Category: KERALA

കൊച്ചി: കഴിയുമെങ്കിൽ എന്നെ പാർട്ടിയിൽ നിന്ന് പുറത്താക്കട്ടേ എന്ന പരസ്യ വെല്ലുവിളിയുമായി കോൺഗ്രസ് നേതാവ് കെവി തോമസ്. തൃക്കാക്കരയിൽ നടക്കുന്ന ഉപതെരഞ്ഞെടുപ്പിൽ ഇടത് സ്ഥാനാർഥി ഡോ. ജോ ജോസഫിന് വേണ്ടി പ്രചാരണത്തിനിറങ്ങുമെന്ന് കെ.വി.തോമസ് വ്യക്തമാക്കി. മുഖ്യമന്ത്രി പിണറായി വിജയൻ നാളെ നടത്തുന്ന ഇടതു മുന്നണി പ്രചാരണ പരിപാടിയുടെ ഉദ്ഘാടന ചടങ്ങിലും തുടർന്നുള്ള ദിവസങ്ങളിൽ പ്രചാരണ പരിപാടികളിലും പങ്കെടുക്കുമെന്നും അദ്ദേഹം പറഞ്ഞു. “കണ്ണൂരിന്റെ മണ്ണിൽ ചവിട്ടിയാൽ പാർട്ടിയിൽ നിന്ന് പുറത്താക്കുമെന്ന് പറഞ്ഞിട്ട് എന്തായി? അതു നടന്നോ?” കൊച്ചിയിൽ വിളിച്ചു ചേർത്ത വാർത്താസമ്മേളനത്തിൽ കെ.വി. തോമസ് പരിഹാസത്തോടെ ചോദിച്ചു. കെപിസിസി ഐഐസിസിക്ക് നൽകിയ പരാതിയുടെ പകർപ്പ് എഐസിസി അച്ചടക്ക സമിതിക്ക് തനിക്ക് അയച്ചുതന്നിരുന്നു. എ.കെ. ആന്റണി ചെയർമാനായ കമ്മിറ്റിക്കാണു മറുപടി നൽകിയത്. അവരുടെ ശുപാർശ കോൺഗ്രസ് പ്രസിഡന്റിനു ചെന്നു. പ്രസിഡന്റു പറഞ്ഞതു ഞാൻ എഐസിസി മെമ്പറാണ് കെപിസിസി മെമ്പറാണ് എന്നാണ്.…

തൃശ്ശൂര്‍: നൂറു കണക്കിന് പൂരപ്രേമികളെ നിരാശരാക്കി തൃശൂർ പൂരത്തിന്റെ വെടിക്കെട്ട് ബുധനാഴ്ച രണ്ടാം തവണയും മാറ്റിവച്ചു. ഇന്ന് (ബുധനാഴ്ച) പുലർച്ചെ മൂന്നിന് നിശ്ചയിച്ചിരുന്ന പ്രധാന കരിമരുന്ന് പ്രയോഗം ആദ്യം രാത്രി ഏഴിലേക്ക് മാറ്റി. എന്നാൽ, ഉച്ചയോടെ നഗരത്തിൽ മഴ വീണ്ടും പെയ്തതോടെ വെടിക്കെട്ട് മാറ്റിവെക്കാൻ ജില്ലാ ഭരണകൂടം തീരുമാനിച്ചു. ജില്ലാ ഭരണകൂടത്തിന്റെ ഔദ്യോഗിക അറിയിപ്പ് പ്രകാരം വെടിക്കെട്ടിന്റെ അടുത്ത തീയതിയും സമയവും പിന്നീട് അറിയിക്കും. 6.30 ഓടെ മാറ്റിവച്ചതിനെക്കുറിച്ചുള്ള ഔദ്യോഗിക അറിയിപ്പ് വരുന്നതുവരെ ആരാധകർ പ്രതീക്ഷയോടെ നഗരത്തിൽ തങ്ങി. പൊതുജനങ്ങളുടെ സുരക്ഷ കണക്കിലെടുത്താണ് തീരുമാനമെന്ന് ജില്ലാ കളക്ടർ ഹരിത വി. കുമാർ അറിയിച്ചു. ഇന്നലെ രാത്രി നടക്കേണ്ടിയിരുന്ന വെടിക്കെട്ട് കനത്ത മഴയെ തുടർന്നാണ് ഇന്നത്തേക്ക് മാറ്റിയത്. ഇന്ന് വൈകീട്ട് വരെ കാര്യമായ ഭീഷണി മഴയുടെ കാര്യത്തിൽ ഉണ്ടായില്ലെങ്കിലും പിന്നീട് ശക്തമായ മഴ പെയ്തു. ഇപ്പോഴും മഴ തൃശ്ശൂരിൽ…

മലപ്പുറം: മുൻ അദ്ധ്യാപകന്‍ ശശികുമാര്‍ പീഡിപ്പിച്ച കൂടുതല്‍ വിദ്യാര്‍ത്ഥിനികല്‍ രംഗത്തെത്തി. നിലവില്‍ നഗരസഭാ കൗൺസിലറാണ് ശശികുമാര്‍. അറുപതോളം വിദ്യാർഥികളാണ് ശശികുമാറിനെതിരെ പരാതിയുമായി രംഗത്തെത്തിയിരിക്കുന്നത് തുടർന്ന് അദ്ദേഹം നഗരസഭാംഗത്വം രാജിവച്ചു. ഇയാൾ അധ്യാപകനായി ജോലി ചെയ്തിരുന്ന എയ്ഡഡ് സ്‌കൂളിലെ പൂർവ വിദ്യാർഥികളാണ് പരാതി നൽകിയത്. അധ്യാപകനായിരിക്കെ പെൺകുട്ടികളെ ലൈംഗികമായി പീഡിപ്പിക്കുകയും ലൈംഗികച്ചുവയോടെ സംസാരിക്കുകയും ചെയ്തുവെന്നാണ് പരാതി. അദ്ധ്യാപകവൃത്തിയില്‍ നിന്ന് വിരമിച്ചതിന് ശേഷം ഫേസ്ബുക്കില്‍ കുറിച്ച പോസ്റ്റാണ് ഇയാള്‍ക്ക് വിനയായത്. ഇതോടെ രാജിവെക്കണമെന്ന് സി.പി.എം പാർട്ടി കമ്മിറ്റി ആവശ്യപ്പെട്ടു. എന്നാൽ, പരാതി നൽകിയതിനെ തുടർന്ന് ഇയാൾ ആത്മഹത്യയ്ക്ക് ശ്രമിക്കുകയായിരുന്നുവെന്നാണ് സൂചന. ശശികുമാർ കഴിഞ്ഞ മാർച്ചിലാണ് സ്കൂളിൽ നിന്ന് വിരമിച്ചത്. അറുപതോളം വിദ്യാര്‍ത്ഥിനികളെ പല കാലങ്ങളിലായി ലൈംഗികമായി പീഡിപ്പിച്ചിട്ടുണ്ടെന്നാണ് സ്‌കൂളിലെ പൂര്‍വ വിദ്യാര്‍ത്ഥികളുടെ കൂട്ടായ്മ പറയുന്നത്. 2019ല്‍ സ്‌കൂള്‍ അധികൃതരോട് വിദ്യാര്‍ത്ഥിനികള്‍ പരാതിപ്പെട്ടെങ്കിലും വേണ്ട നടപടികള്‍ അധ്യാപകരുടെ ഭാഗത്തു നിന്നും ഉണ്ടായിട്ടില്ലെന്നും…

തൃശൂർ: സംസ്‌ഥാനത്തിന്റെ സാംസ്‌കാരിക തലസ്ഥാനത്തിന്റെ മതസൗഹാർദത്തിന്റെ പ്രതീകമാണ് തൃശൂർ പൂരം. പൂരത്തിനിടെ നൂറുകണക്കിന് പേര്‍ക്ക് ഇഡ്ഡലിയും സാമ്പാറും വിളമ്പി ക്രിസ്ത്യൻ പുരോഹിതനും മനുഷ്യസ്‌നേഹിയുമായ ഫാ. ഡേവിസ് ചിറമ്മേൽ വ്യത്യസ്ഥനായി. ഗുണമേന്മയുള്ള ഭക്ഷണം നൽകുന്ന നിരവധി ഹോട്ടലുകൾ തൃശൂർ ടൗണിലെ സ്വരാജ് റൗണ്ടിലുണ്ടെങ്കിലും പൂരം ദിവസം ടൗണിൽ ലക്ഷക്കണക്കിന് ആളുകൾ തടിച്ചുകൂടുന്നതിനാൽ സീറ്റുകൾ അതിവേഗം നിറയുന്ന സാഹചര്യത്തിലാണ് ചിറമ്മേല്‍ അച്ചന്റെ രംഗപ്രവേശം. “പൂരം ദിവസം നിന്നുതിരിയാന്‍ പോലും സ്ഥലമില്ലാത്തതിനാൽ കുടുംബങ്ങൾ ഭക്ഷണത്തിനായി ഒരു ഹോട്ടലിൽ നിന്ന് മറ്റൊന്നിലേക്ക് ഓടുന്നു. തിരക്കേറിയ സ്ഥലവും തിരക്കുള്ള ജീവനക്കാരും ഉള്ളതിനാൽ പലരും പ്രഭാതഭക്ഷണവും ഉച്ചഭക്ഷണവും വൈകിപ്പിക്കുന്നു. അതുകൊണ്ടാണ് പൊതുജനങ്ങൾക്കിടയിൽ ഇഡ്ഡലിയും സാമ്പാറും വിതരണം ചെയ്യാൻ തീരുമാനിച്ചതെന്ന് ഫാ. ചിറമ്മേൽ പറഞ്ഞു. തന്റെ ഈ നല്ല പ്രവൃത്തിക്ക് പലരും നന്ദി രേഖപ്പെടുത്തി. നാമമാത്രമായ 2 രൂപ നിരക്കിലാണ് ഇഡ്ഡലിയും സാമ്പാറും വിതരണം ചെയ്തത്. 30,000ത്തോളം…

കൊച്ചി: ഇന്ത്യൻ ശിക്ഷാ നിയമത്തിലെ 124 എ വകുപ്പ് സുപ്രീം കോടതി തടഞ്ഞുവെച്ച സാഹചര്യത്തിൽ രാജ്യദ്രോഹ നിയമപ്രകാരമുള്ള എല്ലാ പ്രോസിക്യൂഷനുകളും പിൻവലിക്കണമെന്ന് കേരളത്തിലെ നിയമ വിദഗ്ധ സമൂഹം സർക്കാരിനോട് ആവശ്യപ്പെട്ടു. കൊളോണിയൽ കാലത്തെ നിയമം താൽക്കാലികമായി നിർത്തിവച്ച സുപ്രീം കോടതി ബുധനാഴ്ച അത് പുനഃപരിശോധിക്കുന്നത് വരെ പുതിയ എഫ്‌ഐആറുകൾ ഫയൽ ചെയ്യരുതെന്ന് സർക്കാരിനോട് നിർദ്ദേശിച്ചു. കേന്ദ്ര സർക്കാർ ഈ വ്യവസ്ഥ പുനഃപരിശോധിക്കുന്നതുവരെ രാജ്യദ്രോഹ നിയമം നിര്‍ത്തിവെക്കണമെന്ന സുപ്രീം കോടതി വിധിയെ സ്വാഗതം ചെയ്ത കേരള ഹൈക്കോടതിയിൽ നിന്ന് വിരമിച്ച ജസ്റ്റിസ് ബി കെമാൽ പാഷ, രാജ്യദ്രോഹ നിയമം നടപ്പാക്കുന്നതിന് മുമ്പ് ഒരു കൂട്ടം മാർഗ്ഗനിർദ്ദേശങ്ങൾ പാലിക്കണമെന്ന് നിർദ്ദേശിച്ചു. “ഇന്ത്യൻ ശിക്ഷാ നിയമത്തിൽ നിന്ന് രാജ്യദ്രോഹം നീക്കം ചെയ്യണമെന്ന് ഞാൻ പറയുന്നില്ല. എന്നാൽ, അത് ദുരുപയോഗം ചെയ്യുന്നത് അവസാനിപ്പിക്കേണ്ടതുണ്ട്, അതിന് മതിയായ മാർഗ്ഗനിർദ്ദേശങ്ങൾ നിർദ്ദേശിക്കേണ്ടതുണ്ട്,” അദ്ദേഹം പറഞ്ഞു. “ജനാധിപത്യത്തിൽ…

തൃക്കാക്കര: ഉപതെരഞ്ഞെടുപ്പിൽ തൃക്കാക്കരയിൽ എൽ ഡി എഫിനായി പ്രചാരണത്തിനിറങ്ങുമെന്നു മുതിർന്ന കോൺഗ്രസ് നേതാവ് K.V.തോമസ് അറിയിച്ചു. കൊച്ചിയിൽ നടത്തിയ വാർത്ത സമ്മേളനത്തിലാണ് അദ്ദേഹം ഇക്കാര്യം അറിയിച്ചത്. നിലപാട് മാറുന്നതിൽ ഏറെ സങ്കടമുണ്ടെന്നും അദ്ദേഹം പറഞ്ഞു. മുഖ്യമന്ത്രി പിണറായി വിജയൻ ഉദ്‌ഘാടനം ചെയുന്ന എൽ ഡി എഫ് തിരഞ്ഞെടുപ്പ് യോഗത്തിലും തോമസ് പങ്കെടുക്കും

കോതമംഗലം: വിവാഹവാർഷിക ദിനത്തിൽ മൂന്ന് കുട്ടികളുമായി പുഴയിൽ കുളിക്കാനിറങ്ങിയ പിതാവ് മുങ്ങിമരിച്ചു. ഇഞ്ചൂർ കുറുമാട്ടുകുടി സ്വദേശി അബി കെ അലിയാർ (42) ആണ് മരിച്ചത്. കോഴിപ്പിള്ളി പുഴയിൽ കുളിക്കാനിറങ്ങിയ മകന്‍ ചുഴിയില്‍ പെട്ട മകനെ രക്ഷിക്കാൻ ശ്രമിക്കുന്നതിനിടെയാണ് അബിയ്ക്ക് അപകടം പിണഞ്ഞത്. ഈ സമയം പുഴയിൽ കുളിക്കാനെത്തിയ കോതമംഗലം അഗ്നിശമന സേനയിലെ സിവിൽ ഡിഫൻസ് അംഗം റെജിയാണ് മകൻ അമീറിനെ (12) രക്ഷപ്പെടുത്തിയത്. ഇയാളും അബിയെ രക്ഷിക്കാൻ ശ്രമിച്ചെങ്കിലും ചുഴിയില്‍ പെട്ട് അബി മുങ്ങുകയായിരുന്നു. ഇഞ്ചൂർ ചെക്ക്ഡാമിന് സമീപം ചൊവ്വാഴ്ച രാവിലെ 11.50നായിരുന്നു സംഭവം നടന്നത്. റെജി അറിയിച്ചതിനെ തുടർന്ന് എത്തിയ കോതമംഗലം അഗ്നിരക്ഷാ സേനയിലെ അംഗങ്ങളായ ഷിബു പി.ജോസഫ്, പി.എം.ഷാനവാസ്‌, വിഷ്ണു മോഹൻ എന്നിവർ അബിയെ മുങ്ങിയെടുത്തു കോതമംഗലം ധർമഗിരി ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പാലാ ഗവ. പോളിടെക്നിക് ഇൻസ്ട്രക്ടറാണ് അബി. സംസ്കാരം ബുധനാഴ്ച രാവിലെ…

ഇ.കെ സമസ്ത വേദിയിൽ വെച്ച് പത്താം ക്ലാസ് വിദ്യാർത്ഥിനിയെ എല്ലാവരുടെയും മുന്നിൽ വെച്ച് അപമാനിച്ച സമസ്ത നേതാവിനെതിരെ വിമർശനവുമായി ആക്ടിവിസ്റ്റും സംവിധായികയുമായ ഐഷ സുൽത്താന രംഗത്ത്. ഒരു മുസ്ലീം പെൺകുട്ടിയെ വേദിയിൽ കയറുന്നതില്‍ നിന്ന് തടയാൻ ആർക്കും അധികാരമില്ലെന്നും അതിനുള്ള കാരണങ്ങളും ഐഷ തന്റെ ഫേസ്ബുക്ക് പേജിൽ കുറിച്ചു. മനുഷ്യർക്ക് തെറ്റ് പറ്റാം, അത് സ്വാഭാവികം പക്ഷെ അത് തെറ്റെന്നു മനസ്സിലായാൽ ഉടനെ തിരുത്തേണ്ടതുമാണ്. പണ്ഡിതന് ഒരു തെറ്റ് പറ്റിയെങ്കിൽ അത് തിരുത്തേണ്ടതാണ്. ഇല്ലെങ്കിൽ ഈ സമൂഹത്തിലെ ആളുകൾക്കിടയിൽ അതൊരു തെറ്റിദ്ധാരണയായി എന്നും ഉണ്ടാകുമെന്നും ചൂണ്ടിക്കാട്ടിയാണ് പോസ്റ്റ് അവസാനിപ്പിക്കുന്നത്. ഐഷയുടെ ഫേസ്ബുക്ക് പോസ്റ്റ് പൂർണ്ണരൂപം: ഒരു മുസ്ലിം പെൺകുട്ടിയെ വേദിയിൽ നിന്നും മാറ്റി നിർത്താനുള്ള അധികാരമൊന്നും ആർക്കുമില്ല… കാരണം… ഇതൊരു ജനാധിപത്യ രാജ്യമാണ്. ഇനി ഇപ്പൊ മതമാണ് പ്രശ്നമെങ്കിൽ ഇസ്ലാം മതത്തിൽ സ്ത്രീയുടെ അവകാശത്തെയും സ്വാതന്ത്ര്യത്തെയും പറ്റി…

തിരുവനന്തപുരം: നെയ്യാറ്റിൻകര കാരക്കോണത്ത് ആരോഗ്യ പ്രവർത്തകർ 800 കിലോയോളം അഴുകിയ മീൻ പിടിച്ചെടുത്ത് കുഴിച്ച് മൂടി. തമിഴ്നാട് അതിർത്തിയോടു ചേര്‍ന്നുള്ള പ്രദേശത്തെ വഴിയോര കച്ചവടക്കാരാണ് കേടായ മത്സ്യം വിറ്റിരുന്നത്. പുഴുവരിച്ച മത്സ്യമാണ് വില്‍ക്കുന്നതെന്ന നാട്ടുകാരുടെ പരാതിയെ തുടർന്നാണ് പരിശോധന നടത്തിയത്. രാസവസ്തുക്കൾ പ്രയോഗിച്ച മത്സ്യത്തിന് ഒരു മാസത്തെ പഴക്കമുണ്ടെന്ന് സംശയിക്കുന്നതായി ആരോഗ്യ ഉദ്യോഗസ്ഥർ പറഞ്ഞു. കുന്നത്തുകാല്‍ പഞ്ചയത്തില്‍ തമിഴ്‌നാട് കേരള അതിര്‍ത്തി പ്രദേശമായ കൂനന്‍ പനയിലാണ് റോഡരികിലായി അഴുകിയ മത്സ്യ കച്ചവടം നടന്നത്. മീന്‍ വാങ്ങി വീട്ടിലെത്തിയപ്പോള്‍ അവയില്‍ നിന്ന് പുഴുക്കള്‍ പുറത്തേക്ക് വരുന്നത് കണ്ടാണ് ആരോഗ്യ വകുപ്പിനെ വിവരം അറിയിച്ചത്. തുടര്‍ന്ന് ആരോഗ്യ വകുപ്പ് പരിശോധന നടത്തിയപ്പോള്‍ ഏകദേശം ഒരു മാസം പഴക്കമുള്ള മത്സ്യമാണെന്നും രാസവസ്തു ഉപയോഗിച്ചിട്ടുണ്ടെന്നും കണ്ടെത്തി.

ആലപ്പുഴ: പിഞ്ചുകുഞ്ഞുങ്ങളുടെ ജീവനെടുത്ത ശേഷം പോലീസ് ഉദ്യോഗസ്ഥന്റെ ഭാര്യ ആത്മഹത്യ ചെയ്തു. വണ്ടാനം മെഡിക്കൽ കോളേജ് ഔട്ട്‌പോസ്റ്റിലെ സിവിൽ പോലീസ് ഓഫീസർ റെനീസിന്റെ ഭാര്യയും മക്കളുമാണ് മരിച്ചത്. രണ്ടുമക്കളില്‍ ഇളയ കുട്ടിയായ ഒന്നര വയസുകാരി മലാലയെ വെള്ളത്തില്‍ മുക്കിക്കൊന്ന നിലയിലും, അഞ്ചു വയസുകാരന്‍ ടിപ്പു സുല്‍ത്താനെ മുഖത്ത് തലയിണ അമര്‍ത്തി ശ്വാസംമുട്ടിച്ച് കൊലപ്പെടുത്തിയ നിലയിലുമാണ് കണ്ടെത്തിയത്. റെനീസിന്റെ ഭാര്യ നജ്‌ലയെ തൂങ്ങി മരിച്ചനിലയിലാണ് കണ്ടെത്തിയതെന്ന് പൊലീസ് പറയുന്നു. ഭർത്താവ് ഡ്യൂട്ടിക്ക് പോയ ശേഷമായിരുന്നു സംഭവം. കുടുംബപ്രശ്നമാണ് പ്രകോപനത്തിന് കാരണമെന്ന് പോലീസ് പറയുന്നു. ഇന്നലെ രാത്രി എട്ടു മണിയോടെയാണ് റെനീസ് നൈറ്റ് ഷിഫ്റ്റിൽ ജോലിക്കായി വീട്ടിൽ നിന്ന് പോയത്. ഇന്ന് രാവിലെ ഷിഫ്റ്റ് കഴിഞ്ഞ് റെനീസ് വീട്ടില്‍ വരുമ്പോഴാണ് സംഭവം അറിയുന്നത്. ഉടന്‍ തന്നെ പൊലീസില്‍ വിവരം അറിയിക്കുകയായിരുന്നു. കുടുംബപ്രശ്‌നമാണ് പ്രകോപനത്തിന് കാരണമെന്ന് പൊലീസ് പറയുന്നു. ഇവരുടെ വീട്ടിൽ…