Year: 2026

ലണ്ടൻ: ബ്രിട്ടനിലെ പല പ്രദേശങ്ങളിലും ചീഞ്ഞ പഴങ്ങൾ കഴിച്ച് ലഹരിയിലായ കടന്നല്‍ കൂട്ടങ്ങള്‍ ജനങ്ങളെ ആക്രമിക്കുന്നതായി റിപ്പോര്‍ട്ട്. ഈ കടന്നല്‍ കൂട്ടം അസാധാരണവും വളരെ ആക്രമണാത്മകവുമായ പെരുമാറ്റം പ്രകടിപ്പിക്കുന്നതായി റിപ്പോര്‍ട്ടില്‍ പറയുന്നു. മദ്യം കലർന്ന പഴങ്ങൾ കഴിക്കുന്നത് ഈ കടന്നലുകളെ നിയന്ത്രിക്കാൻ കഴിയാതാക്കുക മാത്രമല്ല, പ്രകോപനമില്ലാതെ സാധാരണക്കാരെ ആക്രമിക്കുകയും ചെയ്യുന്നു. ഈ സാഹചര്യത്തിന്റെ വെളിച്ചത്തിൽ, കീട നിയന്ത്രണ വിദഗ്ധർ പൊതുജനങ്ങൾക്ക് മുന്നറിയിപ്പ് നൽകിയിട്ടുണ്ട്. വേനൽക്കാലത്തിന്റെ അവസാനത്തിൽ, റാണി കടന്നൽ മുട്ടയിടുന്നത് നിർത്തുമ്പോൾ, തൊഴിലാളി കടന്നലുകൾ മധുരമുള്ള ഭക്ഷണങ്ങളും പഴുത്ത പഴങ്ങളും തേടി പുറപ്പെടുന്നു. വീണതും ചീഞ്ഞതുമായ പഴങ്ങളിൽ നിന്ന് സൂര്യപ്രകാശം സ്വാഭാവിക മദ്യം പുറത്തുവിടുന്നു, ഇത് കഴിക്കുമ്പോൾ കടന്നലുകളെ ലഹരിയിലാക്കുകയും അവയെ ആക്രമണകാരികളാക്കുകയും ചെയ്യുന്നുവെന്നാണ് ബ്രിട്ടീഷ് പെസ്റ്റ് കൺട്രോൾ അസോസിയേഷന്റെ (BPCA) സാങ്കേതിക മേധാവി നതാലി ബംഗേ പറയുന്നത്. മദ്യാസക്തിയിലായ കടന്നലുകൾ സമീപത്തുള്ള മനുഷ്യരെയോ മറ്റ് ജീവികളെയോ…

ഡാളസ്: ഡാളസ് -ഫോർട്ട്‌വർത്തിൽ നിന്ന് ന്യൂജെഴ്‌സിയിലെ ന്യൂവാർക്കിലേക്ക് പുറപ്പെട്ട അമേരിക്കൻ എയർലൈൻസ് വിമാനത്തിനകത്ത് യാത്രക്കാരന്‍ അക്രമാസക്തനായതിനെത്തുടര്‍ന്ന് വിമാനം ബാൾട്ടിമോറിലേക്ക് തിരിച്ചുവിട്ടു. സെപ്റ്റംബർ 3-ന് നടന്ന സംഭവത്തിൽ യാത്രക്കാരനെ ഡക്ട് ടേപ്പും പ്ലാസ്റ്റിക് സിപ്പ് ടൈകളും ഉപയോഗിച്ച് സീറ്റിൽ ബന്ധിച്ച ശേഷമാണ് വിമാനം സുരക്ഷിതമായി ഇറക്കിയത്. അമേരിക്കൻ എയർലൈൻസ് ഫ്ലൈറ്റ് 618-ലായിരുന്നു സംഭവം. അധികൃതർ പിന്നീട് യാത്രക്കാരനെ അരിസോണ സ്വദേശിയായ 67 വയസ്സുള്ള ആർതർ ലുണ്ടീൻ (Arthur Lundeen) എന്ന് തിരിച്ചറിഞ്ഞതായി ABC News റിപ്പോർട്ട് ചെയ്തു. വിമാനം യാത്ര തുടരുന്നതിനിടെ ലുണ്ടീൻ പ്രകോപിതനായി ജീവനക്കാരോടും മറ്റു യാത്രക്കാരോടും അപകീർത്തികരമായ പരാമർശങ്ങൾ നടത്തുകയും വംശീയവും സ്വവർഗ്ഗവിരുദ്ധവുമായ അധിക്ഷേപങ്ങൾ നടത്തുകയും ചെയ്തതായി ദൃക്സാക്ഷികൾ പറഞ്ഞു. തുടർന്ന് മറ്റൊരു യാത്രക്കാരനോട് ശാരീരികമായി ആക്രമണപരമായി പെരുമാറിയതോടെയാണ് സ്ഥിതി രൂക്ഷമായത്. വിമാനത്തിലുണ്ടായിരുന്ന മുൻ നിയമപാലന ഉദ്യോഗസ്ഥനായ Juan Mejia ഉൾപ്പെടെയുള്ള യാത്രക്കാരും വിമാന ജീവനക്കാരും…

ഡാളസ്: അമേരിക്കൻ മലയാളി ചരിത്രത്തിലെ സുവർണ്ണ അധ്യായമായ കേരള അസോസിയേഷൻ ഓഫ് ഡാളസിന്റെ ഗോൾഡൻ ജൂബിലി (1976–2026)  ആഘോഷങ്ങൾക്കും തിരുവോണാഘോഷങ്ങൾക്കും ലൂയിസ്‌വില്ലയിലെ എന്റക്സ് അരീനയിൽ  അവിസ്മരണീയമായ തുടക്കം. പ്രശസ്ത പിന്നണി ഗായകൻ ഗാനഗന്ധർവ്വൻ കെ. ജെ. യേശുദാസ് 50-ാം വാർഷിക ആഘോഷങ്ങളുടെ ഔദ്യോഗിക ഉദ്ഘാടനം നിർവ്വഹിച്ചു. രാവിലെ 10 മണിക്ക് തനിമയാർന്ന വർണാഭമായ ഘോഷയാത്രയോടെയാണ് ആഘോഷപരിപാടികൾക്ക് തുടക്കമായത്. ഉദ്ഘാടന ചടങ്ങിൽ പങ്കെടുത്തുകൊണ്ട് സംസാരിച്ച ഗാനഗന്ധർവ്വൻ, പ്രവാസ ലോകത്ത് മലയാള തനിമയും സംസ്‌കാരവും മൂല്യങ്ങളും നിലനിർത്തുന്നതിൽ ഡാളസ് കേരള അസോസിയേഷൻ വഹിക്കുന്ന പങ്ക് ഏറെ പ്രശംസനീയമാണെന്ന് അഭിപ്രായപ്പെട്ടു. സദസ്സിനെ പ്രചോദിപ്പിച്ച തന്റെ സന്ദേശത്തിൽ വിനയത്തിന്റെയും സ്‌നേഹത്തിന്റെയും ആത്മീയതയുടെയും പ്രാധാന്യത്തെക്കുറിച്ച് അദ്ദേഹം സംസാരിച്ചു: “സ്ഥാനത്തേക്കാൾ വലിയതാണ് വിനയം; സമ്പത്തിനേക്കാൾ വിലപ്പെട്ടതാണ് സ്‌നേഹം. നമുക്ക് ലഭിച്ചിരിക്കുന്ന പദവികളും സമ്പത്തും കഴിവുകളും മറ്റുള്ളവരിൽനിന്ന് നമ്മെ അകറ്റാനുള്ള കാരണമാകരുത്. കിരീടം ധരിച്ച രാജാവായാൽ പോലും…

തിരുവനന്തപുരം: തൃശൂര്‍ കൈപ്പമംഗലത്തുണ്ടായ വാഹനാപകടത്തില്‍ എട്ട് പേര്‍ മരിക്കാനുണ്ടായ സാഹചര്യം വളരെ ഗൗരവമായാണ് സര്‍ക്കാര്‍ കാണുന്നതെന്ന് പൊതുമരാമത്ത് വകുപ്പ് മന്ത്രി പി.കെ. ബഷീര്‍ പറഞ്ഞു. നാലുവരി പാതയുടെ നിർമ്മാണം അവസാന ഘട്ടത്തിലേക്ക് കടന്നിരിക്കുന്ന ദേശീയപാത 66-ൽ ആവർത്തിച്ച് വാഹനാപകടങ്ങൾ ഉണ്ടാകുന്ന സാഹചര്യത്തിൽ, സംസ്ഥാനത്തെ റോഡുകളുടെ സുരക്ഷ ഉറപ്പാക്കാൻ കേരള സർക്കാർ നടപടികൾ സ്വീകരിക്കുമെന്ന് ഇന്ന് (ശനിയാഴ്ച) മന്ത്രി പി കെ ബഷീർ പറഞ്ഞു. അമിത വേഗത, മോശം വെളിച്ചം, അശാസ്ത്രീയമായ ഗതാഗത ക്രമീകരണങ്ങൾ, അപര്യാപ്തമായ സുരക്ഷാ സംവിധാനങ്ങൾ എന്നിവയ്ക്ക് ശാശ്വത പരിഹാരം കണ്ടെത്താനും, റോഡ് തുറക്കുന്നതിനു മുമ്പ് എല്ലാ റോഡ് സുരക്ഷാ നടപടികളും നിലവിലുണ്ടെന്ന് ഉറപ്പാക്കാനും നാഷണൽ ഹൈവേ അതോറിറ്റി ഓഫ് ഇന്ത്യ (എൻഎച്ച്എഐ) ക്ക് നിർദ്ദേശം നൽകിയിട്ടുണ്ടെന്ന് മന്ത്രി പറഞ്ഞു. ദേശീയപാതയിൽ പാർക്ക് ചെയ്തിരിക്കുന്ന വാഹനങ്ങളിൽ മറ്റു വാഹനങ്ങൾ ഇടിച്ചുകയറി ഉണ്ടാകുന്ന സമീപകാല അപകടങ്ങൾ ചൂണ്ടിക്കാട്ടിയ…

മൾട്ടിപ്ലക്സുകൾ അടക്കമുള്ള സംസ്ഥാനത്തെ സിനിമാ തിയേറ്ററുകളിലെ ടിക്കറ്റ് / ഭക്ഷണ നിരക്കുകൾ നിയന്ത്രിക്കാൻ സർക്കാർ നിയമനിർമ്മാനം നടത്തണമെന്ന് കേരളാ കോൺഗ്രസ്‌ (എം) സംസ്ഥാന ജനറൽ സെക്രട്ടറി കെ. ആനന്ദകുമാർ ആവശ്യപ്പെട്ടു. തിയേറ്ററുകളിലെ ടിക്കറ്റ്‌ നിരക്കിന് യാതൊരു നിയന്ത്രണവും ഇല്ലാത്ത സ്ഥിതിയാണ്. ഓരോ തിയേറ്റർ ഉടമയും അവരവർക്കിഷ്ടമുള്ള പോലെ ടിക്കറ്റ്‌ ചാർജ് ഈടാക്കുന്നത് അവസാനിപ്പിക്കണം. ഇക്കാര്യത്തിൽ ചലച്ചിത്ര നിർമ്മാണ – വിതരണ സംഘടനകളും ഇടപെടണം. അതുപോലെ പുറത്തുനിന്നുള്ള ഭക്ഷണ സാധനങ്ങൾ വിലക്കുകയും തീയേറ്ററിൽ ലഭിക്കുന്ന ഭക്ഷണത്തിന് പുറത്ത് ഉള്ളതിനേക്കാൾ പലമടങ്ങ് വില ഈടാക്കുകയും ചെയ്യുന്ന പ്രവണത കർശനമായി തടയണം. വില നിയന്ത്രിക്കാനും വില വിവരപ്പട്ടിക പ്രദർശിപ്പിക്കാനും അതനുസ്സരിച്ചാണോ വിൽക്കുന്നത് എന്നത് നിരീക്ഷിക്കാനും സർക്കാർ സംവിധാനം ഏർപ്പെടുത്തണം. തിയേറ്ററുകൾ സ്വകാര്യ സ്വത്താണെന്ന സുപ്രീം കോടതി നിരീക്ഷണത്തിനെതിരെ, തിയേറ്ററുകൾ പൊതുഇടമായി പ്രഖ്യാപിക്കുന്നതിന് നിയമനിർമ്മാണം നടത്തുകയോ കോടതിയെ സമീപിക്കുകയോ വേണം. തിയേറ്ററുകൾക്ക്, ലഭ്യമാക്കുന്ന…

തിരുവനന്തപുരം: ചിറയിൻകീഴിൽ കോൺഗ്രസ് പ്രാദേശിക നേതാക്കളുമായുള്ള സംഘർഷത്തിൽ പ്രതികരണവുമായി രമ്യ ഹരിദാസ് എംഎൽഎ. കിഴുവില്ലം ബാങ്ക് തിരഞ്ഞെടുപ്പുമായി ബന്ധപ്പെട്ട വിഷയമായിരുന്നു അതെന്നും, താന്‍ പാർട്ടി നിലപാടിൽ ഉറച്ചുനിന്നതാണെ കാരണമെന്നും അവര്‍ പറഞ്ഞു. തന്നെക്കുറിച്ച് സജിത്തും മറ്റുള്ളവരും വാട്‌സ്ആപ്പ് വഴി വളരെ മോശമായ പ്രചാരണം നടത്തിയെന്ന് രമ്യ ഹരിദാസ് ആരോപിച്ചു. ഇതുസംബന്ധിച്ച് കെപിസിസിയിൽ പരാതി നൽകിയിരുന്നു. ഇരുവിഭാഗങ്ങളുമായും അവർ സഹകരിച്ചില്ല. ഇരുവിഭാഗത്തെയും വിളിച്ച് സംസാരിച്ചു. എന്നാൽ ഒരു തരത്തിലും വിട്ടുവീഴ്ച ചെയ്യാത്ത അവസ്ഥയിലേക്ക് കാര്യങ്ങൾ പോയി, രമ്യ വ്യക്തമാക്കി. ഒരു ജനപ്രതിനിധി എന്ന നിലയിൽ, പക്ഷം പിടിക്കുന്നത് ശരിയല്ല. രണ്ട് വിഭാഗവും നടത്തിയ കൺവെൻഷനിൽ പങ്കെടുക്കേണ്ടതില്ലെന്ന് താന്‍ തീരുമാനിച്ചു. ഇതിനെത്തുടർന്ന് വാട്ട്‌സ്ആപ്പിൽ വളരെ മോശം ഭാഷാപ്രയോഗം നടത്തി. മാധ്യമങ്ങൾക്ക് മുന്നിൽ പറയാൻ കഴിയാത്ത തരത്തിലുള്ളതായിരുന്നു അവ. അതിന് നേതൃത്വം നൽകിയത് സജിത്താണ്. ആഭ്യന്തരമന്ത്രിയോട് ഇക്കാര്യം പരാതിപ്പെട്ടതായും രമ്യ ഹരിദാസ്…

തിരുവനന്തപുരം: ചിറയിൻകീഴിൽ കോൺഗ്രസ്എംഎൽഎ രമ്യ ഹരിദാസും പ്രാദേശിക പാർട്ടി പ്രവർത്തകരും തമ്മിൽ നടന്ന സംഘര്‍ഷത്തില്‍ പോലീസ് കേസെടുത്തു. ഇരു വിഭാഗങ്ങളിൽ നിന്നുമുള്ളപരാതികളെ തുടർന്നാണ് ഇന്ന് (ശനിയാഴ്ച) ചിറയിൻകീഴ് പോലീസ് കേസെടുത്തത്. രമ്യ ഹരിദാസിന്റെ മൊഴിയുടെ അടിസ്ഥാനത്തിൽ, അവര്‍ തിരിച്ചറിഞ്ഞ ഏഴ് പേര്‍ ഉൾപ്പെടെ 15 കോൺഗ്രസ് പ്രവർത്തകർക്കെതിരെ ഭാരതീയ ന്യായ സംഹിത, പട്ടികജാതി-പട്ടികവർഗ (അതിക്രമങ്ങൾ തടയൽ) നിയമം എന്നിവയിലെ വ്യവസ്ഥകൾ പ്രകാരമാണ് കേസെടുത്തിരിക്കുന്നത്. കോൺഗ്രസ് പ്രവർത്തകനായ സജാദ് നൽകിയ പരാതിയുടെ അടിസ്ഥാനത്തിൽ എംഎൽഎയ്ക്കെതിരെ മറ്റൊരു കേസും രജ്സിസ്റ്റര്‍ ചെയ്തിട്ടു ണ്ട്. ശനിയാഴ്ച ഇയാളുടെ മൊഴി രേഖപ്പെടുത്തുമെന്ന് പോലീസ് പറഞ്ഞു. ഇരു വിഭാഗങ്ങളും പരസ്പരം ആരോപണങ്ങൾ ഉന്നയിക്കുന്നതിനാൽ, പോലീസ് ഇക്കാര്യത്തിൽ ജാഗ്രതയോടെയാണ് നീങ്ങുന്നത്. കാരണം, ഇരു വിഭാഗങ്ങളും പരസ്പരം കൈയ്യാങ്കളിയില്‍ ഏര്‍പ്പെട്ടതായി ആരോപണങ്ങളും പ്രത്യാരോപണങ്ങളും ഇപ്പോൾ ഉയർന്നു വന്നിട്ടുണ്ട്. ഒരു വാട്ട്സ്ആപ്പ്പോസ്റ്റിന്റെ പേരിലാണ് പ്രാദേശിക കോൺഗ്രസ് നേതാക്കൾ തന്നെ…