Month: June 2026

ഹാംബര്‍ഗ് (ജര്‍മ്മനി): വടക്കൻ ജർമ്മനിയിലെ സ്റ്റേഡ് നഗരത്തിൽ തിങ്കളാഴ്ച നടന്ന വെടിവയ്പ്പിൽ അഞ്ച് പേർ കൊല്ലപ്പെട്ടു. അക്രമിയെന്ന് സംശയിക്കുന്നയാളുൾപ്പെടെ രണ്ട് പേരെ പോലീസ് കസ്റ്റഡിയിലെടുത്തു. ആക്രമണത്തിന് പിന്നിലെ ഉദ്ദേശ്യം പോലീസ് അന്വേഷിച്ചുവരികയാണ്. ഹാംബർഗിന് പടിഞ്ഞാറ് ഏകദേശം 50,000 പേർ താമസിക്കുന്ന സ്റ്റേഡ് നഗരത്തിലാണ് സംഭവം നടന്നത്. കൊല്ലപ്പെട്ട അഞ്ച് പേരും മുതിർന്നവരാണെന്ന് പോലീസ് സ്ഥിരീകരിച്ചു. വെടിവയ്പ്പുമായി ബന്ധപ്പെട്ട സാഹചര്യങ്ങൾ വിശദമായി അന്വേഷിച്ചുവരികയാണെന്ന് അധികൃതർ പറഞ്ഞു. വെടിവെച്ചയാളെന്ന് സംശയിക്കുന്നയാളെയും രണ്ടാമത്തെ ആളെയും കസ്റ്റഡിയിലെടുത്തതായി പോലീസ് പറഞ്ഞു. എന്നാല്‍, രണ്ടാമത്തെ ആളുടെ പങ്ക് ഇതുവരെ വ്യക്തമായിട്ടില്ല. അക്രമികളില്‍ ചിലര്‍ ഒളിവിലാണെന്ന് ഉദ്യോഗസ്ഥർ വ്യക്തമാക്കി. സെൻട്രൽ സ്റ്റേഡിലെ ഒരു യുവജന കേന്ദ്രത്തിന് സമീപമാണ് വെടിവയ്പ്പ് നടന്നതെന്ന് പ്രാദേശിക മാധ്യമങ്ങൾ ആദ്യം റിപ്പോർട്ട് ചെയ്തിരുന്നു. എന്നാല്‍, ഒരു പോലീസ് വക്താവ് ഈ റിപ്പോർട്ടുകൾ നിഷേധിക്കുകയും സംഭവത്തിന്റെ കൃത്യമായ സ്ഥലം നൽകാൻ വിസമ്മതിക്കുകയും ചെയ്തു.…

മലപ്പുറം: സംസ്ഥാന ബജറ്റിൽ മത്സ്യത്തൊഴിലാളികളുടെ ദീർഘകാല ആവശ്യങ്ങളായ മണ്ണെണ്ണ സബ്സിഡി ഉയർത്തിയ നടപടിയെയും പാവപ്പെട്ട തൊഴിലാളികൾക്കായുള്ള പ്രത്യേക ഭവനപദ്ധതി പ്രഖ്യാപനത്തെയും ഓൾ കേരള മത്സ്യത്തൊഴിലാളി യൂണിയൻ (FITU) സ്വാഗതം ചെയ്യുന്നു. തീരദേശ ജനതയുടെ കഷ്ടപ്പാടുകൾ മനസ്സിലാക്കി സർക്കാർ നടപ്പിലാക്കിയ ഈ ആശ്വാസ പദ്ധതികൾ അഭിനന്ദനാർഹമാണ്. എന്നാൽ, ഇതേ ബജറ്റിൽ തന്നെ പ്രഖ്യാപിച്ച ‘അപൂർവ്വ ധാതു ഇടനാഴി’ പദ്ധതി കേരളത്തിന്റെ തീരദേശത്തെയും ലക്ഷക്കണക്കിന് വരുന്ന മത്സ്യത്തൊഴിലാളി സമൂഹത്തെയും പൂർണ്ണമായി തുടച്ചുനീക്കാനുള്ള കോർപ്പറേറ്റ് അജണ്ടയാണെന്ന് യൂണിയൻ ചൂണ്ടിക്കാണിച്ചു. ഒരു കൈകൊണ്ട് ആശ്വാസമേകി മറുകൈകൊണ്ട് തീരദേശവാസികളുടെ നിലനിൽപ്പിന്റെ അടിവേരറുക്കുന്ന ഈ ജനവിരുദ്ധ നിർദ്ദേശം സർക്കാർ അടിയന്തരമായി പിൻവലിക്കണമെന്ന് ഭാരവാഹികൾ ആവശ്യപ്പെട്ടു. വികസനത്തിന്റെ പകിട്ടേറിയ വാഗ്ദാനങ്ങൾ നൽകി കരിമണൽ-ധാതു ഖനന ലോബികൾക്ക് കേരളത്തിന്റെ കടൽത്തീരം അടിയറവ് വെക്കാനുള്ള നീക്കത്തിൽ നിന്നും സർക്കാർ പിന്മാറണം. തീരദേശ ജനതയുടെ ജീവനും തൊഴിലിനും കരിനിഴൽ വീഴ്ത്തുന്ന ഈ…

കണ്ണൂർ: ദേശിയ പാഠ്യപദ്ധതി കുറുക്കുവഴിയിലൂടെ നടപ്പാക്കാനുള്ള പദ്ധതിയാണ് പി എം ശ്രീ പദ്ധതി എന്നറിഞ്ഞിട്ടും പദ്ധതിയിൽ നിന്നും പിന്നോട്ടില്ലെന്ന യുഡിഎഫ് സർക്കാരിന്റെ തെറ്റായ നയത്തിൽ പ്രതിഷേധിച്ച് നാഷണൽ യൂത്ത്‌ ലീഗ് സംസ്ഥാന കമ്മിറ്റിയുടെ ആഭിമുഖ്യത്തിൽ പി.എം.ശ്രീ പ്രതിഷേധ സംഗമം കണ്ണൂരിൽ വെച്ച് നടക്കും . ഒപ്പം തന്നെ തെരെഞ്ഞെടുപ്പുകളിൽ ഇവിഎം തട്ടിപ്പ് തുടരുന്ന പശ്ചാത്തലത്തിൽ ജനാധിപത്യം സംരക്ഷിക്കാൻ, രാജ്യത്തിന്റെ വീണ്ടെടുപ്പിന് ‘ബാലറ്റിലേക്ക് തിരികെ’ എന്ന പ്രമേയത്തിലുള്ള സംസ്ഥാന ക്യാമ്പയിൻ ഉദ്‌ഘാടനവും നടക്കുമെന്ന് ഭാരവാഹികൾ പത്രകുറിപ്പിൽ അറിയിച്ചു . സംഘപരിവാർ ഭരണകൂടം ഇ.വി.എം തട്ടിപ്പിലൂടെ രാജ്യത്തെ തങ്ങളുടെ കീഴിലാക്കി ഭരിക്കുമ്പോൾ ഇലക്ട്രോണിക് വോട്ടിങ് മെഷീനിൽ നിന്ന് മാറി പഴയ രീതിയിൽ ഉള്ള പേപ്പർ ബാലറ്റ് സംവിധാനത്തിലേക്ക് നമ്മുടെ തെരെഞ്ഞെടുപ്പ് നടത്തൽ അനിവാര്യമാണ്. കേരളം ഉൾപ്പെടെയുള്ള സംസ്ഥാനങ്ങൾ വരാനിരിക്കുന്ന തെരെഞ്ഞെടുപ്പ്കൾ ബാലറ്റ് സംവിധാനത്തിലേക്ക് മാറിയിട്ടില്ലെങ്കിൽ ജനം വോട്ട് ചെയ്ത് വിജയിപ്പിച്ചില്ലെങ്കിലും…