Author: പി പി ചെറിയാൻ

വാഷിംഗ്ടൺ: 9/11 ഭീകരാക്രമണത്തിന്റെ 25-ാം വാർഷികത്തിലേക്ക് അമേരിക്ക കടക്കുമ്പോൾ, രാജ്യത്തിന്റെ ചരിത്രബോധം അപകടത്തിലാണെന്ന് വിദഗ്ധരുടെ മുന്നറിയിപ്പ്. അമേരിക്കയിലെ പത്ത് കോടിയിലധികം ആളുകൾക്ക് 2001 സെപ്റ്റംബർ 11-ലെ ദുരന്തത്തെക്കുറിച്ച് നേരിട്ടുള്ള ഓർമ്മകളോ അനുഭവങ്ങളോ ഇല്ലെന്നാണ് റിപ്പോർട്ടുകൾ വ്യക്തമാക്കുന്നത്. സ്കൂൾ പാഠ്യപദ്ധതികളിൽ നിന്ന് ഈ ചരിത്രം തമസ്കരിക്കപ്പെടുന്നുവെന്നും, തീവ്ര ഇസ്ലാമിക ഭീകരതയെക്കുറിച്ചുള്ള യഥാർത്ഥ വിവരങ്ങൾ കുട്ടികളിൽ നിന്ന് മറച്ചുവെക്കുന്നുവെന്നും ആക്ഷേപം ശക്തമായിട്ടുണ്ട്. 9/11 മെമ്മോറിയൽ ആൻഡ് മ്യൂസിയം പ്രസിഡന്റ് ബെത്ത് ഹിൽമാന്റെ അഭിപ്രായത്തിൽ, അന്നത്തെ ഭീകരദിനം നേരിൽ കണ്ട തലമുറയ്ക്ക് അതിന്റെ ഓർമ്മകൾ വ്യക്തമാണെങ്കിലും, ഇന്നുള്ള പത്ത് കോടിയോളം അമേരിക്കക്കാർ ആ സമയത്ത് ജനിച്ചിട്ടുപോലുമില്ലാത്തവരോ അല്ലെങ്കിൽ തീരെ ചെറിയ കുട്ടികളോ ആയിരുന്നു. അതിനാൽ തന്നെ ക്ലാസ് മുറികളിലൂടെ കുട്ടികൾക്ക് ലഭിക്കുന്ന അറിവുകൾ നിർണ്ണായകമാണ്. എന്നാൽ അമേരിക്കയിലെ സ്കൂൾ പാഠ്യപദ്ധതികളിൽ 9/11 ചരിത്രം വളച്ചൊടിക്കപ്പെടുകയാണെന്ന് ‘ടീച്ചർ ഫ്രീഡം അലയൻസ്’ സിഇഒയും മുൻ…

ന്യൂയോർക്ക്: 2001 സെപ്റ്റംബർ 11. ലോകചരിത്രത്തെ തന്നെ മാറ്റിമറിച്ച ഭീകരാക്രമണം നടന്ന ദിവസം ഞാൻ ജോലി ചെയ്തിരുന്നത് വേൾഡ് ട്രേഡ് സെന്ററിന് തൊട്ടുമുന്നിലുള്ള 101 ലിബർട്ടി സ്ട്രീറ്റിലെ മൂന്നുനില ബർഗർ കിംഗ് കെട്ടിടത്തിലായിരുന്നു. വേൾഡ് ട്രേഡ് സെന്ററിലെ വൻ കെട്ടിടങ്ങൾ തകർന്നുവീണപ്പോൾ സമീപത്തുണ്ടായിരുന്ന ഈ ചെറിയ കെട്ടിടം വലിയ നാശനഷ്ടങ്ങളിൽ നിന്ന് രക്ഷപ്പെട്ടു. എന്നാൽ തുടർന്നുള്ള ദിവസങ്ങളിൽ ആ ബർഗർ കിംഗ് കെട്ടിടവും 9/11 ദുരന്തചരിത്രത്തിന്റെ ഭാഗമാവുകയായിരുന്നു. ആക്രമണത്തിനു പിന്നാലെ സുരക്ഷാസേന പ്രദേശത്തിന്റെ നിയന്ത്രണം ഏറ്റെടുത്തു. പൊതുജനങ്ങൾക്കും മാധ്യമങ്ങൾക്കും പ്രവേശനമില്ലാത്ത അതീവ സുരക്ഷാമേഖലയായി വേൾഡ് ട്രേഡ് സെന്ററിന് ചുറ്റുമുള്ള പ്രദേശം മാറി. തുടർന്നുള്ള ദിവസങ്ങളിൽ വളണ്ടിയർമാരുടെയും റെസ്ക്യൂ ടീമുകളുടെയും പ്രവർത്തനകേന്ദ്രമായും അവശിഷ്ടങ്ങളിൽനിന്ന് ലഭിച്ച വസ്തുക്കൾ ശേഖരിക്കുന്ന കേന്ദ്രമായും ബർഗർ കിംഗ് ഉപയോഗിക്കപ്പെട്ടു. തകർന്ന കെട്ടിടങ്ങളുടെ അവശിഷ്ടങ്ങൾക്കിടയിൽനിന്ന് ഫയർഫൈറ്റേഴ്സ് കണ്ടെത്തിയ വാച്ചിന്റെ ക്ലിപ്പുകൾ, പല്ലുകൾ, കണ്ണടകൾ തുടങ്ങി ചെറിയ…

അബ്ദുൾ പുന്നയൂർക്കുളം രചിച്ച ‘പറക്കും പക്ഷിയെ പ്രണയിക്കുന്നവർ’ എന്ന നോവലിനെപ്പറ്റിയാണ് ഇവിടെ പ്രതിപാദിക്കുന്നത്. പ്രമേയം: ജോലി തേടി അമേരിക്കയിലെത്തുന്ന ഒരു നാടൻ ചെറുപ്പക്കാരന്റെ യൗവ്വനം നീന്തിക്കടന്ന വൈതരണികൾ പശ്ചാത്തലമാക്കി അരങ്ങേറുന്ന ഒരു ശുദ്ധ പ്രണയമാണ് തുടക്കം. കേന്ദ്ര കഥാപാത്രമായ ഷാഫിയിലൂടെ അനാവരണം ചെയ്യപ്പെടുന്ന സാഹസങ്ങളുടെ പ്രവാഹം വായനക്കാരെയും കൂടെ കൊണ്ടുപോകുന്ന നിലയിലേക്ക് പുരോഗമിക്കുന്നു. പ്രണയ മൊട്ടുകൾ, സുഗന്ധം പരത്തുന്ന പൂക്കളായി വിടരുന്നു, സിന്ധ്യ എന്ന അമേരിക്കൻ സുന്ദരിയിലൂടെ. അധികം വൈകാതെ ആ പൂക്കൾ വാടി തളർന്നു മണ്ണിൽ വീണടിയുന്നു. ഇതിലേക്ക് നയിച്ച പ്രകൃതിയുടെ നിഗൂഡ ആസൂത്രണം വായനക്കാരുടെ ഹൃദയത്തെ സ്പർശിക്കുന്നുണ്ട്. ആ പക്ഷി പറന്നകലുന്നതും നോക്കി നിസ്സഹായനായി നിൽക്കുന്ന നായകന്റെ കൂടെ വായനക്കാരെയും കാണാനാവും. മറ്റൊരു പക്ഷിയെ സമൂഹം കൊണ്ടുവരുന്നുണ്ട്; ഒപ്പം സംഘർഷങ്ങളുടെ കൂമ്പാരവും. ഇതിലൂടെയെല്ലാം നീന്തിക്കയറുന്ന നായകൻ അവശനും രോഗിയും വിധിയുടെ ഇരയുമായി മാറുന്നു. പറന്നകന്നുകൊണ്ടിരിക്കുന്ന…

തിരുവനന്തപുരം: ദിവസവും രാത്രി രണ്ടും മൂന്നും തവണ, മുന്നറിയിപ്പ് ഇല്ലാതെ  സംസ്ഥാനത്ത് വൈദ്യുതി നിയന്ത്രണം ഏർപ്പെടുത്തുന്നത്,  മാറ്റാരെയോ സഹായിക്കാനുള്ള ആസൂത്രിത ശ്രമത്തിന്റെ ഭാഗമാണെന്ന് കേരളാ കോൺഗ്രസ്‌ (എം) സംസ്ഥാന ജനറൽ സെക്രട്ടറി കെ. ആനന്ദകുമാർ ആരോപിച്ചു. ഇപ്പോഴത്തേതിന് സമാനമായ സാഹചര്യങ്ങളുണ്ടായിട്ടും കഴിഞ്ഞ പത്ത് വർഷക്കാലം തടസ്സമില്ലാതെ വൈദ്യുതി നൽകിയ വൈദ്യുതി ബോർഡ്,  ഇപ്പോഴത്തെ പ്രതിസന്ധിക്ക് പറയുന്ന കാരണങ്ങൾ, വിശ്വസനീയമല്ല. രാത്രി 12.30 വരെ യാതൊരു മുന്നറിയിപ്പുമില്ലാതെ തോന്നുംപടി വൈദ്യുതി തടസ്സം സൃഷ്ടിക്കുന്നത്, ചില കേന്ദ്രങ്ങളെ സഹായിക്കാനുള്ള ആസൂത്രിത ശ്രമമായി വേണം കരുതാൻ. വൈദ്യുതി നിയന്ത്രണം ഉണ്ടായിരുന്ന മുൻകാലങ്ങളിൽ പോലും, പ്രാദേശികമായി മുൻകൂട്ടി സമയം അറിയുന്നത് മൂലം ആളുകൾക്ക് അതനുസ്സരിച്ച് തയാറെടുപ്പ് നടത്താനും കാര്യങ്ങൾ പ്ലാൻ ചെയ്യാനും സാധിച്ചിരുന്നു. രാത്രി 10 മണിക്ക് ശേഷം പാത്തും പതുങ്ങിയും വൈദ്യുതി കട്ട് ചെയ്യുന്നത് അന്തസ്സില്ലാത്ത പണിയാണ്. മുൻപ് ഒരു കാലത്തും…

വടക്കാങ്ങര: വിദ്യാർഥികൾ ഏത് സാഹചര്യങ്ങളിലും തങ്ങളുടെ മൂല്യങ്ങളെയും ആദർശങ്ങളെയും മുറുകെപ്പിടിക്കുന്നവരായി വളരണമെന്നും, വിഷയങ്ങളെ ആഴത്തിൽ പഠിച്ച് കൃത്യവും വ്യക്തവുമായ മറുപടി നൽകാൻ പ്രാപ്തരാകണമെന്നും ടീൻ ഇന്ത്യ സംസ്ഥാന സെക്രട്ടറി മുസ്തഫ ചേരിയം അഭിപ്രായപ്പെട്ടു. വടക്കാങ്ങര ടാലന്റ് പബ്ലിക് സ്കൂളിൽ ‘ടീൻ ഇന്ത്യ’ സ്കൂൾ യൂണിറ്റ് ക്ലബ്ബ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ​ഇന്നത്തെ സമൂഹത്തിൽ വിദ്യാർഥികൾക്ക് അറിവിനൊപ്പം ശക്തമായ വ്യക്തിത്വവും മൂല്യബോധവും അനിവാര്യമാണ്. വിവിധ ആശയങ്ങളെയും ചോദ്യങ്ങളെയും വിവേകപൂർവം സമീപിക്കാനും സ്വന്തം വിശ്വാസങ്ങളെയും മൂല്യങ്ങളെയും ആത്മവിശ്വാസത്തോടെ അവതരിപ്പിക്കാനും സാധിക്കണം. അതിനായി അറിവുകൾ നേടുന്നതോടൊപ്പം സമകാലിക ലോകത്തെക്കുറിച്ചും വ്യക്തമായ അവബോധം ഉണ്ടാകേണ്ടതുണ്ട്. വിദ്യാർഥികളുടെ വ്യക്തിത്വ വികസനത്തിനും നേതൃത്വപാടവത്തിനും സാമൂഹിക പ്രതിബദ്ധത വളർത്തുന്നതിനും ടീൻ ഇന്ത്യ പോലുള്ള കൂട്ടായ്മകൾ മികച്ച വേദിയാകുമെന്നും അദ്ദേഹം കൂട്ടിച്ചേർത്തു. ​സ്കൂൾ പ്രിൻസിപ്പൽ മുഹമ്മദലി കൊടിഞ്ഞി അദ്ധ്യക്ഷത വഹിച്ചു. വൈസ് പ്രിൻസിപ്പൽ ഷാഹിദ ആശംസകൾ നേർന്ന്…