Month: August 2026

ലോകത്തെ നാനാത്വത്തിൽ ഏകത്വത്തിന്റെ ഒരു മാതൃകയാക്കുക എന്നതാണ് ഇന്ത്യയുടെ ലക്ഷ്യമെന്ന് ആർ‌എസ്‌എസ് മേധാവി മോഹൻ ഭഗവത് ന്യൂയോർക്കിൽ പറഞ്ഞു. “ഹിന്ദുത്വ”ത്തെയും “ഹിന്ദു രാഷ്ട്ര”ത്തെയും കുറിച്ച് അദ്ദേഹം വിശദീകരിച്ചു. യഥാർത്ഥ ഹിന്ദുമതം ഇന്ത്യയിൽ നിന്ന് മുസ്ലീങ്ങളെ ഒഴിവാക്കുന്നില്ല. ഇന്ത്യയിൽ മുസ്ലീങ്ങൾക്ക് സ്ഥാനമില്ലെന്ന് വിശ്വസിക്കുന്ന ഏതൊരു ഹിന്ദുവും ഇനി ഹിന്ദുവല്ലെന്ന് അദ്ദേഹം പറഞ്ഞു. ന്യൂയോര്‍ക്ക്: ഓഗസ്റ്റ് 29 ശനിയാഴ്ച ന്യൂയോർക്കിലെ മാഡിസൺ സ്‌ക്വയർ ഗാർഡനിൽ ഏകദേശം 5,000 പേരടങ്ങുന്ന സദസ്സിനെ അഭിസംബോധന ചെയ്തുകൊണ്ട് രാഷ്ട്രീയ സ്വയംസേവക സംഘം (ആർ‌എസ്‌എസ്) മേധാവി മോഹൻ ഭാഗവത്, ഐക്യത്തിന് വൈവിധ്യത്തോടൊപ്പം നിലനിൽക്കാൻ കഴിയുമെന്ന് ലോകത്തിന് കാണിച്ചുകൊടുക്കുക എന്നതാണ് ഇന്ത്യയുടെ ലക്ഷ്യമെന്ന് പറഞ്ഞു. പ്രസംഗത്തിലൂടെയല്ല, മറിച്ച് അതിന്റെ പെരുമാറ്റത്തിലൂടെയും പെരുമാറ്റത്തിലൂടെയും ഇന്ത്യ ഇത് തെളിയിക്കണമെന്ന് അദ്ദേഹം പറഞ്ഞു. ആർ‌എസ്‌എസിന്റെ ശതാബ്ദി പ്രചാരണത്തിന്റെ ഭാഗമായി സംഘടിപ്പിച്ച ഈ പരിപാടിയിൽ പ്രധാനമായും ഇന്ത്യൻ വംശജരാണ് പങ്കെടുത്തത്. ന്യൂയോർക്കിലെ വിവാദങ്ങൾക്കിടയിലാണ്…

ന്യൂയോർക്ക്: ജനകോടികളുടെ ആരാധനാ മൂർത്തിയായ ശ്രീ ശബരിമല ധർമ്മശാസ്താവിനെ കപട ദളിത് ചിന്തകൻ സണ്ണി കപിക്കാട് അധിക്ഷേപിച്ചതിനെതിരെ നടപടി ആവശ്യപ്പെട്ടുകൊണ്ട് ന്യൂയോർക്ക് ആസ്ഥാനമായുള്ള അയ്യപ്പസേവാ സംഘം പ്രമേയം പാസാക്കി. പരാതിയുൾപ്പടെ ബഹു. കേരള മുഖ്യമന്ത്രി വി.ഡി. സതീശൻ, ആഭ്യന്തര മന്ത്രി രമേശ് ചെന്നിത്തല, ദേവസ്വം മന്ത്രി കെ. മുരളീധരൻ, കേന്ദ്ര മന്ത്രി അമിത് ഷാ എന്നിവർക്ക് അയച്ചു കൊടുത്തു. അയ്യപ്പ സേവാ സംഘം പ്രസിഡന്റ് ഗോപിനാഥക്കുറുപ്പിന്റെ അദ്ധ്യക്ഷതയിൽ കൂടിയ അടിയന്തിര യോഗത്തിൽ, സണ്ണി കപിക്കാടിനെതിരെ ഭാരതീയ ന്യായ സംഹിത (ബി.എൻ.എസ്) 299-ാം വകുപ്പനുസരിച്ച് (മറ്റുള്ള വകുപ്പുകളും പ്രസക്തമാണ്) കോടിക്കണക്കിന് അയ്യപ്പഭക്തരുടെ മതവികാരം വ്രണപ്പെടുത്തിയതിന് നിയമനടപടിയെടുത്ത് മാതൃകാപരമായി ശിക്ഷിക്കണമെന്ന് ഐക്യകണ്ഠേന പാസാക്കിയ പ്രമേയത്തിൽ ആവശ്യപ്പെട്ടു. യോഗത്തിൽ സെക്രട്ടറി രഘുവരൻ നായർ നടപടിക്രമങ്ങൾ വിവരിച്ചുകൊണ്ട് സാമ്പത്തിക നേട്ടത്തിനുവേണ്ടി സണ്ണി കപിക്കാട് തുടർന്നു വരുന്ന കുത്സിത പ്രവർത്തികൾ വിശദീകരിച്ചു. ക്രിസ്തുമതം സ്വീകരിച്ച…

ന്യൂയോർക്ക് :സിറ്റിയുടെ സാമ്പത്തിക മുൻഗണനകളിൽ വ്യക്തത വരുത്തുന്നതിനായി മേയർ സോഹ്റാൻ ക്വാമേ മംദാനി രൂപീകരിച്ച ‘ബിസിനസ് അഡ്വൈസറി കൗൺസിലിലേക്ക്’ ഇ-കൊമേഴ്സ് കമ്പനിയായ എറ്റ്സിയുടെ (Etsy) ചീഫ് എക്സിക്യൂട്ടീവ് ഓഫീസർ കൃതി പട്ടേൽ ഗോയലിനെ ഉൾപ്പെടുത്തി. സാമ്പത്തിക, സാങ്കേതിക, റിയൽ എസ്റ്റേറ്റ്, റീട്ടെയിൽ ഉൾപ്പെടെ വിവിധ മേഖലകളിൽ നിന്നുള്ള 15 പ്രമുഖ വ്യവസായ നേതാക്കളാണ് ഈ കൗൺസിലിലുള്ളത്. നഗരത്തിന്റെ സാമ്പത്തിക പുരോഗതിക്കും തൊഴിലവസരങ്ങൾ വർദ്ധിപ്പിക്കുന്നതിനുമായി രൂപീകരിച്ച ഈ സമിതി മേയർ മംദാനി, ഡെപ്യൂട്ടി മേയർ ജൂലി സു എന്നിവരുമായി മൂന്നു മാസത്തിലൊരിക്കൽ കൂടിക്കാഴ്ച നടത്തും. കാനഡയിൽ ജനിച്ച കൃതി, അമേരിക്കയിലെ ഒരു ചെറിയ മോട്ടലിൽ മാതാപിതാക്കളെ സഹായിച്ചാണ് വളർന്നത്. സ്റ്റാൻഫോർഡ് യൂണിവേഴ്സിറ്റിയിൽ നിന്ന് ബിരുദവും ഹാർവാർഡ് ബിസിനസ് സ്കൂളിൽ നിന്ന് എം.ബി.എയും നേടിയ അവർ മോർഗൻ സ്റ്റാൻലി, വയാകോം എന്നീ മുൻനിര സ്ഥാപനങ്ങളിൽ പ്രവർത്തിച്ച ശേഷമാണ് എറ്റ്സിയുടെ തലപ്പത്തെത്തുന്നത്.

ലണ്ടൻ, ഒന്റാറിയോ: കാനഡയിലെ ലണ്ടനിൽ താമസിച്ചിരുന്ന മലയാളി ജിഷ ജുട്ടു (46) അന്തരിച്ചു. ഓഗസ്റ്റ് 26 – നായിരുന്നു അന്ത്യം. ഭർത്താവ് ജുട്ടു ജോർജ്. ദമ്പതികൾക്ക് മൂന്ന് മക്കൾ ഷെറിൻ, ഷാരോൺ, ജോഷ്വാ. ജിഷയുടെ നിര്യാണത്തെ തുടർന്ന് കുടുംബത്തെ സഹായിക്കുന്നതിനായി London Ontario Malayalee Association (LOMA) വിവിധ സഭകളുടെയും മലയാളി സംഘടനകളുടെയും സഹകരണത്തോടെ സഹായനിധിക്കും തുടക്കം കുറിച്ചിട്ടുണ്ട്. സംസ്കാരച്ചെലവുകൾക്കും മൂന്ന് മക്കളുടെ വിദ്യാഭ്യാസവും ഭാവി ആവശ്യങ്ങളും ഉൾപ്പെടെയുള്ള കാര്യങ്ങൾക്കുമാണ് സഹായം ലക്ഷ്യമിടുന്നത്. കുടുംബം നൽകിയ അറിയിപ്പനുസരിച്ച്, പ്രാർത്ഥനാ ശുശ്രൂഷ ഓഗസ്റ്റ് 30 – ഞായറാഴ്ച വൈകിട്ട് 5:00 മുതൽ 8:00 വരെ Valleyview Mennonite Church-ൽ നടക്കും. സംസ്കാര ശുശ്രൂഷ സെപ്റ്റംബർ 2 ബുധനാഴ്ച രാവിലെ 11:00 ന് Northview Funeral Home-ൽ നടക്കും. തുടർന്ന് ഉച്ചയ്ക്ക് 1:00 ന് Forest Lawn Cemetery-യിൽ ഭൗതികശരീരം സംസ്കരിക്കും.…

മുഖ്യമന്ത്രി ഒരു പാർട്ടി നേതാവ് മാത്രമല്ല; കേരളത്തിന്റെ ഭരണഘടനാപരമായ ഭരണനേതാവാണ്. മുഖ്യമന്ത്രിയെ ഒരു പരിപാടിയിലേക്ക് ക്ഷണിക്കുമ്പോഴും സമീപിക്കുമ്പോഴും മുഖ്യമന്ത്രിയുടെ ഓഫീസിന്റെ ഔദ്യോഗിക നടപടിക്രമങ്ങളും സുരക്ഷാ ഉദ്യോഗസ്ഥരുടെ നിർദേശങ്ങളും കൃത്യമായി പാലിക്കണം. വ്യക്തിപരമായ അടുപ്പമോ പാർട്ടി ബന്ധമോ സുരക്ഷാ പ്രോട്ടോക്കോളുകൾക്ക് പകരമാകാൻ കഴിയില്ല. ആഭ്യന്തരമന്ത്രി രമേശ് ചെന്നിത്തലയുടെ ദീർഘകാല രാഷ്ട്രീയ-ഭരണപരിചയവും ഈ സർക്കാരിന് പ്രധാനപ്പെട്ട കരുത്താണ്. മുഖ്യമന്ത്രിയും ആഭ്യന്തരമന്ത്രിയും മന്ത്രിസഭയും പാർട്ടി നേതൃത്വവും ഒരേ ലക്ഷ്യത്തോടെ പ്രവർത്തിക്കുമ്പോഴാണ് സർക്കാരിന് ജനങ്ങൾ നൽകിയ വിശ്വാസം കൂടുതൽ ശക്തമാകുന്നത്. നേതാക്കൾ തമ്മിലുള്ള ഐക്യവും പരസ്പര ബഹുമാനവും താഴെത്തട്ടിലെ പ്രവർത്തകർക്കും മാതൃകയാകണം. കോൺഗ്രസ് നേതാക്കളുടെയും പ്രവർത്തകരുടെയും ഉത്തരവാദിത്തവും ഇന്ന് വളരെ വലുതാണ്. അധികാരത്തിലിരിക്കുന്ന പാർട്ടിയുടെ ഒരു പ്രവർത്തകന്റെ വാക്കോ പ്രവൃത്തിയോ പോലും സർക്കാരുമായി ബന്ധപ്പെടുത്തി പൊതുസമൂഹം വിലയിരുത്തും. അതിനാൽ അനാവശ്യ വിവാദങ്ങൾ സൃഷ്ടിക്കുന്നതും സർക്കാരിന്റെ പ്രതിച്ഛായയെ ബാധിക്കുന്ന സാഹചര്യങ്ങൾ ഉണ്ടാക്കുന്നതും ഒഴിവാക്കണം. പാർട്ടിയുടെ…

ന്യൂയോര്‍ക്ക്: ന്യൂയോർക്ക് സിറ്റി ട്രാൻസിറ്റിലെ സപ്ലൈ ലൊജിസ്റ്റിക്സ് വിഭാഗത്തിലുള്ള മലയാളി ഉദ്യോഗസ്ഥരുടെയും വിരമിച്ചവരുടെയും കുടുംബങ്ങളുടെ കൂട്ടായ്മ ഓഗസ്റ്റ് 29 ശനിയാഴ്ച രാവിലെ 11 മണിമുതൽ ക്വീൻസിലെ ആലിപോണ്ട് പാർക്കിൽ പിക്നിക്ക് നടത്തി. പ്രസിഡന്റ് പ്രിൻസ് പോൾ, സെക്രട്ടറി റോബി കോശി, ട്രഷറർ അരുൺ അച്ചൻകുഞ്ഞ് എന്നിവരുടെ നേതൃത്വത്തിൽ, വിവിധ തരം ഭക്ഷണ പാനീയങ്ങളോടെ സംഘടിപ്പിച്ച പിക്നിക്ക് പങ്കെടുത്തവരെല്ലാം ആസ്വദിച്ചു. ആരോൺ കോശിയുടെ നേതൃത്വത്തിൽ നടന്ന കായിക മത്സരങ്ങളിൽ പങ്കെടുത്ത് വിജയിച്ചവർക്ക് സീനിയർ മെമ്പർമാരായ പി.എസ്. വർഗീസും, വർഗീസ് ഒലഹന്നാനും ചേർന്ന് സമ്മാനദാനം നിർവഹിച്ചു. വർഷങ്ങൾക്ക് മുമ്പ് സർവീസിൽ നിന്ന് വിരമിച്ച് വിശ്രമജീവിതം നയിക്കുന്ന പലരും ഈ പിക്നിക്കിൽ പങ്കെടുത്തുവെന്നത് വളരെ അഭിനന്ദനീയമായി. പുതിയതായി ജോലിയില്‍ പ്രവേശിച്ചവരേയും കുടുംബാംഗങ്ങളെയും പരിചയപ്പെടുവാനുള്ള ഒരവസരമായി പലരും ഈ സംഗമത്തെ ഉപയോഗിച്ചു. അംഗങ്ങൾ സംഭാവന ചെയ്ത ഉല്പന്നങ്ങൾ റിനോജ് കോരുതിന്റെ നേതൃത്വത്തിൽ ലേലം…

തിരുവനന്തപുരം: ഓണം ടൂറിസം വാര സമാപന ഘോഷയാത്ര വൈസ് പ്രസിഡന്റ് സി.പി. രാധാകൃഷ്ണൻ തിരുവനന്തപുരത്ത് ഞായറാഴ്ച വൈകുന്നേരം ഫ്ലാഗ് ഓഫ് ചെയ്യും. ഘോഷയാത്രയിൽ 69 ഫ്ലോട്ടുകൾ, പുലികളി, തെയ്യം എന്നിവയുൾപ്പെടെ 99 പരമ്പരാഗത കലാരൂപങ്ങൾ, ഇന്ത്യയിലുടനീളമുള്ള കലാകാരന്മാരുടെ പ്രകടനങ്ങൾ എന്നിവ ഉണ്ടായിരിക്കും. സംസ്ഥാന ടൂറിസം വകുപ്പ് സംഘടിപ്പിച്ച ഒരാഴ്ച നീണ്ടുനിന്ന ഉത്സവത്തിൽ സംസ്ഥാനവ്യാപകമായി 100 വേദികളിലായി 8,000-ത്തിലധികം കലാകാരന്മാർ പങ്കെടുത്തു. വിനോദസഞ്ചാരികൾ ഉൾപ്പെടെയുള്ള ഒരു വലിയ പ്രേക്ഷകർക്ക് മുന്നിൽ കേരളത്തിന്റെ ക്ലാസിക്കൽ, നാടോടി, വംശീയ കലാപാരമ്പര്യങ്ങളുടെ താളവും ചാരുതയും പ്രദർശിപ്പിച്ച ശേഷം, ഓണം ടൂറിസം വാരാഘോഷങ്ങൾ ഞായറാഴ്ച ഐക്കണിക് സമാപന ദിന ഘോഷയാത്രയോടെ സമാപിക്കും. ലോക് ഭവനിൽ നിന്ന് വൈകുന്നേരം 5 മണിക്ക് വൈസ് പ്രസിഡന്റ് സി.പി. രാധാകൃഷ്ണൻ ഘോഷയാത്ര ഫ്ലാഗ് ഓഫ് ചെയ്യുമെന്ന് പത്രക്കുറിപ്പിൽ പറയുന്നു. കേരള ഗവർണർ രാജേന്ദ്ര വിശ്വനാഥ് അർലേക്കർ, മുഖ്യമന്ത്രി വി.ഡി.…