Day: June 19, 2026

മാർപ്പാപ്പയുടെ പ്രത്യേക അനുമതിയില്ലാതെ  ജൂലൈ 1-ന് നാല് പുതിയ ബിഷപ്പുമാരെ വാഴിക്കാനുള്ള തീരുമാനവുമായി മുന്നോട്ട് പോകുന്ന സൊസൈറ്റി ഓഫ് സെന്റ് പയസ് ടെൻത് (SSPX) ഗ്രൂപ്പിന് ലിയോ പതിനാലാമൻ മാർപ്പാപ്പയുടെ അന്തിമ മുന്നറിയിപ്പ്. ഈ നീക്കം കത്തോലിക്കാ സഭയിലെ ഭിന്നത രൂക്ഷമാക്കുമെന്നും, ഇതിൽ പങ്കാളികളാകുന്നവർ സഭയിൽ നിന്ന് പുറത്താക്കപ്പെടാൻ കാരണമാകുമെന്നും വത്തിക്കാൻ മുന്നറിയിപ്പ് നൽകി. എന്നാൽ, പരമ്പരാഗത കത്തോലിക്കാ വിശ്വാസം സംരക്ഷിക്കാനായി തങ്ങൾ ഈ തീരുമാനവുമായി മുന്നോട്ട് പോകുമെന്നാണ് എസ്.എസ്.പി.എക്സ് ഗ്രൂപ്പിന്റെ നിലപാട്. കാസ്റ്റൽ ഗാന്ദോൾഫോയിൽ വെച്ച് സംസാരിക്കവെയാണ് മാർപ്പാപ്പ ഈ കടുത്ത മുന്നറിയിപ്പ് നൽകിയത്. സഭയിലെ ഐക്യം തകർക്കരുതെന്നും വത്തിക്കാന്റെ അനുമതിയില്ലാതെ ബിഷപ്പ് പദവി നൽകുന്നത് കാനോൻ നിയമപ്രകാരം സഭയിൽ നിന്നുള്ള പുറത്താക്കലിന് കാരണമാകുമെന്നും അദ്ദേഹം ഓർമ്മിപ്പിച്ചു. പരമ്പരാഗത ലാറ്റിൻ കുർബാന മാത്രം പിന്തുടരുന്ന ഈ തീവ്ര യാഥാസ്ഥിതിക കത്തോലിക്കാ കൂട്ടായ്മ, തങ്ങളുടെ തത്ത്വങ്ങൾ ഉപേക്ഷിക്കുന്നതിനേക്കാൾ…