Category: KERALA

കാസർകോട്: കാസർകോട് സർക്കാർ കോളേജിൽ എസ്എഫ്ഐ നേതാക്കൾ മയക്കുമരുന്ന് ഉപയോഗിക്കുന്നത് വെളിച്ചത്തു കൊണ്ടുവന്ന പ്രിൻസിപ്പൽ ഡോ. രമയ്‌ക്കെതിരെ പ്രതികാര നടപടിയുമായി സർക്കാർ. ഡോ. രമ വിരമിക്കുന്ന ദിവസം പുതിയ വകുപ്പുതല കുറ്റപത്രം അവർക്ക് കൈമാറി. ഡോ. രമയുടെ പെൻഷൻ ആനുകൂല്യങ്ങൾ തടയുക എന്ന ലക്ഷ്യത്തോടെയാണ് വിദ്യാർത്ഥി സംഘടന നൽകിയ കെട്ടിച്ചമച്ച പരാതിയുടെ അടിസ്ഥാനത്തില്‍ ചാർജ് ഷീറ്റ് മെമ്മോ തയ്യാറാക്കിയതെന്നു പറയുന്നു. നേരത്തെ, ഡോ.രമയ്‌ക്കെതിരായ വകുപ്പുതല കുറ്റപത്രം ഉൾപ്പെടെയുള്ള അച്ചടക്കനടപടികൾ ഹൈക്കോടതി ഡിവിഷൻ ബെഞ്ച് സ്‌റ്റേ ചെയ്തിരുന്നു. ഈ സംഭവം ഒറ്റപ്പെട്ടതല്ല. കേരള സാങ്കേതിക സർവ്വകലാശാലയുടെ ചുമതല വഹിച്ചിരുന്ന സിസ തോമസിനെതിരെയും സമാനമായ പ്രതികാര നടപടിയുണ്ടായി. സിസ തോമസിന് വിരമിക്കുന്ന ദിവസം വകുപ്പുതല കുറ്റപത്രവും ലഭിച്ചു. സംസ്ഥാന സർക്കാരിനെയും വകുപ്പു മന്ത്രിമാരെയും എസ്എഫ്ഐ നേതാക്കൾ സ്വാധീനിക്കുന്നു എന്നതിൻ്റെ വ്യക്തമായ തെളിവാണ് ഡോ. രമയ്‌ക്കെതിരായ നടപടിയെന്ന് സേവ് യൂണിവേഴ്‌സിറ്റി ക്യാമ്പയിൻ…

തിരുവനന്തപുരം : പിന്നാക്ക വിഭാഗങ്ങളെ മുഖ്യധാരയിലേക്ക് കൊണ്ടുവരിക എന്നതാണ് കേന്ദ്ര സർക്കാരിൻ്റെയും ബിജെപിയുടെയും നയമെന്ന് കേന്ദ്ര സഹമന്ത്രിയും ആറ്റിങ്ങൽ മണ്ഡലത്തിലെ എൻഡിഎ സ്ഥാനാർത്ഥിയുമായ വി മുരളീധരൻ പറഞ്ഞു. എല്ലാവരുടെയും ക്ഷേമം ഉറപ്പാക്കുമെന്ന് പ്രധാനമന്ത്രി ഉറപ്പ് നൽകിയതായി അദ്ദേഹം പറഞ്ഞു. തിരഞ്ഞെടുപ്പ് പ്രചാരണത്തിനിടെ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. പിന്നാക്ക വിഭാഗങ്ങളെ മുഖ്യധാരയിലേക്ക് കൊണ്ടുവരാനുള്ള എല്ലാ നടപടികളും കേന്ദ്രം ചർച്ച ചെയ്യുകയാണെന്നും, സമൂഹത്തിലെ ദുർബല വിഭാഗത്തിന് ആനുകൂല്യങ്ങൾ ലഭിക്കുന്നുവെന്ന് ഉറപ്പാക്കുകയാണ് കേന്ദ്ര സർക്കാരിൻ്റെ പ്രാഥമിക ലക്ഷ്യമെന്ന് അദ്ദേഹം പറഞ്ഞു. കേന്ദ്ര സർക്കാരിനും ബി.ജെ.പിക്കും പിന്നാക്ക വിഭാഗത്തെ വോട്ട് ബാങ്കായി കാണുന്ന നയമില്ലെന്നും മുരളീധരൻ കൂട്ടിച്ചേർത്തു. വാഗ്ദാനങ്ങൾ പാലിക്കുന്ന സർക്കാരാണ് മോദി സർക്കാരെന്ന് അദ്ദേഹം പരാമർശിച്ചു. ഈ സമുദായങ്ങളുടെ ക്ഷേമം ഉറപ്പാക്കാനാണ് പിന്നാക്ക വിഭാഗ കമ്മിഷന് ഭരണഘടനാ പദവി നൽകിയതെന്നും മുരളീധരൻ ചൂണ്ടിക്കാട്ടി. കേന്ദ്രമന്ത്രിസഭയിലെ 50 ശതമാനം ആളുകളും പിന്നാക്ക വിഭാഗത്തിൽപ്പെട്ടവരാണെന്നും…

മലപ്പുറം : CAA നടപ്പിലാക്കാൻ അനുവദിക്കില്ല എന്ന് മുദ്രാവാക്യം ഉയർത്തി വെൽഫെയർ പാർട്ടി സംസ്ഥാന പ്രസിഡന്റ്‌ റസാഖ്‌ പാലേരി നയിക്കുന്ന പോരാട്ടത്തിന്റെ *രാത്തെരുവ്* 30 മാർച്ച് 2024 ശനിയാഴ്ച മലപ്പുറത്ത് നടക്കും. മലപ്പുറം കിഴക്കെതലയിൽ നിന്ന് രാത്രി 9.30ന് ആരംഭിക്കുന്ന നൈറ്റ്‌ മാർച്ച് കുന്നുമ്മലിൽ സമാപിക്കും. പൗരത്വ പ്രക്ഷോഭ സമര നായിക ആയിഷ റന്ന, വെൽഫെയർ പാർട്ടി സംസ്ഥാന ജില്ലാ നേതാക്കൾ പങ്കെടുക്കും. എ ആർ റഹ്മാൻ അഭിനന്ദിച്ച് സോഷ്യൽ മീഡിയയിലെ വൈറൽ ഗായിക മീര പോരാട്ടത്തിന്റെ പാട്ടുകൾ പരിപാടിയിൽ അവതരിപ്പിക്കും.

അങ്ങാടിപ്പുറം: വെൽഫെയർ പാർട്ടി അങ്ങാടിപ്പുറം പഞ്ചായത്ത് കമ്മിറ്റി തിരൂർക്കാട് അമദ് ഐ ടി ഐയിൽ വച്ച് നേതൃസംഗമം സംഘടിപ്പിച്ചു. നേതൃസംഗമം വെൽഫെയർ പാർട്ടി ജില്ലാ സെക്രട്ടറി കാദർ അങ്ങാടിപ്പുറം ഉദ്ഘാടനം ചെയ്തു. തിരുവായ്ക്ക് എതിർവായില്ലാത്ത രാജ്യഭരണം സ്വപ്നം കാണുന്ന സംഘപരിവാർ ഇന്ത്യ മഹാരാജ്യത്തെ വലിയ അപകടത്തിലേക്കാണ് നയിക്കുന്നത് എന്ന തിരിച്ചറിവ് ജനങ്ങൾക്കുണ്ടാവണം സമാധാനപൂർണമായ ജീവിതം സാധ്യമാക്കുന്നതിന് ബിജെപി നേതൃത്വം നൽകുന്ന ഫാസിസ്റ്റ് മുന്നണിക്കെതിരായ നിലപാട് സ്വീകരിക്കണമെന്നും. ഇന്ത്യാ രാജ്യത്തെ 20 കോടിയിലേറെ വരുന്ന മുസ്ലിം ന്യൂനപക്ഷത്തെ അപരവൽക്കരിക്കാനുള്ള ആർഎസ്എസ് പദ്ധതിയാണ് സി എ എ യിലൂടെ ബിജെപി നടപ്പിൽ വരുത്തുന്നതെന്നും രാജ്യത്തെ ശിഥിലപ്പെടുത്തുന്ന ഈ നിയമം ഉടൻ പിൻവലിക്കണമെന്നും അദ്ദേഹം ആവശ്യപ്പെട്ടു. വെൽഫെയർ പാർട്ടി അങ്ങാടിപ്പുറം പഞ്ചായത്ത് പ്രസിഡന്റ് സൈതാലി അദ്ധ്യക്ഷത വഹിച്ചു. മങ്കട മണ്ഡലം വൈസ് പ്രസിഡന്റ് ജമാൽ കൂട്ടിൽ, പാർട്ടി പഞ്ചായത്ത് സെക്രട്ടറി ശിഹാബ്…

പത്തനാപുരം/ഡാളസ്: പാസ്റ്റർ ഡോ. തോമസ് കെ ഐയ്പ്പിന്റെ സഹധർമ്മിണി  സാറാമ്മ തോമസ് അന്തരിച്ചു . പത്തനാപുരം കലഞ്ഞൂർ ദൈവസഭാംഗവും, ചർച്ച് ഓഫ് ഗോഡ് മുൻ ശുശ്രൂഷകനുമായ കോയിപ്പുറത്ത് ഗിൽഗാൽ ഭവനിൽ പാസ്റ്റർ  ഡോ. തോമസ് കെ ഐയ്പ്പിന്റെ സഹധർമ്മണിയാണ് പരേത. ചെങ്ങന്നൂർ കല്ലിശ്ശേരി ഡോ. കെ എം ചെറിയാൻ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ ചികിത്സയിലായിരുന്ന സാറാമ്മ മാർച്ച്‌ 26 ചൊവ്വാഴ്ച്ചയാണ് അന്തരിച്ചത്. മക്കൾ : ഷൈൻ ഐയ്പ്പ്, ഷാൻസൺ ഐയ്പ്പ് (ഇരുവരും ഡാളസ് ഫെയ്ത്ത് റ്റാബർനാക്കിൾ ചർച്ച് ഓഫ് ഗോഡു , സഭയിലെ അംഗങ്ങൾ),  ഷൈലു ഐയ്പ്പ് (ഓസ്ട്രേലിയ).. സംസ്കാര ശുശ്രൂഷ പിന്നീട്.

നോളജ് സിറ്റി (കോഴിക്കോട്): ബദ്‌റുല്‍ കുബ്‌റാ ആത്മീയ സമ്മേളനത്തിന്റെ ഭാഗമായി സംഘടിപ്പിച്ച ഗ്രാന്‍ഡ് ഇഫ്താറില്‍ പതിനായിരങ്ങള്‍ ഒരുമിച്ചിരുന്ന് നോമ്പ് തുറന്നു. സംസ്ഥാനത്തിനകത്ത് നിന്നും പുറത്ത് നിന്നും ബദ്‌റുല്‍ കുബ്‌റാ ആത്മീയ സമ്മേളനത്തിനെത്തിയവരാണ് ജാമിഉല്‍ ഫുതൂഹ് ഇന്ത്യന്‍ ഗ്രാന്‍ഡ് മസ്ജിദിലും പരിസരത്തുമായി നോമ്പ് തുറന്നത്. ജനകീയ സമാഹരണത്തിലൂടെയാണ് ആട് മുതല്‍ എല്ലാ വിഭവങ്ങളും സമാഹരിച്ചത്. തുടര്‍ന്ന് നടന്ന ആത്മീയ സമ്മേളനത്തില്‍ സമസ്ത പ്രസിഡന്റ് ഇ സുലൈമാന്‍ മുസ്്ലിയാര്‍ അധ്യക്ഷത വഹിച്ചു. ഇന്ത്യന്‍ ഗ്രാന്‍ഡ് മുഫ്തി കാന്തപുരം എ പി അബൂബക്കര്‍ മുസ്്ലിയാര്‍ സമ്മേളനം ഉദ്ഘാടനം ചെയ്തു. സി മുഹമ്മദ് ഫൈസി, സയ്യിദ് ത്വാഹ സഖാഫി കുറ്റ്യാടി, ഹുസൈന്‍ സഖാഫി ചുള്ളിക്കോട്, ഡോ. മുഹമ്മദ് അബ്ദുല്‍ ഹകീം അസ്ഹരി, സുലൈമാന്‍ ഫൈസി കിഴിശ്ശേരി തുടങ്ങിയവര്‍ സംസാരിച്ചു. സയ്യിദ് അലി ബാഫഖീഹ്, സയ്യിദ് ശിഹാബുദ്ധീന്‍ അഹ്ദല്‍ മുത്തന്നൂര്‍, സയ്യിദ് ശിഹാബുദ്ധീന്‍ ബുഖാരി…

കോട്ടയം: ഗാന്ധിനഗറിൽ വാലയിൽ പി.വി. ജോസഫിന്റെ പത്നി ശോശ ജോസഫ് (സാലി -77) ചൊവ്വാഴ്ച രാവിലെ നിര്യാതയായി. കോട്ടയം മെഡിക്കൽ കോളേജിൽ നിന്നും സയന്റിഫിക് ഓഫീസറായി വിരമിച്ച പരേത മണർകാട് പുത്തൻപുരക്കൽ പി.സി. ചെറിയാൻറെ മകളാണ്. മക്കൾ: ബിന്ദു ഡേവിഡ് (ന്യൂയോർക്ക്), ബിനോ ജോസഫ് (ടെക്സാസ്), ബോബി ജോസഫ് (ആസ്ട്രേലിയ). മരുമക്കൾ: സിബി ഡേവിഡ് (ന്യൂയോർക്ക്), ബിന്ദു ജോസഫ് ( ടെക്സാസ്), സ്‌മിതാ ജോസഫ് (ആസ്‌ട്രേലിയ). എമിൽ, വിമൽ. സ്നേഹ ജോന, സെറീന, മിയ, എയ്‌ഡൻ, ആസ്റ്റർ എന്നിവർ കൊച്ചുമക്കളാണ്. സംസ്കാരം പിന്നീട്.

തിരുവനന്തപുരം: മാർച്ച് 15ന് കോവളത്ത് ബൈക്കപകടത്തിൽ ഗുരുതരമായി പരിക്കേറ്റ നടി അരുന്ധതി നായരുടെ നില അതീവഗുരുതരമായി തുടരുന്നു. ചികിത്സയിൽ കഴിയുന്ന സ്വകാര്യ ആശുപത്രിയിലെ ചികിൽസാച്ചെലവുകൾക്കായി കുടുംബവും സുഹൃത്തുക്കളും ബുദ്ധിമുട്ടുകയാണ്. അരുന്ധതിയുടെ ചികിത്സാച്ചെലവുകൾക്കായി ഇതിനകം 10 ലക്ഷം രൂപ ചിലവഴിച്ച കുടുംബം അടിയന്തര ധനസഹായം തേടുകയാണ്. നടിയുടെ ചികിൽസയ്ക്കായി എവിടെ നിന്ന് പണം കണ്ടെത്തുമെന്ന് ഒരു പിടിയുമില്ലാതെ കഴിയുകയാണ് കുടുംബം. സെക്യൂരിറ്റി ജീവനക്കാരനായ മുരളീധരൻ നായരുടെയും അനിതയുടെയും മൂത്ത മകളാണ് അരുന്ധതി നായർ. തിരുവനന്തപുരം പാപ്പനംകോട് വാടക വീട്ടിലാണ് കുടുംബം താമസിക്കുന്നത്. നടി മലയാളത്തിലെ അഭിനേതാക്കളുടെ സംഘടനയായ അമ്മയിൽ (അസോസിയേഷൻ ഓഫ് മലയാളം മൂവി ആർട്ടിസ്റ്റ്‌സ്) അംഗമല്ലാത്തതിനാൽ സംഘടനയിൽ നിന്ന് സാമ്പത്തിക സഹായം ലഭിക്കില്ല. മാർച്ച് 15 ന് രാത്രി തിരുവനന്തപുരം കോവളത്ത് ബന്ധു ഓടിച്ച ബൈക്കിൽ യാത്ര ചെയ്യുന്നതിനിടെയായിരുന്നു അപകടം. ഓട്ടോറിക്ഷയിൽ ഇടിച്ച ബൈക്ക് മറിഞ്ഞ് റോഡില്‍…

തിരുവനന്തപുരം: മലപ്പുറത്ത് ‘ഭാരത് മാതാ കീ ജയ്’ എന്ന വിഷയത്തിൽ മുഖ്യമന്ത്രി പിണറായി വിജയൻ നടത്തിയ പ്രസംഗത്തിന് മറുപടിയുമായി ബിജെപി കേരള സംസ്ഥാന വക്താവ് സന്ദീപ് വാചസ്പതി രംഗത്ത്. പൗരത്വ ഭേദഗതി നിയമത്തിനെതിരായ (സിഎഎ) റാലിയെ അഭിസംബോധന ചെയ്യവെ പിണറായി വിജയൻ ‘ഭാരത് മാതാ കീ ജയ്’ എന്ന മുദ്രാവാക്യം സൃഷ്ടിച്ചത് ഒരു മുസ്ലീമാണെന്ന് പരാമർശിക്കുകയും ബിജെപി ഇത് നിരോധിക്കുമോ എന്ന് ചോദിക്കുകയും ചെയ്തു. പിണറായി വിജയൻ്റെ പ്രകോപനപരമായ പരാമർശങ്ങൾക്ക് മറുപടിയായി ഭാരതത്തെ സ്തുതിക്കുകയും ബഹുമാനിക്കുകയും ചെയ്യേണ്ടത് ഓരോ രാജ്യസ്നേഹിയുടെയും കടമയാണെന്നും സന്ദീപ് വാചസ്പതി ഫെയ്സ്ബുക്ക് പോസ്റ്റിലൂടെ പ്രതികരിച്ചു. രാജ്യത്തെ ആരു പുകഴ്ത്തിയാലും അവരെ ബിജെപി ബഹുമാനിക്കുമെന്നും അദ്ദേഹം കുറിച്ചു. മതനിരപേക്ഷതയോടുള്ള ബിജെപി സർക്കാരിൻ്റെ സമീപനത്തെ കുറിച്ച് പിണറായി വിജയൻ തെറ്റായ വിവരങ്ങളാണ് പ്രചരിപ്പിക്കുന്നതെന്നും സന്ദീപ് വാചസ്പതി പറഞ്ഞു. ‘ഭാരത് മാതാ കീ ജയ്’ എന്ന മുദ്രാവാക്യം…