Category: KERALA

പത്തനം‌തിട്ട: അഞ്ച് വർഷത്തിനിടെ പ്രായപൂർത്തിയാകാത്ത പെൺകുട്ടിയെ 60 ഓളം പേർ പീഡിപ്പിച്ച സംഭവത്തില്‍ പത്തനംതിട്ട ജില്ലാ പോലീസ് അന്വേഷണം ആരംഭിച്ചു. 13 വയസ്സ് മുതൽ തന്നെ നിരവധി പേർ ദുരുപയോഗം ചെയ്തിട്ടുണ്ടെന്ന് അതിജീവിച്ച, ഇപ്പോള്‍ 18 വയസ്സുള്ള, പെൺകുട്ടിയുടെ വെളിപ്പെടുത്തലിനെ തുടർന്നാണ് കേസ്. ചെന്നീർക്കരയിലെ അയൽക്കാരിലൊരാൾ തൻ്റെ ഫോണിൽ അശ്ലീല വീഡിയോ കാണിച്ചതോടെയാണ് പീഡനം ആരംഭിച്ചതെന്ന് പെണ്‍കുട്ടി പറഞ്ഞു. തുടർന്ന് വീടിന് സമീപമുള്ള ഒറ്റപ്പെട്ട കുന്നിൽ വെച്ച് ഇയാള്‍ പെൺകുട്ടിയെ പീഡിപ്പിക്കുകയും പിന്നീട് സുഹൃത്തുക്കൾക്ക് കാഴ്ച വെക്കുകയും ചെയ്തു. ഈ വിവരങ്ങള്‍ പെൺകുട്ടി പത്തനംതിട്ടയിലെ ചൈൽഡ് വെൽഫെയർ കമ്മിറ്റിയോട് വെളിപ്പെടുത്തിയതോടെയാണ് സംഭവം പുറത്തറിയുന്നത്. പോലീസിൻ്റെ പ്രാഥമിക അന്വേഷണത്തിൽ 62 കുറ്റവാളികളെയെങ്കിലും തിരിച്ചറിഞ്ഞിട്ടുണ്ട്. ഈ കണ്ടെത്തലിൻ്റെ അടിസ്ഥാനത്തിൽ 40 പേർക്കെതിരെ കുട്ടികൾക്കെതിരായ ലൈംഗികാതിക്രമങ്ങൾ തടയൽ (പോക്‌സോ) നിയമപ്രകാരം ഇലവുംതിട്ട പോലീസ് കേസെടുത്തു. പത്തനംതിട്ട പൊലീസ് സ്റ്റേഷനിലും നിരവധി പേർക്കെതിരെ…

പാലക്കാട്: പട്ടാമ്പി കീഴായൂരിൽ വീട്ടമ്മ തീകൊളുത്തി ആത്മഹത്യ ചെയ്ത സംഭവത്തിൽ സമഗ്രമായ അന്വേഷണം നടത്തുമെന്ന് പോലീസ്. കിഴക്കേ പുരയ്ക്കല്‍ ജയയുടെ ബാങ്ക് അക്കൗണ്ടുകൾ പരിശോധിക്കാനാണ് നീക്കം. ജപ്തി നടപടികൾക്ക് മുമ്പ് ഷൊർണൂർ സഹകരണ അർബൻ ബാങ്ക് അധികൃതർ മുന്നറിയിപ്പ് നൽകിയിരുന്നുവെന്നും മതിയായ സമയം നൽകിയിരുന്നുവെന്നും അവർ നൽകിയ വിശദീകരണവും അന്വേഷണത്തിന്റെ ഭാഗമാക്കുമെന്ന് പോലീസ് പറഞ്ഞു. തീകൊളുത്തി മരിച്ച ജയയുടെ ബന്ധുക്കളിൽ നിന്ന് പട്ടാമ്പി പോലീസ് മൊഴി രേഖപ്പെടുത്തി. 2015 ലെ വായ്പാ കുടിശ്ശികയുമായി ബന്ധപ്പെട്ട് കോടതി ഉത്തരവ് പ്രകാരം ഇന്നലെ രാവിലെ ഷൊർണൂർ സഹകരണ അർബൻ ബാങ്ക് ഉദ്യോഗസ്ഥർ ജയയുടെ വീട് ജപ്തി ചെയ്യാൻ എത്തി. ഉദ്യോഗസ്ഥരെ കണ്ട ജയ മണ്ണെണ്ണ ഒഴിച്ച് തീകൊളുത്തുകയായിരുന്നു, 80 ശതമാനം പൊള്ളലേറ്റ ജയയെ തൃശൂർ മെഡിക്കൽ കോളജിൽ പ്രവേശിപ്പിച്ചിരുന്നു. ചികിത്സയിലിരിക്കേ ഇന്നലെ വൈകുന്നേരമാണ് മരിച്ചത്. ഷൊർണൂർ സഹകരണ അർബൻ ബാങ്ക്…

കൊച്ചി: ജനുവരി 9-ന് അന്തരിച്ച ഭാവ ഗായകന്‍ പി.ജയചന്ദ്രൻ്റെ സംസ്‌കാരം ഇന്ന് (ശനിയാഴ്ച) എറണാകുളം ജില്ലയിലെ വടക്കൻ പറവൂരിനടുത്തുള്ള ചേന്ദമംഗലത്തുള്ള തറവാട്ടുവീട്ടിൽ സംസ്ഥാന ബഹുമതികളോടെ സംസ്‌കരിച്ചു. മൃതദേഹം പാലിയത്തെ തറവാട്ടുവീട്ടിൽ പൊതുദർശനത്തിന് വച്ചശേഷം ഉച്ചയ്ക്ക് 1.20ഓടെ മകൻ ദിനനാഥൻ ചിത തെളിച്ചു. അദ്ദേഹത്തിന് പോലീസ് ഗാർഡ് ഓഫ് ഓണർ നൽകി. രാവിലെ തൃശൂർ പൂങ്കുന്നത്തെ വസതിയിൽ നിന്ന് മൃതദേഹം വഹിച്ചുള്ള ആംബുലൻസ് തറവാട്ടിലേക്ക് എത്തിച്ചപ്പോൾ നൂറുകണക്കിനാളുകൾ പ്രശസ്ത ഗായകന് അന്തിമോപചാരം അർപ്പിച്ചു. തറവാട്ടുവീട്ടിൽ പല ചടങ്ങുകൾക്കും പോകാറുണ്ടായിരുന്നെന്ന് കുടുംബാംഗങ്ങൾ അനുസ്മരിച്ചു. ചേന്ദമംഗലത്ത് സംസ്‌കരിക്കണമെന്നത് അദ്ദേഹത്തിൻ്റെയും ആഗ്രഹമായിരുന്നുവെന്ന് അവർ പറഞ്ഞു. ഉച്ചകഴിഞ്ഞ് 3.30 ഓടെയാണ് സംസ്‌കാരം ആദ്യം നിശ്ചയിച്ചിരുന്നതെങ്കിലും, അദ്ദേഹത്തിൻ്റെ കുടുംബാംഗങ്ങളുടെ ആഗ്രഹപ്രകാരം അത് നേരത്തെയാക്കുകയായിരുന്നു. മന്ത്രിമാരായ എം.ബി.രാജേഷ്, ആർ.ബിന്ദു, പ്രതിപക്ഷ നേതാവ് വി.ഡി.സതീശൻ എന്നിവരും ഗായകന് അന്തിമോപചാരം അർപ്പിച്ചു. അമല ആശുപത്രിയിലെ മോര്‍ച്ചറിയില്‍ സൂക്ഷിച്ചിരുന്ന മൃതദേഹം വെള്ളിയാഴ്ച…

എടത്വ: തലവടി ചുട്ടുമാലി സെന്റ് തോമസ് സിഎസ്ഐ ചർച്ച് പ്രതിഷ്ഠ ചടങ്ങ് ജനുവരി 15ന് വൈകിട്ട് 4ന് നടക്കും. സിഎസ്ഐ മദ്ധ്യ കേരള മഹായിടവക ബിഷപ്പ് ഡോ മലയിൽ സാബു കോശി ചെറിയാൻ നേതൃത്വം നല്‍കും. തുടർന്ന് കുർബാന അർപ്പിക്കും. 16മുതൽ 18 വരെ നടക്കുന്ന ബൈബിൾ കൺവൻഷൻ ഇടവക വികാരി റവ. മാത്യൂ ജിലോ നൈനാൻ ഉദ്ഘാടനം ചെയ്യും. റവ. ചാർലി ജോൺസ്, സുവി. ജയിംസ് പോൾ, റവ. റെജി പി ജോസഫ് എന്നിവർ പ്രസംഗിക്കും. എല്ലാ ദിവസവും വൈകിട്ട് 6.30ന് സംഗീത ശുശ്രൂഷ ആരംഭിക്കുമെന്ന് സഭാ ശുശ്രൂഷകൻ സുവി. ഡെന്നി ദാനിയേല്‍ , കൈക്കാരൻ ജോർജ്ജ് തോമസ് എന്നിവര്‍ അറിയിച്ചു.

എടത്വ: സേവനം മുഖമുദ്രയായ ലോകത്തിലെ ഏറ്റവും വലിയ സന്നദ്ധ സംഘടനയായ ലയൺസ് ക്ലബ്സ് ഇന്റർനാഷനൽ സ്ഥാപകൻ അന്തരിച്ച മെൽവിൻ ജോൺസിന്റെ 146-ാം ജന്മദിനം ലയൺസ് ക്ലബ് എടത്വ ടൗൺ കാരുണ്യ ദിനമായി ആചരിക്കും. ജനുവരി 12-ാം തീയതി 3:00 മണിക്ക് സ്നേഹ വീട്ടിൽ നടക്കുന്ന സമ്മേളനത്തിൽ പ്രസിഡന്റ് ഡോ ജോൺസൺ വി. ഇടിക്കുള അദ്ധ്യക്ഷത വഹിക്കും.ലയൺ ജിജി മാത്യൂ ചുടുക്കാട്ടിൽ ഉദ്ഘാടനം ചെയ്യും.ലയൺ ഫിബിൻ ബേബി മുഖ്യ സന്ദേശം നല്കുമെന്ന് സെക്രട്ടറി ലയൺ ബിൽബി മാത്യൂ കണ്ടത്തിൽ അറിയിച്ചു. ജനുവരി 13-ാം തീയതി അമ്പലപ്പുഴ സ്നേഹവീട് അഭയ കേന്ദ്രത്തില്‍ ഒരുക്കുന്ന സ്നേഹ വിരുന്നിനുള്ള തുക സർവീസ് ചെയർപേഴ്സൺ ഷേർലി അനിൽ സ്നേഹവീട് വയോജന പരിപാലന കേന്ദ്രം ചെയർമാൻ ആരിഫ് അടൂരിന് കൈമാറും. ചടങ്ങില്‍ വിദേശ പഠനം കഴിഞ്ഞ് നാട്ടിലെത്തിയ ക്ളബിലെ ഏറ്റവും പ്രായം കുറഞ്ഞ അംഗമായ ലയൺ…

മലപ്പുറം: ഇടതുപക്ഷ ജനാധിപത്യ മുന്നണിയിൽ നിന്ന് (എൽഡിഎഫ്) പിരിഞ്ഞ നിലമ്പൂരിലെ വിവാദ സ്വതന്ത്ര എംഎൽഎ പിവി അൻവർ പശ്ചിമ ബംഗാൾ മുഖ്യമന്ത്രി മമത ബാനർജി നയിക്കുന്ന തൃണമൂൽ കോൺഗ്രസിൽ ചേർന്നു. തൃണമൂൽ കോൺഗ്രസ് ജനറൽ സെക്രട്ടറി അഭിഷേക് ബാനർജി അൻവറിനെ കൊൽക്കത്തയിൽ പാർട്ടിയിലേക്ക് സ്വാഗതം ചെയ്തു, നിലമ്പൂർ എംഎൽഎയുടെ പൊതുസേവനത്തിനായുള്ള സമർപ്പണവും കേരളത്തിലെ ജനങ്ങളുടെ അവകാശങ്ങൾക്കുവേണ്ടിയുള്ള അദ്ദേഹത്തിൻ്റെ വാദവും എല്ലാവരെയും ഉൾക്കൊള്ളുന്ന വളർച്ച എന്ന അവരുടെ പങ്കിട്ട ദൗത്യത്തെ സമ്പന്നമാക്കുമെന്ന് പറഞ്ഞു. ശനിയാഴ്ച പാർട്ടി അധ്യക്ഷ മമത ബാനർജിയെ കാണുമെന്ന് അൻവറുമായി അടുത്ത വൃത്തങ്ങൾ സൂചിപ്പിച്ചു. പശ്ചിമ ബംഗാളിലെ ഡയമണ്ട് ഹാർബർ മണ്ഡലത്തിൽ നിന്നുള്ള എംപിയായ ബാനർജി അൻവറുമായുള്ള ഒരു ഫോട്ടോ പങ്കിട്ടുകൊണ്ട് എക്‌സിൽ എഴുതി: “ഓരോ ശബ്ദത്തിനും പ്രാധാന്യമുള്ളതും എല്ലാ സ്വപ്നങ്ങളും സാക്ഷാത്കരിക്കപ്പെടുന്നതുമായ ഒരു പുരോഗമന ഇന്ത്യയ്ക്കായി ഞങ്ങൾ ഒരുമിച്ച് പരിശ്രമിക്കും.” അൻവറിന് കേരളത്തിലെ തൃണമൂൽ…

വടക്കാങ്ങര : 2024-25 സാമ്പത്തിക വർഷത്തിലെ മഹാത്മാഗാന്ധി ദേശീയ തൊഴിലുറപ്പ് പദ്ധതിയുടെ ഭാഗമായി 72 മീറ്റർ ദൂരമുള്ള വടക്കാങ്ങര ആറാം വാർഡിലെ മണിയറക്കാട്ടിൽ കരുവാട്ടിൽ റോഡ് കോൺക്രീറ്റ് ചെയ്ത് സഞ്ചാര യോഗ്യമാക്കി പൊതുജനങ്ങൾക്കായി തുറന്നു കൊടുത്തു. മക്കരപ്പറമ്പ് ഗ്രാമപഞ്ചായത്ത് വികസനകാര്യ സ്ഥിരം സമിതി അദ്ധ്യക്ഷനും ആറാം വാർഡ് മെമ്പറുമായ ഹബീബുള്ള പട്ടാക്കൽ ഉദ്ഘാടനം നിർവഹിച്ചു. ചടങ്ങിൽ വാർഡ് കൺവീനർ സക്കീർ കരുവാട്ടിൽ, ഉരുണിയൻ യൂസുഫ് ഹാജി, സി.ടി അബ്ദുൽ ഖയ്യും, കെ ഇബ്രാഹിം, കെ.പി നസീർ, ഷബീർ കറുമൂക്കിൽ, നസീമുൽ ഹഖ് തുടങ്ങിയവർ ചടങ്ങിൽ സന്നിഹിതരായി.

താനൂർ: കേരളക്കരയെ കണ്ണീരിലാഴ്ത്തിയ താനൂർ ബോട്ട് ദുരന്തത്തിന്റെ ഒന്നാംപ്രതി സംസ്ഥാന സർക്കാർ ആയതിനാൽ അപകടത്തിൽ പരിക്കേറ്റവരുടെ ചികിത്സ സർക്കാർ ഏറ്റെടുക്കണമെന്ന് വെൽഫെയർ പാർട്ടി ആവശ്യപ്പെട്ടു. അനധികൃത ബോട്ട് നിർമ്മാണത്തിനും ടൂറിസം പദ്ധതിക്കും ഒത്താശ ചെയ്ത രാഷ്ട്രീയ – ഉദ്യോഗസ്ഥ കുറ്റവാളികളെ പ്രതിചേർക്കുക, മരണപ്പെട്ടവർക്ക് 25 ലക്ഷം രൂപ നഷ്ടപരിഹാരം നൽകുക, പരിക്കേറ്റവർക്ക് അർഹമായ നഷ്ടപരിഹാരം നൽകുക, പരിക്കേറ്റവർക്ക് സൗജന്യ ചികിത്സ ലഭ്യമാക്കുക, ജുഡീഷ്യൽ കമ്മീഷന്റെ പ്രവർത്തനം ത്വരിതപ്പെടുത്തുക തുടങ്ങിയ ആവശ്യങ്ങൾ ഉന്നയിച്ചു വെൽഫെയർ പാർട്ടി താനൂർ വാഴക്കതെരുവിൽ സംഘടിപ്പിച്ച പൊതുസമ്മേളനം ജില്ലാ സെക്രട്ടറി ഇബ്രാഹിംകുട്ടി മംഗലം ഉദ്ഘാടനം ചെയ്തു. ജില്ലാ സെക്രട്ടറി അഷ്‌റഫ് വൈലത്തൂർ അധ്യക്ഷത വഹിച്ചു. ജില്ലാ കമ്മിറ്റിയംഗം ഹബീബുറഹ്‌മാൻ സിപി വിഷയാവതരണം നടത്തി. തിരൂരങ്ങാടി മണ്ഡലം സെക്രട്ടറി സാനു ചെട്ടിപ്പടി സംസാരിച്ചു. മണ്ഡലം പ്രസിഡൻറ് ഡോ. ജൗഹർലാൽ സ്വാഗതവും മുൻസിപ്പൽ പ്രസിഡൻറ് കെ അബ്ദുസ്സലാം…

കൊച്ചി: പ്രമുഖ പ്രൊഫഷണൽ സർവ്വീസ് കമ്പനിയായ ഇ വൈ ഗ്ലോബൽ ഡെലിവറി സർവീസസ് (ഇ വൈ ജിഡിഎസ്) കൊച്ചിയിൽ തങ്ങളുടെ പുതിയ ഓഫിസിന് തുടക്കം കുറിച്ചു. ഇവൈ ജി.ഡി.എസിൻ്റെ കൊച്ചിയിലെ നാലാമത് ഓഫീസാണ് പ്രവർത്തനം ആരംഭിച്ചത്. ഇതോടെ കമ്പനി വിഭാവനം ചെയ്യുന്ന ഭാവി വളർച്ചയുടെ സുപ്രധാന കേന്ദ്രമായി കൊച്ചി മാറും . സംസ്ഥാനത്ത് കമ്പനിയുടെ പ്രവർത്തനങ്ങൾ വ്യാപിപ്പിക്കുന്നതും, പ്രതിഭാധനരായ മലയാളി യുവാക്കളെ കമ്പനിയുടെ ഭാഗമാക്കുന്നതും , നൂതന സാങ്കേതിക വൈദഗ്‌ധ്യം സ്വായത്തമാക്കുന്നതും ലക്ഷ്യമിട്ടാണ് ഓഫീസ് വിപുലീകരണം. കൊച്ചിയിൽ കാക്കനാടുള്ള പ്രസ്റ്റീജ് സൈബർ ഗ്രീനിലാണ് പുതിയ ഓഫീസ് സ്ഥിതി ചെയ്യുന്നത്. കാക്കനാട് പ്രസ്റ്റീജ് സൈബർ ഗ്രീനിൽ നടന്ന ചടങ്ങിൽ സംസ്ഥാന എം എസ് എം ഇ -വ്യവസായ-കയർ-നിയമ വകുപ്പ് മന്ത്രി പി രാജീവ്, ഇ വൈ ജി ഡി എസ് ഗ്ലോബൽ വൈസ് ചെയർ അജയ് ആനന്ദ് തുടങ്ങിയവർ…

മലപ്പുറം: വന്യമൃഗ ആക്രമണങ്ങൾ നിത്യസംഭവമായി മാറിയ കേരളത്തിൽ സർക്കാർ തുടരുന്ന നിസ്സംഗതയിൽ വെൽഫെയർ പാർട്ടി മലപ്പുറം ജില്ലാ എക്‌സിക്യൂട്ടീവ് പ്രതിഷേധം രേഖപ്പെടുത്തി. നിലമ്പൂർ കരുളായി വനമേഖലയിൽ കഴിഞ്ഞ ദിവസം ആദിവാസി യുവാവ് കൊല്ലപെട്ടതിന് സർക്കാറാണ് ഉത്തരവാദിയെന്ന് എക്‌സിക്യൂട്ടീവ് കുറ്റപ്പെടുത്തി. കൊല്ലപ്പെട്ടാൽ ഓടിയെത്തി നഷ്ടപരിഹാരം പ്രഖ്യാപിച്ചാൽ സർക്കാറിന്റെ ഉത്തരവാദിത്വം തീരില്ല; ജനങ്ങളുടെ ജീവൻ സംരക്ഷിക്കാനുള്ള മുൻകരുതൽ സർക്കാർ സ്വീകരിക്കേണ്ടതുണ്ട്. വനമേഖലയിലെ തകർന്ന ആവാസ വ്യവസ്ഥ പുനസ്ഥാപിച്ച് വന്യമൃഗങ്ങൾ ജനവാസ കേന്ദ്രങ്ങളിലേക്കിറങ്ങുന്ന അവസ്ഥ ഇല്ലാതാക്കണം. ഫെൻസിങ്ങടക്കമുള്ള സുരക്ഷാ സംവിധാനങ്ങൾ ഒരുക്കാൻ സർക്കാർ തയ്യാറാവണം. വന്യമൃഗാക്രമണത്തിൽ മരിച്ചുവീഴുന്നത് ആദിവാസികളും കർഷകരുമാണ്. ഇനിയും മനുഷ്യരുടെ ജീവന് വിലകൽപിക്കാത്ത നിലപാടാണ് സർക്കാർ സ്വീകരിക്കുന്നതെങ്കിൽ ശക്തമായ ജനകീയ പ്രക്ഷോഭങ്ങൾക്ക് വെൽഫെയർ പാർട്ടി നേതൃത്വം നൽകും. ജില്ലാ പ്രസിഡണ്ട് കെവി സഫീർഷ ആധ്യക്ഷം വഹിച്ചു. കൃഷ്ണൻ കുനിയിൽ, മുനീബ് കാരകുന്ന്, സുഭദ്ര വണ്ടൂർ, ബിന്ദു പരമേശ്വരൻ, മജീദ്…