Category: WORLD

കൈവ്: വടക്കുകിഴക്കൻ ഉക്രെയ്‌നിലെ റോംനി നഗരത്തിലെ സ്‌കൂളിൽ ബുധനാഴ്ച റഷ്യ നടത്തിയ ആക്രമണത്തിൽ നാല് പേര്‍ കൊല്ലപ്പെടുകയും നാല് പേർക്ക് പരിക്കേൽക്കുകയും ചെയ്തതായി ആഭ്യന്തര മന്ത്രി ഇഹോർ ക്ലൈമെൻകോ പറഞ്ഞു. സ്കൂൾ ഡയറക്ടർ, ഡെപ്യൂട്ടി ഡയറക്ടർ, സെക്രട്ടറി, ലൈബ്രേറിയൻ എന്നിവരുടെ മൃതദേഹങ്ങൾ രക്ഷാപ്രവർത്തകർ അവശിഷ്ടങ്ങൾക്കിടയിൽ നിന്ന് പുറത്തെടുത്തതായി ക്ലിമെൻകോ പറഞ്ഞു. സുമി റീജിയണിന്റെ ഭാഗമായ റോംനിയിലെ സ്‌കൂൾ പരിസരത്തിലൂടെ കടന്ന് പോകുകയായിരുന്ന നാല് പേര്‍ക്ക് പരിക്കേറ്റതായി അദ്ദേഹം പറഞ്ഞു. രാവിലെ 10:05ന് (0705 ജിഎംടി) റഷ്യ തൊടുത്ത ഡ്രോൺ സ്‌കൂളിൽ പതിച്ചതായി പ്രാദേശിക സൈനിക ഭരണകൂടം പറഞ്ഞു. “സ്കൂൾ കെട്ടിടം നശിച്ചു, സ്കൂൾ വർഷത്തിന് തൊട്ടുമുമ്പാണിത് സംഭവിച്ചത്,” ഉക്രേനിയൻ മനുഷ്യാവകാശ ഓംബുഡ്സ്മാൻ ഡിമിട്രോ ലുബിനറ്റ്സ് ടെലിഗ്രാമിൽ പറഞ്ഞു. അതേസമയം, സിവിലിയൻമാരെയും സിവിലിയൻ അടിസ്ഥാന സൗകര്യങ്ങളെയും മനഃപൂർവം ലക്ഷ്യമിടുന്നത് റഷ്യ നിഷേധിക്കുകയാണ്.

മോസ്‌കോ: റഷ്യൻ കൂലിപ്പടയാളി മേധാവി യെവ്‌ജെനി പ്രിഗോജിൻ ബുധനാഴ്ച മോസ്‌കോയുടെ വടക്ക് തകർന്ന ഒരു സ്വകാര്യ ജെറ്റിലെ യാത്രക്കാരനാണെന്ന് റഷ്യയുടെ വ്യോമയാന അതോറിറ്റിയായ റോസാവിയാറ്റ്‌സിയയെ ഉദ്ധരിച്ച് ടാസ് വാർത്താ ഏജൻസി റിപ്പോർട്ട് ചെയ്തു. “ഇന്ന് രാത്രി ത്വെർ മേഖലയിൽ ഉണ്ടായ എംബ്രയർ വിമാനാപകടത്തെക്കുറിച്ച് അന്വേഷണം ആരംഭിച്ചിട്ടുണ്ട്. യാത്രക്കാരുടെ ലിസ്റ്റില്‍ യെവ്ജെനി പ്രിഗോഷിന്റെ പേരും കുടുംബപ്പേരും ഉൾപ്പെടുന്നു,” റോസാവിയാറ്റ്സിയ പറഞ്ഞു. മോസ്‌കോയ്ക്ക് വടക്ക് റഷ്യയിലെ ത്വെർ മേഖലയിൽ സ്വകാര്യ ജെറ്റ് തകർന്ന് പത്ത് പേർ മരിച്ചതായി നേരത്തെ ടാസ് റിപ്പോർട്ട് ചെയ്തിരുന്നു. മോസ്‌കോയിൽ നിന്ന് സെന്റ് പീറ്റേഴ്‌സ്ബർഗിലേക്കുള്ള യാത്രാവിമാനത്തിൽ ഏഴ് യാത്രക്കാരും മൂന്ന് ജീവനക്കാരുമാണ് ഉണ്ടായിരുന്നത്.

വന്യജീവികളുടെ വിസ്മയിപ്പിക്കുന്ന വൈവിധ്യം പലപ്പോഴും നമ്മുടെ ഏറ്റവും ഉജ്ജ്വലമായ ഭാവനകളെ മറികടക്കും. സോഷ്യൽ മീഡിയയിൽ പ്രചരിക്കുന്ന ഒരു വൈറൽ വീഡിയോ ഈ പ്രതിഭാസത്തിന് തെളിവ് നൽകുകയാണ്. ദക്ഷിണാഫ്രിക്കയിലെ ഒരു വിദൂര പ്രദേശത്താണ് സംഭവം നടന്നത്. ഏകദേശം 50 ഓളം ബാബൂണുകളാണ് (ആഫ്രിക്കന്‍ കുരങ്ങുകള്‍) തങ്ങളെ ആക്രമിക്കാന്‍ വന്ന പുള്ളിപ്പുലിയെ തിരിച്ച് ആക്രമിച്ച് വിരട്ടിയോടിച്ചത്. വിജനമായ റോഡിന് നടുവിൽ നടന്ന അസാധാരണമായ ആക്രമണം ആ വഴി വന്ന വാഹനങ്ങളിലുള്ളവര്‍ക്ക് വേറിട്ട അനുഭവമായി, അവരത് വീഡിയോയില്‍ പകര്‍ത്തുകയും ചെയ്തു. ഇര തേടി വന്ന ഒരു പുള്ളിപ്പുലി റോഡില്‍ ചിന്നിച്ചിതറി നടക്കുന്ന കുരങ്ങുകളെ കണ്ട് അവയിലൊന്നിനെ പിടിക്കാന്‍ മുന്നോട്ടോടിയതും തുടര്‍ന്ന് കുരങ്ങുകള്‍ കൂട്ടത്തോടെ പുലിയെ ആക്രമിക്കുന്നതുമാണ് രംഗം. കുരങ്ങനെ തിന്നാമെന്ന് വ്യാമോഹിച്ച താന്‍ അബദ്ധമാണോ കാണിച്ചതെന്ന് പുലി ചിന്തിക്കുന്നതിനു മുന്‍പേ കുരങ്ങുകള്‍ ആക്രമണം ആരംഭിച്ചിരുന്നു. പുലിയുടെ ആക്രമണത്തില്‍ തങ്ങള്‍ക്ക് പിടിച്ചുനില്‍ക്കാന്‍ കഴിയുമോ…

പാക്കിസ്താനില്‍ കേബിൾ കാറിന്റെ തകരാർ മൂലം 3000 അടി ഉയരത്തില്‍ പര്‍‌വ്വത നിരകളിലൂടെയുള്ള യാത്രയില്‍ കുട്ടികള്‍ കേബിള്‍ കാറില്‍ കുടുങ്ങി. ഇന്ന് (ഓഗസ്റ്റ് 22 ചൊവ്വാഴ്ച), പാക്കിസ്താനിലെ ഖൈബർ പഖ്തൂൺഖ്വയിലെ ബട്ട ഗ്രാമത്തില്‍ അല്ലായി തെഹ്‌സിലിലാണ് സംഭവം. കേബിൾ കാറിന്റെ വയർ പൊട്ടിയതാണ് തകരാർ ഉണ്ടാകാൻ കാരണമെന്ന് പറയുന്നു. ഇതുമൂലം കേബിൾ കാറിൽ ഉണ്ടായിരുന്ന 6 സ്കൂൾ കുട്ടികളടക്കം 8 പേർ ഏകദേശം 3000 അടി ഉയരത്തിൽ കുടുങ്ങിക്കിടക്കുകയാണ്. കഴിഞ്ഞ 8 മണിക്കൂറായി 8 പേരും കേബിൾ കാറിൽ കുടുങ്ങിക്കിടക്കുന്നതായാണ് വിവരം. എല്ലാവരെയും രക്ഷിക്കാൻ രക്ഷാപ്രവർത്തനം പുരോഗമിക്കുകയാണ്. ഇതിനായി ഹെലികോപ്റ്ററും വിളിച്ചിട്ടുണ്ടെങ്കിലും രക്ഷാപ്രവർത്തനം ഇതുവരെ വിജയിച്ചിട്ടില്ല. കേബിൾ കാറിന്റെ ഉയർന്ന ഉയരവും ചുറ്റുമുള്ള മലനിരകളും കാരണം രക്ഷാപ്രവർത്തനം ബുദ്ധിമുട്ടിലാണെന്നാണ് വിവരം. ഉയരത്തിൽ കുടുങ്ങിക്കിടക്കുന്ന കേബിൾ കാർ സ്വകാര്യ കേബിൾ കാറാണെന്നും നാട്ടുകാരെ നദി മുറിച്ചു കടക്കാൻ സഹായിക്കുന്നുവെന്നുമാണ്…

ലണ്ടൻ: വടക്കൻ ഇംഗ്ലണ്ടിലെ ഒരു ആശുപത്രിയിൽ നിയോനേറ്റൽ നഴ്‌സായി ജോലി ചെയ്യുന്നതിനിടെ ഏഴ് കുഞ്ഞുങ്ങളെ കൊലപ്പെടുത്തുകയും മറ്റ് ആറ് പേരെ കൊല്ലാൻ ശ്രമിക്കുകയും ചെയ്തതിന് നഴ്സ് ലൂസി ലെറ്റ്ബിക്ക് ജീവപര്യന്തം ശിക്ഷ വിധിച്ചു. ബ്രിട്ടീഷ് നിയമപ്രകാരം സാധ്യമായ ഏറ്റവും കഠിനമായ ശിക്ഷയാണ് ജഡ്ജി ജെയിംസ് ഗോസ് വിധിച്ചത്. ലെറ്റ്ബി തന്റെ ജീവിതകാലം മുഴുവൻ കാരാഗൃഹത്തില്‍ ചെലവഴിക്കുന്നുവെന്ന് ഉറപ്പാക്കാൻ ആജീവനാന്ത ഉത്തരവാണ് ജഡ്ജി നല്‍കിയത്. യുകെയിൽ വധശിക്ഷയില്ല. 22 ദിവസത്തെ വിചാരണയ്ക്കൊടുവിലാണ് മാഞ്ചസ്റ്റർ ക്രൗൺ കോടതിയിലെ ഒരു ജൂറി, 33 വയസ്സുകാരി ലെറ്റ്ബി, ഒരു വർഷം നീണ്ടുനിന്ന കാലഘട്ടത്തില്‍ കുഞ്ഞുങ്ങളെ കൊന്നതിന് കുറ്റക്കാരിയാണെന്ന് വിധിച്ചത്. 2015 ജൂണിനും 2016 ജൂണിനും ഇടയിൽ വടക്കുപടിഞ്ഞാറൻ ഇംഗ്ലണ്ടിലെ കൗണ്ടസ് ഓഫ് ചെസ്റ്റർ ഹോസ്പിറ്റലിലെ നവജാതശിശു വിഭാഗത്തിലാണ് കുഞ്ഞുങ്ങള്‍ മരിച്ചത്. താൻ ജീവനെടുത്ത കുഞ്ഞുങ്ങളുടെയോ മുറിവേറ്റവരുടെയോ മാതാപിതാക്കളിൽ നിന്നുള്ള ദേഷ്യവും വേദനയും പ്രതികരണവും…

റോം: പോംപൈക്കടുത്തുള്ള റോമൻ വില്ലയിൽ അടിമകൾ ഉപയോഗിച്ചിരുന്ന ഒരു ചെറിയ കിടപ്പുമുറി പുരാവസ്തു ഗവേഷകർ കണ്ടെത്തിയതായി സാംസ്കാരിക മന്ത്രാലയം ഞായറാഴ്ച പുറത്തുവിട്ട പ്രസ്താവനയില്‍ പറഞ്ഞു. ഏകദേശം 2,000 വർഷങ്ങൾക്ക് മുമ്പ് വെസൂവിയസ് പർവതത്തിന്റെ അഗ്നിപർവ്വത സ്ഫോടനത്തിൽ നശിച്ചുപോയ പോംപൈയുടെ മതിലുകൾക്ക് വടക്ക് 600 മീറ്റർ (2,000 അടി) സിവിറ്റ ജിയുലിയാന വില്ലയിലാണ് ഈ മുറി കണ്ടെത്തിയത്. അതിൽ രണ്ട് കിടക്കകൾ ഉണ്ടായിരുന്നു. ഒന്നിൽ മാത്രം ഒരു മെത്തയും രണ്ട് ചെറിയ കാബിനറ്റുകളും ഒരു കൂട്ടം പാത്രങ്ങളും സെറാമിക് പാത്രങ്ങളും ഉണ്ട്. കൂടാതെ, രണ്ട് ചുണ്ടെലികളുടേയും ഒരു എലിയുടെയും അവശിഷ്ടങ്ങളും കണ്ടെത്തി. “ഈ വിശദാംശങ്ങൾ അക്കാലത്ത് സമൂഹത്തിന്റെ താഴേത്തട്ടിലുള്ളവർ ജീവിച്ചിരുന്ന അനിശ്ചിതത്വത്തിന്റെയും മോശം ശുചിത്വത്തിന്റെയും അവസ്ഥകളെ ഒരിക്കൽ കൂടി അടിവരയിടുന്നു” എന്ന് സാംസ്കാരിക മന്ത്രാലയം പ്രസ്താവനയിൽ പറഞ്ഞു. മുറിയിലെ താമസക്കാരെ തടഞ്ഞുനിർത്താൻ ഗ്രേറ്റുകളോ പൂട്ടുകളോ ചങ്ങലകളോ കണ്ടില്ല. 1907-1908…

ഫൈസലാബാദ്: ഞായറാഴ്ച പുലർച്ചയ്ക്ക് മുമ്പ് പിണ്ടി ഭട്ടിയനടുത്ത് ഫൈസലാബാദ് മോട്ടോർവേയിൽ പാസഞ്ചർ ബസും ഡീസൽ ബാരൽ കയറ്റിവന്ന പിക്കപ്പും കൂട്ടിയിടിച്ചുണ്ടായ അപകടത്തിൽ സ്ത്രീകളും കുട്ടികളുമടക്കം 18 പേർ വെന്തുമരിക്കുകയും 10 പേർക്ക് പരിക്കേൽക്കുകയും ചെയ്തു. അപകടത്തിൽ ഇരു വാഹനങ്ങളിലെയും ഡ്രൈവർമാരും മരിച്ചു. 40 ഓളം യാത്രക്കാരുമായി കറാച്ചിയിൽ നിന്ന് ഇസ്‌ലാമാബാദിലേക്ക് പോവുകയായിരുന്നു ബസ് എന്ന് രക്ഷാപ്രവർത്തകർ പറഞ്ഞു. പരിക്കേറ്റവരെ പിണ്ടി ഭട്ടിയാൻ ആശുപത്രിയിൽ പ്രവേശിപ്പിച്ചു. കൂട്ടിയിടിച്ചതിന് തൊട്ടുപിന്നാലെയാണ് ബസിന് തീപിടിച്ചതെന്ന് ജില്ലാ പോലീസ് ഓഫീസർ ഡോ. ഫഹദ് പറഞ്ഞു. പരിക്കേറ്റവരിൽ ഭൂരിഭാഗം പേരുടെയും നില ഗുരുതരമാണെന്നും അദ്ദേഹം പറഞ്ഞു. തീപിടിച്ച ബസ്സിന്റെ ചില്ലുകൾ തകർത്ത് യാത്രക്കാരെ പുറത്തെടുക്കാൻ സമീപ പ്രദേശങ്ങളിലുള്ളവർ ശ്രമിച്ചതായി ദൃക്‌സാക്ഷികൾ പറഞ്ഞു. 15 യാത്രക്കാരെയെങ്കിലും അവശിഷ്ടങ്ങളിൽ നിന്ന് സുരക്ഷിതമായി പുറത്തെടുത്തതായി നാഷണൽ ഹൈവേസ് ആൻഡ് മോട്ടോർവേസ് പോലീസ് (എൻഎച്ച്എംപി) വക്താവ് പറഞ്ഞു. ഐജി എൻഎച്ച്എംപി…