Category: AMERICA

ഹൂസ്റ്റൺ: മതേരത്വ ഇന്ത്യയിലെ വിവിധ സംസ്ഥാനങ്ങളിൽ മതന്യുനപക്ഷമായ   ക്രൈസ്തവർ നേരിടുന്ന പീഡനങ്ങൾ  ആശങ്കാജനകമാണ്. ലോകത്തിലെ ഏറ്റവും ശക്തമായ ഭരണഘടനയായ ഇന്ത്യൻ ഭരണഘടന എല്ലാ മതങ്ങൾക്കും തുല്യ പ്രാധാന്യവും എല്ലാ മതങ്ങളെയും ഉൾക്കൊള്ളുന്നതുമാണ്  എന്നാൽ അടുത്ത നാളുകളായി വടക്കേ ഇന്ത്യയിൽ ക്രൈസ്തവ വിഭാഗത്തിൽ പെടുന്നവരെ അകാരണമായി അക്രമിക്കുന്നതും ഉപദ്രവിക്കുന്നതും കള്ളക്കേസിൽ കുടുക്കി ജയിലിൽ അടക്കുന്നതും വർധിച്ചു വരുന്നു. അടുത്തയിടെ ഛത്തീസ്ഗഡിൽ രണ്ടു കന്യാസ്ത്രീകളെ കള്ളക്കേസിൽ കുടുക്കി 9 ദിവസം ജയിലിൽ അടച്ചു.പോലീസ് അധികാരികളുടെ മുൻപിൽ വച്ച് ക്രൈസ്തവരായ ആളുകളെ തദ്ദേശവാസികൾ മർദ്ധിക്കുന്നതും നാം കണ്ടു കഴിഞ്ഞു. ഇന്ത്യയിൽ ക്രൈസ്തവർ നേരിടുന്ന പീഡനങ്ങളിൽ ICECH സംഘടിപ്പിച്ച പ്രത്യേക സമ്മേളനത്തിൽ പങ്കെടുത്ത എല്ലാവരും ആശങ്ക പങ്കുവച്ചു. . കേന്ദ്ര ഗവൺമെണ്ടും ഛത്തീസ്‌ഗഡ് ഗവെർന്മെണ്ടും ക്രൈസ്തവർക്ക് എതിരെ നടത്തുന്ന അക്രമപ്രവർത്തങ്ങളെ  കണ്ടില്ലെന്നു നടിക്കരുതെന്നും ഭരണഘടന വിഭാവന ചെയ്യുന്ന തുല്യനീതി  ക്രൈസ്തവർക്കും ലഭിയ്ക്കണമെന്നും…

വാഷിംഗ്‌ടൺ ഡി സി:വെനസ്വേലൻ പ്രസിഡന്റ് നിക്കോളാസ് മഡുറോയെ അറസ്റ്റ് ചെയ്യുന്നതിലേക്ക് നയിക്കുന്ന വിവരങ്ങൾ നൽകുന്നവർക്ക് നീതിന്യായ വകുപ്പും (DOJ) സ്റ്റേറ്റ് ഡിപ്പാർട്ട്‌മെന്റും 50 മില്യൺ ഡോളർ പാരിതോഷികം വാഗ്ദാനം ചെയ്യുന്നതായി അറ്റോർണി ജനറൽ പാം ബോണ്ടി വ്യാഴാഴ്ച പ്രഖ്യാപിച്ചു. ഈ പ്രതിഫലം രണ്ട് വകുപ്പുകളും മുമ്പ് വാഗ്ദാനം ചെയ്തതിന്റെ ഇരട്ടിയാണ്, ഇത് 2020 ൽ വാഗ്ദാനം ചെയ്ത 15 മില്യൺ ഡോളറിൽ നിന്ന് കൂടുതലാണ്. ന്യൂയോർക്കിൽ മയക്കുമരുന്ന് ഭീകരത, കൊക്കെയ്ൻ ഇറക്കുമതി ചെയ്യാനുള്ള ഗൂഢാലോചന, മെഷീൻ ഗണ്ണുകളും വിനാശകരമായ ഉപകരണങ്ങളും കൈവശം വയ്ക്കൽ, മെഷീൻ ഗണ്ണുകളും വിനാശകരമായ ഉപകരണങ്ങളും കൈവശം വയ്ക്കാനുള്ള ഗൂഢാലോചന എന്നീ കുറ്റങ്ങൾ മഡുറോയ്‌ക്കെതിരെ ചുമത്തിയിട്ടുണ്ടെന്ന് സ്റ്റേറ്റ് ഡിപ്പാർട്ട്‌മെന്റ് പറഞ്ഞു. “മഡുറോ ലോകത്തിലെ ഏറ്റവും വലിയ മയക്കുമരുന്ന് കടത്തുകാരിൽ ഒരാളാണ്, നമ്മുടെ ദേശീയ സുരക്ഷയ്ക്ക് ഭീഷണിയാണ്, അതിനാൽ, ഞങ്ങൾ അദ്ദേഹത്തിന്റെ പ്രതിഫലം 50 മില്യൺ…

ഡാളസ്: ഡാളസ്സിൽ നിന്നുള്ള പ്രവാസിയും കേരള കോൺഗ്രസ്സ് (എം) സംസ്ഥാന കോ-ഓർഡിനേറ്ററും സ്റ്റിയറിംഗ് കമ്മിറ്റി അംഗവുമായ:ഡോ.മാത്യൂസ് കെ. ലൂക്കോസ് മന്നിയോട്ട് കേരള ഗവൺമെന്റ് NRI കമ്മീഷൻ അംഗമായി ചുമതലയേറ്റു പുനസംഘടിപ്പിച്ച ആറംഗ പ്രവാസി ഭാരതീയർ (കേരളീയർ) കമ്മീഷനിൽ ജസ്റ്റിസ് (റിട്ട) സോഫി തോമസ്സ് ചെയർപേഴ്സണായുളള കമ്മീഷനിൽ പി.എം ജാബിർ, ഡോ. മാത്യൂസ് കെ ലൂക്കോസ്, എം.എം നയീം, ജോസഫ് ദേവസ്സ്യ പൊൻമാങ്കൽ, എൻ.ആർ.ഐ (കെ) കമ്മീഷൻ സെക്രട്ടറി (ജയറാം കുമാർ ആർ) എന്നിവരാണ് അംഗങ്ങൾ. ചെയർപേഴ്സൺ ജസ്റ്റിസ് (റിട്ട) സോഫി തോമസ്സ് 2021 മുതൽ 2025ഫെബ്രുവരി വരെ കേരള ഹൈക്കോടതി ജസ്റ്റിസായിരുന്നു. എറണാകുളം ജില്ലയിലെ മൂവാറ്റുപുഴ സ്വദേശിയാണ്. ഡോ. മാത്യൂസ് കെ. ലൂക്കോസ് മന്നിയോട്ട് അന്താരാഷ്ട്ര മോട്ടിവേഷണൽ സ്പീക്കർ, സൈക്കോളജിസ്റ്റ്, പ്രശസ്ത കോഫി വിത്ത് ലൂക്ക് ടോക് ഷോ പ്രൊഡ്യൂസർ, മാധ്യമപ്രവർത്തകൻ, എഴുത്തുകാരൻ, പബ്ലിഷർ, കേരള ട്രിബ്യൂൺ…

റഷ്യയുമായുള്ള സംഘർഷങ്ങൾ വർദ്ധിച്ചുവരുന്ന സാഹചര്യത്തിൽ അമേരിക്ക നിലപാട് കടുപ്പിക്കുന്നു. റഷ്യന്‍ കോടീശ്വരനില്‍ നിന്ന് പിടിച്ചെടുത്ത 325 മില്യൺ ഡോളര്‍ വില വരുന്ന ആഡംബര നൗകയായ അമീഡിയ ലേലത്തില്‍ വിൽക്കാനൊരുങ്ങുന്നു. റഷ്യ-ഉക്രെയ്ൻ യുദ്ധത്തിനുശേഷം ആദ്യമായി, കണ്ടുകെട്ടിയ റഷ്യൻ സ്വത്തുക്കളാണ് യുഎസ് ലേലം ചെയ്യാനൊരുങ്ങുന്നത്. ഈ നീക്കം ഇരു രാജ്യങ്ങളും തമ്മിലുള്ള സംഘർഷം കൂടുതൽ വഷളാകാന്‍ സാധ്യതയുണ്ട്. ആദ്യ പടിയായി ഒരു റഷ്യൻ കോടീശ്വരന്റെ ആഡംബര നൗകയായ അമീഡിയ 325 മില്യൺ ഡോളറിന് പ്രാരംഭ വിലയ്ക്ക് വിൽക്കാനാണ് അമേരിക്കയുടെ തീരുമാനം. സെപ്റ്റംബർ 10 വരെ നീണ്ടുനിൽക്കുന്ന ലേലം, യുദ്ധം അവസാനിപ്പിക്കാൻ പ്രസിഡന്റ് വ്‌ളാഡിമിർ പുടിനെതിരെ സമ്മർദ്ദം ചെലുത്താൻ റഷ്യൻ പ്രഭുക്കന്മാരെ സമ്മർദ്ദത്തിലാക്കാനുള്ള യുഎസ് തന്ത്രത്തിന്റെ ഭാഗമാണെന്നു പറയുന്നു. ഈ ആഡംബര നൗകയുടെ വിൽപ്പനയിൽ നിന്നുള്ള പണം ഉക്രെയ്‌നിനെ സഹായിക്കാൻ ഉപയോഗിക്കും. റഷ്യ-ഉക്രെയ്ൻ യുദ്ധത്തിനുശേഷം, അമേരിക്ക കണ്ടുകെട്ടിയ റഷ്യൻ സമ്പന്നരുടെ സ്വത്തുക്കൾക്കെതിരെ…

കാനഡയിലെ സറേ നഗരത്തിലുള്ള കപിൽ ശർമ്മയുടെ കഫേക്കെതിരെ രണ്ടാഴ്ചയ്ക്കിടെ രണ്ടാം തവണയും വെടിവയ്പ്പുണ്ടായി, അതിന്റെ ഉത്തരവാദിത്തം ലോറൻസ് ബിഷ്‌ണോയിയും ഗോൾഡി ദില്ലൺ സംഘവും ഏറ്റെടുത്തു. സറേ (കാനഡ): പ്രശസ്ത ഹാസ്യനടൻ കപിൽ ശർമ്മയുടെ കാനഡയിലെ സറേ നഗരത്തിലുള്ള ‘കാപ്സ് കഫേ’ക്കെതിരെ വ്യാഴാഴ്ച വീണ്ടും വെടിവയ്പ്പ് നടന്നു. ജൂലൈ 8 ന് ലക്ഷ്യമിട്ടതും ഇതേ കഫേ തന്നെയാണ്. ആക്രമണത്തിന് ശേഷം പോലീസ് സ്ഥലത്തെത്തി അന്വേഷണം ആരംഭിച്ചു. റിപ്പോർട്ടുകൾ പ്രകാരം, ഇത്തവണയും കഫേയുടെ ജനാലകളിൽ കുറഞ്ഞത് ആറ് വെടിയുണ്ടകളുടെ അടയാളങ്ങൾ കണ്ടെത്തിയിട്ടുണ്ട്. ജൂലൈ സംഭവം കഴിഞ്ഞ് കുറച്ച് ദിവസങ്ങൾക്ക് മുമ്പ് കഫേ വീണ്ടും തുറന്നപ്പോഴാണ് ഈ ആക്രമണം നടന്നത്. ലോറൻസ് ബിഷ്‌ണോയിയും ഗോൾഡി ദില്ലൺ സംഘവും ഈ ആവർത്തിച്ചുള്ള ആക്രമണത്തിന്റെ ഉത്തരവാദിത്തം ഏറ്റെടുത്തു. ഫോണിൽ വിളിച്ചാൽ മറുപടി ലഭിച്ചില്ലെങ്കിൽ മുംബൈയിൽ അടുത്ത നടപടി സ്വീകരിക്കുമെന്ന് സോഷ്യൽ മീഡിയയിലെ ഭീഷണി സന്ദേശത്തിൽ…

റിലയൻസ്, ലോധ ഗ്രൂപ്പ്, എം3എം, പഞ്ച്ഷീൽ, യൂണിമാർക്ക്, ആർഡിബി ഗ്രൂപ്പ് തുടങ്ങിയ വൻകിട ഇന്ത്യൻ കമ്പനികൾ ഈ പദ്ധതികളിൽ പ്രവർത്തിക്കുന്നുണ്ട്. 2017 ൽ പ്രസിഡന്റായതിനുശേഷം, ട്രംപ് തന്റെ ഓഹരികൾ മാനേജ്‌മെന്റിൽ നിന്ന് ട്രസ്റ്റിലേക്ക് മാറ്റി, പക്ഷേ അദ്ദേഹം ഇപ്പോഴും കമ്പനിയുടെ ചെയർമാനാണ്. ഇന്ത്യയുടെ സമ്പദ്‌വ്യവസ്ഥയെ ‘നിർജ്ജീവ സമ്പദ്‌വ്യവസ്ഥ’ എന്ന് വിശേഷിപ്പിച്ച് ഇന്ത്യയെ നിരന്തരം വിമർശിക്കുകയും ചൈനയുമായും റഷ്യയുമായുമുള്ള വ്യാപാരം മൂലമുള്ള ഇന്ത്യയുടെ നയങ്ങളിലേക്ക് വിരൽ ചൂണ്ടുകയും ചെയ്യുന്ന ട്രം‌പും അദ്ദേഹത്തിന്റെ കുടുംബവും ഇന്ത്യയിൽ നിന്ന് തുടർച്ചയായി കോടികളാണ് സമ്പാദിക്കുന്നത്. അതും റിയൽ എസ്റ്റേറ്റ് മേഖലയിലൂടെ. ട്രംപിന്റെ കുടുംബ കമ്പനിയായ ദി ട്രംപ് ഓർഗനൈസേഷനെക്കുറിച്ച് അറിയാത്തവര്‍ ആരുമില്ല. റിപ്പോർട്ടുകൾ വിശ്വസിക്കാമെങ്കിൽ, ഇന്ത്യയിലെ വൻകിട നിർമ്മാതാക്കളുമായി സഹകരിച്ച് ആഡംബര സ്വത്ത് വികസനത്തിൽ ട്രം‌പ് കുടുംബം വളരെ സജീവമാണ്. അവരുടെ പദ്ധതികൾ നിലവിൽ രാജ്യമെമ്പാടും പുരോഗമിക്കുകയും ചെയ്യുന്നുണ്ട്. മുംബൈ, പൂനെ, ഗുരുഗ്രാം,…

ഡാളസ്: ഐ.പി.സി. കാൽവറി പെന്തെക്കോസ്തൽ ചർച്ച് വിജയകരമായ 20 വർഷം പൂർത്തിയാക്കുന്നതിനോടനുബന്ധിച്ച് കൺവൻഷനും സെമിനാറും സ്‌തോത്ര ശുശ്രൂഷയും 8, 9, 10 തീയതികളിൽ നടക്കും. ജൂലൈ 31 വാർഷികം ആഗോഷിക്കുന്നതിന്റെ ഭാഗമായി ജൂലൈ 1 മുതൽ പ്രോഗ്രാമുകൾ നടത്തിവരുന്നു. ഇതിന്റെ സമാപനമായിട്ടാണ് കൺവൻഷനും സെമിനാറും സ്‌തോത്ര ശുശ്രൂഷയും നടത്തുന്നത്. 2005 ജൂലൈ 31 ന് ആരംഭം കുറിച്ച സഭാപ്രവർത്തനം ആദ്യവർഷങ്ങളിൽ സെവൻന്ത് ഡേ അഡ്വന്റിസ്റ്റ് ചർച്ച് വക വാടകക്കെട്ടിടത്തിലാണ് ആരാധനയും മീറ്റിംഗുകളും നടത്തിയിരുന്നത്. ആദ്യവർഷങ്ങളിൽ തന്നെ അഭൂതപൂർവ്വമായ വളർച്ച കൈവരിച്ച സഭ 2010 ൽ ഡാളസിലെ പ്രസിദ്ധമായ റിച്ചാർഡ്‌സൺ സിറ്റിയിൽ ഏതാണ്ട് മൂന്നര ഏക്കർ സ്ഥലം വാങ്ങി മനോഹരമായ സഭാഹാളും വിശാലമായ ഫെലോഷിപ്പ്, സൺഡേസ്‌കൂൾ ക്ലാസ്സുകൾക്കുമായി ഒരു കെട്ടിട സമുച്ചയം പണിയുകയും അവിടേക്ക് പ്രവർത്തനങ്ങൾ മാറുകയും ചെയ്തു. സഭ ഡാളസിലെ പ്രമുഖ സ്ഥലത്തായതുകൊണ്ട് പുതിയ കുടുംബങ്ങൾ ആരാധനകളിൽ…

ഡിട്രോയിറ്റ്: ഡിട്രോയിറ്റ് സെയിന്റ് മേരീസ് ക്നാനായ കത്തോലിക്കാ ദൈവാലയത്തിൽ പരിശുദ്ധ കന്യകാ മറിയത്തിന്റെ സ്വർഗ്ഗാരോഹണ തിരുനാൾ ആഗസ്റ്റ് 1 വെള്ളിയാഴ്ച ഭക്ത്യാദരപൂര്‍‌വ്വം ആഘോഷിച്ചു. വെള്ളിയാഴ്ച രാവിലെ 7 മണിക്ക് തിരുക്കർമ്മങ്ങൾ ആരംഭിച്ചു. തുടര്‍ന്ന് തിരുനാൾ കൊടിയേറ്റ്, പരേതരുടെ ഓർമ്മയ്ക്കായി ഇടവക വികാരി റവ. ഫാ. ജോസഫ് തറയ്ക്കൽ വിശുദ്ധ കുർബ്ബാന അർപ്പിച്ചു. ആഗസ്റ്റ് 2 ശനിയാഴ്ച 5.00 മണിക്ക് തിരുക്കർമ്മങ്ങൾ ആരംഭിച്ചു. ലദീഞ്ഞു, വിശുദ്ധ കുർബ്ബാനയ്ക്ക് റവ. ഫാ. ജോബി പന്നൂറയിൽ OSB മുഖ്യ കാർമികത്വം വഹിക്കുകയും തിരുനാൾ സന്ദേശം നൽകുകയും ചെയ്തു. റവ. ഫാ. ജോസഫ് തറയ്ക്കൽ, റവ. ഫാ. സാബു വെള്ളരിമറ്റത്തിൽ OSB, റവ. ഫാ. ജോസഫ് പുതുപ്പറമ്പിൽ OSB എന്നിവർ സഹ കാർമ്മികരായിരുന്നു. ദൈവാലയത്തിനു ചുറ്റും നടത്തിയ ജപമാല പ്രദക്ഷിണത്തിൽ ഇടവക ജനം ഭക്തിയോടെ സംബന്ധിച്ചു. തിരുക്കർമ്മങ്ങള്‍ക്കു ശേഷം കലാസന്ധ്യയും സ്നേഹവിരുന്നും ഉണ്ടായിരുന്നു.…