Year: 2026

കോഴിക്കോട്: മുസ്ലീം സ്ത്രീകളെ പൊതുവേദികളില്‍ പങ്കെടുപ്പിക്കുന്നതിനെതിരെ സമസ്ത കേരള ജംഇയ്യത്തുൽ ഉലമ (കാന്തപുരം വിഭാഗം) യുടെ നിർദ്ദേശം. അപരിചിതരുടെ സാന്നിധ്യത്തിൽ മുസ്ലീം സ്ത്രീകളെ വേദികളിലോ പൊതുസ്ഥലങ്ങളിലോ കയറ്റരുതെന്നും കാന്തപുരം അബൂബക്കർ മുസ്ലിയാർ പുറത്തിറക്കിയ പ്രസ്താവനയിൽ പറയുന്നു. ആഘോഷങ്ങൾ അതിരു കടക്കുന്നത് തടയാൻ നടപടികൾ സ്വീകരിക്കണമെന്നും അദ്ദേഹം പ്രസ്താവനയിൽ ആവശ്യപ്പെട്ടു. നബി ദിനാഘോഷങ്ങളിൽ സ്ത്രീകളുടെ പങ്കാളിത്തം സംബന്ധിച്ച വിമർശനങ്ങൾക്കിടെയാണ് മഹല്ലുകൾക്കും മദ്രസകൾക്കും നിർദ്ദേശം നൽകിയിരിക്കുന്നത്. ഇസ്ലാമിക ആഘോഷങ്ങൾ നിശ്ചിത പരിധികൾ ലംഘിക്കുന്നില്ലെന്ന് ഉറപ്പാക്കാൻ ജാഗ്രത പാലിക്കണമെന്ന് കാന്തപുരം വിഭാഗം മഹല്ല് നേതാക്കളോട് അഭ്യർത്ഥിച്ചു. മതപരമായ അതിര്‍വരമ്പുകളുടെ ലംഘനത്തെ ഗൗരവമായി കാണണമെന്ന് പ്രസ്താവനയില്‍ പറയുന്നു. പള്ളികള്‍, മദ്രസകള്‍, മറ്റ് സ്ഥാപനങ്ങള്‍, സംഘടനകള്‍ എന്നിവയുടെ നേതൃത്വം ഇത്തരം പരിപാടികള്‍ ഇസ്ലാമിക മാനദണ്ഡങ്ങള്‍ക്കനുസൃതമായി നടത്തുന്നുവെന്ന് ഉറപ്പാക്കാന്‍ പ്രത്യേകം ശ്രദ്ധിക്കണം. പൊതുവഴികളിലും വേദികളിലും അപരിചിതർക്കിടയിൽ മുസ്ലീം സ്ത്രീകളെ പ്രദർശിപ്പിക്കുന്നതും, ഇസ്ലാമികമല്ലാത്ത ആചാരങ്ങളും ആഘോഷ രീതികളും…

തിരുവനന്തപുരം: നാല് പതിറ്റാണ്ടു മുമ്പ് കോളിളക്കം സൃഷ്ടിച്ച ചാക്കോ വധക്കേസില്‍ പിടികിട്ടാപ്പുള്ളിയായി പ്രഖ്യാപിച്ച കേസിലെ പ്രതിയായ സുകുമാരക്കുറുപ്പ് ബ്രൂണെയില്‍ ഒളിവില്‍ കഴിയുന്നുണ്ടെന്ന വാര്‍ത്ത തള്ളി നോര്‍ക്ക. സുകുമാരക്കുറുപ്പാണെന്ന രീതിയില്‍ വിവിധ മാധ്യമങ്ങളും ചാനലുകളും പ്രചരിപ്പിച്ച ചിത്രം യഥാര്‍ത്ഥത്തില്‍ തൃശൂർ വടക്കാഞ്ചേരി കരുമാത്ര സ്വദേശിയായ ദാമോദര മേനോന്റേതാണെന്ന് അദ്ദേഹത്തിന്റെ കുടുംബാംഗങ്ങള്‍ പറയുന്നു. ഈ അവകാശവാദം നോര്‍ക്കയും സ്ഥിരീകരിച്ചു. ബ്രൂണൈയിൽ ഓർമ്മക്കുറവും മാനസിക പ്രശ്നങ്ങളും അലട്ടുന്ന ദാമോദര മേനോന് സഹായമെത്തിക്കാന്‍ ഒരു മാസം മുമ്പ് നോർക്ക ഇടപെട്ടിരുന്നുവെന്നാണ് റിപ്പോര്‍ട്ട്. ദാമോദര മേനോനെ നാട്ടിലേക്ക് തിരികെ കൊണ്ടുവരാൻ ഒരു മാസം മുമ്പ് നോർക്ക സംസ്ഥാന സർക്കാരിന് കത്തയച്ചിരുന്നു എന്നു പറയുന്നു. ബ്രൂണൈയിലെ ഇന്ത്യൻ ഹൈക്കമ്മീഷന്റെ അഭ്യര്‍ത്ഥന പ്രകാരമാണ് നോര്‍ക്ക ഇടപെട്ടത്. അതനുസരിച്ച് ജൂലൈ 2-ന് നോർക്ക സർക്കാരിന് കത്തയക്കുകയും ചെയ്തു. കേരളത്തിലെ ഒരു പ്രമുഖ വാർത്താ ചാനലാണ് അവരുടെ ‘എക്സ്ക്ലൂസീവ് ബ്രേക്കിംഗ്…

നേപ്പാളിലെ നുവാക്കോട്ട് ജില്ലയിലെ ത്രിശൂലി മാർക്കറ്റ് ബുധനാഴ്ച രാവിലെ പൂർണ്ണമായും സാധാരണ നിലയിലായിരുന്നു. കടകൾ പതിവുപോലെ തുറന്നിരുന്നു, തെരുവുകൾ ആളുകളാൽ നിറഞ്ഞിരുന്നു. എന്നാൽ, ഈ പ്രദേശം ഉടൻ തന്നെ വെള്ളത്തിന്റെയും ചെളിയുടെയും അവശിഷ്ടങ്ങളുടെയും ഒരു കൂട്ടമായി മാറുമെന്ന് ആരും കരുതിയിരുന്നില്ല. സംഭവത്തിന്റെ ഒരു വീഡിയോ സോഷ്യൽ മീഡിയയിൽ വൈറലായി. വെള്ളപ്പൊക്കത്തിന് തൊട്ടുമുമ്പുള്ള കാഴ്ചയും, അപകടം മണത്തറിഞ്ഞ ജനങ്ങള്‍ സുരക്ഷിതമായ സ്ഥലത്തേക്ക് ഓടുന്നതും തുടര്‍ന്ന് വെള്ളം മാര്‍ക്കറ്റിലേക്ക് കുത്തിയൊഴുകി വരുന്നതും വീഡിയോയില്‍ കാണാം. ഒരുകാലത്ത് വീടുകളും കടകളും റോഡുകളും ഉണ്ടായിരുന്നിടത്ത്, ചെളിയും വലിയ കല്ലുകളും അവശിഷ്ടങ്ങളും മാത്രമേ കാണാനാകൂ. വെള്ളപ്പൊക്കത്തിൽ നിരവധി പാലങ്ങളും റോഡുകളും തകർന്നിട്ടുണ്ട്. റെഡ് ക്രോസിന്റെ അഭിപ്രായത്തിൽ, നേപ്പാളിലെ ഏറ്റവും കൂടുതൽ ദുരിതബാധിത പ്രദേശങ്ങളിലൊന്നാണ് നുവാക്കോട്ട്. നിരവധി ഗ്രാമങ്ങൾക്ക് വ്യാപകമായ നാശനഷ്ടങ്ങൾ സംഭവിച്ചിട്ടുണ്ട്, കൂടാതെ ചില പ്രദേശങ്ങൾ റോഡുകളുടെയും പാലങ്ങളുടെയും തകർച്ച കാരണം മറ്റ് ഭാഗങ്ങളിൽ…

നേപ്പാളിലെ വെള്ളപ്പൊക്കത്തിനും ദുരന്തത്തിനും ശേഷം, ആശുപത്രികൾക്ക് പുറത്ത് വ്യാഴാഴ്ച, തങ്ങളുടെ പ്രിയപ്പെട്ടവരുടെ ഫോട്ടോകളുമായി നൂറുകണക്കിന് ആളുകൾ പ്രതീക്ഷയോടെ കാത്തുനില്‍ക്കുന്ന കാഴ്ച ഹൃദയഭേദകമായി. നേപ്പാളിലെ വെള്ളപ്പൊക്കം മൂലമുണ്ടായ നാശനഷ്ടങ്ങൾ നിരവധി കുടുംബങ്ങളെയാണ് ആശങ്കയിലേക്ക് തള്ളിവിട്ടിരിക്കുന്നത്. വ്യാഴാഴ്ച, കാണാതായ ബന്ധുക്കളുടെ ഫോട്ടോകളുമായി നിരവധി പേരാണ് ആശുപത്രികൾക്ക് പുറത്ത് മണിക്കൂറുകളോളം കാത്തു നിന്നത്. ചിലർ ഫോട്ടോകൾ കൈവശം വച്ചിരുന്നു, മറ്റു ചിലർ ഒരു കുടുംബാംഗത്തിന്റെ മൊബൈൽ നമ്പറും വിലാസവും കൈവശം വച്ചിരുന്നു. വഴിയാത്രക്കാർക്കെല്ലാം ഒരേയൊരു പ്രതീക്ഷയാണുണ്ടായിരുന്നത്…. ആരെങ്കിലും തങ്ങളുടെ പ്രിയപ്പെട്ടവരെക്കുറിച്ചുള്ള വാർത്തകൾ കൊണ്ടുവരുമെന്ന്. റസുവയിലും മധ്യ നേപ്പാളിലും ഉണ്ടായ വെള്ളപ്പൊക്കം ത്രിശൂലി, നാരായണി നദീതടങ്ങളുടെ തീരപ്രദേശങ്ങളെയും ബാധിച്ചു. ബുധനാഴ്ച രാവിലെ മുതൽ നിരവധി പേർക്ക് അവരുടെ കുടുംബങ്ങളുമായി ബന്ധമില്ലായിരുന്നു. അതേസമയം, പരിക്കേറ്റവരുടെയും രക്ഷപ്പെടുത്തിയവരുടെയും പട്ടിക ആശുപത്രികളിൽ പോസ്റ്റ് ചെയ്തിട്ടുണ്ട്. ഈ പട്ടികയിലുള്ള തങ്ങളുടെ പ്രിയപ്പെട്ടവരുടെ പേരുകൾക്കായി കുടുംബങ്ങൾ തിരയുകയാണ്. അതേസമയം, നദിയിലും…

ശ്രീ ജോൺ ഇളമത പത്തനംതിട്ട ജില്ലയിലെ കടപ്ര മാന്നാറിൽ നിന്ന്, 1973ൽ ജർമ്മനിയിലേക്ക് കുടിയേറി. 1984 മുതൽ അദ്ദേഹം ക്യാനഡയിൽ അധിവസിക്കുകയാണ്. ഇതിനകം അദ്ദേഹം ശ്രദ്ധേയങ്ങളായ അനേകം മലയാള പുസ്തകങ്ങൾ പ്രസിദ്ധീകരിച്ചു. അദ്ദേഹത്തിൻറെ സാഹിത്യ ഭാഷ രചനകൾ അനേകം പുരസ്കാരങ്ങൾ നേടിയിട്ടുണ്ട്. ജോൺ ഇളമത എഴുതിയ ഏറ്റവും പുതിയചരിത്ര നോവൽ “സൂഫികളും സുൽത്താന്മാരും”ഇതിനകം അനേകം വായനക്കാരുടെയും അനുവാചകരുടെയും പ്രശംസ പിടിച്ചു പറ്റിയിട്ടുണ്ട്.ജോൺ ഇളമത തന്നെ എഴുതിയ മാർക്കോപോളോ എന്ന ചരിത്ര സഞ്ചാര നോവൽ വായനക്കാരെ ഇതിനുമുൻപ് ഹഠാദാകർഷിച്ചിരുന്നു. ഏതാണ്ട് അതേ ചുവടു പിടിച്ചു തന്നെയാണ് വളരെ ലളിതമായ ശൈലിയിൽ ഇബ്‌നു ബത്തൂത്തയുടെ യാത്രക്കുറുപ്പുകളെ ആധാരമാക്കി സൂഫികളും സുൽത്താൻമാരും എന്ന പേരിൽ ഈ ചരിത്ര സഞ്ചാര നോവൽ രചിച്ചിരിക്കുന്നത്. പക്ഷേ മാർക്കോപോളോക്ക് ശേഷം ഏതാണ്ട് അമ്പതിൽപരം വർഷങ്ങൾ കഴിഞ്ഞാണ് ഇബ്‌നു ബത്തൂത്ത യാത്ര ആരംഭിക്കുന്നത്. മാർക്കോപോളോ 15000 മൈൽ…

ഷിക്കാഗോ: ഷിക്കാഗോ മലയാളി അസോസിയേഷൻ ആതിഥേയത്വം വഹിക്കുന്ന പത്തൊൻപതാമത്എൻ.കെ. ലൂക്കോസ് മെമ്മോറിയൽ വോളിബോൾ ടൂർണമെൻറ്, വോളിബോളിനെ ഹൃദയത്തിൽ ഏറ്റിയ ഷിക്കാഗോയുടെ മണ്ണിലേക്ക്… വോളി ടൂർണമെന്റ് സെപ്റ്റംബർ 5ന്ഇല്ലിനോയ്, ബെൻസൻവില്ലിലുള്ള എനർജി സ്പോർട്സ്കോംപ്ളക്സിൽ രാവിലെ 8മുതൽ ആരംഭിക്കുമെന്ന് ഷിക്കാഗോ മലയാളി അസോസിയേഷൻ ഭാരവാഹികളും എൻ.കെ. ലൂക്കോസ് ഫൗണ്ടേഷൻ ഭാരവാഹികളും വാർത്താസമ്മേളനത്തിൽ അറിയിച്ചു. ഇന്ത്യ പ്രസ്ക്ളബ് ഓഫ് നോർത്ത് അമേരിക്ക ഷിക്കാഗോചാപ്റ്ററുമായിചേർന്ന് നടത്തിയ വാർത്താ സമ്മേളനത്തിലാണ് ഇക്കാര്യം അറിയിച്ചത്. പാലക്കാട് എംപിവി.കെ. ശ്രീകണ്ഠൻ മുഖ്യാതിഥിയായി പങ്കെടുക്കും. അമേരിക്കയിലെ 12സംസ്ഥാനങ്ങളിൽ നിന്നായി നിരവധി ടീമുകൾ ടൂർണമെന്റിൽ പങ്കെടുക്കും. ഓപ്പൺ പൂളിൽ പന്ത്രണ്ടു ടീമുകൾ, 18 വയസ്സിൽ താഴെ ഉള്ളവരുടെ ടീമുകൾ, നാൽപ്പതിന്മുകളിൽ പ്രായമുള്ളവരുടെ ടീമുകൾ, വനിതാ ടീമുകൾ എന്നിവരുടെ വെവ്വേറെ മത്സരങ്ങളുണ്ടായിരിക്കും. ട്രോഫികൾ കൂടാതെ എൻ.കെ. ലൂക്കോസ് ഫൗണ്ടേഷൻ നൽകുന്ന5000ഡോളറിൻറെക്യാഷ്‌ അവാർഡുകൾ വിജയികളാകുന്നടീമുകൾക്ക് ലഭിക്കുമെന്ന് ഷിക്കാഗോ മലയാളി അസോസിയേഷൻ പ്രസിഡൻ്റ് ജോസ്…