Category: KERALA

തിരുവനന്തപുരം: മൺസൂൺ ആരംഭിക്കുന്നതിന് മുന്നോടിയായി തെക്കൻ, മധ്യ ജില്ലകളിൽ പെയ്ത കനത്ത മഴ വിവിധ സ്ഥലങ്ങളിലെ താഴ്ന്ന പ്രദേശങ്ങളിലും ജലാശയങ്ങളോട് ചേർന്നുള്ള പ്രദേശങ്ങളിലും താമസിക്കുന്നവരുടെ ദുരിതം രൂക്ഷമാക്കി. തിരുവനന്തപുരം, കൊച്ചി തുടങ്ങിയ നഗരങ്ങളിലെ സ്ഥിതിയാണ് കൂടുതൽ വഷളാക്കിയത്. തിരുവനന്തപുരത്ത് ചില കടകളും വ്യാപാര സ്ഥാപനങ്ങളും വെള്ളത്തിനടിയിലായി. റോഡുകൾ വെള്ളത്തിനടിയിലായതോടെ സംസ്ഥാനത്ത് പലയിടത്തും ഗതാഗതം സ്തംഭിച്ചു. സംസ്ഥാനത്ത് തുറന്ന 34 ദുരിതാശ്വാസ ക്യാമ്പുകളിലേക്ക് 666 കുടുംബങ്ങളിലെ 2,054 പേരെ മാറ്റി. കാലവർഷത്തിന് മുന്നോടിയായി സംസ്ഥാനത്തുടനീളം താലൂക്ക് തലത്തിൽ റവന്യൂ വകുപ്പ് 24 മണിക്കൂറും കൺട്രോൾ റൂമുകൾ സ്ഥാപിച്ചിട്ടുണ്ട്. കഴിഞ്ഞ രണ്ട് ദിവസങ്ങളിലായി സംസ്ഥാനത്തിൻ്റെ തെക്കൻ, മധ്യ ഭാഗങ്ങളിൽ പെയ്ത മഴയിൽ 50 ഓളം വീടുകൾ ഭാഗികമായി തകർന്നു. രണ്ടുദിവസം മുമ്പ് വെള്ളത്തിനടിയിലായ തൃശൂർ അശ്വിനി ആശുപത്രിയിൽ ബുധനാഴ്ചത്തെ മഴയിൽ വീണ്ടും ഐസിയുവിൽ ഉൾപ്പെടെ വെള്ളം കയറി. ആശുപത്രിയുടെ മുൻവശത്തെ…

മലപ്പുറം: ചമ്രവട്ടം റെഗുലേറ്റർ കം ബ്രിഡ്ജിന് ചോർച്ച വരാൻ കാരണമായത് നിർമ്മാണ സമയത്ത് നടന്ന വൻ അഴിമതിയാണ് എന്ന വിവരം ഇപ്പോൾ പുറത്തുവന്നിരിക്കുകയാണ്. ഷീറ്റ് പൈലിങ് പുനർനിർമ്മാണത്തിനായി ഡൽഹി ഐ.ഐ.റ്റി ഉദ്യോഗസ്ഥർ നൽകിയ പദ്ധതികൾ പൊളിച്ചെഴുതി സർക്കാർ ഉത്തരവോ പഠനറിപ്പോർട്ടുകളോ ഇല്ലാതെ, നിലവാരം കുറഞ്ഞ ഷീറ്റുകളാണ് ഉപയോഗപ്പെടുത്തിയിരിക്കുന്നത്. ജനപ്രതിനിധികൾ മുതൽ ഉദ്യോഗസ്ഥർ വരെയുള്ളവർ കണ്ണി ചേർന്ന വൻ അഴിമതിയാണ് അക്കൗണ്ടന്റ്‌ ജനറലിന്റെ ഓഡിറ്റിങ്ങിലൂടെ പുറത്തുവന്നിരിക്കുന്നത്. ചൈനയിൽനിന്ന് നിലവാരമില്ലാത്ത ഷീറ്റുകൾ ഇറക്കിയതിലൂടെ വന്ന 157 ടൺ ഇരുമ്പിന്റെ കുറവ് വഴി 1.38 കോടിയുടെ അഴിമതിയാണ് നടന്നിരിക്കുന്നത് എന്ന വിവരം മാധ്യമങ്ങൾ പുറത്തു കൊണ്ടുവന്നു കഴിഞ്ഞു. ഓഡിറ്റിങ് പെട്ടെന്ന് നടന്നിട്ടില്ലായിരുന്നുവെങ്കിൽ 444 ടണ്ണിന്റെ അഴിമതിക്കായിരുന്നു കളമൊരുങ്ങിയിരുന്നത്. കരാറിൽ ഉള്ള റെഗുലേറ്ററിന്റെ താഴെ ഭാഗത്ത് ഷീറ്റ് അടിച്ചിറക്കൽ പകുതിയായപ്പോൾ നിർത്തിവെച്ച് അന്ന് കരാറിൽ ഇല്ലാത്ത മുകൾഭാഗത്ത് ഷീറ്റ് അടിക്കൽ തുടങ്ങിയ കരാറുകാരന്റെ…

മണ്ണാർക്കാട്: ഐ എൻ എൽ സ്ഥാപക നേതാവായിരുന്ന ഇബ്രാഹിം സുലൈമാൻ സേട്ട് സാഹിബ് അനുസ്മരണവും മണ്ണാർക്കാട്ടെ വിവിധ മേഖലകളിൽ മാതൃക തീർത്ത വ്യക്തികളെ ആദരിക്കലും SSLC പ്ലസ്2 ഉന്നത വിജയികളെ അനുമോദിക്കലും ഇന്ന് (30-05-2024) വൈകുന്നേരം 4 മണിക്ക് മണ്ണാർക്കാട് കോടതിപ്പടിയിലെ എമറാൾഡ് ഹാളിൽ വെച്ച് നടക്കുമെന്ന് INL മണ്ഡലം ഭാരവാഹികൾ അറിയിച്ചു.

ആലപ്പുഴ: ഒരു ജനപ്രിയ മലയാള സിനിമയിൽ നിന്ന് പ്രചോദനം ഉൾക്കൊണ്ട് അപകടകരമായ രീതിയില്‍ സ്റ്റണ്ടിന് ശ്രമിച്ചുവെന്നാരോപിച്ച് യൂട്യൂബറെ മോട്ടോര്‍ വാഹന വകുപ്പ് പിടികൂടി. ഓടുന്ന കാറിനുള്ളിൽ ടാർപോളിൻ ഷീറ്റ് വിരിച്ച് അതിൽ വെള്ളം നിറച്ച് താത്കാലിക നീന്തൽക്കുളം സ്ഥാപിച്ച് ജനശ്രദ്ധ നേടാന്‍ ശ്രമിച്ച സഞ്ജു ടെക്കി എന്ന  യുവാവിനെയാണ് പിടികൂടിയത്. റോഡിലൂടെ ഓടിക്കൊണ്ടിരിക്കുന്ന, വെള്ളം നിറച്ച കാറിൽ സഞ്ജുവും സുഹൃത്തുക്കളും ‘സഞ്ചരിക്കുന്ന സ്വിമ്മിംഗ് പൂളില്‍’ നീന്തിത്തുടിക്കുന്നതും കരിക്കിന്‍ വെള്ളം കുടിച്ച് ആസ്വദിക്കുന്നതുമായ വീഡിയോ യൂട്യൂബര്‍ സഞ്ജു സോഷ്യല്‍ മീഡിയയില്‍ പോസ്റ്റ് ചെയ്തത് ആയിരക്കണക്കിന് വ്യൂവേഴ്സിനെ നേടിയെങ്കിലും മോട്ടോര്‍ വാഹന വകുപ്പിന്റെ ‘കുരുക്ക്’ വീണത് പെട്ടെന്നാണ്. വിവിധ ട്രാഫിക് നിയമങ്ങൾ ലംഘിച്ചതിനാണ് യൂട്യൂബർക്കെതിരെ മോട്ടോർ വാഹന വകുപ്പ് ബുധനാഴ്ച കർശന നടപടി സ്വീകരിച്ചത്. വാഹനത്തിൻ്റെ രജിസ്ട്രേഷൻ സർട്ടിഫിക്കറ്റും സസ്പെൻഡ് ചെയ്തു. തിരക്കേറിയ റോഡിലൂടെ സഞ്ചരിച്ചുകൊണ്ടിരുന്ന വാഹനത്തിനുള്ളിലെ താത്ക്കാലിക സ്വിമ്മിംഗ്…

എടത്വ . തലവടി ചുണ്ടൻ വള്ളം ഓവർവീസ് ഫാൻസ് അസോസിയേഷന്‍ അറിവിന്റെ ട്രാക്കിലേക്ക് ചുവട് വയ്ക്കുന്ന തലവടിയുടെ ഭാവി തലമുറയ്ക്ക് ‘സ്നേഹ സമ്മാനം’ നല്‍കും. തലവടി പഞ്ചായത്തിലെ തെരഞ്ഞെടുക്കപ്പെട്ട ഏഴ് സ്കൂളുകളിലെ 200 നിർധനരായ വിദ്യാർത്ഥികൾക്കാണ് നോട്ടു ബുക്കുകൾ നല്കുന്നത്. ഇന്ന് തലവടി ന്യൂ എൽ. പി സ്കൂളിൽ ലിജു വർഗീസ് അധ്യക്ഷത വഹിക്കുന്ന ചടങ്ങ് അരുൺ പുന്നശ്ശേരിൽ ഉദ്ഘാടനം ചെയ്യും.തലവടി ചുണ്ടൻ വള്ളം സമിതി ജനറൽ സെക്രട്ടറി റിക്സൺ ഉമ്മൻ എടത്തിൽ വിതരണോദ്ഘാടനം നിർവഹിക്കും. വർക്കിംഗ്‌ പ്രസിഡന്റ് ജോമോൻ ചക്കാലയിൽ ആമുഖ സന്ദേശം നല്കും.ബ്ളോക്ക് പഞ്ചായത്ത് അംഗം അജിത് പിഷാരത്ത്,ഡോ ജോൺസൺ വി ഇടിക്കുള, എൽസമ്മ ടീച്ചർ,ശിവദാസ് ശിവരാമൻ എന്നിവർ പ്രസംഗിക്കും. പുതു തലമുറയെ ജലോത്സവ പ്രേമികള്‍ ആക്കുന്നതിന് ലക്ഷ്യമിട്ട് വിതരണം ചെയ്യുന്ന ബുക്കുകൾ പ്രത്യേകം ഡിസൈന്‍ ചെയ്തതും പുറം ചട്ടകളിൽ തലവടി ചുണ്ടൻ വള്ളത്തിന്റെ…

മലപ്പുറം : ഈ വർഷം മലപ്പുറം ജില്ലയിൽ എസ് എസ് എൽ സി, പ്ലസ് ടു പരീക്ഷകളിൽ ഫുൾ എ പ്ലസ് നേടിയ ജില്ലയിലെ മഴുവൻ പേരെയും സി ബി എസ് ഇ, ഐ സി എസ് ഇ പരീക്ഷകളിൽ 90 ശതമാനത്തിലധികം മാർക്ക് നേടിയവരെയും ഫ്രറ്റേണിറ്റി മലപ്പുറം ജില്ലാ കമ്മിറ്റിയുടെ നേതൃത്വത്തിൽ ആദരിക്കുന്നു. ഹാർവ്വസ്റ്റ് ഇൻസ്റ്റിറ്റ്യൂട്ടുമായി സഹകരിച്ച് മെയ്‌ 30 വ്യാഴാഴ്ച മലപ്പുറം റോസ് ലോഞ്ച് ഓഡിറ്റോറിയത്തിൽ വെച്ചാണ് പരിപാടി നടക്കുന്നത്. രാവിലെ 9.30 ന് തുടങ്ങുന്ന പരിപാടിയിൽ പ്രശസ്ത ട്രൈനറും ടെക്കിയുമായ ഒമർ അബ്ദുസലാം, ഫ്രറ്റേണിറ്റി സംസ്ഥാന പ്രസിഡന്റ്‌ കെ എം ഷെഫ്രിൻ, പൗരത്വ സമര നായികയും സ്റ്റുഡൻ്റ് ആക്റ്റിവിറ്റുമായ റാനിയ സുലൈഖ, വെൽഫെയർ പാർട്ടി ജില്ലാ പ്രസിഡൻ്റ് നാസർ കീഴുപറമ്പ്, കെ എസ് ടി എം ജില്ല പ്രസിഡന്റ്‌ ജാബിർ ഇരുമ്പുഴി, ഫ്രറ്റേണിറ്റി…

കൊച്ചി: പെരിയാറിൽ വിഷം കലക്കാൻ കമ്പനികൾക്ക് സർക്കാർ ആണ് മൗനാനുവാദം നൽകുന്നത് എന്ന് വെൽഫെയർ പാർട്ടി സംസ്ഥാന സെക്രട്ടറി മിർസാദ് റഹ്മാൻ. വെൽഫെയർ പാർട്ടി എറണാകുളം ജില്ലാ കമ്മിറ്റി മലിനീകരണ നിയന്ത്രണ ബോർഡ് കൊച്ചി റീജിയണൽ ഓഫീസിലേക്ക് നടത്തിയ മാർച്ച് ഉദ്ഘാടനം ചെയ്യുകയായിരുന്നു അദ്ദേഹം. പെരിയാറിലെ മത്സ്യക്കുരുതിയും നിറം മാറിയൊഴുകലും തുടർക്കഥയാകുമ്പോഴും യഥാർത്ഥ കാരണങ്ങൾ മൂടിവച്ച് കമ്പനികളെ സംരക്ഷിക്കുകയാണ് സർക്കാർ ചെയ്യുന്നത്. മലിനീകരണത്തിനെതിരെ നടപടിയെടുക്കേണ്ട ബോർഡ് അതിനെതിരെ പ്രതിഷേധിക്കുന്ന ജനങ്ങളുടെ വായ മൂടിക്കെട്ടി നിയന്ത്രിക്കാനാണ് നോക്കുന്നത്. ബോർഡിന്റേതല്ലാത്ത റിപ്പോർട്ടുകളെല്ലാം രാസമാലിന്യം പെരിയാറിൽ കലർന്നതായി പറയുമ്പോഴും ബോർഡ് മാത്രം കണ്ണിൽ പൊടിയിടുന്ന തരത്തിലുള്ള റിപ്പോർട്ടുകൾ സമർപ്പിക്കുകയാണ് ചെയ്യുന്നത്. ജനങ്ങളുടെ ആരോഗ്യത്തിന് ഒട്ടും വില കൽപ്പിക്കാത്ത പിസിബിയും സർക്കാരും തലമുറകളോട് ചെയ്യുന്ന ഏറ്റവും വലിയ ക്രൂരതയാണ് ഇതൊന്നും അദ്ദേഹം കൂട്ടിച്ചേർത്തു. ജില്ലാ പ്രസിഡണ്ട് കെഎച്ച് സദക്കത്ത് അധ്യക്ഷത വഹിച്ചു. ജനറൽ…

എടത്വ: തലവടി കുന്തിരിക്കൽ സി.എം.എസ് ഹൈസ്കൂൾ പൂർവ്വ വിദ്യാർത്ഥി സംഘടനയുടെ നേതൃത്വത്തില്‍ പുതിയ അധ്യയന വര്‍ഷം പ്രവേശനോത്സവത്തിന് മുന്നോടിയായി ” നമുക്ക് ഒരുക്കാം അവർക്കായി നമ്മുടെ വിദ്യാലയം ” എന്ന മുദ്രാവാക്യം ഉയർത്തി വിദ്യാലയവും പരിസരവും വൃത്തിയാക്കി. ഏകദേശം ഒരു ലക്ഷം രൂപയോളം ചെലവഴിച്ചാണ് സ്ക്കൂളും പരിസരവും മനോഹരമക്കിയത്.പുതിയ കെട്ടിടം നിർമ്മിച്ചതിന് ശേഷം പെയിന്റ് അടിക്കാതിരുന്നതിനാൽ പായൽ പിടിച്ച ഭിത്തികൾക്ക് പുതിയ നിറങ്ങള്‍ നല്കിയതോടെ വിദ്യാലയത്തിന്റെ മുഖച്ഛായയും മാറി. കൂടാതെ മഴ പെയ്യുമ്പോൾ മുറ്റത്ത് വെള്ളം കെട്ടി കിടക്കുന്ന ഭാഗങ്ങൾ മെറ്റൽ ഇട്ട് ഉയർത്തി മനോഹരരമാക്കി. ചില മാസങ്ങൾക്ക് മുമ്പ് പൂർവ്വ വിദ്യാർത്ഥി സംഘടനയുടെ നേതൃത്വത്തില്‍ കൊടി മരം നിർമ്മിച്ചു നല്കിയിരുന്നു. പൂർവ്വ വിദ്യാർത്ഥി സംഘടനയുടെ നേതൃത്വത്തില്‍ കുരുന്നുകൾക്കായി അത്യാധുനിക നിലയി ലുള്ള നേഴ്സറിക്ക് ആവശ്യമായ സൗകര്യങ്ങള്‍ ഒരുക്കി കൊടുക്കാൻ തീരുമാനിച്ചു.ഇത് സംബന്ധിച്ച് കൂടിയ യോഗം റവ.…

മലപ്പുറം: ‘എഴുത്തോല 2024’ എന്ന പേരിൽ തിരൂർ തുഞ്ചൻപറമ്പിൽ നടന്ന സംസ്ഥാനതല ദ്വിദിന സാഹിത്യ ക്യാമ്പ് ഞായറാഴ്ച സമാപിച്ചു. ജ്ഞാനപീഠ ജേതാവ് എം ടി വാസുദേവൻ നായർ സമാപന സമ്മേളനം ഉദ്ഘാടനം ചെയ്തു. ക്യാമ്പ് ഡയറക്ടർ മണമ്പൂർ രാജൻബാബു അദ്ധ്യക്ഷത വഹിച്ചു. കെ ശ്രീകുമാർ സ്വാഗതവും ടി പി സുബ്രഹ്മണ്യൻ നന്ദിയും പറഞ്ഞു. എഴുത്തുകാരായ ഷീജ വക്കം, ടി.ഡി.രാമകൃഷ്ണൻ, ശത്രുഘ്നൻ എന്നിവർ യഥാക്രമം കവിതയിലെ പുതിയ പ്രവണതകൾ, നവയുഗം, പുതിയ നോവലുകൾ, സാഹിത്യത്തിൽ പത്രാധിപരുടെ പങ്ക് എന്നീ വിഷയങ്ങളിൽ ക്ലാസുകൾ നയിച്ചു. ക്യാമ്പിൽ പങ്കെടുത്ത ബീനാമോൾ, സഫിയ തിരുനാവായ, സുനിൽ മാർക്കോസ്, റോഷ്ന ആർ.എസ്., അബ്ദുൾ ഹാദിൽ പി.എം., പ്രഭാ ഭരതൻ, കെ.എ.അഭിജിത്ത്, പ്രശാന്ത് വിസ്മയ, അനിത ജയരാജ്, പ്രിയംവദ, സംഗീത ജെയ്സൺ, കാവ്യ എം., ഷൈൻ ഷൗക്കത്തലി എന്നിവർ സംസാരിച്ചു.

പൊന്നാനി: പ്ലസ് വൺ സീറ്റ് അപര്യാപ്ത വിഷയത്തിൽ മലപ്പുറത്തെ ഒരു കുട്ടിക്ക് പോലും പരാതിയില്ലെന്ന പെരുനുണ കോടതിയിൽ ഉന്നയിച്ച ഇടതുപക്ഷ സർക്കാർ മലപ്പുറത്തെ വിദ്യാർത്ഥികളോടും രക്ഷിതാക്കളോടും മാപ്പ് പറയണം എന്നും മാറി വന്ന സർക്കാറുക്കാറുകളുടെ വിവേചനത്തിൻ്റെ ഫലമായി അവസരങ്ങൾ നിഷേധിക്കപ്പെട്ട മലപ്പുറത്തെ വിദ്യാർത്ഥികളുടെ പ്ലസ് വൺ, ഡിഗ്രി ഉപരിപഠന മേഖലയിലെ പ്രതിസന്ധി ശാശ്വതമായി പരിഹരിക്കാൻ സ്പെഷൽ പാക്കേജ് ഉടൻ നടപ്പിലാക്കണമെന്നും ഫ്രറ്റേണിറ്റി സംസ്ഥാന ജനറൽ സെക്രട്ടറി അർച്ചന പ്രജിത്ത് അഭിപ്രായപ്പെട്ടു. മലപ്പുറം മെമ്മോറിയലിൻ്റെ ഭാഗമായി ഫ്രറ്റേണിറ്റി മൂവ്മെൻ്റ് ജില്ലാ പ്രസിഡൻ്റ് ജംഷീൽ അബൂബക്കർ നയിക്കുന്ന ജസ്റ്റിസ് റൈഡിൻ്റെ ഉദ്ഘാടനം നിർവ്വഹിക്കുകയായിരുന്നു അവർ ,ഹയർ സെക്കൻ്ററി രൂപീകരണത്തിൻ്റെ ഒന്നര പതിറ്റാണ്ട് പിന്നിട്ടിട്ടും മലപ്പുറത്ത് എസ്.എസ്.എൽ.സി പരീക്ഷ ജയിക്കുന്ന മൂന്നിൽ ഒരു കുട്ടിക്ക് സർക്കാർ മേഖലയിൽ പ്ലസ്ടു പഠിക്കാൻ സീറ്റില്ലാത്ത അവസ്ഥയാണ്. വിദ്യാർത്ഥികൾക്ക് പരാതിയില്ല എന്ന് സർക്കാർ ഹൈകോടതിയിൽ കളവ്…