Day: September 23, 2026

വാഷിംഗ്ടണ്‍: യുഎസ് പ്രസിഡന്റ് ഡൊണാൾഡ് ട്രംപും പ്രമുഖ മാധ്യമ സ്ഥാപനങ്ങളും തമ്മിലുള്ള തർക്കം രൂക്ഷമാകുന്നതിനിടെ, ഭരണകൂടത്തിന്റെ പരിപാടികളും പ്രസിഡന്റിന്റെ പ്രസംഗങ്ങളും നേരിട്ട് പൊതുജനങ്ങളിലെത്തിക്കുന്ന 24 മണിക്കൂർ ഡിജിറ്റൽ സ്ട്രീമിംഗ് സംവിധാനമായ ‘Trump TV: The Essentials Station’ വൈറ്റ് ഹൗസ് ആരംഭിച്ചു. സെപ്റ്റംബർ 21ന് ആരംഭിച്ച ഈ സേവനം വൈറ്റ് ഹൗസിന്റെ ഔദ്യോഗിക ഡിജിറ്റൽ പ്ലാറ്റ്‌ഫോമുകളിലൂടെയും യൂട്യൂബ് സ്ട്രീമിലൂടെയും ലഭ്യമാക്കിയിട്ടുണ്ട്. പ്രസിഡന്റിന്റെ പ്രസംഗങ്ങൾ, പൊതുപരിപാടികൾ, ഭരണനടപടികൾ, എക്സിക്യൂട്ടീവ് നടപടികളുമായി ബന്ധപ്പെട്ട ദൃശ്യങ്ങൾ തുടങ്ങിയവയാണ് പ്രധാനമായും ചാനലിൽ ഉൾപ്പെടുത്തിയിരിക്കുന്നത്. പഴയ പ്രസംഗങ്ങളും പ്രസിഡന്റിന്റെ പ്രധാന പൊതുപരിപാടികളുടെ ദൃശ്യങ്ങളും ആവർത്തിച്ച് സംപ്രേഷണം ചെയ്യുന്നതിനൊപ്പം തത്സമയ പരിപാടികളും ചാനലിലൂടെ നൽകാനാകുമെന്ന് റിപ്പോർട്ടുകൾ വ്യക്തമാക്കുന്നു. ഭരണകൂടത്തിന്റെ നിലപാടുകളും പ്രവർത്തനങ്ങളും പരമ്പരാഗത വാർത്താമാധ്യമങ്ങളുടെ വ്യാഖ്യാനമില്ലാതെ പൊതുജനങ്ങളിലേക്ക് എത്തിക്കാനുള്ള പ്ലാറ്റ്‌ഫോമായാണ് വൈറ്റ് ഹൗസ് ഇതിനെ അവതരിപ്പിക്കുന്നത്. CNN, MS NOW, Politico എന്നീ മാധ്യമ സ്ഥാപനങ്ങളുടെ…

ന്യൂയോർക്ക്: റഷ്യ–ഉക്രെയ്ൻ യുദ്ധം അവസാനിപ്പിക്കാനുള്ള അന്താരാഷ്ട്ര നയതന്ത്ര നീക്കങ്ങൾ വീണ്ടും സജീവമാകുന്നതിനിടെ അമേരിക്കയും റഷ്യയും തമ്മിൽ നിർണായക ഉന്നതതല ചർച്ച. യുഎസ് സ്റ്റേറ്റ് സെക്രട്ടറി മാർക്കോ റൂബിയോയും റഷ്യൻ വിദേശകാര്യ മന്ത്രി സെർജി ലാവ്‌റോവും ന്യൂയോർക്കിൽ കൂടിക്കാഴ്ച നടത്തി. ഐക്യരാഷ്ട്രസഭയുടെ 81-ാമത് പൊതുസഭയുടെ ഉന്നതതല വാരത്തിനിടെയാണ് ലോകശ്രദ്ധ നേടിയ ചർച്ച നടന്നത്. അടച്ചിട്ട വാതിലുകൾക്കുള്ളിൽ നടന്ന കൂടിക്കാഴ്ചയിൽ റഷ്യ–ഉക്രെയ്ൻ യുദ്ധവും യുഎസ്–റഷ്യ ബന്ധങ്ങളും പ്രധാന വിഷയങ്ങളായെന്നാണ് പുറത്തുവരുന്ന വിവരം. യുദ്ധം അവസാനിപ്പിക്കുന്നതിനുള്ള സമഗ്ര കരാറിലേക്ക് ഉടൻ വഴിതുറന്നിട്ടില്ലെങ്കിലും, സംഘർഷം നിയന്ത്രിക്കുന്നതിനുള്ള പരിമിതമായ നടപടികൾക്ക് സാധ്യതയുണ്ടോ എന്നതാണ് ഇപ്പോൾ പ്രധാന ചർച്ചാവിഷയം. റൂബിയോ–ലാവ്‌റോവ് കൂടിക്കാഴ്ചയ്ക്കുശേഷം പുറത്തുവന്ന റിപ്പോർട്ടുകൾ പ്രകാരം, ഊർജ അടിസ്ഥാനസൗകര്യങ്ങൾക്കും ധാന്യഗതാഗതത്തിനും നേരെയുള്ള ആക്രമണങ്ങൾ നിയന്ത്രിക്കുന്ന തരത്തിലുള്ള പരിമിത വെടിനിർത്തലിൽ റഷ്യയും ഉക്രെയ്‌നും താൽപര്യം പ്രകടിപ്പിച്ചിട്ടുണ്ടെന്ന് റൂബിയോ സൂചിപ്പിച്ചു. ശൈത്യകാലം അടുത്തുവരുന്നതിനാൽ വൈദ്യുതി നിലയങ്ങൾ, ഊർജ വിതരണ…

ട്രംപിന്റെ കടുത്ത മുന്നറിയിപ്പിന് മണിക്കൂറുകൾക്കകം നയതന്ത്ര നീക്കം; വിറ്റ്കോഫും കുഷ്‌നറും ചർച്ചയിൽ, ഹോർമുസ് തുറക്കാൻ വ്യവസ്ഥകൾ മുന്നോട്ടുവച്ച് ഇറാൻ ന്യൂയോർക്ക്: അമേരിക്കയും ഇറാനും തമ്മിലുള്ള സംഘർഷം രൂക്ഷമായി തുടരുന്നതിനിടെ നയതന്ത്രതലത്തിൽ നിർണായക നീക്കം. ഐക്യരാഷ്ട്രസഭാ പൊതുസഭയുടെ പശ്ചാത്തലത്തിൽ ന്യൂയോർക്കിൽ നടന്ന യുഎസ്-ഇറാൻ ഉന്നതതല ചർച്ച ഏകദേശം മൂന്ന് മണിക്കൂർ നീണ്ടു. യുഎസ് പ്രസിഡന്റ് ഡൊണാൾഡ് ട്രംപിന്റെ പ്രത്യേക ദൂതൻ സ്റ്റീവ് വിറ്റ്കോഫ്, ജാരെഡ് കുഷ്‌നർ എന്നിവരും ഇറാൻ വിദേശകാര്യ മന്ത്രി അബ്ബാസ് അരാഗ്ചിയും ചർച്ചകളിൽ പങ്കെടുത്തതായി റിപ്പോർട്ടുകൾ വ്യക്തമാക്കുന്നു. ഇറാനുമായി ധാരണയിലെത്താൻ കഴിഞ്ഞില്ലെങ്കിൽ കടുത്ത സൈനിക നടപടിയിലേക്ക് നീങ്ങുമെന്ന സൂചന നൽകിക്കൊണ്ട് ട്രംപ് ഐക്യരാഷ്ട്രസഭാ പൊതുസഭയിൽ നടത്തിയ പ്രസംഗത്തിന് മണിക്കൂറുകൾക്കകമാണ് ഇരുപക്ഷവും ചർച്ചയ്ക്കിരുന്നത്. സമാധാന കരാർ ഉണ്ടായില്ലെങ്കിൽ ഇറാനെ ‘annihilate’ ചെയ്യാൻ അമേരിക്കയ്ക്ക് കഴിയുമെന്ന് ട്രംപ് പ്രസംഗത്തിൽ മുന്നറിയിപ്പ് നൽകിയിരുന്നു. അതേസമയം, നയതന്ത്ര പരിഹാരത്തിനുള്ള സാധ്യതയും അദ്ദേഹം…

മംദാനി ഹമാസിനെ പിന്തുണയ്ക്കുന്നുവെന്ന് നെതന്യാഹുവിന്റെ ആരോപണം; യുഎൻ പൊതുസഭാ പ്രസംഗത്തിന് മുന്നോടിയായി വാക്പോര് രൂക്ഷം ന്യൂയോർക്ക്: ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവും ന്യൂയോർക്ക് സിറ്റി മേയർ സൊഹ്‌റാൻ മംദാനിയും തമ്മിലുള്ള രൂക്ഷമായ വാക്പോര് വീണ്ടും അന്താരാഷ്ട്ര ശ്രദ്ധ നേടുന്നു. ഗാസയിലെ ഇസ്രായേൽ സൈനിക നടപടികളുടെ പശ്ചാത്തലത്തിൽ നെതന്യാഹുവിനെ മംദാനി “യുദ്ധക്കുറ്റവാളി” എന്നും പലസ്തീൻ ജനതയ്‌ക്കെതിരായ “ഭീകരമായ വംശഹത്യയുടെ ശിൽപ്പി” എന്നും വിശേഷിപ്പിച്ചതിന് പിന്നാലെയാണ് ഇസ്രായേൽ പ്രധാനമന്ത്രി കടുത്ത പ്രതികരണവുമായി രംഗത്തെത്തിയത്. മംദാനി ഹമാസിനെ പിന്തുണയ്ക്കുന്നുവെന്നും ന്യൂയോർക്കിലെ ജൂതർക്കെതിരെ സംഘർഷം വളർത്തുകയാണെന്നും നെതന്യാഹു ആരോപിച്ചു. എന്നാൽ ഹമാസിനെ പിന്തുണയ്ക്കുന്നുവെന്ന ആരോപണം മംദാനി നിഷേധിച്ചിട്ടുണ്ട്. ഹമാസിന്റെ 2023 ഒക്ടോബർ 7 ആക്രമണത്തെ മംദാനി നേരത്തെ “ഭീകരമായ യുദ്ധക്കുറ്റം” എന്ന് വിശേഷിപ്പിച്ചിട്ടുമുണ്ട്. CNN-ന് നൽകിയ അഭിമുഖത്തിലാണ് നെതന്യാഹുവിനെതിരെ മംദാനി കടുത്ത വിമർശനം ഉന്നയിച്ചത്. ഗാസയിലെ യുദ്ധവുമായി ബന്ധപ്പെട്ട് നെതന്യാഹുവിനെതിരായ അന്താരാഷ്ട്ര ക്രിമിനൽ…

ന്യൂയോർക്ക്: റഷ്യയിൽ നിന്ന് ഇന്ത്യയും ചൈനയും ഉൾപ്പെടെയുള്ള രാജ്യങ്ങൾ എണ്ണയും മറ്റ് ഊർജ ഉൽപ്പന്നങ്ങളും വാങ്ങുന്നതിനെതിരെ വീണ്ടും വിമർശനവുമായി ഉക്രേനിയൻ പ്രസിഡന്റ് വോളോഡിമർ സെലെൻസ്‌കി. ഇന്ത്യ, ചൈന, തുർക്കി തുടങ്ങിയ പ്രധാന വിപണികളുമായുള്ള ഊർജ വ്യാപാരം റഷ്യൻ സമ്പദ്‌വ്യവസ്ഥയ്ക്ക് നിർണായകമാണെന്നും ഈ വരുമാനം നിലച്ചാൽ യുക്രെയ്ൻ യുദ്ധം തുടരുന്നതിൽ മോസ്കോയ്ക്ക് വലിയ സാമ്പത്തിക സമ്മർദമുണ്ടാകുമെന്നുമാണ് സെലെൻസ്‌കിയുടെ വാദം. ഐക്യരാഷ്ട്രസഭാ പൊതുസഭയുമായി ബന്ധപ്പെട്ട പരിപാടികൾക്കായി ന്യൂയോർക്കിലെത്തിയ സെലെൻസ്‌കി, വാൾ സ്ട്രീറ്റ് ജേണലിന് നൽകിയ അഭിമുഖത്തിലാണ് ഇന്ത്യയെയും ചൈനയെയും തുർക്കിയെയും പരാമർശിച്ചത്. റഷ്യയുടെ സമ്പദ്‌വ്യവസ്ഥ ഇന്ത്യയെയും ഒരു പരിധിവരെ തുർക്കിയെയും ചൈനയെയും ആശ്രയിക്കുന്നുവെന്നും ഈ രാജ്യങ്ങൾ റഷ്യയുമായുള്ള ഊർജ വ്യാപാരം അവസാനിപ്പിച്ചാൽ യുദ്ധം തുടരാനുള്ള മോസ്കോയുടെ സാമ്പത്തിക ശേഷിയിൽ വലിയ ആഘാതമുണ്ടാകുമെന്നുമാണ് അദ്ദേഹം അഭിപ്രായപ്പെട്ടത്. റഷ്യയുടെ എണ്ണ-വാതക കയറ്റുമതിയിൽ നിന്നുള്ള വരുമാനം കുറയ്ക്കുന്നതിനായി കൂടുതൽ ശക്തമായ അന്താരാഷ്ട്ര സാമ്പത്തിക സമ്മർദം…

ബിഷ്‌ണോയി ശൃംഖലയുമായി ബന്ധമുണ്ടെന്ന് സംശയിക്കുന്നവർക്കെതിരെ സുരക്ഷാ-ഇമിഗ്രേഷൻ ഏജൻസികളുടെ നടപടി ശക്തം; സോഷ്യൽ മീഡിയയിലെ വെടിവയ്പ്പ് വീഡിയോയും അന്വേഷണത്തിൽ നിർണായകമായി. ഒട്ടാവ: ലോറൻസ് ബിഷ്‌ണോയിയുടെ നേതൃത്വത്തിലുള്ളതായി ആരോപിക്കപ്പെടുന്ന അന്താരാഷ്ട്ര കുറ്റകൃത്യ ശൃംഖലയ്‌ക്കെതിരെ കാനഡയിൽ സുരക്ഷാ-ഇമിഗ്രേഷൻ ഏജൻസികൾ നടപടി ശക്തമാക്കിയതായി റിപ്പോർട്ട്. ബിഷ്‌ണോയി സംഘവുമായി ബന്ധമുണ്ടെന്ന് സംശയിക്കുന്ന ഏകദേശം 200 പേരോട് രാജ്യം വിടാൻ ഉത്തരവിട്ടതായും ഇവരിൽ 111 പേരെ ഇതിനകം നാടുകടത്തിയതായുമാണ് റിപ്പോർട്ടുകളിൽ പറയുന്നത്. സംഘത്തിന്റെ കാനഡയിലെ പ്രവർത്തനങ്ങൾ സുരക്ഷാ ഏജൻസികളുടെ പ്രധാന നിരീക്ഷണ വിഷയങ്ങളിലൊന്നായി മാറിയിട്ടുണ്ട്. കൊള്ളയടിക്കൽ, ഭീഷണിപ്പെടുത്തി പണം തട്ടൽ, മയക്കുമരുന്ന് കടത്ത്, വെടിവയ്പ്പുകൾ, കരാർ കൊലപാതകങ്ങൾ തുടങ്ങിയ ഗുരുതര കുറ്റകൃത്യങ്ങളുമായി ബിഷ്‌ണോയി ശൃംഖലയിലെ അംഗങ്ങൾക്ക് ബന്ധമുണ്ടോയെന്നാണ് വിവിധ ഏജൻസികൾ പരിശോധിക്കുന്നത്. ഇമിഗ്രേഷൻ നിയമങ്ങൾ ഉപയോഗിച്ചും ക്രിമിനൽ അന്വേഷണങ്ങളിലൂടെയും സംഘത്തിന്റെ പ്രവർത്തനങ്ങൾ നിയന്ത്രിക്കാനുള്ള നീക്കമാണ് നടക്കുന്നതെന്നാണ് വിവരം. ഈ നടപടികൾക്കിടെ 25 വയസുകാരനായ ഇന്ത്യൻ പൗരൻ…

അറ്റ്ലാന്റ: വിവാഹരാത്രിയിലുണ്ടായ ഹെലികോപ്റ്റർ അപകടത്തിൽ നവവരൻ ഡേവ് ഫിജി മരിച്ച സംഭവത്തിൽ ഹെലികോപ്റ്റർ കമ്പനിക്കും വിവാഹവേദിക്കുമെതിരെ ഭാര്യ ജെസ്‌നി സാം കേസ് ഫയൽ ചെയ്തു. 2026 മേയ് 29-ന് ജോർജിയയിലെ ഡോസൺവില്ലിലുള്ള ‘ദി റിവിയർ’ വിവാഹവേദിയിൽ വിവാഹച്ചടങ്ങുകൾ പൂർത്തിയാക്കിയശേഷമാണ് ഡേവ് ഫിജിയും ജെസ്‌നിയും ഹെലികോപ്റ്ററിൽ യാത്രതിരിച്ചത്. വിവാഹ പാക്കേജിന്റെ ഭാഗമായി ഒരുക്കിയ പ്രത്യേക യാത്രയായിരുന്നു ഇതെന്നാണ് കുടുംബം അറിയിച്ചത്. പ്രസ്റ്റീജ് ഹെലികോപ്റ്റേഴ്സ് പ്രവർത്തിപ്പിച്ചിരുന്ന റോബിൻസൺ R66 ഹെലികോപ്റ്റർ പറന്നുയർന്ന് ഏകദേശം അഞ്ചു മിനിറ്റിനകം വനപ്രദേശത്ത് തകർന്നുവീണു. അപകടത്തിൽ ഡേവ് ഫിജിയും പൈലറ്റ് നിഖിൽ നർഗുണ്ട്കറും മരിച്ചു. ഗുരുതരമായി പരിക്കേറ്റ ജെസ്‌നി ഏകദേശം ആറുമണിക്കൂറോളം അവശിഷ്ടങ്ങൾക്കിടയിൽ കുടുങ്ങിക്കിടന്നശേഷമാണ് രക്ഷപ്പെടുത്തപ്പെട്ടത്. പ്രതികൂല കാലാവസ്ഥയും കുറഞ്ഞ ദൃശ്യപരതയും സംബന്ധിച്ച മുന്നറിയിപ്പുകൾ ഉണ്ടായിരുന്നിട്ടും യാത്ര റദ്ദാക്കാതെ ഹെലികോപ്റ്റർ പറത്തിയത് അശ്രദ്ധയും നിരുത്തരവാദപരവുമായ നടപടിയാണെന്ന് ഹർജിയിൽ ആരോപിക്കുന്നു. കാലാവസ്ഥ പരിശോധിക്കുന്നതിലും ആവശ്യമായ സുരക്ഷാ മാനദണ്ഡങ്ങളും…

ചിക്കാഗോ/ഫിലഡല്‍ഫിയ: കത്തോലിക്കാ സഭയുടെ വിശ്വാസപരിശീലന ശുശ്രൂഷക്കു നിയോഗിക്കപ്പെട്ടിട്ടുള്ള എല്ലാവരെയും നന്ദിയോടെ സ്മരിക്കുന്നതിനും, അധ്യാപകര്‍ എന്നരീതിയില്‍ അവര്‍ നിര്‍വഹിക്കുന്ന മഹത്തായ സേവനങ്ങള്‍ വിലമതിച്ചാദരിക്കുന്നതിനും, പുതുതലമുറയില്‍പെട്ട കുട്ടികളില്‍ വിശ്വാസവിത്തുകള്‍ വിതക്കുന്നതിനുള്ള പ്രതിജ്ഞ പുതുക്കുന്നതിനുംവേണ്ടി യു. എസിലെ കത്തോലിക്കാ മെത്രാന്‍സമിതിയും (USCCB), ചിക്കാഗോ സെ. തോമസ് സീറോ മലബാര്‍ രൂപതയും സംയുക്തമായി ആഹ്വാനംചെയ്യുന്ന വിശ്വാസപരിശീലന ഞായറാഴ്ച്ചയുടെ (Catechetical Sunday) രൂപതാതല ഉത്ഘാടനം അഭിവന്ദ്യ ബിഷപ് മാര്‍ ജോയ് ആലപ്പാട്ട് നിര്‍വഹിച്ചു. ഫിലാഡല്‍ഫിയ സെ. തോമസ് സീറോമലബാര്‍ ഫൊറോനാദേവാലയത്തില്‍ സെപ്റ്റംബര്‍ 20 ഞായറാഴ്ച്ച ബിഷപ് മാര്‍ ജോയ് ആലപ്പാട്ട് മുഖ്യകാര്‍മ്മികനായും, രൂപതാ മതബോധന ഡയറക്ടറും, ഇടവകവികാരിയുമായ റവ. ഡോ. ജോര്‍ജ് ദാനവേലില്‍, അസിസ്റ്റന്‍റ് പാസ്റ്റര്‍ റവ. ഫാ. മാത്യു പള്ളിവാതുക്കല്‍ എന്നിവര്‍ സഹകാര്‍മ്മികരായും അര്‍പ്പിക്കപ്പെട്ട ദിവ്യബലിക്കുശേഷം വിശ്വാസപരിശീലന അദ്ധ്യാപകരെയും, കുട്ടികളെയും, വിശ്വാസിസമൂഹത്തെയും സാക്ഷിയാക്കി മാര്‍ ജോയ് ആലപ്പാട്ട് ഭദ്രദീപം തെളിച്ച് രൂപതാതല ഉത്ഘാടനം…

ഡാളസ് : ക്രോസ് വ്യൂ ചർച്ച് ഓഫ് ഗോഡിൻ്റെ ആഭിമുഖ്യത്തിൽ റൗലറ്റ് ചർച്ച് ഓഫ് ഗോഡിൽ സെപ്റ്റംബർ 25 മുതൽ 27 വരെ ബ്രേക്ക് എവരി ചെയിൻ ( Break Every Chain ) എന്ന നാമഥേയത്തിൽ ഉണർവ്വ് യോഗങ്ങൾ. പാസ്റ്റർ അനീഷ് ഏലപ്പാറയാണ് ഈ കൺവൻഷനിൽ മുഖ്യ പ്രഭാഷണം നിർവ്വഹിക്കുന്നത്. വൈകിട്ട് 7 മണിക്ക് ആരംഭിക്കുന്ന സമ്മേളനം 9 മണിക്ക് അവസാനിക്കും. ഞാറാഴ്ച നടകുന്ന വിശുദ്ധ സഭായോഗം രാവിലെ 9.30 ന് ആരംഭിച്ച് ഉച്ചക്ക് 12.30 ന് അവസാനിക്കും. ഡോ. തോമസ് ഇടിക്കുളയാണ് ഈ സഭയുടെ സീനിയർ ശുശ്രൂഷകനായ് സേവനമനുഷ്ടിക്കുന്നത്. ആത്മീക നവീകരണമാണ് ഈ കൺവൻഷൻ ലക്ഷ്യമാക്കുന്നത്. സഭാവ്യത്യാസം ഇല്ലാതെ ഏവരെയും ഈ കൺവൻഷനിലേക്ക് സ്വാഗതം ചെയ്തിരിക്കുകയാണ് സഭാ ഭാരവാഹികൾ. Church Address: Crose view Church of God, 8501 Liberty Grove Road,…

ഹ്യൂസ്റ്റൺ, ടെക്സസ്: ടെക്സസിലെ വെസ്റ്റ്ഫീൽഡ് ഹൈസ്കൂളിന് സമീപം വെടിയേറ്റു 15 കാരനായ വിദ്യാർത്ഥി മരിച്ചു. ചൊവ്വാഴ്ച വൈകിട്ടാണ് ഈ ദാരുണ സംഭവം നടന്നത്. ഹൈസ്കൂളിന് സമീപമുള്ള എല്ല ബൊളിവാർഡിന്  സമീപത്തുവെച്ചാണ് വിദ്യാർത്ഥിക്ക് വെടിയേറ്റത്. സ്പ്രിംഗ് ഐ.എസ്.ഡി  അഡ്മിനിസ്ട്രേഷൻ കെട്ടിടത്തിനും ഹൈസ്കൂളിനും ഇടയിലുള്ള നടപ്പാതയിലാണ് സംഭവം നടന്നത്. ഉച്ചകഴിഞ്ഞ് 2:30-ന് സ്കൂൾ വിട്ടതിന് ശേഷം, ഏകദേശം 3 മണിക്ക് തൊട്ടുമുമ്പാണ് ഡെപ്യൂട്ടിമാരും സ്പ്രിംഗ് ഐ.എസ്.ഡി പോലീസും സ്ഥലത്തെത്തിയത്. സ്കൂൾ സമയം കഴിഞ്ഞിരുന്നതിനാൽ ആ സമയത്ത് കാമ്പസിൽ വിദ്യാർത്ഥികൾ വളരെ കുറവായിരുന്നുവെന്ന് ഷെരീഫ് ഗൊൺസാലസ് അറിയിച്ചു. കൊല്ലപ്പെട്ട വിദ്യാർത്ഥിയും മറ്റ്15 വയസ്സുകാരനായ മറ്റൊരു ആൺകുട്ടിയും തമ്മിൽ വാക്കേറ്റമോ സംഘർഷമോ ഉണ്ടാവുകയും, തുടർന്ന് വിദ്യാർത്ഥിക്ക് വെടിയേൽക്കുകയുമായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പ്രതി സംഭവസ്ഥലത്തുനിന്നും കാൽനടയായി ഓടിരക്ഷപ്പെടുകയായിരുന്നു. പ്രതിക്കായി പോലീസ് വ്യാപകമായ തെരച്ചിൽ നടത്തിവരികയാണ്. ഡ്രോണുകളുടെ സഹായത്തോടെയാണ് പോലീസിന്റെ…