Category: KERALA

കൊച്ചി: ഫെയ്സ്ബുക്ക് വഴി പരിചയപ്പെട്ട പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച കേസിൽ യുവാവിനെ അറസ്റ്റു ചെയ്തു. തിരുവനന്തപുരം പൊഴിയൂർ നിവാസിയായ അമൽ രാമ (19) നെയാണ് മരട് പോലീസ് പിടികൂടിയത്. മരടില്‍ താമസിക്കുന്ന വിദ്യാർത്ഥിനിയെ ഫേസ്ബുക്ക് വഴി പരിചയപ്പെട്ട ശേഷം പ്രണയം നടിച്ച് പീഡിപ്പിക്കുകയായിരുന്നുവെന്നാണ് കേസ്. പെൺകുട്ടിയുടെ നഗ്നചിത്രങ്ങളും വീഡിയോകളും പകർത്തിയ ശേഷം സോഷ്യൽ മീഡിയയിലൂടെ പ്രചരിപ്പിക്കുമെന്ന് ഭീഷണിപ്പെടുത്തി വീണ്ടും പീഡിപ്പിക്കുകയായിരുന്നു.

കോഴിക്കോട്: പ്ലസ് ടു വിദ്യാർത്ഥിനി ഒന്നാം വർഷ എംബിബിഎസ് ക്ലാസിൽ പ്രവേശിച്ച സംഭവത്തിൽ കോഴിക്കോട് മെഡിക്കൽ കോളജ് അധികൃതർ വീഴ്ച സംഭവിച്ചതായി സമ്മതിച്ചു. കോഴ്‌സ് കോഓർഡിനേറ്റർ, വകുപ്പ് മേധാവികൾ, ക്ലാസ് ടീച്ചർ എന്നിവരോട് പ്രിൻസിപ്പൽ വിശദീകരണം തേടുകയും സംഭവത്തിൽ ഉന്നത അധികാരികൾക്ക് റിപ്പോർട്ട് നൽകാൻ ആവശ്യപ്പെടുകയും ചെയ്തു. മെഡിക്കൽ പ്രവേശന പരീക്ഷയ്ക്ക് യോഗ്യത നേടാത്ത പ്ലസ് ടു വിദ്യാർത്ഥിനി കോഴിക്കോട് മെഡിക്കൽ കോളജിൽ നവംബർ 29 മുതൽ നാലു ദിവസം എംബിബിഎസ് ക്ലാസിൽ പങ്കെടുത്തിരുന്നു. അഞ്ചാം തീയതി വിദ്യാർത്ഥിനി ക്ലാസിൽ എത്താതിരുന്നതോടെയാണ് സംഭവം പുറത്തറിഞ്ഞത്. അധികൃതർ രജിസ്റ്ററും ഹാജർ ബുക്കും പരിശോധിച്ചപ്പോഴാണ് വിദ്യാര്‍ത്ഥിനി അനധികൃതമായാണ് ക്ലാസില്‍ പ്രവേശിച്ചതെന്ന് മനസ്സിലായത്. രണ്ടാം അലോട്ട്‌മെന്റിലാണ് വിദ്യാർത്ഥിനി ക്ലാസുകളിൽ ചേർന്നതെന്നാണ് മെഡിക്കൽ കോളജ് അധികൃതർ പറയുന്നത്. രണ്ടാം അലോട്ട്‌മെന്റിൽ 245 വിദ്യാർഥികൾക്കാണ് പ്രവേശനം ലഭിച്ചത്. വിദ്യാർഥികളെ ഒരുമിച്ച് ക്ലാസിൽ പ്രവേശിപ്പിച്ചപ്പോഴാണ് വീഴ്ച…

തിരുവനന്തപുരം: സംസ്ഥാനത്ത് സ്ത്രീകൾക്ക് നേരെ വർദ്ധിച്ചുവരുന്ന അതിക്രമങ്ങൾ തടയുന്നതിനും സുരക്ഷ ഉറപ്പാക്കുന്നതിനുമായി കേരളത്തിലെ സ്ത്രീകൾക്ക് സുരക്ഷിതമല്ലാത്ത സ്ഥലങ്ങൾ കണ്ടെത്തുന്നതിനായി സംസ്ഥാനത്തൊട്ടാകെ താഴേത്തട്ടിൽ സുരക്ഷാ ഓഡിറ്റ് നടത്താൻ വനിതാ ശിശുവികസന വകുപ്പ് ഒരുങ്ങുന്നു. സ്ത്രീകൾക്കെതിരായ അതിക്രമങ്ങൾ അവസാനിപ്പിക്കാൻ ലക്ഷ്യമിട്ടുള്ള യുനെസ്‌കോയുടെ നേതൃത്വത്തിലുള്ള ആഗോള പ്രസ്ഥാനമായ ‘ഓറഞ്ച് ദ വേൾഡ്’ കാമ്പെയ്‌നിന്റെ ഭാഗമായാണ് ഈ സംരംഭം ആരംഭിക്കുന്നത്. നവംബർ 25ന് ആരംഭിച്ച പ്രചാരണം ഡിസംബർ 10ന് സമാപിക്കും. സ്ത്രീകൾക്കെതിരായ അതിക്രമങ്ങൾ സംസ്ഥാനത്ത് വർധിച്ചു വരുന്നതായി ഉദ്യോഗസ്ഥർ പറയുന്നു. സ്ഥിതിവിവരക്കണക്കുകൾ പ്രകാരം, 2022 ഒക്ടോബർ വരെ 15,403 സ്ത്രീകൾക്കെതിരായ കുറ്റകൃത്യങ്ങൾ സംസ്ഥാനത്ത് റിപ്പോർട്ട് ചെയ്യപ്പെട്ടിട്ടുണ്ട്. ഇതിൽ 4,233 എണ്ണം ഭർത്താക്കന്മാരുടെ/ ബന്ധുക്കളുടെ ക്രൂരതയുമായി ബന്ധപ്പെട്ടതാണ്. കൂടാതെ, ഈ കാലയളവിൽ മൊത്തം 6,372 ബലാത്സംഗ-പീഡന കേസുകളും 469 ഈവ് ടീസിംഗ് കേസുകളും റിപ്പോർട്ട് ചെയ്യപ്പെട്ടിട്ടുണ്ട്. സ്ത്രീകളുടെ അവകാശങ്ങൾ, നിലവിലുള്ള നിയമങ്ങൾ, സർക്കാർ വാഗ്ദാനം…

ന്യൂഡൽഹി: ഏകീകൃത സിവിൽ കോഡ് കൊണ്ടുവരുന്നതിനെ പിന്തുണച്ച് കേരള ഗവർണർ ആരിഫ് മുഹമ്മദ് ഖാൻ, ഭരണഘടനയോട് സത്യപ്രതിജ്ഞ ചെയ്ത ആരും അതിനെ ഒരിക്കലും എതിർക്കില്ലെന്നും പറഞ്ഞു. വെള്ളിയാഴ്ച യൂണിഫോം സിവിൽ കോഡിനെ കുറിച്ചുള്ള അഭിപ്രായം ചോദിച്ചപ്പോൾ, “ഭരണഘടനയോട് സത്യപ്രതിജ്ഞ ചെയ്ത ആരും അത് വരരുത് എന്ന് പറയില്ല,” എന്നായിരുന്നു അദ്ദേഹത്തിന്റെ മറുപടി. “ഹിന്ദു കോഡ് ഇതിനകം നിലവിലുണ്ട്, അത് ഹിന്ദുക്കളിലും സിഖുകാരിലും ജൈനരിലും ഏകത കൊണ്ടുവന്നോ? നാം വൈവിധ്യങ്ങളുടെ രാജ്യമാണ്,” അജണ്ട ആജ് തക് പരിപാടിയിൽ അദ്ദേഹം പറഞ്ഞു. “യൂണിഫോം സിവിൽ കോഡ് വിവാഹത്തെക്കുറിച്ചോ ആചാരങ്ങളെക്കുറിച്ചോ അല്ല. അത് തുല്യനീതിയെക്കുറിച്ചാണ്.  രണ്ട് ഭാര്യമാരുള്ളവരുണ്ട്.  ഞാൻ ആരുടെയും പേര് പറയുന്നില്ല,” അദ്ദേഹം പറഞ്ഞു. ഹിജാബിനെ ചുറ്റിപ്പറ്റിയുള്ള സമീപകാല വിവാദങ്ങളിൽ, “ആരാണ് ബുർഖ ധരിക്കുന്നത് തടയുന്നത്? ഇതൊരു സ്വതന്ത്ര രാഷ്ട്രമാണ്. എന്നാൽ, സ്ഥാപനങ്ങൾക്കും അവരുടെ വസ്ത്രധാരണരീതി ഉണ്ടായിരിക്കാൻ അവകാശമുണ്ട്. “ഹിജാബ്…

കോട്ടയം: കറുകച്ചാലിലെ ജ്വല്ലറിയിൽ സ്വർണം വാങ്ങാനെന്ന വ്യാജേന എത്തിയ യുവാവ് മൂന്ന് പവന്റെ മാല കവർന്ന് സ്കൂട്ടറില്‍ രക്ഷപ്പെട്ടു. സുമംഗലി ജ്വല്ലറിയിലാണ് മോഷണം നടന്നത്. ഇക്കഴിഞ്ഞ 7ന് ഇയാള്‍ ജ്വല്ലറിയിൽ എത്തിയതിന്റെ സിസിടിവി ദൃശ്യങ്ങളും പുറത്തുവന്നു. രണ്ടാഴ്ച മുമ്പ് പാമ്പാടിയിൽ സമാനമായ രീതിയിൽ കവർച്ച നടന്നിരുന്നു.

കൊച്ചി: വർഗീയതയ്‌ക്കെതിരായ നിലപാടിൽ മുസ്ലീം ലീഗിന് സിപിഎമ്മിനൊപ്പം ചേരാമെന്ന് സിപിഎം സംസ്ഥാന സെക്രട്ടറി എംവി ഗോവിന്ദൻ. കേരളത്തിൽ ഇടതുമുന്നണിയിലേക്ക് ആരെയും ക്ഷണിച്ചിട്ടില്ലെന്ന് അദ്ദേഹം പറഞ്ഞു. കേരളത്തിലെ ഇടതുമുന്നണി ഒരു രാഷ്ട്രീയ സഖ്യമാണ്. ഏതെങ്കിലും പ്രസ്താവനയിലോ സാഹചര്യത്തിലോ വരുന്ന മുന്നണിയല്ല. കൃത്യമായ നയത്തിൽ അധിഷ്ഠിതമായ രാഷ്ട്രീയ മുന്നണിയാണിത്. ആ രാഷ്ട്രീയ മുന്നണിയിലേക്ക് ആരെയും ക്ഷണിക്കുന്ന നിലപാട് ഞങ്ങൾ സ്വീകരിച്ചിട്ടില്ല. ഉദ്ദേശം അതല്ലെന്നും അദ്ദേഹം പറഞ്ഞു. “ലീഗിനെ കുറിച്ച് പറഞ്ഞത് ചർച്ച ചെയ്യേണ്ട കാര്യമില്ല. കേരളത്തിൽ ഇടതുപക്ഷ ജനാധിപത്യമുന്നണി ഒറ്റപ്പെട്ടുവെന്ന വ്യാജപ്രചാരണമാണ് അടുത്തകാലത്തായി മാധ്യമങ്ങൾ പ്രചരിപ്പിക്കുന്നത്. ലീഗിനെ ഇടതുപക്ഷത്തേക്ക് ക്ഷണിച്ചില്ല. അത് മതേതര നിലപാടിനെക്കുറിച്ചായിരുന്നു. ഗവര്‍ണറുടെ വിഷയത്തില്‍ യുഡിഎഫിന് വ്യക്തമായ ധാരണയില്ലാതായി. വർഗീയതക്കെതിരെ മതനിരപേക്ഷത ഉയർത്തിപിടിച്ചുള്ള വലിയൊരു മൂവ്മെന്റ് ശക്തിപെടണമെന്നത് പാർട്ടി നിലപാടാണ്. അത് കേരളത്തിലെ ഇടതുമുന്നണിയല്ല. എല്ലാ വർഗ ബഹുജന പ്രസ്ഥാനങ്ങളുമാണത്. വർഗീയതയെ എതിർക്കുന്ന എല്ലാ ജനാധിപത്യ പ്രസ്ഥാനങ്ങളും…

വയനാട്: ഇൻഫർമേഷൻ പബ്ലിക് റിലേഷൻസ് വകുപ്പ് വയനാട് സംഘടിപ്പിക്കുന്ന ത്രിദിന ഗോത്രോത്സവമായ ‘ഞങ്ങ’ ശനിയാഴ്ച ജില്ലയിലെ പൂക്കോട് ഏന്‍ ഊരു ആദിവാസി പൈതൃക ഗ്രാമത്തിൽ ആരംഭിച്ചു. കണിയാമ്പറ്റയിലെ ആദിവാസി കുട്ടികൾക്കായി മോഡൽ റസിഡൻഷ്യൽ സ്കൂളിലെ (എംആർഎസ്) വിദ്യാർഥികൾ അവതരിപ്പിച്ച പരമ്പരാഗത ആദിവാസി നൃത്തം; പി കെ കാളൻ മെമ്മോറിയൽ ട്രൈബൽ ആർട്‌സ് സെന്ററിലെ കലാകാരന്മാർ അവതരിപ്പിച്ച ആദിയ ഗോത്രത്തിന്റെ ആചാരപരമായ കലാരൂപമായ ഗാധിക; ആദിവാസി ചിത്രപ്രദർശനം; ഗോത്ര കലാകാരന്മാരുടെ നാടൻപാട്ടും അവതരിപ്പിച്ചു. ജില്ലാ കലക്ടർ എ. ഗീത കലോത്സവം ഉദ്ഘാടനം ചെയ്തു. ഞായറാഴ്ച നല്ലൂർനാട് എംആർഎസ് വിദ്യാർഥികളുടെ സാംസ്കാരിക പരിപാടികളും മൺപാത്ര നിർമാണ ശിൽപശാലയും നടക്കും. പൂക്കോട് എംആർഎസ് വിദ്യാർഥികളുടെ സാംസ്കാരിക പരിപാടികൾ, നന്തുണി സംഗീത സംഘത്തിന്റെ നാടൻപാട്ട്, പണിയ ഗോത്രവർഗക്കാരുടെ വട്ടകളി നൃത്തം, വിവിധ ആദിവാസി വിഭാഗങ്ങളുടെ പരിപാടികൾ എന്നിവ തിങ്കളാഴ്ച നടക്കും.  

എടത്വ: ഫുട്ബോളിന്റെ ചരിത്രത്തിലെ ഏറ്റവും വലിയ ടൂർണമെന്റ് ആയ വേൾഡ് കപ്പിൽ കാണികളെ ആകാംക്ഷയുടെയും ആശങ്കകളുടെയും മുൾമുനയിൽ നിർത്തി അർജൻൻ്റീന സെമിയിൽ ഇടം പിടിച്ചപ്പോൾ തലവടി വാലയിൽ ബെറാഖാ തറവാടിൻ്റെ മതിലിൽ ദീപങ്ങൾ തെളിഞ്ഞു. ലോകകപ്പ് മത്സരം അരങ്ങേറുന്നതിന് മണിക്കൂറുകൾ മാത്രം ബാക്കി നില്‍‌ക്കേ വീടിനും മതിലിനും അർജൻ്റീനയുടെ പതാകയുടെ നിറം നല്‍കിയത് സമൂഹ മാധ്യമങ്ങളിൽ തരംഗമായിരുന്നു. ഫുട്ബോൾ പ്രേമികളായ ഇവർ വീടിനുള്ളിലെ പ്രാർത്ഥനാമുറിയിലും മെസ്സിയുടെ ചിത്രം പതിപ്പിച്ചാണ് പ്രാർത്ഥിക്കുന്നത്. ആദ്യ മത്സരത്തിൽ അർജൻ്റീന പരാജയപെട്ടത് തലവടി വാലയിൽ ബെറാഖാ ഭവനിൽ ബെൻ, ഡാനിയേൽ എന്നിവരെ നിരാശരാക്കിയിരുന്നു. എങ്കിലും അർജൻറ്റീനയുടെ കട്ട ആരാധകരായ ഇവർ വിജയപ്രതീക്ഷയോടെ തങ്ങളുടെ ടീം ലോക കപ്പിൽ മുത്തമിടാൻ ആണ് പ്രാർത്ഥിക്കുന്നത്. മെക്സിക്കോയ്ക്കെതിരെ ഉണ്ടായ വിജയത്തിൽ മധുരം വിതരണം ചെയ്താണ് ഇവർ ആഹ്ളാദം പങ്കുവെച്ചത്. വിവിധ സ്ഥലങ്ങളിൽ നിന്നും അനേകം ആരാധകരെത്തി മതിലിൻ്റെയും…

പത്തനംതിട്ട: വടശേരികര പഞ്ചായത്തിലെ കുമ്പളത്താമൺ വലിയതറ വീട്ടിലെ മക്കളെല്ലാം മരിച്ചുപോയ 84 കാരനായ ദിവാകരനെയും 82 കാരിയായ ഭാര്യ ഭാനുമതിയേയും അടൂർ കസ്തൂർബാ ഗാന്ധി ഭവൻ ഭാരവാഹികൾ ഏറ്റെടുത്തു. ഇവർക്ക് പട്ടയം കിട്ടിയ സ്ഥലത്ത് പഞ്ചായത്ത് വെച്ചു കൊടുത്ത വീടും സ്ഥലവും കുമ്പളാംപൊയ്കയിലുളള സഹകരണ സംഘത്തിൽ ജാമ്യം വെച്ച് ഇവരെ സംരക്ഷിച്ചു കൊള്ളാമെന്ന ഉറപ്പിൽ 5.50 ലക്ഷം രൂപ മരുമകൾ വായ്പ്പയെടുത്തിരുന്നത് ഇപ്പോൾ 12 ലക്ഷത്തിന് ജപ്തിയിലാണ്. രോഗം ബാധിച്ച് ദിവാകരൻ കിടപ്പിലാണ്. അദ്ദേഹത്തെ പരിചരിച്ച് ഭാര്യ ഭാനുമതിയും അവശയും രോഗിയുമായി ഇവരുടെ സംരക്ഷണം ആവശ്യപ്പെട്ട് പന്തളം ബ്ളോക്ക് പ്രസിഡന്റ് രേഖാ അനിലിന് ലഭിച്ച അപേക്ഷ പത്തനാപുരം ഗാന്ധിഭവൻ സെക്രട്ടറിയും, ഓർഫനേജ് കൺട്രോൾ ബോർഡ് അംഗവുമായ ഡോ. പുനലൂർ സോമരാജന് കൈമാറുകയായിരുന്നു. അദ്ദേഹത്തിന്റെ നിർദ്ദേശ പ്രകാരമാണ് സംരക്ഷണം അടൂർ കസ്തൂര്‍ബാ ഗാന്ധിഭവൻ എറ്റെടുത്തത്. ചടങ്ങിൽ റാന്നി ബ്ലോക്ക്…

തിരുവനന്തപുരം: മേപ്പാടി പോളിടെക്‌നിക് കോളേജിലെ സംഘർഷത്തിൽ ഭരണപക്ഷവും പ്രതിപക്ഷവും തമ്മിൽ നിയമസഭയിൽ വാക്പോര്. മേപ്പാടി കാമ്പസിൽ മയക്കുമരുന്ന് സംഘം പിടിമുറുക്കിയെന്നും മയക്കുമരുന്ന് ഉപയോഗിച്ചതിന് എസ്എഫ്‌ഐ യൂണിറ്റ് സെക്രട്ടറിയെ പ്രിൻസിപ്പൽ നേരത്തെ സസ്‌പെൻഡ് ചെയ്തിരുന്നുവെന്നും പ്രതിപക്ഷ നേതാവ് വി ഡി സതീശൻ സഭയിൽ ആരോപിച്ചു. കൊച്ചിയിൽ ഡിവൈഎഫ്ഐ സംഘടിപ്പിച്ച പരിപാടി ലക്ഷ്യമിട്ട് മയക്കുമരുന്ന് സംഘത്തിന് പാർട്ടിയുടെ രാഷ്ട്രീയ സ്പോൺസർഷിപ്പുണ്ടെന്നും പ്രതിപക്ഷ നേതാവ് ആരോപിച്ചു. വിഷയത്തിൽ പ്രതിപക്ഷവും ഭരണപക്ഷവും ഏറ്റുമുട്ടിയതോടെ ഇന്നത്തെ സഭാനടപടികൾ റദ്ദാക്കുന്നതായി സ്പീക്കർ അറിയിച്ചു. മേപ്പാടി പോളിടെക്‌നിക്കില്‍ എസ്എഫ്‌ഐ നേതാവ് അപര്‍ണ ഗൗരിയെ ആക്രമിച്ചെന്ന കേസില്‍ അറസ്റ്റിലായ പ്രതികള്‍ മാസങ്ങള്‍ക്ക് മുമ്പ് എംഎസ്എഫിന്റെ കൊടിമരം നശിപ്പിച്ച കേസിലും പ്രതികളാണ്. ഇവിടെ ലഹരിസംഘത്തിന്റെ പ്രവര്‍ത്തനം ശക്തമാണ്. ലഹരി ഉപയോഗിച്ചതിന് എസ്എഫ്‌ഐയുടെ യൂണിറ്റ് സെക്രട്ടറിയെ പ്രിന്‍സിപ്പല്‍ സസ്‌പെന്‍ഡ് ചെയ്തിട്ടുണ്ട്. തെരഞ്ഞെടുപ്പില്‍ പരാജയപ്പെട്ടപ്പോള്‍ കുറ്റങ്ങളെല്ലാം കെഎസ്‌യുവിന് മേല്‍ കെട്ടിവെക്കാന്‍ ശ്രമിക്കുകയാണ്. ഇവരെ…