എടത്വ: പച്ച കറുകയിൽ തോമസ് വർഗ്ഗീസ് (തോമാച്ചൻ-64 ) അന്തരിച്ചു. ഭൗതികശരീരം ഡിസംബർ 10 ശനിയാഴ്ച 5 മണിക്ക് സ്വവസതിയിൽ എത്തിക്കും. സംസ്ക്കാരം ഞായാറാഴ്ച 2ന് വസതിയിലെ ശുശ്രൂഷയ്ക്കു ശേഷം 3 മണിക്ക് പച്ച ചെക്കിടിക്കാട് ലൂർദ് മാതാ പള്ളി സെമിത്തേരിയിൽ നടക്കും. നെടുമുടി പൂത്തറ കുടുംബാംഗം കുഞ്ഞുമോൾ ആണ് ഭാര്യ. മക്കൾ: ടോൺസൺ ,ടോൺസി. മരുമക്കൾ: തലവടി കുറ്റിയിൽ ബ്ലസ്സി (അബുദാബി), പച്ച ചിറയിൽ സാൻ്റോ (അബുദാബി). ജർമ്മനി എം.സി ബി.എസ് സമൂഹ അംഗം റവ. ഫാദർ സെബാസ്റ്റ്യൻ കറുകയിൽ സഹോദരനാണ്.
തിരുവനന്തപുരം: ജീവനക്കാര്‍ക്ക് നവംബർ മാസത്തെ ശമ്പളം നല്‍കാന്‍ കെഎസ്ആർടിസിക്ക് സർക്കാർ 50 കോടി രൂപ അനുവദിച്ചു. ബാക്കി തുക ബാങ്കിന്റെ ഓവർഡ്രാഫ്റ്റ് വഴി എടുക്കാന്‍ തീരുമാനമായി. തിങ്കളാഴ്ച ശമ്പളം വിതരണം ചെയ്തേക്കും. നവംബറിലെ ശമ്പളം നല്‍കാന്‍ സഹായം തേടി കെ എസ് ആര്‍ ടി സി ധനവകുപ്പിന് കത്ത് നല്‍കിയിരുന്നു. ധനമന്ത്രി ഇന്നാണ് ഫയലില്‍ ഒപ്പിട്ടത്. കെ എസ്ര്‍ ടി സി ജീവനക്കാര്‍ക്ക് ശമ്പളം നല്‍കാനായി മാസം തോറും സര്‍ക്കാര്‍ നീക്കിവച്ചിരുന്ന സഹായം നിര്‍ത്തലാക്കാന്‍ സര്‍ക്കാര്‍ തീരുമാനിച്ചിരുന്നു. അടുത്ത വര്‍ഷം മുതല്‍ സാമ്പത്തിക സഹായം നല്‍കാനാകില്ലെന്ന് ധനവകുപ്പ് കെ എസ് ആര്‍ ടി സിയെ അറിയിക്കുകയും ചെയ്തു. ശമ്പള വിതരണത്തിന് 30 മുതൽ 50 കോടി വരെ സർക്കാർ പ്രതിമാസം നൽകുന്നത് തുടരാനാകില്ലെന്ന് ധനവകുപ്പ് വ്യക്തമാക്കി. പകരം, ഒറ്റത്തവണയായി വലിയൊരു തുക നല്‍കാമെന്നും സ്വയം പര്യാപ്തത നേടണമെന്നും…
തിരുവനന്തപുരം: കേരള സർവ്വകലാശാല യാരോസ്ലാവ്-ദി-വൈസ് നോവ്ഗൊറോഡ് സ്റ്റേറ്റ് യൂണിവേഴ്സിറ്റിയുമായി (NovSU) വിവിധ വിഷയങ്ങളിൽ സഹകരിക്കുകയും രണ്ട് സർവകലാശാലകളിലെയും വിദ്യാർത്ഥികൾക്ക് സ്കോളർഷിപ്പ് നൽകുകയും ചെയ്യും. ഡിസംബർ 7 ന് കേരള സർവകലാശാലയിൽ നടന്ന യോഗത്തിലാണ് അക്കാദമിക് ടൈ-അപ്പിന്റെ മേഖലകൾ ഔപചാരികമായത്. നോവ്‌എസ്‌യു ആക്ടിംഗ് റെക്ടർ യൂറി ബോറോവിക്കോവിന്റെ നേതൃത്വത്തിലുള്ള ഒരു പ്രതിനിധി സംഘം കേരള സർവകലാശാല രജിസ്ട്രാർ കെ എസ് അനിൽകുമാറുമായും മറ്റുള്ളവരുമായുള്ള നിർദിഷ്ട കരാറിന്റെ രൂപരേഖകൾ തീരുമാനിച്ചു. സൈബർ സുരക്ഷ, സൈദ്ധാന്തിക ഭൗതികശാസ്ത്രം, പോളിമർ മോഡലിംഗ് എന്നീ മേഖലകളിലെ മാസ്റ്റർ ഡിഗ്രി പ്രോഗ്രാമുകൾക്കായി ഒരു സെമസ്റ്റർ ദൈർഘ്യമുള്ള പരിശീലന പരിപാടിക്കായി സർവകലാശാലകൾ സഹകരിക്കും. നോവ്‌എസ്‌യു കേരള സർവകലാശാലയിൽ നിന്ന് രണ്ടോ മൂന്നോ ബിരുദ വിദ്യാർത്ഥികളെ സ്കോളർഷിപ്പ് സ്കീമിൽ പ്രവേശിപ്പിക്കും. രണ്ട് പോസ്റ്റ് ഡോക്ടറൽ ഗവേഷകർക്ക് ഇതേ പഠന മേഖലകളിൽ പ്രവേശനം അനുവദിക്കും. അദ്ധ്യാപനത്തിന്റെ ഗുണനിലവാരം മെച്ചപ്പെടുത്തുന്നതിന് ഒന്നോ…
തിരുവനന്തപുരം: 2,20,500 പേർക്ക് തൊഴിൽ നൽകുന്ന ഒരു ലക്ഷത്തിലധികം സംരംഭങ്ങൾ കഴിഞ്ഞ എട്ട് മാസത്തിനിടെ കേരളത്തിൽ ആരംഭിച്ചതായും ഇത് സംസ്ഥാനത്തേക്ക് 6,282 കോടി രൂപയുടെ നിക്ഷേപം കൊണ്ടുവന്നതായും വ്യവസായ മന്ത്രി പി. രാജീവ് പറഞ്ഞു. ഇയർ ഓഫ് എന്റർപ്രൈസസ് പദ്ധതിയുടെ നേട്ടങ്ങളെക്കുറിച്ച് മാധ്യമങ്ങളോട് സംസാരിക്കവെ, 1,01,353 പുതിയ സംരംഭങ്ങൾ സ്ഥാപിക്കുന്നതിൽ തദ്ദേശ സ്വയംഭരണ സ്ഥാപനങ്ങൾ നിർണായക പങ്ക് വഹിച്ചിട്ടുണ്ടെന്നും ഇതിൽ പതിനായിരത്തിലധികം എണ്ണം മലപ്പുറം, എറണാകുളം ജില്ലകളിലും മറ്റും ആരംഭിച്ചതായും അദ്ദേഹം പറഞ്ഞു. കൊല്ലം, തൃശൂർ, തിരുവനന്തപുരം എന്നിവിടങ്ങളിൽ 9,000-ത്തിലധികം. വ്യാവസായികമായി പിന്നാക്കം നിൽക്കുന്ന വയനാട്, ഇടുക്കി, കാസർകോട് ജില്ലകളിലായി 18,000-ത്തിലധികം തൊഴിലവസരങ്ങൾ സൃഷ്ടിക്കപ്പെട്ടു. വനിതാ സംരംഭകർ കാർഷിക, ഭക്ഷ്യ സംസ്‌കരണ മേഖലയിൽ 17,958 പുതിയ സംരംഭങ്ങൾ ആരംഭിച്ചപ്പോൾ വസ്ത്രം, ടെക്‌സ്‌റ്റൈൽ മേഖലകളിൽ 11,672 സംരംഭങ്ങൾ ആരംഭിച്ചതായി മന്ത്രി പറഞ്ഞു. ഇലക്ട്രിക്കൽ, ഇലക്‌ട്രോണിക്‌സ്, സേവനങ്ങൾ, വ്യാപാരം, ബയോടെക്‌നോളജി,…
കോഴിക്കോട്: പഞ്ചാബ് നാഷണൽ ബാങ്ക് തട്ടിപ്പ് കേസിലെ പ്രതി മുൻ സീനിയർ മാനേജർ എംപി റിജിലിന്റെ മുൻകൂർ ജാമ്യാപേക്ഷ കോടതി തള്ളി. കോഴിക്കോട് ജില്ലാ പ്രിൻസിപ്പൽ സെഷൻസ് കോടതിയാണ് ജാമ്യാപേക്ഷ തള്ളിയത്. ബാങ്കിന്റെ കോഴിക്കോട് ലിങ്ക് റോഡ് ശാഖയിലെ മുൻ സീനിയർ മാനേജരാണ് റിജിൽ. കോഴിക്കോട് കോർപ്പറേഷന്റെ പേരിലുള്ള വിവിധ അക്കൗണ്ടുകളിലായി 12.6 കോടിയോളം രൂപ തട്ടിയെടുത്തെന്നാണ് കേസ്. ഇതിൽ രണ്ടരക്കോടി രൂപ ബാങ്ക് കോർപ്പറേഷന് തിരികെ നല്‍കി. ബാങ്കില്‍ നടത്തിയ പരിശോധനയില്‍ ആകെ 21.29 കോടി രൂപയുടെ തിരിമറി നടത്തിയതായും കണ്ടെത്തിയിരുന്നു. അതിനിടെ, സംഭവത്തില്‍ അന്വേഷണം ആരംഭിച്ചതോടെ ഒളിവില്‍പോയ റിജിലിനായി പോലീസ് ലുക്ക്ഔട്ട് സര്‍ക്കുലര്‍ പുറത്തിറക്കി. രാജ്യം വിട്ടുപോകാതിരിക്കാന്‍ വിമാനത്താവളങ്ങളിലാണ് സര്‍ക്കുലര്‍ നല്‍കിയത്.
മണ്ണാർക്കാട്: മണ്ണാർക്കാട് ഉപജില്ല പ്രവൃത്തി പരിചയ മേളയിൽ മികച്ച രീതിയിൽ ചിത്രരചന നടത്തിയിട്ടും പതിനാറാം സ്ഥാനവും ബി ഗ്രേഡും മാത്രം ലഭ്യമായി വലിയ അനീതിക്ക് വിധേയയായ മണ്ണാർക്കാട് സ്വദേശിനി നിയ ആയിഷയെ വെൽഫെയർ പാർട്ടി, ഫ്രറ്റേണിറ്റി മൂവ്മെന്റ് മണ്ഡലം കമ്മിറ്റികൾ ചേർന്ന് ആദരിച്ചു. ഫ്രറ്റേണിറ്റി ജില്ലാ കാമ്പസ് സെക്രട്ടറിയേറ്റംഗം ഫർഹ, നിയക്ക് ഉപഹാരം നൽകി. വെൽഫെയർ പാർട്ടി മണ്ണാർക്കാട് മുൻസിപ്പൽ കമ്മിറ്റി പ്രസിഡന്റ് സിദ്ദീഖ് കുന്തിപ്പുഴ, മണ്ഡലം കമ്മിറ്റിയംഗം പാലൂർ മുഹമ്മദലി, ഫ്രറ്റേണിറ്റി പ്രവർത്തകൻ നിയാസ്, നിയയുടെ ബന്ധുക്കൾ എന്നിവർ സംബന്ധിച്ചു. തന്റെ സ്കൂളായ പള്ളിക്കുറുപ്പ് ശബരി എച്ച്.എസ്.എസിൽ ഉപജില്ലാ കലോത്സവം നടക്കവേ അദ്ധ്യാപകരുടെ സഹായത്തോടെ ചിത്രപ്രദർശനം നടത്തിയാണ് നിയ തന്നോടുള്ള നീതി നിഷേധത്തിനെതിരെ പ്രതിഷേധിച്ചത്.
തിരുവനന്തപുരം: കൊവിഡ് 19 കാലത്ത് പിപിഇ കിറ്റുകൾ വാങ്ങിയതിൽ അഴിമതി നടത്തിയെന്ന പരാതിയിൽ മുൻ ആരോഗ്യമന്ത്രി കെകെ ശൈലജ ഉൾപ്പെടെയുള്ളവർക്കെതിരെ അന്വേഷണം തുടരാമെന്ന് ഹൈക്കോടതി. ലോകായുക്ത നൽകിയ നോട്ടീസിനെതിരെ സംസ്ഥാന സർക്കാർ നൽകിയ ഹർജി കോടതി തള്ളിക്കൊണ്ടാണ് പുതിയ ഉത്തരവ്. ലോകായുക്ത നോട്ടീസിന് ശൈലജ അടക്കമുള്ളവര്‍ 11 ദിവസത്തിനകം മറുപടി നല്‍കണമെന്നും ഹൈക്കോടതി നിർദ്ദേശം നൽകി. മുന്‍ ആരോഗ്യമന്ത്രി കെ.കെ.ശൈലജ, മുന്‍ ആരോഗ്യ സെക്രട്ടറി രാജന്‍.എന്‍.ഖോബ്രഗഡെ, മെഡിക്കല്‍ സര്‍വീസസ് കോര്‍പറേഷന്‍ എംഡിയായിരുന്ന ബാലമുരളി എന്നിവര്‍ ഉള്‍പ്പെടെ 11 പേര്‍ക്കെതിരെ അന്വേഷണം ആവശ്യപ്പെട്ട് യൂത്ത് കോണ്‍ഗ്രസ് നേതാവ് വീണ്.എസ്.നായരാണ് ലോകായുക്തയെ സമീപിച്ചത്. 500 രൂപ വിലയുള്ള പിപിഇ കിറ്റുകള്‍ വാങ്ങിയത് മൂന്നിരട്ടി വിലയ്ക്കാണെന്നാണ് പരാതി.
കൊച്ചി: ഇന്ത്യയിലെ ആറു മതന്യൂനപക്ഷ വിഭാഗങ്ങളില്‍ അഞ്ചുവിഭാഗങ്ങളിലും 2.5 ശതമാനത്തില്‍ താഴെ വീതം ജനസംഖ്യമാത്രമാണുള്ളതെന്നും അതിനാല്‍ ഇവരെ മൈക്രോ മൈനോരിറ്റി വിഭാഗമായി പരിഗണിക്കാന്‍ മൈക്രോ മൈനോരിറ്റി നിര്‍വചനവും ഇതിനായി ഭരണഘടനാ ഭേദഗതിയുമുണ്ടാകണമെന്നും കാത്തലിക് ബിഷപ്‌സ് കോണ്‍ഫറന്‍സ് ഓഫ് ഇന്ത്യ ലെയ്റ്റി കൗണ്‍സില്‍ കേന്ദ്രസര്‍ക്കാരിനോട് അഭ്യര്‍ത്ഥിച്ചു. കൊച്ചി പാസ്റ്ററല്‍ ഓറിയന്റേഷന്‍ സെന്ററില്‍ ചേര്‍ന്ന സിബിസിഐ ലെയ്റ്റി കൗണ്‍സിലില്‍ ചെയര്‍മാന്‍ ബിഷപ് മാര്‍ ജോര്‍ജ് മഠത്തിക്കണ്ടത്തില്‍ അദ്ധ്യക്ഷത വഹിച്ചു. സീറോ മലങ്കര സഭ ലെയ്റ്റി കമ്മീഷന്‍ ചെയര്‍മാനും സിബിസിഐ ലെയ്റ്റി കൗണ്‍സില്‍ അംഗവുമായ ബിഷപ് ജോഷ്വാ മാര്‍ ഇഗ്നാത്തിയോസ്, കേരള റീജിയണല്‍ ലാറ്റിന്‍ കാത്തലിക് കൗണ്‍സില്‍ ലെയ്റ്റി കമ്മീഷന്‍ ചെയര്‍മാനും കെസിബിസി സെക്രട്ടറി ജനറലുമായ ബിഷപ് മോസ്റ്റ് റവ.അലക്‌സ് വടക്കുംതല എന്നിവര്‍ സംസാരിച്ചു. സിബിസിഐ ലെയ്റ്റി കൗണ്‍സില്‍ സെക്രട്ടറി ഷെവലിയര്‍ അഡ്വ.വി.സി.സെബാസ്റ്റ്യന്‍ ദേശീയ പ്രവര്‍ത്തന പരിപാടികള്‍ വിശദീകരിച്ചു. ഭാരത കത്തോലിക്കാസഭയിലെ…
തലവെടി: ആലപ്പുഴ ജില്ലയിൽ തലവെടി പഞ്ചായത്തിൽ തിരുപനയനൂർകാവ് ദേവി ക്ഷേത്രത്തിലെ കൃഷ്ണശിലാ ധ്വജം ദർശിക്കുവാൻ ഛചത്തീസ്ഗഢിൽ നിന്നും തീർത്ഥാടക സംഘം എത്തി. 51പേരടങ്ങുന്ന ശബരിമല തീർത്ഥാടക സംഘം ഗുരുവായൂർ ക്ഷേത്ര ദർശനം കഴിഞ്ഞാണ് ലോകപ്രശസ്തമായ കൃഷ്ണശില കൊടിമരം കാണുന്നതിനും ദേവീ ദർശനത്തിനുമായി കഴിഞ്ഞ ദിവസം എത്തിയത്. ക്ഷേത്രം മുഖ്യ കാര്യദർശി ബ്രഹ്മശ്രീ ആനന്ദൻ നമ്പൂതിരിയും, സെക്രട്ടറി അജികുമാർ കലവറശ്ശേരിയും, ക്ഷേത്ര ഭാരവാഹികളും ചേർന്ന് സംഘത്തെ സ്വീകരിച്ചു. ക്ഷേത്ര ദർശനം നടത്തിയ സംഘം കൃഷ്ണശില ധ്വജത്തോടൊപ്പം നിന്ന് ചിത്രങ്ങൾ പകർത്തിയാണ് മടങ്ങിയത്. കേരളത്തിലെ ആദ്യ കൃഷ്ണാ ശിലാ ധ്വജത്തിന് യൂണിവേഴ്സൽ റിക്കോർഡ് ഫോറം ഏഷ്യ ജൂറി ഡോ. ജോൺസൺ വി. ഇടിക്കുളയുടെ ശിപാർശയെ തുടർന്ന് ‘നിലവിൽ ഏറ്റവും ഉയരം കൂടിയ കൃഷ്ണശിലാ ധ്വജം ‘എന്ന അംഗികാരത്തോടെ ലോക റെക്കോര്‍ഡിൽ ഇടം പിടിക്കുകയും, സെപ്റ്റംബർ 27ന് ഗോവ ഗവർണർ അഡ്വ.പി.എസ്.…
തിരുവനന്തപുരം: പതിനാറുകാരിയെ പീഡിപ്പിച്ച കേസിൽ കഴിഞ്ഞ ദിവസം അറസ്റ്റിലായ ഡിവൈഎഫ്ഐ നേതാവ് ജെ ജിനീഷിന്റെ ഫോണില്‍ നിരവധി സ്ത്രീകളുമായുള്ള കാമകേളികളുടെ ദൃശ്യങ്ങള്‍ കണ്ടെത്തിയെന്ന് അറസ്റ്റു ചെയ്ത മലയിന്കീഴ് പോലീസ്. മുപ്പതോളം സ്ത്രീകളുമായുള്ള ലൈംഗിക വേഴ്ചകളുടെ വീഡിയോ ഇയാളുടെ ഫോണിൽ നിന്ന് കണ്ടെത്തിയതായി പോലീസ് വെളിപ്പെടുത്തി. കൂടാതെ, കത്തിയും വാളും ഉൾപ്പെടെയുള്ള മാരകായുധങ്ങൾ ഉപയോഗിക്കുന്ന വീഡിയോയും കണ്ടെത്തി. നാട്ടിൽ ലഹരി വിരുദ്ധ പ്രവർത്തനങ്ങൾ നടത്തുന്ന ജിനേഷ് മയക്കുമരുന്ന് ഉപയോഗിക്കുന്നതിന്റെയും പെൺകുട്ടികൾക്ക് മയക്കുമരുന്ന് നൽകുന്നതിന്റെയും ദൃശ്യങ്ങൾ പോലീസിന് ലഭിച്ചിട്ടുണ്ട്. ജിനേഷിന്റെ ഫോൺ വിദഗ്ധ പരിശോധനയ്ക്ക് പൊലീസ് അയച്ചിട്ടുണ്ട്. ഡിവൈഎഫ്‌ഐയുടെ വിളവൂര്‍ക്കല്‍ മേഖല പ്രസിഡന്റാണ് ജിനേഷ്. മലയിന്കീഴ് നിന്നും കാണാതായ പെണ്‍കുട്ടിയെ തേടിയുള്ള അന്വേഷണമാണ് ജിനേഷനിലെത്തിച്ചത്. നാട്ടില്‍ ലഹരിവിരുദ്ധ പ്രവര്‍ത്തനങ്ങളില്‍ പങ്കെടുത്തിരുന്ന ഇയാള്‍ ലഹരി ഉപയോഗിക്കുകയും പെണ്‍കുട്ടികള്‍ക്കടക്കം വിതരണം ചെയ്തതായും പോലീസിന് വിവരം കിട്ടിയിട്ടുണ്ട്. സ്ത്രീകളുമായി ശാരീരികബന്ധത്തില്‍ ഏര്‍പ്പെടുന്നതിന്റെ വീഡിയോകള്‍ ഫോണില്‍…