗങ്ങളായ കിഷോർ കുമാർ, സജീവ് ആയൂർ, രഞ്ജിത്ത് ആർ പിള്ള, സജി കുളത്തിങ്കൽ എന്നിവർ സന്നിഹിതരായിരുന്നു.