Month: August 2026

ന്യൂയോർക്ക് സ്റ്റാറ്റൻ ഐലൻഡിൽ 130 പാർക്ക് അവന്യൂവിൽ സ്ഥിതി ചെയ്യുന്ന സെന്റ് മേരീസ് ഇന്ത്യൻ ഓർത്തഡോക്സ് ദേവാലയത്തിൽ പരിശുദ്ധ ദൈവമാതാവിന്റെ വാങ്ങിപ്പു പെരുനാൾ 2026 ആഗസ്റ്റ് 14 (വെള്ളിയാഴ്ച), 15 (ശനിയാഴ്ച) തീയതികളിൽ ഭക്ത്യാദരപൂർവം ആചരിക്കും. കൽക്കട്ട ഭദ്രാസനത്തിലെ ഭിലായ് മിഷൻ കോളേജിന്റെ എക്സിക്യൂട്ടീവ് വൈസ് ചെയർമാനായ ഫാ. ഡോ. പി. എസ്. വർഗീസ് പെരുന്നാൾ ശുശ്രൂഷകൾക്ക് മുഖ്യകാർമികത്വം വഹിക്കും. പെരുന്നാൾ ആഘോഷങ്ങൾക്ക് തുടക്കം കുറിച്ച് 2026 ആഗസ്റ്റ് 9-ന് (ഞായറാഴ്ച) വിശുദ്ധ കുർബാനയ്ക്കുശേഷം കൊടിയേറ്റ് ശുശ്രൂഷ നടക്കും. പരിപാടികൾ: ആഗസ്റ്റ് 14 (വെള്ളിയാഴ്ച): വൈകിട്ട് 6.30-ന് സന്ധ്യാപ്രാർത്ഥന. തുടർന്ന് ഫാ. ഡോ. പി. എസ്. വർഗീസിന്റെ ആത്മീയ സന്ദേശം. ആഗസ്റ്റ് 15 (ശനിയാഴ്ച): രാവിലെ 8.30-ന് പ്രഭാതപ്രാർത്ഥന. തുടർന്ന് രാവിലെ 9.30-ന് വിശുദ്ധ കുർബാന. ഫാ. ഡോ. പി. എസ്. വർഗീസ് മുഖ്യകാർമികനായും, ഇടവക വികാരി…

ഓസ്റ്റിൻ (ടെക്സാസ്): ഓസ്റ്റിൻ മാർത്തോമാ ദേവാലയത്തിൽ സംഘടിപ്പിച്ച ഗായകസംഘത്തിന്റെ ആത്മീയ ശുശ്രൂഷാ ക്യാമ്പിന്റെ ഭാഗമായി നടന്ന “സംഗീത ധ്യാനം” പങ്കെടുത്തവർക്ക് വേറിട്ട ആത്മീയ അനുഭവമായി. പ്രശസ്ത സംഗീതസംവിധായകനും വേൾഡ് പീസ് മിഷൻ സ്ഥാപക ചെയർമാനുമായ ഡോ. സണ്ണി സ്റ്റീഫൻ ക്ലാസുകൾക്ക് നേതൃത്വം നൽകി. ദൈവവചനവും സംഗീതവും സമന്വയിപ്പിച്ച ധ്യാനരീതിയിലൂടെ വിശ്വാസജീവിതത്തെ കൂടുതൽ ആഴത്തിലാക്കുന്നതിനും സംഗീതത്തെ ദൈവാരാധനയുടെ ശക്തമായ ശുശ്രൂഷയായി തിരിച്ചറിയുന്നതിനും അദ്ദേഹം ആഹ്വാനം ചെയ്തു. ഗാനങ്ങൾ, ബൈബിൾ അധ്യായനങ്ങൾ, ആത്മീയ ചിന്തകൾ, സംഗീതധ്യാനം എന്നിവ ഉൾക്കൊള്ളുന്ന സെഷനുകളിൽ ഗായകസംഘാംഗങ്ങൾ സജീവമായി പങ്കെടുത്തു. സംഗീതം വെറും കലാപ്രകടനമല്ല, ദൈവമഹത്വത്തിനായുള്ള സമർപ്പിത ശുശ്രൂഷയും സുവിശേഷത്തിന്റെ ശക്തമായ സാക്ഷ്യവുമാണെന്ന് ഡോ. സണ്ണി സ്റ്റീഫൻ ഓർമ്മിപ്പിച്ചു. ഗായകസംഘാംഗങ്ങൾ ആത്മീയ വിശുദ്ധിയോടും സംഗീത മികവോടും കൂടെ ആരാധനയെ നയിക്കേണ്ടതിന്റെ പ്രാധാന്യവും അദ്ദേഹം വിശദീകരിച്ചു. സംഗീതത്തിലൂടെ മനസ്സിനും ആത്മാവിനും നവോന്മേഷം പകരുന്ന ഈ ധ്യാനപരിപാടി പങ്കെടുത്തവർക്ക്…

ലോസ് ആഞ്ചലസ്: ദക്ഷിണ കലിഫോർണിയയിലെ ഏറ്റവും പഴക്കമേറിയ ഇന്ത്യൻ സാംസ്കാരിക ഉത്സവങ്ങളിലൊന്നായ ഇസ്കോൺ ന്യൂ ദ്വാരകയുടെ 50-ാമത് വാർഷിക രഥയാത്ര ആഗസ്റ്റ് 2-ന് വിപുലമായി ആഘോഷിച്ചു. സാന്താ മോണിക്കയിലും വെനീസിലുമായി നടന്ന ചടങ്ങിൽ ലോകമെമ്പാടുമുള്ള ആയിരക്കണക്കിന് ഭക്തർ പങ്കെടുത്തു. ജഗന്നാഥൻ, ബലഭദ്രൻ, സുഭദ്ര എന്നിവരുടെ ഭീമാകാരമായ രഥങ്ങൾ വലിച്ചുകൊണ്ട് ഭക്തർ വെനീസ്‌ ബോർഡ്‌വോക്കിലേക്ക് നടത്തിയ പ്രകടനം ശ്രദ്ധേയമായി.  സുവർണ്ണ ജൂബിലിയോടനുബന്ധിച്ച് കാലിഫോർണിയ നിയമസഭയും സാന്താ മോണിക്ക നഗരസഭയും പ്രത്യേക പ്രശംസാപത്രങ്ങൾ നൽകി ആദരിച്ചു. ലോസ് ആഞ്ചലസിലെ ഇന്ത്യൻ കോൺസൽ ജനറൽ ഡോ. കെ.ജെ. ശ്രീനിവാസൻ മുഖ്യാതിഥിയായി പങ്കെടുത്തു. വേദമന്ത്രോച്ചാരണങ്ങൾ, ഭരതനാട്യം, യോഗ പ്രകടനങ്ങൾ, ഹരേ കൃഷ്ണ സങ്കീർത്തനങ്ങൾ എന്നിവയോടൊപ്പം ഏഴായിരത്തോളം പേർക്ക് സൗജന്യ പ്രസാദവും വിതരണം ചെയ്തു.

കാസാബ്ലാങ്കാ ഫിലിം ഫാക്ടറി വിതരണം ചെയ്യുന്ന പുതിയ തമിഴ് റൊമാന്റിക് ചിത്രമായ ‘മൈലാഞ്ചി’ ഹംഗാമ ഒടിടിയിൽ സ്ട്രീമിംഗ് ആരംഭിച്ചു. പ്രണയത്തിന് പ്രാധാന്യം നല്കിയൊരുക്കിയ ചിത്രം സംവിധാനം ചെയ്തിരിക്കുന്നത് അജയൻ ബാലയാണ്. ലോകമെമ്പാടുമുള്ള പ്രേക്ഷകർക്ക് ഇപ്പോൾ ഹംഗാമ ഒടിടിയിലൂടെ ആസ്വദിക്കാം. അജയൻ ബാല രചനയും സംവിധാനവും നിർവഹിച്ച ചിത്രം, അജയ് അർജുൻ പ്രൊഡക്ഷൻസിന്റെ ബാനറിൽ ഡോ. അർജുനനാണ് നിർമ്മിച്ചിരിക്കുന്നത്. ശ്രീറാം കാർത്തിക്, കൃഷ കുറുപ്പ്, മുനിഷ്കാന്ത്, സിംഗംപുളി, ടൈഗർ തങ്കദുരൈ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്നു. ഇതിഹാസ സംഗീത സംവിധായകൻ ഇളയരാജയുടെ ഗാനങ്ങളും പശ്ചാത്തല സംഗീതവും സിനിമയുടെ പ്രധാന ആകർഷണങ്ങളിലൊന്നാണ്. ചെഴിയൻ ആണ് ഛായാഗ്രഹണം നിർവഹിച്ചിരിക്കുന്നത്. ദേശീയ പുരസ്കാര ജേതാവായ എ. ശ്രീകർ പ്രസാദിന്റെ എഡിറ്റിംഗും ചിത്രത്തിന്റെ മറ്റൊരു പ്രത്യേകതയാണ്. നീലഗിരിയുടെ മനോഹര ദൃശ്യഭംഗിയും വികാരനിർഭരമായ അവതരണവും ചിത്രത്തെ ശ്രദ്ധേയമാക്കുന്നു. സംസാര വൈകല്യമുള്ള സൂര്യ എന്ന നാഷണൽ ജിയോഗ്രാഫിക്…

തിരുവനന്തപുരം: സംസ്ഥാന ഉന്നത വിദ്യാഭ്യാസ വകുപ്പിന്റെ ആഭിമുഖ്യത്തിൽ അഡീഷണൽ സ്കിൽ അക്വിസിഷൻ പ്രോഗ്രാം കേരള (അസാപ്) നടപ്പിലാക്കുന്ന ‘ലാബ് ഓൺ വീൽസ്’ പദ്ധതി ഔദ്യോഗികമായി ആരംഭിച്ചു. തിരുവനന്തപുരം ഗവൺമെന്റ് വനിതാ കോളേജിൽ നടന്ന ചടങ്ങിൽ മുഖ്യമന്ത്രി വി ഡി സതീശൻ പദ്ധതി ഫ്ലാഗ് ഓഫ് ചെയ്തു. കേരളത്തിലെ ആദ്യത്തെ മൊബൈൽ എക്‌സ്പീരിയൻഷ്യൽ ലേണിംഗ് ലബോറട്ടറിയായ ഈ സംരംഭം വഴി ആർട്ടിഫിഷ്യൽ ഇന്റലിജൻസ് (AI), റോബോട്ടിക്‌സ്, കോഡിംഗ്, മൈക്രോകൺട്രോളറുകൾ, ഇലക്ട്രോണിക്‌സ്, 3D ഡിസൈനിംഗ് തുടങ്ങിയ നൂതന സാങ്കേതികവിദ്യകളിൽ വിദ്യാർഥികൾക്ക് പ്രായോഗിക പരിശീലനം ലഭ്യമാക്കും. എല്ലാവർക്കും സമതുലിതമായ സാങ്കേതിക വിദ്യാഭ്യാസം പ്രധാനം ചെയ്യുകയാണ് പദ്ധതിയുടെ പ്രധാന ലക്ഷ്യം. നഗര, ഗ്രാമ, തീരദേശ, ആദിവാസി, മലനിര, മറ്റ് വിദൂര മേഖലകൾ ഉൾപ്പെടെ കേരളത്തിലുടനീളമുള്ള സ്‌കൂളുകളിലും കോളേജുകളിലും ‘ലാബ് ഓൺ വീൽസ്’ നേരിട്ടെത്തും. ആധുനിക വ്യവസായ മേഖലയുടെ ആവശ്യങ്ങൾക്കനുസരിച്ചുള്ള പ്രായോഗിക പഠനാനുഭവം ഉറപ്പാക്കുകയും…

ഇടുക്കി: ഇടുക്കിയിലെ ഏലപ്പാറയ്ക്കടുത്തുള്ള നാലമ്മിലയിൽ വ്യാഴാഴ്ച രാവിലെ കുട്ടിക്കാനം-കട്ടപ്പന സംസ്ഥാന പാതയിൽ കാർ നദിയിലേക്ക് മറിഞ്ഞ് 38 വയസ്സുള്ള ഒരാൾ മരിക്കുകയും മൂന്ന് പേർക്ക് പരിക്കേൽക്കുകയും ചെയ്തു. രാവിലെ 6.30 ഓടെയാണ് സംഭവം നടന്നത്. വാഹനം ഓടിച്ചിരുന്ന തിരുവനന്തപുരം വെള്ളറട സ്വദേശി ഏണസ്റ്റ് ഡി. ആണ് മരിച്ചതെന്ന് തിരിച്ചറിഞ്ഞിട്ടുണ്ട്. തിരുവനന്തപുരത്ത് നിന്ന് കട്ടപ്പനയിലേക്ക് പോകുകയായിരുന്ന അഞ്ചംഗ കുടുംബമാണ് അപകടത്തില്‍ പെട്ടതെന്ന് പോലീസ് പറഞ്ഞു. വാഹനം നാലമ്മിലെത്തിയപ്പോൾ ഡ്രൈവർക്ക് വാഹനത്തിന്റെ നിയന്ത്രണം നഷ്ടപ്പെടുകയും കാർ റോഡിൽ നിന്ന് 60 അടിയിലധികം താഴ്ചയിലേക്ക് മറിഞ്ഞ് ചിന്നാർ നദിയിലേക്ക് വീഴുകയും ചെയ്തു. സമീപത്തുള്ള ഒരു ഹോളോ-ബ്രിക്ക് നിർമ്മാണ യൂണിറ്റിലെ കുടിയേറ്റ തൊഴിലാളികളും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. മറ്റ് മൂന്ന് പേർക്ക് പരിക്കേറ്റു, അഞ്ച് വയസ്സുള്ള ജോഹാൻ പരിക്കേൽക്കാതെ കഷ്ടിച്ച് രക്ഷപ്പെട്ടു. പരിക്കേറ്റ ദിവ്യ ജ്യോതി (29), നവ്യ ജ്യോതി (26)…

കൊച്ചി: പരിസ്ഥിതിലോലവിഷയത്തില്‍ ഭരണസംവിധാനങ്ങളും രാഷ്ട്രീയ നേതൃത്വങ്ങളും പശ്ചിമഘട്ടത്തിലെ ജനസമൂഹത്തെ ഒന്നര പതിറ്റാണ്ടായി വഞ്ചിക്കുകയാണെന്നും പുതിയ വിജ്ഞാപനം ജനങ്ങളില്‍ കൂടുതല്‍ ആശങ്ക സൃഷ്ടിക്കുന്നുവെന്നും രാഷ്ട്രീയ കിസാന്‍ മഹാസംഘ് ആരോപിച്ചു. പശ്ചിമഘട്ടത്തെയൊന്നാകെ കാര്‍ബണ്‍ ഫണ്ടിനായി ആഗോള പരിസ്ഥിതി സംഘടനകള്‍ക്ക് കഴിഞ്ഞ യുപിഎ സര്‍ക്കാര്‍ തീറെഴുതി കൊടുത്തുവെങ്കില്‍ അതില്‍ നിന്ന് ഒരു തിരുത്തലിന് ഇന്നത്തെ കേന്ദ്രഭരണകൂടം തയ്യാറാകാത്തത് നിര്‍ഭാഗ്യകരമാണ്. 2010 ലെ ഗാഡ്ഗില്‍ റിപ്പോര്‍ട്ട് മലയോരജനതയുടെ ജീവിതത്തിന് ഉയര്‍ത്തുന്ന വെല്ലുവിളികള്‍ നിലനില്‍ക്കെയാണ് 2013ല്‍ കസ്തൂരിരംഗന്‍ റിപ്പോര്‍ട്ടും തുടര്‍ന്ന് 2014 ല്‍ ആദ്യ കരടു വിജ്ഞാപനവും കേന്ദ്രസര്‍ക്കാര്‍ പുറപ്പെടുവിച്ചത്. തുടര്‍ന്ന് യുപിഎ സര്‍ക്കാരിനെ പുറന്തള്ളി എന്‍ഡിഎ സര്‍ക്കാര്‍ അധികാരത്തില്‍ വന്നിട്ടും കഴിഞ്ഞ 12 വര്‍ഷത്തിനിടയില്‍ തുടർച്ചയായി വിജ്ഞാപനങ്ങള്‍ മാറ്റമില്ലാതെ പുതുക്കിയിറക്കുകയാണ് ചെയ്തത്. ജനവാസമേഖലകളും കൃഷിയിടങ്ങളും പരിസ്ഥിതിലോല പ്രദേശത്തുനിന്ന് ഒഴിവാക്കിയെന്ന് സംസ്ഥാന സര്‍ക്കാരും രാഷ്ട്രീയനേതൃത്വങ്ങളും ആവര്‍ത്തിച്ചുപറയുന്നത് പച്ചക്കള്ളമാണെന്ന് പുതിയ കരടുവിജ്ഞാപനത്തില്‍നിന്ന് വ്യക്തമാണ്. വനവും കൃഷിഭൂമിയും…