ടെന്നസി: ടെന്നസിയിൽ ജീവപര്യന്തം തടവിന് ശിക്ഷിക്കപ്പെട്ട കൊലപാതകക്കുറ്റവാളി ജയിൽ വേലി തകർത്ത് രക്ഷപ്പെട്ടു. വടക്കുപടിഞ്ഞാറൻ ടെന്നസിയിലെ ‘നോർത്ത് വെസ്റ്റ് കറക്ഷനൽ കോംപ്ലക്സിൽ’ നിന്ന് ഞായറാഴ്ച രാത്രിയാണ് 28-കാരനായ ജേക്കബ് മോർലി എന്ന തടവുകാരൻ ചാടിപ്പോയത്.
സുരക്ഷാ ക്യാമറ ദൃശ്യങ്ങളിൽ ജയിൽ യൂണിഫോമിൽ വേലി തകർത്ത് പുറത്തുകടന്ന മോർലി, സമീപത്തുനിന്ന് ഒരു പിക്കപ്പ് ട്രക്ക് മോഷ്ടിച്ച് ഓടിച്ചുപോയതായി വ്യക്തമായി. തുടർന്ന് ഇയാളുടെ വാഹനം ഇല്ലിനോയിയിലെ മരിയോണിൽ കണ്ടെത്തിയതായി അധികൃതർ അറിയിച്ചു.
ടെന്നസിയിൽ പ്രതിക്കായി തെരച്ചിൽ തുടരുമ്പോൾ, രക്ഷപ്പെട്ട കൊലയാളിയുടെ ഇരയുടെ സഹോദരിയുടെ മുന്നറിയിപ്പ്: “അയാൾ ആരെെയെങ്കിലും കൊലപ്പെടുത്തും”
2022ൽ തന്റെ സഹോദരനെ കൊലപ്പെടുത്തിയ കേസിൽ ശിക്ഷിക്കപ്പെട്ട ഒളിവിലുള്ള ജേക്കബ് അലൻ മോർലിയെക്കുറിച്ച്, “അയാൾ വളരെ അപകടകാരിയായ ഒരു മനുഷ്യനാണ്” എന്ന് കാരി നോർമാൻ എൻ.ബി.സി ന്യൂസിനോട് പറഞ്ഞു.
2022-ൽ സഹപ്രവർത്തകനായ കോഡി ബിർച്ച്ഫീൽഡിനെ കൊലപ്പെടുത്തിയ കേസിൽ മോർലിക്ക് ജീവപര്യന്തം ശിക്ഷ ലഭിച്ചിരുന്നു. ടെന്നസി ബ്യൂറോ ഓഫ് ഇൻവെസ്റ്റിഗേഷൻ ഇയാളെ ‘ഏറ്റവും വേഗത്തിൽ കണ്ടെത്തേണ്ട കുറ്റവാളികളുടെ’ (Most Wanted) പട്ടികയിൽ ഉൾപ്പെടുത്തുകയും വിവരങ്ങൾ നൽകുന്നവർക്ക് 2,500 ഡോളർ പാരിതോഷികം പ്രഖ്യാപിക്കുകയും ചെയ്തിട്ടുണ്ട്. ആയുധധാരിയും അപകടകാരിയുമായ ഇയാളെ കണ്ടാൽ ഉടൻ പോലീസിനെ അറിയിക്കാൻ പൊതുജനങ്ങൾക്ക് നിർദേശം നൽകിയിട്ടുണ്ട്.
