Category: MIDDLE EAST/GULF

റിയാദ്: 2025-ലെ ഹജ്ജ് തീർത്ഥാടനത്തിനായുള്ള വിശുദ്ധ യാത്രയെ ചുറ്റിപ്പറ്റിയുള്ള നിയമങ്ങളിലും ചട്ടങ്ങളിലും സൗദി അറേബ്യ കാര്യമായ മാറ്റങ്ങൾ പ്രഖ്യാപിച്ചു. സുരക്ഷാ കാരണങ്ങളാൽ തീർത്ഥാടകരോടൊപ്പം പുണ്യസ്ഥലങ്ങളിലേക്ക് കുട്ടികൾ പോകുന്നത് വിലക്കാനുള്ള തീരുമാനവും പ്രധാന മാറ്റങ്ങളിൽ ഒന്നാണ്. കൂടാതെ, രാജ്യം അതിന്റെ വിസ നയങ്ങൾ അപ്‌ഡേറ്റ് ചെയ്‌തു, ഇത് ചില രാജ്യങ്ങളിൽ നിന്നുള്ള ആളുകൾക്ക് കൂടുതൽ നിയന്ത്രണങ്ങൾ ഏർപ്പെടുത്തി. 2025 മുതൽ ഹജ്ജ് തീർത്ഥാടനത്തിൽ കുട്ടികൾക്ക് പങ്കെടുക്കാൻ അനുവാദമില്ലെന്ന് സൗദി ഹജ്ജ്, ഉംറ മന്ത്രാലയം സ്ഥിരീകരിച്ചു. മക്കയിലും പരിസര പ്രദേശങ്ങളിലും ദശലക്ഷക്കണക്കിന് ആളുകൾ ഒത്തുകൂടുന്ന തീർത്ഥാടന വേളയിൽ ആവർത്തിച്ചുള്ള ഒരു പ്രശ്നമായ തിരക്ക് മൂലമുണ്ടാകുന്ന അപകടങ്ങളിൽ നിന്ന് കുട്ടികളെ സംരക്ഷിക്കുന്നതിനാണ് ഈ തീരുമാനം എടുത്തതെന്ന് മന്ത്രാലയം അറിയിച്ചു. “കുട്ടികളുടെ സുരക്ഷയും ക്ഷേമവും ഉറപ്പാക്കുന്നതിനും ഹജ്ജ് തീർത്ഥാടന വേളയിൽ ഉണ്ടാകാവുന്ന ഏതെങ്കിലും ദോഷങ്ങൾ ലഘൂകരിക്കുന്നതിനുമാണ് ഈ നടപടി സ്വീകരിച്ചിരിക്കുന്നത്,” മന്ത്രാലയം വിശദീകരിച്ചു.…

റിയാദ്: സൗദി അറേബ്യ 2025 ഫെബ്രുവരി 1 മുതൽ പ്രാബല്യത്തിൽ വരുന്ന വിധത്തിൽ വിസ നയത്തിൽ കാര്യമായ മാറ്റം പ്രഖ്യാപിച്ചു. ടൂറിസം, ബിസിനസ്, കുടുംബ സന്ദർശനങ്ങൾ എന്നിവയ്ക്കായി രാജ്യം ഇനി സിംഗിൾ എൻട്രി വിസകൾ മാത്രമേ നൽകൂ, മുമ്പ് ലഭ്യമായിരുന്ന ഒരു വർഷത്തെ മൾട്ടിപ്പിൾ എൻട്രി വിസകൾ അനിശ്ചിതമായി നിർത്തിവച്ചു. ഇന്ത്യ ഉൾപ്പെടെ 14 രാജ്യങ്ങളിൽ നിന്നുള്ള യാത്രക്കാരെ ഈ തീരുമാനം ബാധിക്കുകയും യാത്രാ പദ്ധതികളിൽ അതിന്റെ സ്വാധീനത്തെക്കുറിച്ച് ആശങ്കകൾ ഉയർത്തുകയും ചെയ്തു. പരിഷ്കരിച്ച സൗദി വിസ ചട്ടങ്ങള്‍: • 2025 ഫെബ്രുവരി 1 മുതൽ സിംഗിൾ എൻട്രി വിസകൾ മാത്രമേ അനുവദിക്കൂ. • ഓരോ വിസയ്ക്കും 30 ദിവസത്തെ സാധുത ഉണ്ടായിരിക്കും , പരമാവധി താമസ കാലാവധി 30 ദിവസമായിരിക്കും. • ഹജ്ജ്, ഉംറ, നയതന്ത്ര, താമസ വിസകളിൽ മാറ്റമില്ല . • അൾജീരിയ, ബംഗ്ലാദേശ്,…

ബഹ്റൈന്‍: വിദ്യാർത്ഥികളുടെ പരീക്ഷയോടുള്ള ഭയവും ഉത്കണ്ഠയും മാറ്റി അവരുടെ മനസ്സ് പരീക്ഷക്ക് പാകമാക്കി എടുക്കുന്നതിന് വേണ്ടി കൊല്ലം പ്രവാസി അസ്സോസ്സിയേഷൻ സൽമാനിയ ഏരിയയുടെ നേതൃത്വത്തിൽ എക്സാം ഫോബിയ ക്ലാസ്സ് സംഘടിപ്പിച്ചു. ഈ അവേർനെസ്സ് ക്ലാസ്സ് വിദ്യാർത്ഥികൾക്കും അതുപോലെതന്നെ രക്ഷിതാക്കൾക്കും ഒരു പോലെ ഉപകാരപ്രദമായി മാറി. പ്രവാസി ഗൈഡൻസ് സെന്റർ ചെയർമാനും സീനിയർ കൗൺസിലറുമായ ഡോ.ജോൺ പനക്കൽ വിദ്യാർത്ഥികളുടെ പരീക്ഷാപ്പേടിയും ഉത്കണ്ഠയും മാറാനുള്ള മാർഗ്ഗനിർദ്ദേശങ്ങൾ നൽകുന്ന ക്ലാസ്സ് എടുത്തു, KPA സൽമാനിയ ഏരിയ പ്രസിഡന്റ് ജയകുമാർ അധ്യക്ഷത വഹിച്ച പരിപാടിയിൽ ഏരിയ സെക്രട്ടറി ജി ബി ജോൺ വർഗീസ് സ്വാഗതം ആശംസിക്കുകയും KPA പ്രസിഡന്റ് അനോജ് മാസ്റ്റർ ഉത്‌ഘാടനം നിർവഹിക്കുകയും ചെയ്തു . KPA പ്രസിഡന്റ് അനോജ് മാസ്റ്റർ ഡോ. ജോൺ പനക്കലിന് കെപിയുടെ മെമെന്റോ നൽകി ആദരിച്ചു. കെ പി എ ചിൽഡ്രൻസ് വിങ് കൺവീനർ നിസാർ…

ദോഹ: ഖത്തറിലെ പ്രശസ്ത ബാറ്റ് മിന്റണ്‍ അക്കാദമിയായ എന്‍.വി.ബി.എസിന് ഇന്‍ഡോ അറബ് ഫ്രണ്ട്ഷിപ്പ് പുരസ്‌കാരം. ബാറ്റ്മിന്‍ഡണ്‍ പരിശീലന രംഗത്തെ മാതൃകാപരമായ പ്രവര്‍ത്തനങ്ങള്‍ പരിഗണിച്ചാണ് പുരസ്‌കാരം. തിരുവനന്തപുരം മാസ്‌കോട്ട് ഹോട്ടലില്‍ നടന്ന ഇന്‍ഡോ ഖത്തര്‍ സൗഹാര്‍ദ്ധ സംഗമത്തില്‍ വിദ്യാഭ്യാസ മന്ത്രി വി. ശിവന്‍കുട്ടി പുരസ്‌കാരം സമ്മാനിച്ചു.  എന്‍.വി.ബി.എസ് ഫൗണ്ടര്‍മാരായ ബേനസീര്‍ മനോജും മനോജ് സാഹിബ് ജാനും പുരസ്‌കാരം ഏറ്റുവാങ്ങി. മുന്‍ എംപി പീതാംബരക്കുറുപ്പ്, കിംസ് ഡയറക്ടര്‍ ഇ എം. നജീബ്, യോഗാചാര്യന്‍ ഡോ.സുധീഷ്, കൃപ ചാരിറ്റബിള്‍ സൊസൈറ്റി പ്രസിഡണ്ട് അല്‍ ഹാജ് എ എം.ബദ്‌റുദ്ധീന്‍ മൗലവി തുടങ്ങിയവര്‍ വിശിഷ്ട അതിഥികളായിരുന്നു. ഇന്‍ഡോ അറബ് ഫ്രണ്ട്ഷിപ്പ് സെന്റര്‍ ചീഫ് കോഓര്‍ഡിനേറ്റര്‍ കലാ പ്രേമി ബഷീര്‍ ബാബു, കണ്‍വീനര്‍ മുഹമ്മദ് മാഹീന്‍, ബാബു ജോണ്‍ ജോസഫ്, തെക്കന്‍ സ്റ്റാര്‍ ബാദുഷ, ഡോ.അമാനുല്ല വടക്കാങ്ങര, അഡ്വ.ദീപ ഡിക്രൂസ് എന്നിവര്‍ സംസാരിച്ചു.

ദോഹ: തനിമ ഖത്തർ സംഘടിപ്പിച്ച ‘ആർട്ട്‌മോസ്ഫിയർ 2025’ ഇൻ്റർസോൺ കലാമേളയിൽ പുരുഷ-വനിതാ വിഭാഗങ്ങളിൽ റയ്യാൻ സോൺ ഓവറോൾ കിരീടം ചൂടി. വാശിയേറിയ പോരാട്ടത്തിനൊടുവിൽ പുരുഷ വിഭാഗത്തിൽ വക്റ സോൺ റണ്ണറപ്പായി. മദീന ഖലീഫക്കാണ് മൂന്നാം സ്ഥാനം. വനിതാ വിഭാഗത്തിൽ മദീന ഖലീഫ രണ്ടും ദോഹ മൂന്നും സ്ഥാനങ്ങൾ കരസ്ഥമാക്കി. പുരുഷ വിഭാഗത്തിൽ വക്റ സോണിലെ റഫീഖ് നീർമുണ്ടയും വനിതാ വിഭാഗത്തിൽ മദീന ഖലീഫയിലെ സന അബുലൈസും വ്യക്തിഗത ചാമ്പ്യൻമാരായി. കഥ, കവിത, കാലിഗ്രഫി, പെയിന്റിംഗ്,കാർട്ടൂൺ തുടങ്ങിയ രചനാ മത്സരങ്ങളിലും ഖുർആൻ പാരായണം, പ്രസംഗം, മാപ്പിള പാട്ട്, കഥാപ്രസംഗം, സംഘഗാനം, സ്കിറ്റ്, സംഗീത ശില്പം, മൈം, പദ്യം ചൊല്ലൽ തുടങ്ങിയ സ്റ്റേജ് മത്സരങ്ങളിലുമായി റയ്യാൻ, വക്റ, മദീന ഖലീഫ, ദോഹ, തുമാമ, അൽഖോർ സോണുകൾ മാറ്റുരച്ചു. ഖത്തറിന്റെ വിവിധ ഭാഗങ്ങളിലായി നടന്ന പ്രാദേശികതല മത്സരങ്ങളിൽ മികവ് പുലർത്തിയ വ്യക്തികളും…

ബഹ്റൈന്‍: കൊല്ലം പ്രവാസി അസോസിയേഷൻ സൽമാനിയാ ഏരിയ കമ്മിറ്റിയുടെ ആഭിമുഖ്യത്തിൽ ട്യൂബ്ലിയിലുള്ള അൽ മക്കീന ലേബർ ക്യാമ്പിൽ വെച്ച് 76 – മത് ഇന്ത്യൻ റിപ്പബ്ലിക് ദിനം വിപുലമായി ആഘോഷിച്ചു. KPA സൽമാനിയ ഏരിയ പ്രസിഡന്റ് ജയകുമാറിന്റെ അദ്ധ്യക്ഷതയിൽ ആരംഭിച്ച ആഘോഷ പരിപാടി കെ പി എ വൈസ് പ്രസിഡന്റ് കോയിവിള മുഹമ്മദ് കുഞ്ഞു കേക്ക് മുറിച്ച് ഉദ്ഘാടനം ചെയ്തു. ഏരിയ സെക്രട്ടറി ജിബി ജോൺ വർഗീസ് സ്വാഗതം പറഞ്ഞ യോഗത്തിൽ കെ പി എ ജനറൽ സെക്രട്ടറി പ്രശാന്ത് പ്രബുദ്ധൻ റിപ്പബ്ലിക് ദിന സന്ദേശം നൽകി. ഏരിയ കോഓര്‍ഡിനേറ്റർ റെജിമോൻ ബേബിക്കുട്ടി, ഏരിയ വൈസ് പ്രസിഡന്റ് ടിറ്റോ ജോൺസൺ എന്നിവർ ആശംസകളും, ഏരിയ ട്രഷറർ സന്തോഷ് കുമാർ നന്ദിയും അറിയിച്ചു. തുടർന്ന് ലേബർ ക്യാമ്പിലെ അംഗങ്ങൾക്ക് മധുരവും ഭക്ഷണപ്പൊതിയും വിതരണം ചെയ്തു. സെൻട്രൽ കമ്മിറ്റി അംഗങ്ങൾ…