Day: September 17, 2026

ഹൂസ്റ്റൺ: ഇക്കഴിഞ്ഞ ദിവസം അന്തരിച്ച, കോൺഗ്രസ് പ്രസ്ഥാനത്തിനും കേരളത്തിലെ യുഡിഎഫിനും വേണ്ടി ദീർഘകാലം ആത്മാർത്ഥമായി പ്രവർത്തിച്ചിരുന്ന ഹൂസ്റ്റണിലെ പ്രമുഖ കോൺഗ്രസ് പ്രവർത്തകനും കോൺഗ്രസ് പോരാളിയുമായിരുന്ന ജോർജ് എബ്രഹാമിന്റെ നിര്യാണത്തിൽ യുഡിഎഫ്–കോൺഗ്രസ് അനുഭാവികൾ പ്രത്യേക അനുസ്മരണ യോഗം ചേർന്ന് അനുശോചിച്ചു. സെപ്റ്റംബർ 16 ബുധനാഴ്ച വൈകുന്നേരം 6 മണിക്ക് അപ്‌നാ ബസാർ ഓഡിറ്റോറിയത്തിൽ നടന്ന അനുസ്മരണ യോഗത്തിൽ ഹൂസ്റ്റണിലെ സാമൂഹിക, സാംസ്കാരിക രംഗങ്ങളിലെ നിരവധി പ്രമുഖർ പങ്കെടുത്തു. കോൺഗ്രസ് പ്രസ്ഥാനത്തോട് അഗാധമായ പ്രതിബദ്ധത പുലർത്തിയിരുന്ന ജോർജ് എബ്രഹാം കഴിഞ്ഞ നിരവധി വർഷങ്ങളായി ഹൂസ്റ്റണിലെ കോൺഗ്രസ് അനുഭാവികൾക്കിടയിൽ സജീവ സാന്നിധ്യമായിരുന്നു. കോൺഗ്രസിന്റെ ജനാധിപത്യ, മതേതര മൂല്യങ്ങൾ ഉയർത്തിപ്പിടിക്കുന്നതിലും സഹപ്രവർത്തകരെ ഒരുമിച്ച് നിർത്തുന്നതിലും അദ്ദേഹം നൽകിയ സംഭാവനകൾ അനുസ്മരണ യോഗത്തിൽ പ്രത്യേകം സ്മരിച്ചു. ഹൂസ്റ്റണിലെ ആദ്യ മലയാളി റിയൽട്ടറായിരുന്ന ജോർജ് എബ്രഹാം മലയാളി സമൂഹത്തിന് നൽകിയ ഗണ്യമായ സംഭാവനകളും പ്രസംഗകർ അനുസ്മരിച്ചു.…