Month: June 2026

കൊല്ലം: നിയന്ത്രണം വിട്ട ടിപ്പർ ലോറി ബസ് സ്റ്റോപ്പിലേക്ക് ഇടിച്ചുകയറി ഒരു കുട്ടി ഉൾപ്പെടെ മൂന്ന് പേർ മരിച്ചു. പരിക്കേറ്റ നാല് വിദ്യാർത്ഥികളെ ആശുപത്രിയിൽ പ്രവേശിപ്പിച്ചു. കൊല്ലം കൊട്ടാരക്കരയിലെ നീലേശ്വരത്താണ് അപകടം. അപകടത്തിൽ രണ്ട് മുതിർന്നവരും ഒരു കുട്ടിയുമാണ് മരിച്ചത്. ഹരിലാൽ (52), പാർഥിപ് (15), അജയ കുമാർ (45) എന്നിവരാണ് മരിച്ചതെന്ന് തിരിച്ചറിഞ്ഞിട്ടുണ്ട്. പരിക്കേറ്റവരെ കൊട്ടാരക്കരയിലെ ആശുപത്രിയിലേക്ക് മാറ്റി. ഇവരുടെ പരിക്കുകൾ ഗുരുതരമല്ല. കൊട്ടാരക്കര മുക്കോളി മുക്കിലെ ബസ് സ്റ്റോപ്പിലേക്കാണ് മണ്ണ് നിറച്ച ലോറി ഇടിച്ചുകയറിയത്. ആ സമയത്ത് ഏഴ് കുട്ടികളും ഒരു വൃദ്ധനും ബസ് സ്റ്റോപ്പിൽ ഉണ്ടായിരുന്നു. അപകടത്തിൽ ലോറി പൂർണ്ണമായും തകർന്നു. പോലീസും ഫയർഫോഴ്‌സും ചേർന്ന് ലോറി ഉയർത്തി മണ്ണിനടിയിൽ കുടുങ്ങിയവരെ പുറത്തെടുത്തു. ചവറ സ്വദേശികളായ കുശാൽ (15), ബോബൻ (15), നവനീത് (13), ജിബിമോൾ (15), നിസാം എന്നിവർക്കാണ് പരിക്കേറ്റത്. അപകടത്തിൽ…

അമേരിക്കയിൽ ജൂൺ മാസം ആരംഭിക്കുമ്പോൾ തന്നെ ലക്ഷക്കണക്കിന് വിദ്യാർത്ഥികൾ ഏറെ ആകാംക്ഷയോടെ കാത്തിരുന്ന വേനലവധിയിലേക്ക് കടക്കുന്നു. പല സംസ്ഥാനങ്ങളിലെയും സ്കൂളുകൾ മെയ് അവസാനവാരമോ ജൂൺ ആദ്യവാരമോ അടയ്ക്കുകയും ഓഗസ്റ്റ് അവസാനമോ സെപ്റ്റംബർ ആദ്യമോ മാത്രമാണ് വീണ്ടും തുറക്കുകയും ചെയ്യുന്നത്. അതായത് ഏകദേശം 75 മുതൽ 100 ദിവസം വരെ നീളുന്ന ഒരു ദീർഘ അവധിക്കാലം. പല സ്കൂൾ ജില്ലകളിലും പുതിയ അധ്യയന വർഷം ആരംഭിക്കുന്നതിന് മുമ്പ് ആവശ്യമായ വാക്സിനേഷനുകൾ, ആരോഗ്യരേഖകൾ, മെഡിക്കൽ പരിശോധനകൾ എന്നിവ പുതുക്കി സമർപ്പിക്കേണ്ടതുണ്ട്. അതുകൊണ്ടുതന്നെ വേനലവധി കുട്ടികൾക്ക് വിശ്രമത്തിന്റെയും കുടുംബങ്ങൾക്ക് ആസൂത്രണത്തിന്റെയും കാലമായി മാറുന്നു. ന്യൂജേഴ്‌സി, ന്യൂയോർക്ക്, മേരിലാൻഡ്, പെൻസിൽവാനിയ തുടങ്ങിയ സംസ്ഥാനങ്ങളിൽ സാധാരണയായി ജൂൺ മധ്യത്തിലോ അവസാനത്തിലോ സ്കൂളുകൾ അടയ്ക്കുമ്പോൾ ടെക്സസ്, ജോർജിയ, ഫ്ലോറിഡ തുടങ്ങിയ സംസ്ഥാനങ്ങളിൽ മെയ് അവസാനത്തോടെ തന്നെ അവധി ആരംഭിക്കാറുണ്ട്. ചില പടിഞ്ഞാറൻ സംസ്ഥാനങ്ങളിൽ ഓഗസ്റ്റ് ആദ്യവാരം…

ഫിലാഡൽഫിയ: ഓണാഘോഷത്തിനായി മാപ്പ് ഒരുങ്ങുന്നു. പൂക്കളവും സദ്യയും, സാംസ്കാരിക പരിപാടികളും സജീവം. ഏപ്രിൽ 2026 ൽ ലിജോ പി ജോർജിന്റെ നേതൃത്വത്തിൽ നടന്ന ചെസ്സ് -ക്യാരംസ് ടൂർണമെന്റിന്റെ വമ്പിച്ച വിജയത്തിന് ശേഷവും ,മെയ് 2026ൽ മില്ലി ജോർജിന്റെ നേതൃത്വത്തിൽ സ്നേഹത്തിന്റെയും ആദരവിന്റെയും നിറവിൽ നടന്ന മദേഴ്സ് ഡേയുടെ ആഘോഷങ്ങൾക്ക് ശേഷവും മാപ്പ് ഓണാഘോഷത്തിനായി ഒരുങ്ങുന്നു മഹാബലിയുടെ സ്മരണ പുതുക്കി ഐക്യത്തിന്റെയും സമൃദ്ധിയുടെയും സന്ദേശമായി മാപ്പ് ഓണത്തെ വരവേൽക്കാൻ തയ്യാറെടുക്കുകയാണ്. ഓണാഘോഷ പരിപാടികളുടെ നടത്തിപ്പിനും ഏകോപിപ്പിക്കുന്നതിനും ആയി വിവിധ കലാസാംസ്കാരിക പരിപാടികൾ കോഡിനേറ്റ് ചെയ്യാൻ മിസ്റ്റർ സാബു സക്കറിയയും ഓണസദ്യയുടെ ഒരുക്കങ്ങൾ ക്രമീകരിച്ച് മിസ്റ്റർ ലിബിൻ പുന്നശ്ശേരിയും നേതൃനിരയിൽ സജീവമാണ്. രാഷ്ട്രീയ സിനിമാരംഗത്തെ വിശിഷ്ടാതിഥികൾ പങ്കെടുക്കുന്ന ഈ ഓണാഘോഷത്തിലേക്ക് എല്ലാവരെയും ക്ഷണിച്ചുകൊള്ളുന്നു എന്ന് മാപ്പ് പ്രസിഡൻറ് കൊച്ചുമോൻ വയലത്ത് അറിയിച്ചു . സിംഗിൾ ടിക്കറ്റ് 30ഡോളർ, ഫാമിലി ടിക്കറ്റ്…

ഓറഞ്ച്, കാലിഫോർണിയ: ഇന്ത്യയിലെ ഗ്രാമീണ മേഖലകളുടെ വികസനത്തിനായി കാലിഫോർണിയയിൽ നടന്ന ചടങ്ങിൽ 4 മില്യൺ ഡോളർ (ഏകദേശം 33 കോടിയിലധികം രൂപ) ധനസമാഹരണം നടത്തി. ‘ബെർക്ക്‌ലി ഹാസ്’ മായി സഹകരിച്ച് പ്രവർത്തിക്കുന്ന ‘സ്മാർട്ട് വില്ലേജ് മൂവ്‌മെന്റ്’ സംഘടിപ്പിച്ച ആദ്യ വാർഷിക ഗാലയിലാണ്  ഈ തുക സമാഹരിച്ചത്. കഴിഞ്ഞ ഒൻപത് വർഷമായി ഇന്ത്യയിലെ 1,200 ഓളം ഗ്രാമങ്ങളിലായി 16 ലക്ഷത്തിലധികം ആളുകളിലേക്ക് സമാധാനപരവും സുസ്ഥിരവുമായ വികസനം എത്തിക്കാൻ SVM-ന് സാധിച്ചിട്ടുണ്ട്. ലോസ് ആഞ്ചലസിലെ ഇന്ത്യൻ കോൺസൽ ജനറൽ ഡോ. കെ. ജെ. ശ്രീനിവാസ, പ്രമുഖ വ്യവസായിയും ജീവകാരുണ്യ പ്രവർത്തകനുമായ മനു ഷാ, SVM സ്ഥാപകൻ ഡോ. അനിൽ ഷാ എന്നിവരടക്കം നിരവധി പ്രമുഖർ ചടങ്ങിൽ പങ്കെടുത്തു. ടൈപ്പ് 1 പ്രമേഹബാധിതരായ കുട്ടികൾക്കായി ഐഐടി ഖരഗ്പൂരുമായി  സഹകരിച്ച് കുറഞ്ഞ ചെലവിലുള്ള ഗ്ലൂക്കോസ് മോണിറ്ററിംഗ് ഉപകരണം വികസിപ്പിക്കും. കൂടാതെ 13 ലക്ഷത്തിലധികം…

വാഷിംഗ്ടൺ: അമേരിക്കൻ സമ്പദ്‌വ്യവസ്ഥയെ ദീർഘകാലം നയിച്ച യുഎസ് ഫെഡറൽ റിസർവ് (കേന്ദ്ര ബാങ്ക്) മുൻ ചെയർമാൻ അലൻ ഗ്രീൻസ്പാൻ  അന്തരിച്ചു. 100 വയസ്സായിരുന്നു. പാർക്കിൻസൺസ് രോഗബാധയെത്തുടർന്നുള്ള ആരോഗ്യപ്രശ്നങ്ങൾ കാരണം തിങ്കളാഴ്ചയായിരുന്നു അന്ത്യം എന്ന് അദ്ദേഹത്തിന്റെ ഭാര്യയും പ്രമുഖ മാധ്യമപ്രവർത്തകയുമായ ആൻഡ്രിയ മിച്ചൽ അറിയിച്ചു. 1987 മുതൽ 2006 വരെയുള്ള ഏതാണ്ട് രണ്ട് പതിറ്റാണ്ടുകാലം നാല് അമേരിക്കൻ പ്രസിഡന്റുമാർക്ക് കീഴിൽ അദ്ദേഹം യുഎസ് കേന്ദ്ര ബാങ്കിന്റെ അമരക്കാരനായിരുന്നു. ‘ദി മാസ്ട്രോ’ എന്ന് വിശേഷിപ്പിക്കപ്പെട്ടിരുന്ന ഗ്രീൻസ്പാൻ, തൊണ്ണൂറുകളിൽ അമേരിക്കയിൽ ഉണ്ടായ വലിയ സാമ്പത്തിക വളർച്ചയ്ക്കും സുസ്ഥിരതയ്ക്കും പിന്നിൽ പ്രവർത്തിച്ച പ്രധാന വ്യക്തിയായിരുന്നു. 1987-ലെ ഓഹരി വിപണി തകർച്ച, ഡോട്ട് കോം പ്രതിസന്ധി എന്നിവയിൽ നിന്ന് അമേരിക്കൻ സമ്പദ്‌വ്യവസ്ഥയെ വിജയകരമായി നയിച്ചു. കേന്ദ്ര ബാങ്കിന്റെ നയങ്ങൾ സുതാര്യമാക്കുന്നതിൽ നിർണായക പങ്കുവഹിച്ചു.വിമർശനങ്ങൾ: വിപണിയിലെ അമിത ഉദാരവൽക്കരണ നയങ്ങൾ പ്രോത്സാഹിപ്പിച്ച അദ്ദേഹത്തിന്റെ നടപടികൾ, പിന്നീട്…

വാഷിംഗ്‌ടൺ :യു.എസ്. പൗരത്വത്തിനായുള്ള അപേക്ഷാ ഫീസ് ട്രംപ് ഭരണകൂടം 75% വർദ്ധിപ്പിക്കാൻ ഒരുങ്ങുന്നു. ആഭ്യന്തര സുരക്ഷാ വകുപ്പ്  സമർപ്പിച്ച പുതിയ നിർദ്ദേശപ്രകാരം, നിലവിലെ പേപ്പർ അപേക്ഷാ ഫീസ് 760 ഡോളറിൽ നിന്ന് 1,330 ഡോളറായി (570 ഡോളറിന്റെ വർദ്ധനവ്) ഉയരും. അപ്പീൽ ബോർഡിന് മുന്നിൽ പുനഃപരിശോധന ആവശ്യപ്പെടുന്നതിനുള്ള ഫീസ് 830 ഡോളറിൽ നിന്ന് 1,475 ഡോളറായും വർദ്ധിപ്പിക്കും. മിക്ക ഫീസ് ഇളവുകളും നിർത്തലാക്കുമെങ്കിലും, നിലവിലുള്ളതും മുൻകാലങ്ങളിലുള്ളതുമായ സായുധ സേനാ അംഗങ്ങളെ ഫീസിൽ നിന്ന് ഒഴിവാക്കിയിട്ടുണ്ട്. അപേക്ഷകളുടെ പരിശോധന കൃത്യമായി നടത്തുന്നതിനാണ് ഫീസ് വർദ്ധിപ്പിക്കുന്നതെന്നാണ് വിശദീകരണം. പൊതുജനങ്ങളുടെ അഭിപ്രായങ്ങൾ തേടിയ ശേഷം, കുറഞ്ഞത് 60 ദിവസങ്ങൾക്കുള്ളിൽ ഈ നിയമം പ്രാബല്യത്തിൽ വരും.